[sgmb id=”1″]
Francesco Totti i dha lamtumirën Romës dhe karrierës së tij si futbollist me një fjalim emocionues, i hutuar tha: “Jam i frikësuar, kam nevojë për ndihmën tuaj. Nuk jam gati të them që ka përfunduar gjithçka”.
Kështu e nisi fjalimin e tij kapiteni legjendar, i cili i dha lamtumirën pas fitores 3:2 në “Olimpico” ndaj Genoas, fitore kjo që e dërgon Romën direkt në fazën e grupeve të Ligës së Kampionëve.
“Momenti ka ardhur. Fatkeqësisht momenti ka ardhur, moment që shpresoja se nuk do të vijë kurrë”, tha Totti i përlotur.
“Momenti erdhi. Fatkeqësisht, momenti që shpresoja të mos arrinte kurrë erdhi. Gjatë ditëve të fundit më keni thënë shumë gjëra të mrekullueshme. Po më jepni përkrahje në momente kaq të vështira andaj shumë faleminderit të gjithëve”, ka thënë ai në fjalimin e tij para tifozëve.
“Kam qarë, sikur i çmendur! Nuk mund të harroni 25 vjet si këto. Nuk mund të flas shkurt për 28 vjet. Do të doja ta bëja me një këngë apo poezi, por s’jam i mirë në to. Jam përpjekur të përshëndetem me këmbët e mija, sepse kjo më dukej më lehtë”.
“Më vjen keq nëse gjatë kohëve të fundit s’kam qartësuar mendimet e mija, por nuk ishte e lehtë të largohem. Tani po frikësohem. Është sikurse kur je para golit kur ke për të gjuajtur penaltinë. Këtë herë nuk po shoh se çfarë po më pret në të ardhmen. Këtë herë kam nevojë për ju dhe përkrahjen tuaj. Atë që më keni dhuruar gjithmonë. Të lindësh romak është privilegj. Të jesh kapiten i këtij ekipi është nder”, ka deklaruar ai.
“Ishte nder të jem kapiten i këtij klubi. Jeni dhe gjithmonë do të jeni në pjesë e jetës sime. Megjithëse tashmë nuk do të bëjë atë që kam bërë në fushë, zemra ime gjithmonë do të jetë me ju. I lumtur dhe krenar që kam shpenzuar 28 vite të jetës time në Roma, ju dua”, përfundoi Totti.
786 ndeshje, 307 gola, 123 asiste, 71 penalti, 58 paraqitje për Italinë, 40 vjeçar, 25 sezone, 20 trajner, 3 dekada, një klub, Mbreti i Romës, ky është Francesco Totti.
https://youtu.be/hXKlUGFj-ZY
