[sgmb id=”1″]
Sipas burimeve një 35-vjeçar nga Durrësi, i vënë në kërkim nga policia, është arrestuar nga efektivët e rendit të qytetit bregdetar.
Shtetasi Afrim Idic 35 vjeç, i cili akuzohet si autor i tre vjedhjeve në lagjet nr.11, 13 dhe 14 të qytetit të Durrësit.
Pas hetimeve të ndërmarra nga policia rezulton se shtetasi i mësipërm dyshohet si autor i vjedhjeve të mëposhtme:
1.Më datë 11.04.2017, në lagjen Nr. 11 dyshohet se ka vjedhur 5 000 lekë në lokalin, Internet – kafe më pronësi të shtetasit F.I. 26 vjeç, banues në Durrës.
- Më datë 28.04.2017, në lagjen Nr.13, Plazh dyshohet se ka vjedhur 1 000 lekë më banesën e shtetases M.B. 63 vjeçe.
3.Më datë 28.04.2017, në lagjen Nr. 14, dyshohet se ka vjedhur një aparat telefoni celular në banesën e shtetases V.K. 46 vjeçe.
Ajo që bie në sy është fakti se Idic ose ka qëlluar i pafat, pasi në shtëpitë dhe bizneset e vjedhura nuk ka gjetur shuma të mëdha lekësh ose objekte me vlerë, ose ai kufizohej vetëm në vjedhjen e “çikërrimave”.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale” Vjedhja” në bashkëpunim parashikuar në nenin 134/ 2 të Kodit Penal.
