Shendetesi

[sgmb id=”1″]

Përse flokët janë më të rrezikuar këtë periudhë të vitit sesa në çdo stinë tjetër? Detyrat e shtëpisë për këto pushime janë: tregoni kujdes të veçantë si në plazh, ashtu edhe në dush, madje edhe gjatë natës. Ja disa këshilla të vlefshme për ju: Ashtu si lëkura, edhe flokët duhet të mbrohen në verë nga dielli. Rrezet tij janë të dëmshme, era i than flokët dhe dobëson rrënjën e tyre. Rrezet UV largojnë melaninën që u jep shkëlqim flokëve. Por ekziston zgjidhja: kemi trinomin shampo, balsam, maskë.

Në plazh duhet të mbrojmë flokët nga rrezet e diellit, sepse flokët mund të thahen. Pra, për të shmangur këtë efekt aplikoni vaj me factor mbrojtës para ekspozimit në diell. Ai do t’i forcojë flokët, do t’i mbrojë nga rrezet e dëmshme dhe do t’u japë shkëlqim. Ashtu si edhe për kremin me faktor mbrojtës, edhe vaji duhet të aplikohet çdo dy orë dhe pas notit.

Mund të zgjidhni të përdorni një kapele, nje turban trendy për të mbrojtur lëkurën dhe për të shmangur djegien nga dielli. Qëndroni nga pak edhe në çadër!

Mbajini flokët të mbledhur për të shmangur këputjen e tyre, sidomos gjatë dushit. Gjatë ditës mund të bëni gërsheta të ndryshëm, i japin stil pamjes suaj dhe janë praktikë dhe mbrojtës në të njëjtën kohë.

Pini shumë ujë

Hidratimi është i rëndësishëm jo vetëm për trupin dhe shëndetin, por edhe për të pasur flokë të ushqyer. Harrojeni efektin kashtë! Dy litra ujë në ditë i japin flokëve një pamje të shëndetshme dhe rrezatuese.

Lajini flokët menjëherë me ujë të freskët pasi të jeni larë në det ose pishinë, për të hequr kripën apo klorin të cilët dobësojnë kurorën e kokës.

[sgmb id=”1″]

Në ditët e sotme mbetet ende problem se çfarë ushqimesh duhet të konsumojmë për të humbur peshë por nutricionistët kanë treguar se është më e thjeshtë se sa e mendojmë.

Susie Burrell, dietologia e famshme australiane rendit listën e ushqimeve më të mira që na ngopin dhe nuk na japin kalori të panevojshme.

Supa
“Supa, veçanërisht ajo me perime, janë një mundësi e mirë ushqyese pasi kombinon densitetin e lartë të ushqyesvce me densitetin e ulët të energjisë. Kjo do të thotë se marrim një sërë ushqyesish kyç përfshi vitaminat dhe mineralet, për shumë pak kalori”, shkruan Susie.

Ajo shpjegon se është provuar që për të humbur peshë, ata që konsumojnë një supë me pak kalori para vaktit, hanë më pak.

Çaji jeshil
Vetitë e çajit jeshil tashmë dihen botërisht. Susie shpjegon se ndihmon në djegien e yndyrnave, është burim antioksidantësh dhe ndihmon në rritjen e metabolizmit.

Gjiza
“Harrohet shpesh, por gjiza është një nga ushqimet më të mira që mund të shijoni, me pak kalori veçanërisht për ata që duan të humbin peshë, pra që janë në dietë”, thotë Susie.

Ajo shpjegon se një racion gjize ka një sasi të madhe proteinash, kalciumi, magnezi, vitaminë B12 pa shumë kalori. Në vend të gjizës mund të konsumoni djath dhie ose ricotta.

Peshku i bardhë
“Nëse qëllimi juaj është humbja e peshës, superushqimi është peshku i bardhë. Veçanërisht me shumë proteina, pak yndyrna dhe kalori, çdo lloj i peshkut të bardhë shoqëruar me shumë perime, ka shumë pak kalroi dhe është e pasur me proteina dhe nutrientë kyç”, thotë dietologia.

Kosi
Për Susie kosi nuk duhet të mungojë në asnjë dietë. “Kos të ndryshëm të paketuar kanë shumë sheqer kështu që fokusohuni më shumë tek kosi natyral, është më ushqyes  dhe ka shumë proteina”, shpjegon ajo. Madje shpesh ai ka probiotikë që janë të mirë për shëndetin e zorrëve.

Gjithashtu ushqime të tjera të pasura me veti ushqyese, janë orizi kaf, vezët, kivi, mistri, arrat, apo çdo frut e perime që janë me ngjyra të ndezura pasi përmbajnë vitamina, antioksidantë dhe minerale.

[sgmb id=”1″]

Provoni këto gjëra dhe mund të arrini shumë shpejtë qëllimet…

Përveç ndryshimeve të mëdha si të konsumoni më shumë perime, të zvogëloni konsumin e sheqerit si dhe të angazhoheni në një rutinë të stërvitjes, poashtu edhe disa shkathtësi të vogla të sjelljes mund të kenë ndikim domethënës në aftësinë tuaj për të humbur peshë.

Lajm i mirë është se modifikimi i disa shprehive të vjetra dhe shtimi i disa sjelljeve të reja në ditën tuaj mund t’ju ndihmojë të qëndroni në rrugën e duhur në qëndrimin e humbjes së peshës. Shtoni këto pesë zakone në rutinën tuaj të pasdites dhe jeni gati në pëmbushjen e qëllimit tuaj.

– Dëgjoni urinë tuaj
Kjo është një shprehi shumë e dobishme, nëse tentoni të qëndroni në linjë. Kontrolloni urinë tuaj, dhe në vend se të konsumoni shujta të mëdha të ngrënies, mund të ngopeni me disa ushqime të lehta apo të balancuara.

– Kujdesuni për kafshatat, lëpirjet dhe shijet
Nuk është e thënë të hani vetëm sepse ushqimi është atje. Ndonjëherë, të kërkoni pak ose të lëpiheni për ndonjë ushqim të shijshëm mund të ju shtojë kalori. Mos i provoni gjërat nëse nuk jeni edhe aq të uritur vetëm për të ngopur veten.

– Lëvizni
Fakti se ushtroni në mëngjes, nuk nënkupton se duhet të rrini pa lëvizur gjatë tërë pasditës. Nëse ju uleni për pjesën tjetër të ditës atëherë thjeshtë keni reduktuar efektin e mirë të stërvitje. Bëni përpjekje për t’’u ngritur dhe lëvizni të paktën një herë në orë, madje edhe nëse bëhet fjalë për pak minuta kohë. Të gjitha këto lëvizje të vogla i bëjnë mirë trupit tuaj.

– Pini më shumë ujë
Njerëzit nënvlerësojnë faktin se mospirja e mjaftueshme e ujit mund të ndikojë në organizmin tonë. Madje edhe një dehidrim i lehtë (një ose dy gota) mund të ju bëjë të uritur, kur në të vërtetë mund të keni nevojë për lëngje. Pas drekës, sigurohuni që të mbani një shishe afër vetes dhe të pini gjatë tërë kohës.

– Bëni trajnime në intervale kohore
Gjatë frekuentimit të palestrës, punoni për trajnime në intervale me intenzitet të lartë. Këto ndikojnë në djegien e yndyrës dhe kalorive deri 24 orë më pas. Intervale të shkurtra të trajnimit mund të jenë shumë të dobishme për trupin tuaj. Përpiquni të bëni ndonjë sesion stërvitjesh gjatë pasdites, madje edhe nëse bëhet fjalë për 10 minuta kohë.

[sgmb id=”1″]

Dieta mesdhetare mund të rrezikojë rrezikun e sëmundjeve kardiovaskulare, por vetëm njerëzit me të ardhura të larta apo një edukim të mirë, apo dhe kombinimi i të dyjave mund të marrin këto përfitime.

Kështu bën të ditur një studim i publikuar në International Journal of Epidemiology.

Dieta mesdhetare thekson të hani ushqimet me bazë bimore, përfshi perimet, arrat, frutat dhe drithërat, si dhe peshk dhe pulë. Dieta rekoman don po ashtu që të kufizoni mishin e kuq, dhe gjalpin ta zëvendësoni me vajin e ullirit, si dhe bëni ushtrime, transmeton Klan Kosova.

Vera e kuqe në mënyrë të moderuar është i mundur në dietë, që shkencëtarët më herët kanë treguar se është dietë e mirë për zemrën.

Por Marialaura Bonacio, autorja drejtuese e studimit, thotë se i njëjti problem shfaqet në mënyra të ndryshme tek njerezit me të ardhura të ndryshme. Arsyeja? Dieta fokusohet tek sasia se sa te cilësia e ushqimit.

[sgmb id=”1″]

Trajtimi profesional i fytyrës mund të jetë shumë i kushtueshëm dhe jo të gjithë mund ta përballojnë këtë, por ekzistojnë disa maska të përgatitura në kushte shtëpiake që ju kursejnë të holla dhe kanë efekt të njejtë. Këto maska mund të jenë të shpejta, pa shkaktuar ndonjë irritim të lëkurës, pa rregulla të caktuara dhe shumë efektive.

Një vezë shumë zgjidhje

Veza llogaritet një zgjidhje e shkëlqyer për maskë të fytyrës për persona që kanë lëkurë të butë dhe normale. Ku qëndron truku i vetëm? Ju përdorni pjesë të ndryshme të vezës në varësi të llojit të lëkurës suaj. Nëse keni lëkurë të yndyrshme, më së miri është të përdorni të bardhën e vezës. Thuhet se lizozima, një enzimë që gjendet në të bardhën e vezës, shkatërron bakteriet ndërsa albumina forcon poret. Thjeshtë lëreni të bardhën e vezës të qëndrojë për 20 minuta, pastaj shpëlajeni me ujë të ngrohtë. Nëse lloji i lëkurës suaj i takon kategorisë normale, largoni të bardhën e vezës dhe përdorni të verdhën. E verdha e vezës është e pasur me proteina, vitamina, minerale dhe lipide. Këto ushqyes janë të shkëlqyer për lëkurën tuaj duke e ndriçuar atë. Njëlloj edhe këtë lëreni të veprojë për 20 minuta dhe më pas shpëlajeni.

Avokado ose papaja

Nëse lëkura juaj e thatë është shqetësimi juaj kryesor, atëherë sugjerohen disa përbërës që mund të lehtësojnë këtë. Avokado ose papaja janë hidratues natyral që prodhojnë rezultate të ndryshme, andaj edhe secili provojeni në mënyrë individuale e më pas eksperimentoni me kombinimet së bashku. Papaja përmban papain enzimën, e cila butësisht tret qelizat e vjetra të lëkurës duke e bërë të freskët si të re. avokado është edhe më hidratues, përmban kryesisht vaj oleik që shërben si anti-plakje. Gjatë aplikimit të maskës me avokado apo papaja, përzieni frutin mirë para se të aplikoni shtresën e trashë në lëkurë. Mund ta leni maskën të qëndrojë 20 minuta e më pas ta shpëlani me ujë të ngrohtë.

Kos apo jogurt grek

Nëse qëllimi juaj është keni lëkurë plot shkëlqim, atëherë përdorni maskë me kos si bazë tuajën para se ta përzieni me përbërës tjerë. Thjeshtë mbushni një filxhan me kos të pastër, duke shtuar një gjysmë lugë çaji jeshil në formë pluhuri, vitamin C, disa pika vaj nga fara e rrushit dhe disa pika nga vaj i çajit të pemës. Përzieni përbërësit dhe aplikoni në mënyrë të barabartë në lëkurë të pastër, duke e lënë të qëndrojë për 10 minuta para se ta shpëlani me ujë të ngrohtë.

Smoothie nga manaferrat

Nëse lëkura juaj është e ndjeshme, ky lloj fruti qetëson dhe i bën mirë lëkurës suaj. Këtu kombinohen enzimat e butë dhe probiotikët e kosit me vitamina, minerale dhe acide që mund të gjendet në manaferrat e freskëta. Thejshtë copëtoni disa llojë mjedrash në një enë të pastër me tri lugë kos organik. Aplikoni përzierjen në mënyrë të barabartë në fytyrë dhe lëreni që të qëndrojë 10 minuta para se ta shpëlani me ujë të ngrohtë.

Pastë kungulli

Maska prej kungulli është ideale për të gjitha problemet e lëkurës suaj. Kjo maskë përmban acid hijaluronik, antioksidantë dhe eksfoliantë duke e bërë të përsosur për lëkurë të thatë, të zbehtë apo të ngushtë. Thjeshtë bëni dy lugë pure nga kungulli pastaj përzieni me një majë luge kanellë, pak erëza kungulli, pluhur vitamin C si dhe serum ose acid i pastër i lëngut hijaluronik. Pasi ta krijoni këtë përzierje, masazhoni mbi lëkurën tuaj për 60 sekonda dhe lëreni të veprojë për 15 minuta. Më pas shpëlajeni me ujë të ngrohtë.

Një përzierje me erëza

Erëzat e thata në përbërjen e maskave përmbajnë një numër antiseptikësh, antibakterialësh dhe anti-inflamatorësh, duke ebërë të shkëlqyer dhe të freskët. Në një enë përzieni nga një lugë çaji prej secilit nga erëzat, si arrëmyshku, shafran i Indisë, borzilok të thatë dhe pluhur kanelle. Shtoni disa lugë çaji pluhur xhenxhefil, ujë të ngrohtë dhe përzieni derisa të formohet një lloj paste. Aplikojeni këtë pastë në fytyrë dhe lëreni që të veprojë për 10-15 minuta apo deri sa fytyra juaj të ndjejë ngrohtësinë. Më pas shpëlajeni me ujë të nxehtë.

Dredhëza të freskëta

Kush mund ta dinte se ka maska me vetëm një përbërës të vetëm e që jep aq shumë efekt? Pra, sugjerohet përdorimi i dredhëzave të freskëta apo të pjekura si një lloj maske fytyre për pastrimin e fytyrës. Acidi salicilik është një nga armët më të mira kundër bllokimit të poreve duke i minimizuar ato dhe duke e bërë lëkurën të thatë dhe të barabartë. Dredhëzat janë një burim i shkëlqyer i acidit salicilik dhe poashtu përmbajnë antioksidantë dhe vitamina që ndihmojnë në riparimin e dëmtimeve të lëkurës dhe qetësimin nga inflamacioni. Për ta bërë këtë maskë, thjeshtë bëjeni një përzierje me dredhëza dhe aplikojeni në fytyrë. Bëni lëvizje rrethore rreth hundës, ballit, faqeve dhe mjekrrës. Lëreni maskën të qëndrojë për disa minuta dhe shpëlajeni më pas.

Majdanoz dhe uthull

Nëse keni skuqje dhe pezmatim të lëkurës, kjo lloj maske është zgjidhja më e duhur. Këto përbërës përmbajnë një sasi mbresëlënëse të vitaminës K, e cila redukton skuqjen dhe ofron shkëlqim të shëndetshëm. Copëtoni majdanozin duke e përzier me dy lugë uthull dhe tre lugë kos. Aplikoni maskën në fytyrë dhe lëreni për 15 minuta para se ta shpëlani.

Banane dhe mjaltë

Kjo është një alternativë anti-plakje për lëkurë të thatë ose të irrituar. Mjalti ka përfitime të ndryshme në trupin e njeriut, veçanërisht në shërimin dhe ruajtjen e lëkurës së shëndetshme. Ka efekte mahnitëse qetësuese që hidratojnë lëkurën duke dhënë shkëlqim rrezatues. Është poashtu e mbushur me antioksidantë që ndihmojnë në ngadalësimin e procesit të plakjes duke ju dhënë një pamje tërësisht të re. për ta bërë këtë maskë, imtësoni gjysmën e një banane dhe përzieni me tri lugë mjaltë dhe tre lugë kos. Aplikoni përzierjen në fytyrë dhe lëreni të veprojë 15 minuta para se ta shpëlani.

Të mirat e të qëndruarit në det janë të shumta.

Dielli, larja në det, relaksimi dhe shumë aktivitete tjera janë dëshmuar se janë shumë të shëndetshme për trupin e njeriut.

Megjithatë, për të gjitha që kemi lexuar deri tani, na ka munguar të dimë se pse është mirë të ecim zbathur në rërë, transmeton arbresh.info

Ecja zbathur në rërë stimulon qarkullimin e gjakut, por që këtë ushtrim duhet bërë në mëngjes ose në darkë.

Ja cilat janë aryset kryesore pse duhet të ecni zbathur në plazh.

Digjni shumë kalori

Shkarkoni stresin

Trupi juaj merr vitaminë D

Forcon muskulaturën e këmbëve

Masazhon pjesën e poshtme të këmbës

Rifreskon lëkurën

Parandalon enjtjen e këmbëve

Ju jep energji pozitive

Ju bën me humor të mirë.