DUKATIT Nga Edviol Kulluri
Qershori nëntëmbëdhjetë,
ç’i mblodhi “trimat me fletë”
……
Ngjarja u bë lajm i parë,
eventi s’kishte të sharë
O DUKAT O RRËNJËDALË
TË KANË LIDHUR NË DHËMBALLË!
U betuan lart me dorë
Vendit do t’i vëmë kurorë
Punoni djem të sinqertë
Për ne jeni pre e lehtë
O DUKAT O RRËNJËDALË
TË KANË LIDHUR CA ZAGARË!
Ju harxhoni pasurinë
Ne montojmë makinerinë
Ju veten sakrifikoni
Ne ju kthejmë tek tolloni
O DUKAT O RRËNJËDALË
TË DUKET GJARPRI SI NGJALË!
Luftoni o djem luftoni
Për ne terrenin pastroni
Kërkoni prona kërkoni
PS-në në pushtet ta çoni
O DUKAT O RRËNJËDALË
DIL SE KE DJEMTË NË MAL!
Arrogantë e diktatorë
i bënë djemtë me zor
ata që drejtuan lehtë
luftën në male të qetë
O DUKAT O RRËNJËDALË
SHKRINË FIS E KAPITAL!
Partisë Demokratike
Të djathtës tonë “historike”
Që përpiqet për karrige
Ju duk punë satirike
O DUKAT O RRËNJËDALË
SHPËRTHE SI DETI ME VALË!
Njëzeta dhe dyzet e treshi
Për liri armët t’i veshi
Qershori nëntëmbëdhjetë
Të bëri përsëri mbret
O DUKAT O RRËNJËDALË
VEPRO SHPEJT E JO NGADALË!
O burra në ende ka
Mos rrihni ujë në hava
Vlerat njihni vlerësoni
Të drejtët i respektoni
O DUKAT O RRËNJËDALË
NGRIHU PRAPË E MOS U NDAL!
SHQIPËRI MOJ NËNA JONË
JA MËNGJESI PO AGON!
