[sgmb id=”1″]
Një person është arrestuar në rrugën e famshme ‘Whitehall’, rrugë kjo që është afër ndërtesës së Parlamentit të Britanisë së Madhe në Londër.
BBC raporton se arrestimi ka ndodhur pas një incidenti që ndodhi në këtë rrugë, ndërkohë që një dëshmitar ka thënë se në vendin e ngjarjes ka parë dy thika, një prej të cilave ishte thikë e madhe e bukës
Përmes një komunikate, Policia londineze ka bërë të ditur se nga incidenti nuk është lënduar askush.
Ndërkaq, raportohet se ndërtesa e Parlamentit dhe disa godina përreth janë izoluar nga Policia.
Fotografitë kanë treguar një prezencë të madhe të forcave të sigurisë në atë vend.
