[sgmb id=”1″]
Media italiane ka zbardhur mënyrën sesi 43 vjeçari Gasper Reci është ekzekutuar mbrëmjen e djeshme në kryeqytetin e Italisë.
Dëshmitarët kanë treguar se në momentin e vrasjes kanë parë një makinë “Smart” e cila i është afruar 43 vjeçarit.
Po sipas dëshmive, Reci është thirrur nga personat brenda në makiën dhe në momentin që shqiptari ka kthyer kokën, e kanë qëlluar për vdekje.
Po sipas medias italiane, Gasper Reçi ka qenë një person me precedentë penalë, pasi është dënuar për trafik droge.
Ekzekutimi i tij ndodhi në rrugën Simeri Crichi, në Tor Vergana, pak metra larg banesës së 43 vjeçarit nga Shqipëria. Gasper Reçi është qëlluar me 4 plumba dhe pavarësisht ardhjes së ambulancës në vendngjarje, ai nuk ka mundur dot t’i mbijetojë plagëve.
Në shtëpinë e tij ka qenë e bija e cila me të dëgjuar të shtënat ka lajmëruar policinë.
Deri më tani hetimet e policisë së Romës janë shtrirë në disa pista, por kryesore mbetet ajo e pazareve të drogës
