[sgmb id=”1″]
Ish-shefi i sektorit të Krimit Ekonomik në Policinë e Tiranës, Ervin Dalipaj kishte marrë mesazhe kërcënuese për hakmarrje pas vrasjes së Gazmend Çollakut. Për këtë arsye ai kishte marrë masa.
Dalipaj, kishte filluar t’i ndruhej një hakmarrjeje të mundshme, pas dërgimit të disa mesazheve në familjen e tij, se do hakmerreshin për gjakun e Gazmend Çollakut, shkruan “Shqiptarja.com”.
Frika nga hakmarrja atij i është shtuar akoma dhe më tepër, kur në Durrës persona të paidentifikuar kanë sulmuar me kallashnikov banesën e Denis Shtrazajt, duke lënë një fëmijë të plagosur.
Prej kësaj dite, Dalipaj ka filluar të marrë masa, ku gruan dhe vajzën e tij 7-vjeçare e ka çuar në Elbasan, te prindërit e nuses. Ndërkohë që vetë qëndronte i fshehur në banesa të ndryshme të mara me qira dhe hotele, si në Vlorë, Tiranë dhe zona periferike të Durrësit.
Dalipaj kurrë se ka pranuar vrasjen e Çollakut duke pohuar se në dosje ishin manipuluar provat hetimore.
Por çfarë ka ndodhur? Vrasja e Gazmend Çollakut u krye në vazhdën e një seri krimesh në qytetin e Durrësit, ku disa prej tyre janë ende të pazbardhura.
