Votime Sondazhe

[sgmb id=”1″]

Zëdhënësi i qeverisë franceze, Christophe Castaner përshëndeti fitoren e kancelares Angela Merkel, por ka shprehur shqetësim me rritjen e ekstremit të djathtë, siç e quajti “e krahu të dhunshëm”.

”Fillimisht duhet përshëndetur fitorja e Angela Merkel. Është e katërta dhe në Francë kur konstatohet që një drejtues qeverie të fitojë katër herë radhazi mbetet një fakt mjaft për t’u admiruar”, deklaroi zëdhënësi i qeverisë franceze për mediat RMC dhe BFMTV.

“Më pas, po konstatohet që kjo fitore është e hidhur. Të lë një shije të hidhur, pasi po konstaton rritjen e një ekstremi të djathtë mjaft të dhunshëm, mjaft të ashpër, mjaft radikal aq më tepër kur bëhet fjalë për Gjermaninë. Është një fakt që lë gjurmë”, shtoi Castaner.  Partia e së djathtës nacionaliste, AFD, regjistroi të dielën një fitore historike për një lëvizje të këtij formati në zgjedhjet gjermane, duke thyer një tabu në këtë shtet i gjendur përballë një sfide të re, sipas deklaratave të Angela Merkel.

[sgmb id=”1″]

Kancelarja gjermane, Angela Merkel, është rizgjedhur për mandantin e katërt, derisa nacionalistët kanë shënuar rritje historike në zgjedhjet federale.

Blloku konservator i Merkelit CDU/CSU ka fituar 33 përqind të votave, duke shënuar rezultatin më të keq në gati 70 vjet, por do të mbetet më i madhi në parlament.

Partneri aktual i koalicionit, SPD, tha se do të kalojë në opozitë, pas humbjes historike me 20.5 përqind të votave.

Partia nacionaliste AfD ka dalë e treta me 12.6 përqind të votave, duke fituar për herë të parë ulëse në parlament.

Rritja e AfD-së, parti anti-islamike e ekstremit të djathtë, ka shkaktuar protesta në Gjermani.

Dhjetëra njerëz janë mbledhur para selisë së AfD-së në Berlin, me thirrjet: “Refugjatët janë të mirëpritur”.

Protesta ka pasur edhe në Frankfurt dhe Këln.

[sgmb id=”1″]

Deri tash i mbrojtur nga ekstremizmi dhe populizmi i djathtë, vendi më i fuqishëm i Bashkimit Evropian me këto zgjedhje parlamentare ka treguar se nuk mund të mbetet ishull i stabilitetit në një botë që po ndryshon në mënyrë dramatike.

Pavarësisht papunësisë së ulët, pavarësisht rritjes së qëndrueshme ekonomike, pavarësisht suficitit buxhetor, pavarësisht stabilitetit pothuajse të bezdisshëm… Gjermania të dielën u bë një nga shtetet e BE-së ku ekstremistët djathtë do të jenë në Parlament.

Lajmi kryesor i zgjedhjeve për Bundestagun është se me 13 për qind të votave – sa i fitoi Alternativa për Gjermaninë (AfD) – djathtistët kanë tërhequr më shumë se një milion votues demokristianë, duke përdorur veç politikat anti-emigracion dhe anti-islam. Për AFD-në dihet se për çfarë janë kundër, por tek me punën opozitare në Bundestag do të dihet se për çfarë janë për. Për shembull, si do votojnë për reformën e sistemit të pensioneve, duke pasë parasysh faktin se partia nuk ka qëndrim të unifikuar për çështjen, siç tha në fushatë kandidati i tyre kryesor, Alexander Gauland, transmeton Telegrafi.

Po ashtu, do të jetë interesante të dihet nëse përditshmëria parlamentare do të urtësojë 80 anëtarët e AfD-së – në mesin e të cilëve ka revizionistë famëkeq dhe neonazistë të maskuar keq – apo do të vazhdojë marshimi i suksesshëm i ndryshimeve radikale të skenës politike gjermane. Gauland sonte njoftoi se detyra e tyre kryesore do të jetë “gjahu në të”, pra në Merkelin.

Kancelarja ka humbur 8-9 për qind të votave në raport me zgjedhjet e mëparshme, por mbetet ende në pushtet. Merkel ashiqare është dobësuar, por ende është e pashmangshme. Atë e pret detyra e vështirë për koalicionin qeverisës, i cili nuk mund të llogarisë te socialdemokratët të cilët me 20 për qind të votave kanë përjetuar përmbysje historike për çka duan të shkojnë në opozitë. Kjo është gjë e mirë për ta dhe për demokracinë gjermane, sepse në Gjermani – që nga viti 2005 – ka dominuar një koalicion i madh i zi dhe i kuq që nuk ishte i mirë për vendin, gjë që i dha hapësirë AfD-së. Merkel pra duhet të shkojë në koalicion me FDP-në liberale dhe Të Gjelbrit që kanë më shumë vota se katër vjet më parë dhe të cilët tash kanë apetite më të mëdha. Raportet e tilla në Gjermani quhen Koalicioni-Xhamajka, sipas ngjyrave të partive që bashkë janë si ngjyrat e flamurit të Xhamajkës: kuq, verdhë dhe gjelbër. Të gjithë që tani po paralajmërojnë biseda të vështira për koalicion.

Derisa qëllimi i parë i CDU-së dhe partisë simotër bavareze CSU është të kthejnë votat që i ka marrë AfD-ja, FDP dhe Të Gjelbrit kanë qëllim ndalimin e një programi konservator qeveritar. Në fakt, të dyja këto të fundit duan ndryshime, për çka Merkel në mandatin e katërt mund të jetë kancelare e paradave, sepse partnerët janë ata që do të caktojnë rendin e ditës.

Për socialdemokratët nuk ka diçka të veçantë, pos që qëndrimi në opozitë mund t’i ndihmojë nga rënia edhe më e madhe. Qendra e majtë sot nuk është pozita që mund të kthejë socialdemokratët e BE-së së sotme në pushtet apo në rezultate më të mira, prandaj Martin Schulzi dhe kolegët e tij është mirë të studiojnë politikat e laburistëve të Jeremy Corbynit në Britani të Madhe dhe të kryeministrit socialist të Portugalisë, Antonio Costa.

[sgmb id=”1″]

Kancelarja gjermane, Angela Merkel i bëri sot kërkesë partisë së saj konservatore që të përpiqen të afrojnë votuesit e pavendosur, ndërkohë që zgjedhjet fillojnë nesër.

Gjatë një fjalimi në një miting të partisë KristianDemokrate (CDU) në Berlin, Merkel tha se “qëllimi është që të arrihet numri i lartë i votuesve të pavendosur të cilët marrin vendimin e tyre vetëm në orët e fundit”.

Sipas një sondazhi që u publikua sot nga gazeta “Bild”, 45 për qind e gjermanëve do të zgjidhnin Merkel si kancelare, përballë 32 për qind që do të zgjidhnin rivalin e saj, liderin e Partisë Socialdemokrate (SPD), Martin Schulz.

Katër javë më parë i njëjti sondazh tregonte se përballja Merkel dhe Schulz ishte në nivelet, respektivisht, 51 për qind kundër 22 për qind.