[sgmb id=”1″]
Gjirokastër.
Goditet një tjetër rast i “Prodhimit dhe shitjes së Narkotikëve”.
Operacion nga Seksioni Kundër Narkotikëve në Drejtorinë Vendore të Policisë Gjirokastër në bashkëpunim me SH.Ç.B.A.
Operacioni mbi bazën e një informacioni nga Linja Jeshile, 08009090, SH.Ç.B.A.
Sekuestrohen 17 thasë me peshë totale 90 kg. lëndë narkotike e dyshuar Cannabis Sativa dhe një arkë me fishekë luftarakë.
Ndalohet një shtetas, si dhe shpallet në kërkim një shtetas tjetër.
Shërbimi për Çështjet e Brendshme dhe Ankensat në Ministrinë e Punëve të Brendshme ka marrë një informacion nga një burim anonim se në lagjen “Pllakë”, Gjirokastër, në banesën e shtetasit H.X., i cili prej dy muajsh jetonte familjarisht në shtetin Grek, kishte lëndë narkotike. Banesa e këtij shtetasi mirëmbahej nga një i afërmi i tij.
Në bazë të këtij informacioni u krye kontroll në këtë banesë.
Si rezultat i operacionit rezultoi se në një nga ambjentet (qilarin) e shtëpisë, u gjet e ambalazhuar në 17 thasë një sasi prej 90 kg. lëndë narkotike Cannabis Sativa dhe një arkë me fishekë.
U bë ndalimi i shtetasit (personi që mirëmbante shtëpinë):
- D., 59 vjeç, banues në lagjen “Puntore”, Gjirokastër.
Si dhe u bë shpallja në kërkim e shtetasit:
H.X. (pronari i shtëpisë).
Materialet i kaluan Prokurorisë Pranë Gjykatës së Shkallës së Parë Gjirokastër për veprat penale “Prodhim dhe shitje të narkotikeve e kryer në bashkëpunim” dhe “Prodhim dhe mbajtje pa leje e armëve luftarake dhe municionit e kryer në bashkëpunim” të parashikuar nga nenet 283/2 dhe 278/2 të Kodit Penal.
