Një raport i BE-së ka vënë në dukje se shqiptarët janë duke e ‘pushtuar’ Italinë. Kjo në bazë të numri të të huajve që kanë marrë nënshtetësinë italiane gjatë vitit 2015.
Në bazë të studimit të Eurostat, 19.7 për qind e 178.035 personave që kanë marrë shtetësinë italiane janë shqiptarë, shkruan ANSA.
Pas tyre vijnë marokenët me pak më shumë se 18 për qind e pas tyre me distancë të madhe vijnë rumunët me 8.1 për qind të të huajve që kanë marrë shtetësinë italiane.
Italia gjithashtu rezulton të jetë edhe në vendin e parë në Europë që u ka dhënë shtetësi më shumë emigrantëve.
Në vend të dytë është Anglia, më pas Spanja, Franca dhe Gjermania. Nga të dhënat është parë se në rang evropian ka një rënie të pajisjes së emigrantëve me pasaporta të BE-së, nga viti në vit.
