Shendetesi

Lëngu i hudhrave është i jashtëzakonshëm për mbrojtjen e imunitetit dhe parandalimin e sëmundjeve kronike.  

Ka njerëz që bëjnë be e rrufe kundër pirjes së lëngut të pastër të hudhrave. Por pa dyshim me të lexuar përfitimet e pamohueshme të kësaj pije unike, do të ndryshojnë mendje.

Lëngu i hudhrës nxirret duke shtypur ose shtrydhur thelbinjtë e hudhrës, që vjen nga bima me emrin shkencor Allium sativum. Hudhra ka ngjashmëri me qepën dhe është përdorur prej mijëra vitesh në të mirë të shëndetit të njeriut.

Përdorimet e saj jo vetëm në kuzhinë por edhe në mjekësinë popullore janë të panumërta.

Të shumtë janë ata që nuk heqin dorë së konsumuari lëngun e hudhrës për shkak se ajo lufton inflamacionin, bakteret, mykun por ka edhe shumë antioksidantë.

Ky lëng përgatitet krejt lehtë dhe është një burim i pasur i alicinës. Ky është përbërësi më aktiv i hudhrës.

Lëngu përmban një sërë vitaminash si ajo B dhe C, por edhe minerale si mangani, fosfori, kalciumi, hekuri, kaliumi, magnezi zinku dhe shumë acide yndyrore mirëbërëse.

Përfitimet shëndetësore

Përfitimet kryesore të lëngut të hudhrës qëndrojnë tek aftësia për të parandaluar rënien e flokëve, përmirësuar shëndetin e lëkurës, forcuar sistemin imunitar, ulur tensionin e gjakut, rritur qarkullimin e gjakut, pastruar trupin, qetësuar frymëmarrjen dhe ndihmuar në rënien në peshë.

Konsumi i lëngut të hudhrës e ushqen lëkurën me shumë antioksidantë dhe si rrjedhojë zbut efektet e plakjes, infeksionet dhe pezmatimin e saj.

Shumë njerëz përdorin lëngun e hudhrës për të forcuar flokët, parandaluar rënien e tyre dhe ushqyer ato.

Kjo kurë natyrale mund të konsumohet e vetme ose të përzihet me produkte të tjera për flokët për të dhënë një rezultat të shkëlqyer.

Vlerat e forta të hudhrës kundër baktereve dhe mykut, por edhe prania e antioksidantëve ndihmojnë për mbrojtjen e imunitetit.

Si të përgatisni lëngun e hudhrës

Lëngun e hudhrës mund ta përgatisni vetë në shtëpi. Përbërësit e nevojshëm janë hudhra dhe shumë durim. 1 kilogramë hudhra do të gjenerojnë 2 filxhanë me lëng, të cilat mund t’i ruani për përdorim të gjatë.

Përbërësit

1 kilogram hudhër

Hapi 1 – Pastroni thelbinjtë e hudhrës dhe lajini mirë.

Hapi 2 – Hidhni në një mikser ose shtrydhëse për 2-3 minuta.

Hapi 3 – Tulin e mbetur në makineri kullojeni dhe shtrydheni në një enë qelqi.

Hapi 4 – Filtrojeni lëngun e akumuluar të hudhrës për të larguar mbetjet.

Hapi 5 – Hidheni lëngun në një enë për kuba akulli që të parandaloni oksidimin dhe futeni në ngrirje.

Këshilla për servirjen: Kubët e lëngut të akullt të hudhrës mund t’i konsumoni një e nga një nëpër supa, lëngje frutash ose ujë të ngrohtë për gargarë pse edhe për pirje.

Tumoret e trurit shfaqen në forma dhe madhësi të ndryshme, kështu që simptomat e tyre ndryshojnë gjithashtu.

Është e rëndësishme të njihen simptomat edhe pse ato shpesh janë të paqarta. Kjo është arsyeja pse ju duhet t’i kushtoni vëmendje disa prej tyre. Simptomat mund të ndryshojnë nga personi në person, por dallimi është intensiteti.

1. Sulmet

Rreth 60 për qind e pacientëve me tumore të trurit kanë të paktën një sulm, ndërsa tumori rritet dhe pengon aktivitetin normal të tij. Ashtu si tumoret, edhe sulmet vijnë në një shumëllojshmëri formash, duke filluar nga ngërçi në gjithë trupin deri te problemet me një pjesë të fytyrës.

1. Ndryshimet në kujtesë

Tumoret mund të shkaktojnë vrima latente, eventualisht të shkurta, si dhe problemet në të folur. Mund të ketë humbje të kujtesës dhe vështirësi me aftësi motorike siç është shkrimi.

1. Dobësia e muskujve

Nëse ndieni një humbje të fuqisë, dobësi ose ngurtësi në duar, këmbë ose fytyrën tuaj që zgjat pak më shumë, duhet të kontaktoni mjekun tuaj.

1. Dhimbje koke

Nëse keni dhimbje koke që shfaqet ose përkeqësohet gjatë një periudhe më të gjatë kohore, sigurohuni që të vizitoni një mjek, veçanërisht nëse ndodh kur të ngriheni në mëngjes. Dhimbjet e kokës mund të jenë të rënda.

Këtu është e rëndësishme të theksohet se këto simptoma nuk duhet të lidhen me tumorin, por me ndonjë gjendje tjetër shëndetësore.

Frankielen da Silva Zampoli Padilha ka vdekur në mënyrë klinike që në tetor të vitit të kaluar. 21 vjeçarja ishte në javën e 9 të shtatzënisë, kur ra koma.
Aparaturat e mbajtën atë gjallë 4 muaj sepse ajo duhet të sillte në jetë fëmijën e saj.

Por pas katër muajsh ka ndodhur një mrekulli sepse kanë ardhur në jetë 2 binjakë.
Binjakët kanë ardhur në jetë 7 muajsh me operacion çezarian.

Aparaturave që mbanin gjallë Frankielen janë fikur pas operacionit.

Zemra dhe veshka e saj u dhuruan për të shpëtuar edhe dy jetë të tjera

Bima e Aloe Verës është një nga kurat më të fuqishme që natyra ofron, sepse ajo arrin të shërojë organizmin si nga jashtë ashtu edhe nga brenda.

Nuk besohet të ketë njeri që nuk ka dëgjuar ose lexuar për përfitimet që vijnë nga xheli i Aloe Verës.

Kohët e fundit ky lëng çudibërës ka fituar mjaft vëmendje dhe popullaritet në mesin e njerëzve që kujdesen për shëndetin e tyre.

Çfarë është lëngu i Aloe Verës?

Lëngu dhe xheli prodhohen nga gjethet e gjata të bimës.

Si prodhohet lëngu i Aloe Verës?

Mund të duket e vështirë, por në fakt gjethet e bimës mund të japin lëng dhe në mënyrë të thjeshtë madje.

Më poshtë do të gjeni të detajuar proçesin e përgatitjes së lëngut të Aloe Verës.

Pritini gjethet sa më pranë pjesës kryesore të bimës. Gjethet ndahen në gjysmë sipas gjatësisë.

Sigurohuni ta keni hequr cipën nga gjethet, pasi cipa e jashtme është e rëndë për stomakun. Nxirreni xhelin e aloes nga gjethet duke përdorur një thikë.

Pjesët e xhelit që keni përftuar i vendosni në mikser dhe i punoni derisa të merrni lëngun e aloes.

Filtrojeni lëngun që ta pastroni nga çdo fibër e tepërt që mund t’iu ketë kaluar gjatë heqjes së cipës.

Tashmë jeni gati për fazën e fundit, atë të kombinimit me lëngun e shtrydhur të frutave tuaja.

Mund të shtoni lëng portokalli, limoni të verdhë ose limoni jeshil. Përzijini së bashku dhe shijojini.

Megjithatë duhet të kini parasysh që vetëm 10 gramë në ditë nga xheli i Aloe Verës keni nevojë të kombinoni me lëngun tuaj të preferuar.

Vlerat shëndetësore të lëngut të Aloe Verës

Pirja e lëngut të Aloe Verës ka vlera të shtuara dhe mirëbërëse për organizmin.

Vitamina dhe ushqyes

Lëngu i Aloe Verës përmban një sasi të lartë ushqyesish të domosdoshëm siç janë vitaminat A dhe E, magnezi dhe kaliumi. Këto janë shtyllat kryesore të mirëqenies së brendshme.

Antioksidantë

Tek lëngu i Aloe Verës do të mund të gjeni një sërë antioksidantësh të fuqishëm të cilët do t’ju ndihmojnë të luftoni radikalet e lira, shenjat e plakjes dhe disa sëmundje.

Mbështetje për sistemin tretës

Aloe Vera përmirëson mënyrën e tretjes së ushqimit. Nëse pini lëngun e Aloe Verës do të arrini të zvogëloni sasinë e acidit në stomak dhe të parandaloni formimin e ulçerës.

Avantazhe për funksionet e trurit

Sipas disa studimeve shkencore, pirja e rregullt e lëngut të Aloe Verës ndihmon funksionet e trurit për të kujtuar dhe mësuar, por edhe përmirëson gjendjen e përgjithshme të humorit.

Mbron sistemin imunitar

Imuniteti i mirë është një tjetër përfitim që vjen nga lëngu i Aloe Verës, kjo falë antioksidantëve, dhe nivelit të lartë të vitaminës C.

Shëndeti dentar

Disa studime kanë treguar se pirja e lëngut të Aloe Verës ka një ndikim të drejtpërdrejtë në shëndetin dentar për forcimin e dhëmbëve dhe parandalimin e kavitetit.

Mban nën kontroll sheqerin në gjak

Mjafton të pini rregullisht lëng aloe vera në sasi të kufizuara ditore dhe do të keni luhatje të limituara të insulinës në organizëm. Ky është një lajm i mirë për njerëzit që vuajnë nga diabeti dhe ata që duan të mbajnë nën kontroll nivelet e glicemisë.

Përmirëson pamjen e lëkurës

Nëse pini lëngun e Aloe Verës do të keni një lëkurë të shëndetshme, sepse lëngu ndihmon në heqjen e thatësisë dhe largimin e irritimeve.

Bimët mjekësore me aftësi shëruese janë përdorur në metodat tradicionale dhe jo tradicionale mjekësore që 5000 vjet më parë.

Qytetërime të ndryshme i kanë përdorur ato jo vetëm për të qetësuar sistemin nervor por edhe për ta mbrojtur organizmin nga stresi dhe ankthi.

Disa bimë mjekësore shëruese që luftojnë ankthin apo stresin dhe i kthejnë organizmit qetësinë e humbur.

Bimët e mëposhtme mund të pihen si çaj ose të përdoren në terapi të ndryshme aromash.

Bimët Mjekësore që Shërojnë Ankthin dhe Stresin

Kamomili

Kamomili është një nga bimët më të lashta mjekësore që njeriu ka përdorur.

Kjo bimë është efikase kundër inflamacionit, kontraktimeve muskulare, reumatizmës, çrregullimeve të ciklit, pagjumësisë, ulçerës, çrregullimeve të sistemit tretës.

Kamomili ka efekt qetësues dhe nxit gjumin.

Ky efekt është si pasojë e një flavonoidi që ndërlidhet me receptorët e trurit.

Sipas studimeve, pirja e përditshme e këtij çaji për tetë javë me rradhë luan një rol kryesor në pakësimin e simptomave të ankthit.

Kamomili është çaji më popullor në botë me një milionë filxhanë të pirë në ditë.

Lavanda

Lavanda me aromë të mirë është një kurë ideale kundër pagjumësisë, lodhjes, depresionit dhe ankthit.

Emri i bimës vjen nga Latinishtja ‘lavare’, që përkthehet “të lash.”

Këtë emër, bima e ka marrë sepse ka qenë dhe mbetet një nga bimët medicinale më të përdorura në sapunë dhe shampoo.

Ajo ka efekt pastrues për trupin dhe shpirtin, madje ka ndikim të fortë në zbutjen e simptomave të ankthit.

Lulja e Pasionit apo Lule Sahati

Në fillimet e saj, Lulja e Pasionit apo Lule Sahati është përdorur për të trajtuar histerinë dhe nervozizmin.

Kjo lule rrit nivelet e acidit gamma aminobutyric në tru dhe rrit ndjesinë e qetësisë.

Studimet kanë treguar se pacientët që kanë marrë suplementë të lules përpara ndërhyrjes kirurgjikale kishin më pak ankth dhe zgjoheshin më qetë nga anestezia.

Bari i Bletës

Bari i bletës është pjesë e familjes botanike të mentes.

Kjo bimë është përdorur kundër stresit dhe ankthit që në Mesjetë.

Ajo ka efekt qetësues dhe gjumësjellës.

Studimet që janë kryer tek njerëzit që vuajnë nga ankthi kanë zbuluar se çajrat ose suplementët e barit të bletës përmirësojnë humorin, ulin ankthin dhe rrisin ndjesinë e qetësisë dhe relaksit.

Valeriana

Valeriana është përdorur prej mijëra vitesh kundër pagjumësisë dhe ankthit.

Shkencëtarët besojnë se valeriana rrit nivelet e acidit gamma aminobutyric në tru dhe e mban atë të qetë.

Uji është tejet i rëndësishëm për shëndetin tuaj. Nëse jeni vazhdimisht të hidratuar, nivelet e glukozës në gjak do të jenë të ulëta dhe në këtë mënyrë do të menaxhoni më mirë insulinën.

Kjo është veçanërisht e rëndësishme për diabetikët. Disa studime sugjerojnë se hidratimi i duhur ju ndihmon të shmangni diabetin e tipit 2.

Informacionet bazë për glukozën në gjak

Glukoza është një nga sheqernat që trupi përdor për energji.

Kur ju konsumoni karbohidrate, trupi juaj i kthen ato në glukozë.

Të dhënat e AgroWeb.org tregojnë se, ushqimet që përthithen më lehtë dhe më shpejtë siç janë sheqernat e rafinuara dhe mielli i bardhë rrisin menjëherë nivelet e glukozës në gjak.

Ndërkohë që ushqimet më pak të rafinuara, siç janë drithërat e plota shkaktojnë një rritje të qëndrueshme por edhe të ngadaltë të nivelit të glukozës në gjak.

Me rritjen e këtyre niveleve, trupi çliron insulinë që detyron qelizat të akumulojnë glukozën dhe të pakësojnë sasinë e lëshuar në qarkullimin e gjakut.

Diabeti ndodh kur njerëzit krijojnë një lloj rezistence ndaj insulinës ndërkohë që nivelet e glukozës në gjak mbeten të larta.

Faktori Hidratim

Nëse jeni të shqetësuar për glukozën në gjak, atëherë sigurohuni që jeni vazhdimisht të hidratuar.

Kur jeni të dehidratuar, organizmi prodhon një hormon të quajtur vasopresinë.

Vasopresina detyron veshkat të mbajnë lëngjet dhe mëlçinë të prodhojë sheqerna në gjak.

Kjo rrit në mënyrë të pashmangshme nivelet e glukozës në gjak. Me kalimin e kohës, kjo situatë mund të shkaktojë rezistencë ndaj insulinës.

Ndërlidhja me diabetin

Pavarësisht nevojës për konfirmime të mëtjeshme shkencore, dehidratimi mund të shkaktojë hiperglicemi kronike ose nive të lartë glukoze në gjak dhe rrjedhimisht diabet.

Një studim i kohëve të fundit që ka zgjatur 9 vjet, me subjekt 3,615 të rritur, zbuloi se njerëzit që pinin shumë ujë, ishin më pak të rrezikuar nga hiperglicemia, ndërkohë që ata që pinin më pak ujë kishin më shumë gjasa të prekeshin nga hiperglicemia.

Hidratim i shëndetshëm

Të qenit të hidratuar ndihmon organizmin të shpërndajë në mënyrë të drejtë ushqyesit, të largojë mbetjet e dëmshme dhe të rregullojë temperaturën e trupit.

Kur jeni të dehiratuar, ju mungon energjia, vigjilenca, përqendrimi, madje mund të përjetoni edhe tension të ulët të gjakut.

Femrat kanë nevojë për rreth 8- 9 gota ujë ose lëngje të tjera që të jenë të hidratuara.

Meshkujt nga ana tjetër kanë nevojë për 10-11 gota lëngje në ditë. Shumica e pijeve përfshirë kafenë, çajin dhe qumështin, plotësojnë këtë nevojë.

Por pijet e gazuara ose të sheqerosura kontribuojnë në rritjen e nivelit të glukozës në gjak.