Sport

[sgmb id=”1″]

Presidenti i Federatës Shqiptare të Futbollit, Armand Duka, ka dhënë dje një përgjigje për të gjitha temat aktuale në lidhje me enigmat rreth trajnerit të ri të Kombëtares, vendimet e Komitetit Ekzekutiv si dhe çështjes së stadiumit ku do të luhet ndeshja e Kombëtares kundër Maqedonisë. Në një intervistë për “SuperSport”, numri një i institucionit të futbollit ka komentuar edhe dënimin e Skënderbeut.

“Unë, zëvendëspresidenti dhe ai që mbulon çështjet teknike në KE, Jera, kemi arritur në një listë pak a shumë të shkurtër. Marrëdhëniet financiare të propozuara për të gjitha kandidaturat janë pranuar. Kemi bërë intervista me ata që e kanë bërë diçka të tillë. Të gjithë janë emra të spikatur të botës së futbollit. Ka një grup me pesë emra trajnerësh me shumë eksperiencë dhe me më pak emër në futbollin e luajtur.

Kemi edhe një tjetër grup me trajnerë me më shumë emër në futbollin e luajtur, por me pak eksperiencë në drejtim. Jemi në momentin ku duhet të vendosim mes dy grupeve. Nëse zgjedhim me më pak eksperiencë, por me emër të madh, ka të mirat, sepse mbase ka më shumë ego dhe autoritet, por dhe eksperienca është e rëndësishme”.

PROJEKTI I KOMBËTAREVE

“Ua kemi paraqitur edhe kandidaturave që do të marrin drejtimin e Kombëtares. Duam maksimumin në këto katër ndeshje, por me synimin për t’u përgatitur për EURO 2020. Kemi paraqitur kontratë dy vjet e gjysmë pa kushte, por me këtë objektiv.

Duam maksimumin në 4 ndeshje, për klasifikimin, për renditjen në FIFA, për moralin dhe për vetë spektatorin që e do ekipin me rezultate pozitive. Katër ndeshjet e mbetura vlejnë edhe për ta përgatitur ekipin për edicionin e ardhshëm që do të marrë pjesë në dy kompeticione: Në ‘Nations League’ dhe në kualifikueset e ‘Euro 2020’, të cilat të dyja të çojnë në finalet e Europianit”.

MAQEDONI-SHQIPËRI

“Ne e kemi kundërshtuar faktin që duhet të luajmë atje. Sipas informacioneve që kemi, është stadium i papërshtatshëm që nuk ofron kushte sigurie dhe nuk na bind që në Shturmicë qeveria apo federata maqedonase jep më shumë siguri sesa në Shkup. Ne mendojmë që në Shkup ka më shumë siguri, pasi është kryeqyteti i vendit, ka stadium më të kontrollueshëm dhe më të organizuar.

Aq më shumë ka edhe më tepër spektatorë, pasi është ndeshje me shumë interes nga të dyja tifozëritë. Ne e kemi kundërshtuar, por nuk është kompetencë e jona për të vendosur. Me një shkresë të mëparshme kundërshtuam kur u hodh si ide që do të ishte Shturmica. Më pas na u tha se, nëse Federata Maqedonase do të plotësojë disa kushte, ndeshja do të luhet atje.

Së fundmi, me këto argumente, i kemi shkruar edhe një letër presidentit të UEFAs: Ne nuk besojmë që në Shtrumicë ka më shumë siguri për ekipin apo spektatorët. Gjithashtu, edhe kapaciteti dhe kushtet që ka stadiumi. Në fund do të zbatojmë vendimin që do të marrë UEFA”.

KOMISIONI I ETIKËS

“Komisioni i Etikës është marrë gjatë me hetimin e akuzave që kanë ekipet në kampionatin shqiptar për trukimet. Nuk ka qenë vetëm Skënderbeu, por edhe ekipe të tjera. Ka marrë masa herë pas here. Kjo ka qenë çështja më e përfolur dhe që ka marrë më shumë kohë. Është vendim që të gjithë duhet ta respektojmë, pavarësisht nëse nuk jemi të kënaqur apo dakord me atë. Uroj që të jetë viti zero dhe që kjo gjë të mos ndodhë më në futbollin shqiptar. Fenomeni i trukimit ka ardhur drejt eliminimit”.

TITULLI KAMPION

“Nuk e di se ç’do të ndodhë, pasi s’e di se ç’parashikojnë rregullat. Nuk është zbardhur akoma vendimi i Komisionit të Etikës për të parë pastaj një interpretim juridik. A është thjesht penalitet dhe ai kampionat do të mbetet pa fitues, apo dikush tjetër duhet të jetë fitues?! Mbetet që organet kompetente të federatës ta përcaktojnë”.

SHPËRBLIMET DHE SPONSORI

“Do të merret parasysh kërkesa e klubeve dhe do të diskutohet në mbledhjen tjetër, por sesa nuk e dimë. Do të vendoset para nisjes së sezonit për rritjen e shpërblimeve për kampionët. Sponsor për kampionatin? Në objektivat tonë është krijimi i Ligës Profesioniste, për të cilën do të ketë një mbledhje me klubet brenda muajit korrik dhe uroj që të kemi një zgjidhje. Më pas, të jetë Liga vetë që të saktësojë sponsorin gjeneral”.

[sgmb id=”1″]

UEFA ka vendosur që ndeshja mes Maqedonisë dhe Shqipërisë të luhet jashtë Shkupit, pikërisht në një qytet sa më larg komunitetit shqiptar, në Strumicë.
Një vendim që favorizon ndjeshëm vendasit në aspektin e mbështetësve, e që ka detyruar FSHF-në të bëjë notë proteste në UEFA për këtë vendim, por këtë herë organi më i lartë i futbollit evropian nuk ka treguar as minimumin e disponibilitetit për ta diskutuar këtë vendim, pavarësisht se Federata Shqiptare ka pasur të drejtë.

“Kemi marrë një përgjigje nga zv.sekretari i Përgjithshëm i UEFA-s, i cili na tha se ndeshja do të luhet në Strumicë, pavarësisht se ai stadium nuk i plotëson kushtet minimale sportive. Por në një ndeshje si kjo, me nivel rrezikshmërie të lartë, më shumë rëndësi ka siguria. Ne kemi bërë kërkesa, por në fund të fundit është vet UEFA që vendos për të tilla çështje”, tha Denis Bastari, drejtor administrativ në FSHF.

Hera e fundit që përfaqësuesja maqedonase nuk ka luajtur në stadiumin “Filipi i II” në Shkup, ka qenë miqësorja me Shqipërinë e zhvilluar në Prilep në vitin 2011.

Gjithsesi, pas gjithë këtyre situatave të krijuara, për kombëtaren shqiptare ka edhe një lajm të mirë. Tifozeria kquezi do të jetë e pranishme në Strumicë, me rreth 400 bileta, pasi kaq është 5%-shi i kapacitetit të këtij stadiumi.

“Bashkë me konfirmimin e fundit për zhvillimin e ndeshjes, na është konfirmuar nga UEFA se do të lejohen tifozët shqiptarë që të marrin pjesë në këtë ndeshje. Pra do të na lejohet 5%, që është parashikuar në rregullore, që përkon me rreth 450 tifozë në raport me kapacitetin që ka ai stadium”, tha Denis Bastari.

Ndeshja mes Maqedonisë dhe Shqipërisë, e vlefshme për kualifikueset e Botërorit “Rusi 2018”, është parashikuar për t’u zhvilluar në datën 5 shtator.

[sgmb id=”1″]

UEFA ka vendosur që ndeshja mes Maqedonisë dhe Shqipërisë të luhet jashtë Shkupit, pikërisht në një qytet sa më larg komunitetit shqiptar, në Strumicë.

Një vendim që favorizon ndjeshëm vendasit në aspektin e mbështetësve, e që ka detyruar FSHF-në të bëjë notë proteste në UEFA për këtë vendim, por këtë herë organi më i lartë i futbollit europian nuk ka treguar as minimumin e disponibilitetit për ta diskutuar këtë vendim, pavarësisht se Federata Shqiptare ka pasur të drejtë.

“Kemi marrë një përgjigje nga zv.sekretari i Përgjithshëm i UEFA-s, i cili na tha se ndeshja do të luhet në Strumicë, pavarësisht se ai stadium nuk i plotëson kushtet minimale sportive. Por në një ndeshje si kjo, me nivel rrezikshmërie të lartë, më shumë rëndësi ka siguria. Ne kemi bërë kërkesa, por në fund të fundit është vet UEFA që vendos për të tilla çështje”, tha Denis Bastari, drejtor administrativ në FSHF.

Hera e fundit që përfaqësuesja maqedonase nuk ka luajtur në stadiumin “Filipi i II” në Shkup, ka qenë miqësorja me Shqipërinë e zhvilluar në Prilep në vitin 2011. Gjithsesi, pas gjithë këtyre situatave të krijuara, për kombëtaren shqiptare ka edhe një lajm të mirë. Tifozeria kquezi do të jetë e pranishme në Strumicë, me rreth 400 bileta, pasi kaq është 5%-shi i kapacitetit të këtij stadiumi.

“Bashkë me konfirmimin e fundit për zhvillimin e ndeshjes, na është konfirmuar nga UEFA se do të lejohen tifozët shqiptarë që të marrin pjesë në këtë ndeshje. Pra do të na lejohet 5%, që është parashikuar në rregullore, që përkon me rreth 450 tifozë në raport me kapacitetin që ka ai stadium”, tha Denis Bastari.

Ndeshja mes Maqedonisë dhe Shqipërisë, e vlefshme për kualifikueset e Botërorit “Rusi 2018”, është parashikuar për t’u zhvilluar në datën 5 shtator.

[sgmb id=”1″]

Një sukses i jashtëzakonshëm i boksierit shqiptar Kristian Prenga, që e nxjerr kundërshtarin meksikan jashtë luftimit brenda 58 sekondave.

Ndeshja u zhvillua mbrëmë në Niagara Falls, Kanada, në kuadrin e Falls Series të organizuara nga kompania e boksit Global Legacy Boxing me partnerë Les Woods dhe ish-kampionin botëror të peshave të rënda Lennox Lewis.

Disa qindra shqiptarë në sallën e mbushur plot shpërthejnë në brohoritje për idhullin e tyre. Kristian Prenga nuk i ka dhënë asnjë shans kundërshtarit në kick-box, duke vijuar me sukseset e tij, aq më tepër që kjo ndeshje u zhvillua në Kanada, afër Amerikës, aty ku ndeshen boksierët më të famshëm të botës.

https://youtu.be/2xxjsEhzlYE

[sgmb id=”1″]

Prej datës 14 qershor Kombëtarja shqiptare është pa trajner. Largimi i menjëhershëm i Xhani De Biazit dhe zgjidhja e kontratës me Federatën Shqiptare të Futbollit e futi Shqipërinë në një situatë të pakëndshme.

Është mesi i eliminatoreve të Botërorit dhe pavarësisht faktit që kualifikimi është mision i pamundur, një situatë e ngjashme i kishte ndodhur rrallë Shqipërisë.

Federata u gjend disi e papërgatitur dhe pa një plan B, edhe pse në ajër kuptohej që nuk do të vazhdonte për shumë kohë bashkëjetesa me italianin.

[sgmb id=”1″]

Tashmë është zyrtare: ndeshja kualifikuese e Botërorit ndërmjet Maqedonisë dhe Shqipërisë më 5 Shtator do të luhet në Strumicë. Ndërsa lajmi pritet të zyrtarizohet nga Federata Maqedonase, ai është konfirmuar paraprakisht nga gazeta “Makedonski Sport”.

Sipas të përditshmes, UEFA pranoi kërkesën e bërë nga FFM, duke aprovuar zhvillimin e ndeshjes kualifikuese në Strumicë, që është qyteti më i largët lindor nga Shqipëria dhe ndodhet pranë kufirit me Bullgarinë.

Ky është qyteti ku ka lindur kapiteni i maqedonasve, Goran Pandev, ndërsa të enjten që kaloi në stadiumin “Mladost” luajti edhe Shkëndija e Tetovës, që fitoi 3-0 përballë Dacias në turin e parë kualifikues të Europa League.

Në këtë mënyrë, realizohet ideja 2-vjeçare e maqedonasve, që prej hedhjes së shortit dhe pozicionimit në Grupin G kualifikues përkrah Shqipërisë, tentuan ta spostonin duelin me kuqezinjtë jashtë Shkupit.

Edhe pse maqedonasit fshihen pas argumentit se kështu po promovojnë futbollin dhe ekipin përfaqësues edhe në zonat e largëta, vendimi shihet më tepër si një mënyrë për të penalizuar tifozët shqiptarë.

Nëse ndeshja do të luhej normalisht në Shkup, nuk do të kishte dyshime që stadiumi do të mbushej me ngjyrat kuqezi. Por, me spostimin në Strumicë, një krahinë sllave dhe ku nuk ka shqiptarë, maqedonasit synojnë të kufizojnë sa më tepër që të jetë e mundur numrin e mbështetësve për ekipin mik.

Megjithatë, ashtu si ka ndodhur në çdo cep të botës ku Kombëtarja ka luajtur, tifozët kuqezi do të jenë aty, në mbështetje të Shqipërisë!