Shendetesi

Ministria e Shëndetësisë dhe Mbrojtjes Sociale publikoi situatën e COVID19 në 24 orët e fundit.

Janë kryer 3307 testime dhe kanë rezultuar pozitivë 707 qytetarë.

Aktualisht në 4 spitalet COVID, po trajtohen 268 pacientë, 29 në terapi intensive nga të cilët 4 pacientë janë të intubuar.

Fatkeqësisht me gjithë përpjekjet e mjekëve 4 qytetarë nuk e kanë fituar betejën me COVID19: 2 qytetarë nga Tirana, 1 qytetare nga Lushnja, 1 qytetar nga Fieri, të moshave 76-89 vjeç.

Ministria e Shëndetësisë dhe Mbrojtjes Sociale: Situatën e COVID19 në 24 orët e fundit si vijon:

Janë kryer 3307 testime dhe kanë rezultuar pozitivë 707 qytetarë. Rastet pozitive të konfirmuara janë identifikuar në këto bashki: 267 raste në Tiranë, 53 raste në Durrës, 34 raste në Elbasan, 30 raste në Vlorë, 22 raste në Berat, 20 raste në Fier, 19 raste në Lezhë, 18 raste në Sarandë, 17 raste në Shkodër, 16 raste në Korçë, 15 raste në Lushnje, 13 raste në Pukë dhe në Librazhd, 12 raste në Krujë, Kurbin, 11 raste në Kukës dhe Kamëz, 9 raste në Gjirokastër dhe Delvinë, 8 raste në Mallakastër, Shijak, Kuçovë,7 raste në Kavajë, Pogradec, Dibër, 5 raste në Gramsh, Vorë, Mat, 4 raste në Vau i Dejës, Belsh, Malësi e Madhe, Cërrik, 3 raste në Divjakë, Prrenjas, Bulqizë, Peqin, Konispol, 2 raste në Tropojë, Skrapar, Patos, Poliçan, 1 rast në Has, Mirditë, Tepelenë, Ura Vajgurore, Selenicë, Roskovec, Memaliaj.

Në 24 orët e fundit janë shëruar 439 qytetarë, duke e çuar numrin e të shëruarve 38,860 që nga fillimi i epidemisë.

Aktualisht në 4 spitalet COVID, po trajtohen 268 pacientë, 29 në terapi intensive nga të cilët 4 pacientë janë të intubuar.

Fatkeqësisht me gjithë përpjekjet e mjekëve 4 qytetarë nuk e kanë fituar betejën me COVID19: 2 qytetarë nga Tirana, 1 qytetare nga Lushnja, 1 qytetar nga Fieri, të moshave 76-89 vjeç.

Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve.

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. Telefononi në linjën e gjelbër 0800 40 40 për të mësuar mjekun tuaj të familjes dhe për të kontaktuar me të. Gjithashtu, telefononi në numri unik 127 i Urgjencës Kombëtare mund të telefononi kur dyshoni se keni shenja të sëmundjes dhe duhet të kryeni testimin për COVID19 apo nëse keni nevojë për trajtim të specializuar spitalor në spitalet COVID.

COVID-19 – Statistika (13 Janar 2021)

Raste të reja ditore 707

Të shëruar në 24 orë 439

Të shtruar në spitale 268

Humbje jete në 24 orë 4

Testime ditore 3307

Testime totale 300,413

Raste pozitive 65,334

Raste të shëruara 38,860

Raste Aktive 25,218

Humbje jete 1256

Shpërndarja gjeografike e rasteve aktive sipas qarqeve:

Tiranë 14542

Fier 1819

Shkodër 1384

Durrës 1363

Lezhë 998

Vlorë 1028

Korçë 934

Elbasan 968

Berat 812

Dibër 536

Gjirokastër 461

Kukës 373

Dhimbjet e mesit janë të zakonshme në pjesën më të madhe të njerëzve.

Dhe arsyet janë nga më të ndryshmet, kryesorja qëndrimi për një kohë të gjatë ulur.

Për të lehtësuar sado pak dhi mbjet e mesit, mund të konsumoni një pijë me produkte bimore.

Përbërësit për Çajin e Sha franit të Indisë:

Ujë të pijshëm

Shafran Indie pluhur

Lëng limoni

Mjaltë

Si ta përgatisni.

Në një ibrik çaji hidhni katër gota me ujë dhe pasi të ketë zier shtoni një gjysëm luge me shafran pluhur.

Lëreni të ziejë për 10 minuta dhe më pas hiqeni çajnikun nga zja rri. Përpara se ta konsumoni duhet ta filtroni lëngun, të cilit mund t’i hihni edhe mjaltë. /noa.al/

Stili i jetesës ka bërë që disa probleme me shëndetin të jenë më të përhapura te njerëzit, në krahasim me të kaluarën.

Një ndër to ka të bëjë me zorrën e trashë, njohur në gjuhën popullore si kapsllëku.

Mjekët sugjerojnë që të konsumoni disa lloje lëngjesh për të përmirësuar lëvizjen e zorrës.

Lëng ananasi

Ananasi është një frut që është i mbushur me veti që ndihmon në përmirësimin e shëndetit tuaj të tretjes. Ai përmban një enzimë të quajtur bromelain, e cila mund të ndihmojë në përmirësimin e lëvizjeve të zorrëve.

Lëngu i mollës

Një mollë në ditë mund të mbajë larg kapsllëkun. Ky frut i mrekullueshëm është i pasur me fibra, minerale dhe vitamina që mund të ndihmojnë në parandalimin e kapsllëkut.

Lëng portokalli

Ky lëng i shijshëm është e pasur me vitaminë C, minerale dhe fibra distike, të gjitha këto ndihmojnë në mbajtjen e ujit dhe ndihmojnë në stimulimin e lëvizjes së zorrëve.

Lëng limoni

Limonët janë një burim i shkëlqyeshëm i vitaminës C dhe fibrave, të dyja këto janë të shkëlqyera për kapsllëkun. /noa.al/

Rritja e aktivitetit fizik dhe marrja e ushqimeve në mënyrë të balancuar, janë këshillat kryesore që mjekët japin për eliminimin e problemit

Mëlçia e dhjamosur është grumbullimi i yndyrave në qelizat e mëlçisë. Kjo është një nga arsyet, më të shpeshta, që në rezultatet laboratorike dhe në testet rutinë të bëra, rezulton me rritje të enzimave të mëlçisë. Mëlçia është shumë aktive në zbërthimin dhe shpërndarjen e yndyrave. Ajo i përthith ato nga qarkullimi i gjakut, i ripërpunon dhe pastaj i sekreton dhe i shpërndan në forma të ndryshme.

Një çrregullim i balancave midis krijimit, djegies dhe sekretimit të yndyrave, krijon procesin e depozitimit të tyre në qelizat e mëlçisë dhe, si pasojë, kemi dhjamosjen e saj. Kur dhjamosja shoqërohet edhe me inflamacion, atëherë kemi paraqitjen e sëmundjes së steatohepatitit, që mund të jetë alkoolike ose jo alkoolike. Çfarë duhet bërë në këto raste? Më poshtë gjenden këshilla profesionale nga mjeku i mirënjohur gastrohepatolog, Altin Cekodhima, dhe ndalet te pacientët që konstatojnë dhjamosje të mëlçisë gjatë vizitave mjekësore.

Sëmundja

Mëlçia e dhjamosur është grumbullimi i yndyrave në qelizat e mëlçisë. Ndryshe quhet hepatosteatoza ose steatoheoatitis. Për mëlçinë është normale të përmbajë disa yndyra. Kur sasia e tyre përbën më shumë se 5-10% të peshës së mëlçisë, atëherë mëlçia juaj është e dhjamosur. Shpeshherë, nuk ka simptoma për vite me radhë, ndërsa dëmtimet janë në proces të vazhdueshëm. Njerëzit mësojnë se kanë mëlçi të dhjamosur gjatë ekzaminimeve për probleme të tjera mjekësore. Yndyrat mund të dëmtojnë mëlçinë për vite ose dekada me radhë, pa shkaktuar probleme të dukshme. Kur dëmtimet bëhen të rënda ose serioze, shkaktojnë lodhje, dobësi trupore, rënie në peshë dhe konfuzion. Mëlçia është organi më i madh i trupit. Ajo kryen funksione të shumta dhe, shpesh, nuk jep shenja paralajmëruese kur është e sëmurë, deri në stadet e avancuara të sëmundjes. Prevalenca e paraqitjes ndryshon në shumë vende të botës dhe Europës. Në Europë, prevalenca e steatozës (dhjamosjes) jo alkoolike, është për 20­30% të popullatës së përgjithshme dhe 3­12% të popullatës pediatrike, kurse steatohepatiti (inflamacioni i mëlçisë), mendohet të jetë rreth 4% në popullatën e përgjithshme.

Shkaqet

Janë një sërë situatash të ndryshme, ilaçe dhe lëndë toksike (helmuese), që shkaktojnë dhjamosje të mëlçisë. Ngrënia e ushqimeve hiperkalorike shkakton depozitim të yndyrave në mëlçi. Situata të caktuara si mbipesha, diabeti dhe trigliceridet e larta, shkaktojnë dhjamosje të mëlçisë. Pacientët më të rriskuar për të patur dhjamosje të mëlçisë, janë ata të moshës së mesme dhe personat mbipeshë. Disa njerëz sëmuren nga dhjamosja e mëlçisë, pa patur asnjë nga situatat e sipërpërmendura.

Konstatimi

Mëlçia e dhjamosur mund të diagnostikohet me analiza gjaku dhe me biopsi të mëlçisë. Është një nga arsyet më të shpeshta, për një rritje të lehtë të niveleve të enzimave të mëlçisë. Imazhe speciale të marra prej ekos, skanerit dhe rezonancës magnetike, mund të sugjerojnë për dhjamosje të mëlçisë, por biopsia është e nevojshme për ta konfirmuar atë. Biopsia është teknika e marrjes së disa qelizave prej mëlçisë, – procedurë e cila kryhet me age të veçantë. Më pas, qelizat e marra ekzaminohen me mikroskop nga mjeku specialist.

Trajtimi

Mëlçia e dhjamosur, shpesh herë, nuk shkakton probleme. Në këto raste, ajo quhet asimptomatike. Humbja në peshë, kufizimi i yndyrave dhe gjimnastika tek pacientët mbipeshë, prodhon rezultate të paqëndrueshme për një kohë të gjatë, por gjithsesi është mirë të bëhen përpjekje. Dhjamosja e mëlçisë e shkaktuar prej toksikimit nga alkooli, mund të mos përmirësohet edhe pse ndërpritet përdorimi i tij. Kontrolli i mirë i diabetit, mund të reduktojë dhjamosjen e mëlçisë. Po kështu, këshillohet ulja e nivelit të triglicerideve me dietë dhe medikamente. Ushqehuni në mënyrë të shëndetshme dhe të balancuar dhe rritja e aktivitetit fizik, janë këshillat që japin mjekët. Kryeni kontrolle periodike të rregullta, tek mjeku specialist i mëlçisë. Nuk ka trajtime mjekësore ose kirurgjikale për mëlçinë e dhjamosur, ose steatohepatitin jo alkoolik (NASH), por përmirësimi i dietës dhe rritja e aktivitetit fizik, mund t’ju ndihmojnë në parandalimin ose kthimin në normë të disa dëmtimeve.

Ecuria

Mëlçia e dhjamosur mund të mos shkaktojë dëmtime, por mund të çojë në infeksione të mëlçisë. Kjo situatë quhet steatohepatitis. Kur është e lidhur me abuzimin me alkool, quhet steatohepatitis alkoolik. Shpesh nuk është e lidhur me alkoolin. Në këtë rast, quhet steatohepatitis joalkoolik (NASH në anglisht). Me kalimin e kohës, mëlçia dëmtohet rëndë. Kjo situatë quhet cirrozë. Cirroza hepatike është një situatë serioze, që çon në mosfunksionimin e mëlçisë. Steatohepatitis joalkoolik është një ndër shkaqet e cirrozës hepatike.

Mëlçia kryen shumë funksione të rëndësishme, ku përfshihen:

Shpërbërja e ushqimeve;

Ruajtja rezervë e vitaminave, hekurit dhe mineraleve të tjera të rëndësishme për trupin;

Prodhimi i proteinave;

Prodhimi i lëngjeve biliare për tretjen e ushqimeve;

Shpërbërja e shumë produkteve përfshirë ilaçet, alkoolin dhe shumë helme.

Disa shkaqe të mëlçisë së dhjamosur, janë:

Përdorimi i tepërt i alkoolit;

Kequshqyerja;

Përdorimi i steroideve;

Toksiciteti nga acidi valporik;

Mbipesha;

Sindroma Cushing;

Helmet;

Marrja e tetraciklinës në doza të larta;

Shtatzënia;

Diabeti;

Hiperlipidemia

Humbje e shpejtë në peshë.

Gjethet e ullirit shpesh hidhen gjatë procesit të mbledhjes së ullinjve. Megjithatë, pak njerëz e dinë se këto gjethe të fuqishme janë përdorur për shekuj nga paraardhësit tanë, pasi janë të pasura me përfitime shëndetësore.

Ekstrakti i gjetheve të ullirit ka shumë përfitime për shëndetin tonë: përmban oleuropein, një polifenol që ka veti të mëdha antioksiduese, antibakteriale, antiinflamatore dhe imunostimuluese.

Çaji me gjethe ulliri gjithashtu ka një efekt të fuqishëm antibiotik.

Infuzioni dhe ekstrakti i gjetheve të ullirit mund të jenë të dobishme në trajtimin e diabetit, pasi ato janë shumë efektive në reduktimin ndjeshëm të niveleve të sheqerit në gjak.

Një studim i kohëve të fundit ka treguar se pacientët që vuajnë nga tensioni i lartë i gjakut mund të përfitojnë nga konsumimi ditor i infuzionit të gjetheve të ullirit.

Çaj me gjethe ulliri mund të lehtësojë dhimbjen e shkaktuar nga osteoporoza dhe artriti.

Përfitime të tjera

Gjethet e ullirit mund të zvogëlojnë dëmtimin e lëkurës të shkaktuar nga radikalët e lirë dhe ekspozimi ndaj rrezeve ultravjollcë. Për më tepër, ato kanë përfitime analgjezike dhe janë të dobishme në trajtimin e dhi mbjeve.

Si ta përgatitni

20 gramë gjethe ulliri zihet në 300 ml ujë dhe pihet më pas si çaj, mirë është për 15-20 ditë.

Në rastin e një hipertensioni të butë mund të përdorni infuzionin, 30 – 50 gramë gjethe në litër dhe mund të konsumonj 2-3 gota apo filxhanë çaji në ditë./noa.al

Ndryshimi i florës së zorrëve mund të jetë bashkëpërgjegjës i dështimit të zemrës. Studimet kanë treguar se pacientët me zemër të prekur nga kjo sëmundje, kanë në fakt një mikroflorë të zorrëve më të varfër se njerëzit e shëndetshëm

Rezultatet e studimeve të fundit, kanë treguar se një ndryshim i florës se zorrëve mund të jete bashkëpërgjegjës i dështimit të zemrës. Pacientët me zemër, të prekur nga kjo sëmundje, kanë në fakt një mikroflorë të zorrëve më të varfër se njerëzit e shëndetshëm. Por cilat janë rregullat e arta që këta pacientë duhet të ndjekin, për të përmirësuar si shëndetin e zemrës ashtu edhe florën e zorrës? Mjekja, Ervehe Dervishaj, jep këshillat për këtë kategori pacientësh.

Sëmundjet e zemrës

Zemra është organi që bën shpërndarjen e gjakut. Në rastin e sëmundjeve të zemrës kemi prishje të funksionit te saj si pompë. Kur zemra nuk funksionon siç duhet si pompë, atëherë ka vështirësi të shumta në dërgimin e gjakut të pastruar në pjesët e duhura të organizmit. Ekzistojnë dy lloje të tjera sëmundjesh, siç janë hipertensioni dhe hipotensioni. Rritja e shifrave të trysnisë arteriore mbi normë, njihet si hipertension. Një nga shkaqet kryesore të kësaj gjendjeje është dhe humbja e elasticitetit të enëve të gjakut.

Kjo sëmundje quhet ndryshe arteriosklerozë dhe prek mjaft njerëz. Ato shkaktohen nga ndryshimi i tensionit arterial që shkon në zemër. Kur prishet ritmi i zemrës kemi aritmitë që janë dy llojesh, me ritëm të shtuar ose takikarditë, apo me ritëm të ngadalësuar që janë bradikarditë. Infarkti i zemrës shfaqet si pasojë e bllokimit të enëve të gjakut të cilat furnizojnë muskulin e zemrës me gjak (tromboza, embolia). Si pasojë, shfaqen çrregullime të rënda në punën e zemrës, indi i zemrës vdes dhe të rrahurat e saj ndalen plotësisht.

Faktorët që rre zikojnë punën normale të zemrës janë: mosaktiviteti fizik i organizmit, streset e ndryshme psikike, puna e rëndë fizike, pushimi i pamjaftueshëm, pirja e duhanit, alkoolit etj. Për të detektuar me kohë çrregullimin e funksionit të zemrës, përdoret aparati i cili regjistron grafikisht punën e zemrës në formë të elektrokardiogramit (EKG). Çdo njeri duhet të kontrollojë rregullisht punën e zemrës. Ataket në zemër ndodhin kur furnizimi i pjesëve të zemrës me gjak, rrallohet apo pritet fare. Shkaqet që e krijojnë, janë arterie të bllokuara nga grumbullime rezervash dhjami ose ndonjë mpiksje gjaku, në ndonjë prej arterieve koronare. Stadi i fundit i sëmundjes së zemrës është pamjaftueshmëria e zemrës (insuficienca kardiake) në të cilën zemra nuk e kryen funksionin e saj dhe njeriu bëhet invalid. Në momentin kur kjo pamjaftueshmëri nuk mund të përballohet nga organizmi, atëherë organizmi vdes.

Ndërveprimet mes zemrës dhe zorrëve

Shëndeti ynë varet nga mjaft faktorë dhe në një ekuilibër të saktë midis organeve të ndryshme të trupit. Ekziston një ndërveprim midis zorrëve dhe zemrës, ndaj sot është e rëndësishme që mjeku ose kardiologu t’i kushtoje rëndësi edhe shëndetit të zorrëve dhe të ndërhyjë, nëse është e nevojshme, që të mbajë një funksion të mirë të këtij organi. Në shumicën e rasteve, kjo është për shkak të një bilanci të energjisë.

Ka dy situata të rrezikut të mundshëm: njëri ka të bëjë me bakteret e zorrëve që mund të dëmtojnë zemrën, duke rezultuar në dështim të zemrës dhe një tjetër varet nga një trimethylamine substancë të oksiduar të quajtur (TMAO), prodhuar nga mukoza e zorrëve dhe që ndikon arteriet, mund të rrisë rrezikun e sulmit në zemër. Rezultatet e studimeve të fundit kanë treguar se një ndryshim i florës se zorrëve, mund të jetë bashkëpërgjegjës i dështimit të zemrës. Pacientët me zemër të prekur nga kjo sëmundje, kanë në fakt një mikroflorë të zorrëve më të varfër se njerëzit e shëndetshëm. Kjo do të thotë se në pacientët kardiakë zorrët janë veçanërisht të lodhura e nuk janë ushqyer nga fluksi i gjakut dhe gjithashtu ka mure të trashë dhe të depërtueshëm për toksina dhe bakteret. Pa harruar se mikroflora është ndryshuar në shumë kushte patologjike, të tilla si diabeti tip 2. Flora e zorrëve, te njerëzit që vuajnë nga zemra, është më e brishtë. Ajo paraqet një sasi më të vogël dhe të ndryshme të mikroorganizmave dhe sidomos një marrëdhënie jo të balancuar midis baktereve “të këqija” dhe atyre “të mira”. Duke pasur parasysh se dështimi i zemrës është i lidhur me një gjendje kronike inflamatore, është e mundur që është pikërisht flora bakteriale në favor te saj. Mikroflora e zorrëve mund të jetë rezultat i dështimit të zemrës, por nuk përjashton të kundërtën: ndryshimi i profilit të zorrëve bakteriale, mund të jetë një faktor rreziku, apo edhe një shenjë e sëmundjeve të zemrës. Debati mbetet i hapur në komunitetin shkencor.

Këshillat

Duke pasur parasysh lidhjen e ngushtë mes zemrës dhe zorrëve, në rastin e sëmundjeve të zemrës apo ndryshe i çrregullimeve të zorrëve, është mirë të jeni vigjilent, të konsultoheni me një specialist dhe të adoptoni sjellje të shëndetshme parandaluese nga pushteti. Është gjithashtu e rëndësishme për të ushtruar vetëm një shëtitje të thjeshtë në një ritëm të shpejtë, një orë e gjysmë në ditë, është një bekim i vërtetë për të zgjuar metabolizmin. Në rast të një mbipeshe, është këshilluar absolutisht për të humbur peshë dhe për të ndaluar pirjen e duhanit.

Brokoli përbën një burim të pasur me lëndë ushqyese dhe sidomos me vitamina C, A, B1 e B2. Janë evidentuar efekte të rëndësishme antikancerogjene, si në rastet e kancerit të zorrës së trashë, të mushkërive, gjirit; dhe e tëra kjo, i kushtohet përshpejtimit të eliminimit të ekstrogjenit.

Njihen po aq mirë vetitë e përgjithshme antivirale, parandaluese të ulçerës dhe rregulluese të nivelit të përmbajtjes së insulinës, por edhe glicemisë (apo sheqerërave) në gjak. Uji që merret nga zierja e brokolit, për praninë e gazrave me përmbajtje squfuri, gjë që dallohet edhe nga era karakteristike e zierjes si edhe tek lakra, është mjaft i dobishëm për trajtimin e sëmundjeve të lëkurës.

Në bazë të studimeve të ndryshme epidemiologjike, konsiston se brokoli ka veti të theksuara antikancerogjene. Mekanizmi lidhet ngushtë me vetitë e tij shumë të efektshme për stimulimin e veprimit mbrojtës dhe ndihmesës ndaj organizmit në proceset e dezintoksikimit dhe eliminimit të kimikateve të dëmshme si dhe hormoneve të rrezikshme.

Nga një numër studimesh të kohëve të fundit, rezulton se brokoli favorizon “mirëqenien kardio-vaskulare”, duke parandaluar fillimet e iktusit dhe infarktit dhe se, falë veprimit të sulforafano-s, prania e brokolit në dietë ndihmon organizmin për rritjen e sintetizimit të një proteine që mbron arteriet nga pllakat shtresuese përgjegjëse për arteriosklerozën.

Vtitë e mrekullueshme kurative të rrushit

Rrushi ndahet në dy lloje kryesore: rrush për verë dhe rrush për tavolinë. Rrushi i verës ka kokrra më të vogla dhe pothuajse pa hapësira mes tyre, ndërsa rrushi i tavolinës ka kokrra më të mëdha dhe hapësirë mes tyre.

Vetitë
Rrushi njihet për vetitë e tij, sidomos për lëkurën. Ai mund të aplikohet në rastet e herpesit. Përsa i përket vlerave ushqyese, është e rëndësishme të nënvizojmë se pjesën më të madhe, rrushi e ka te lëkura e tij. Ajo përmban nivele të larta polifenolësh dhe resveratrolësh, që kanë veti antioksiduese. Ky frut ndihmon edhe në rastet e kapsllëkut dhe problemeve që lidhen me qarkullimin e gjakut.

Rrushi është shumë i pasur me kripëra minerale si zinku, potasi, magnezi, hekuri dhe vitamina të grupit A, B dhe C. Është një frut që mund të konsumohet nga të gjithë, edhe nga ata që janë mbipeshë. Përjashtohen vetëm diabetikët, pasi përmban sheqer.
Në lëkurën e tij është zbuluar kohët e fundit një antioksidant që quhet resveratrol, që ndihmon qarkullimin e gjakut.

Rrushi i bën shumë mirë tre organeve: veshkave, mëlçisë dhe zorrës.Përsa i përket farave të rrushit, ato kanë veti antioksiduese, por nuk duhet t’i përdorin njerëzit që kanë probleme me kolitin.Ky frut përmban edhe flavonoide. Sa më e errët të jetë lëkura e tij, aq më shumë flavonoide përmban rrushi.

Vlerat ushqyese
100 gramë rrush përmbajnë 69 kilokalori. 80% e rrushit përbëhet nga uji, 17% nga sheqeri e më pas vijnë me radhë proteinat, aminoacidet, yndyrnat, mineralet dhe vitaminat. Nga mineralet, më prezenti është potasi, i cili lë pas fosforin, kalciumin dhe magnezin. Mes vitaminave, dominuese është vitamina A. Pas saj vijnë B-ja, C-ja dhe K-ja. /shije.al/