[sgmb id=”1″]
Faqja zyrtare e internetit e Koresë së Veriut paralajmëroi sot se Pheniani do ta fshijë Amerikën nga faqja e dheut nëse Uashingtoni fillon një luftë në gadishullin korean.
E gjitha kjo erdhi pasi Mike Pence zëvendës-presidenti amerikan tha se forcat amerikane do të stërviten në ujërat në afërsi të gadishullit korean.
Thuhet se Koreja e Veriut nuk posedon teknologjinë që do të mundësonte lëshimin e ndonjë rakete për të arritur në SHBA, por vetëm këtë muaj ata kanë kryer dy testime të raketave.
Kërcënime të tilla nuk mund të na frikësojnë. Kurrë nuk do të kenë sukses me Korenë e Veriut”, shkruan revista koreane Rodogon sot.
Një ditë më parë u njoftua se forcat revolucionare të Koresë së Veriut ishin gati të luftojnë me aeroplanmbajtëset amerikane.
Provokimi i radhës nga Koreja u llogarit pas shënimit të 85-vjetorit të themelimit të ushtrisë koreane të martën, ku u ekspozuan armatimet e rënda të Koresë.
Retorika e ashpër nga Koreja e Veriut ashpërsohet kur SHBA dhe Koreja e Veriut mbajnë stërvitje të përbashkëta ushtarake, pasi që shihen si provokime për sulme.
SHBA ditë më parë ka deklaruar se për ata të gjitha opsionet janë në tavolinë, përfshirë edhe luftën.
Ç’do të ndodhë më tej?
