Problematika

Ambicia e qeverisë shqiptare është që standardet e sigurisë ushqimore në vendin tonë, të maten me standardet e vendeve të Bashkimit Europian.

Ministri i Bujqësisë Niko Peleshi bëri të ditur sot gjatë një interpelance online me grupe interesi se, mbështetur edhe në sugjerimet e Komisionit Europian, sektori i sigurisë ushqimore në Shqipëri, do të ketë si pikë referimi sistemin irlandez.

Një grup pune nga Ministria e Bujqësisë tha Peleshi, kanë qenë në Irlandë dhe jemi duke adaptuar sistemin më të mirë të sigurisë ushqimore irlandeze në vendin tonë.

Peleshi u shpreh optimist se edhe me ndihmën e teknologjisë dhe inovacionit, sektori i sigurisë ushqimore do të dalë nga problemet e trashëguara dhe do të shënojë standardet e kërkuara bashkëkohore.

Në përgjigje të pyetjes së agrobiznesmenit Alban Zusi, për implementimin e mendimit të ekspertëve në politika e vendimmarrje, ministri Peleshi dha shembuj konkretë të këtij bashkëpunimi, si në skemat e mbështetjes, edhe në politikat fiskale.

“Ministria e Bujqësisë e sheh vlerë të shtuar bashkëpunimin me ekspertë të fushës dhe e vlerëson mendimin akademik të specialistëve të fushës. Ne do të ngremë një bord të qëndrueshëm me pjesëmarrjen edhe të ekspertëve dhe specialistëve të bujqësisë për të kontribuar akoma dhe më mirë në shërbim të këtij sektori”, – tha Peleshi. /atsh

Të tjera lëkundje tërmeti në Shqipëri janë regjistruar gjatë natës dhe orëve të para të mëngjesit të datës 17 korrik.

Ndërkohë që deri në orët e vona të një dite më parë epiqendra vijonte te ishte Gjiri i Lalëzit, pak më vonë ajo u zhvendos fillimisht drejt Vlorës, më pas në Fier e së fundi ka goditur në Vorë.

Për fat nuk ka pasur vend për panik e frikë, pasi lëkundjet kanë qenë të lehta me magnitudë më e larta 2./koha

Vetëm pak ditë më parë u publikua lajmi se buka që ne konsumojmë përmbante ngjyrues.

Mirëpo, duket se jo vetëm buka qenka problemi i vetëm, pasi edhe djathi, një prej produkteve më të preferuara në familjet tona po na rrezikon jetën.

Sipas Top Channel, pas një eksperimenti të thjeshtë, që mund ta bëj secili nga ne, duke hedhur në djath betadinë apo jod shohim nëse djathi do të nxihet apo do të marri ngjyrën e mjaltit.

Nëse merr ngjyrën e zezë ai është i përgatitur me niseshte, ndërsa nëse merr ngjyrën e mjaltit ai është djath cilësor.

Nga eksperimenti ka dalë se djathi është i përgatitur me niseshte, pra qumështi zëvendësohet me niseshten, ç’ka për tregtarët ul koston dhe rrit fitimin.

Kristaq Bërxholli, profesor në UBT shprehet:

“Problemi qëndron se të gjithë prodhuesit, të gjithë shitësit duhet që të vënë etiketa ‘ky djath është me niseshte’, apo ‘ka kaq për qind niseshte’. Pastaj secili mund ta blejë ose jo, është e drejta e tij. Këtë problem e dinë të gjithë. E di AKU-ja, e di Ministria e Bujqësisë, e di qeveria dhe pushteti vendor. E keqja është se asnjë nga këta nuk ndërhyn, për ta zgjidhur njëherë e mirë këtë problem, siç bëhet në botën perëndimore”

3 deri në 5 persona paraqiten çdo ditë pranë urgjencës së shërbimit infektiv në QSUT me plagë në trup të shkaktuara nga kafshimi i qenve.

Mjeku i njohur Genti Stroni tregon disa nga rastet më të rënda që ai ka parë të vijnë në urgjencën ku punon e ku viktima të kafshimit kanë përfunduar edhe vetë pronarët e kafshëve.

Në një rast mjeku tregon se si i është dhënë ndihma e parë një personi nga Fushë Kruja i shpëtuar nga familjarët e tij që ishin detyruar ta vrisnin kafshën që t’i hapnin gojën.

Sakaq rastet që tregon doktor Stroni janë vetëm ato që vijnë në spitalin “Nënë Tereza”. Ndërkohë burime zyrtare nga spitali i traumës në Tiranë pohojnë se numri i urgjencave me plagë të shkaktuara nga qentë është edhe më i madh se në QSUT.

Më shumë sesa plagët, personi i kafshuar vuan traumën psikologjike që e trashëgon gjithë jetën ndërsa paniku e kap sa herë që shikon një qen në rrugë.

Ndërkohë shprehja e vjetër se ‘dielli i tërbon qentë’ sipas doktor Stronit vlen edhe për kafshët që përdoren në fermat fshatare. Mjeku pohon se ka pritur në urgjencë edhe persona të kafshuar nga gomari apo kali.

Në momentin e parë që një person i kafshuar nga qeni mbërrin në urgjencën e infektivit atij i injektohet serumi antitetanik ndërsa vaksina kundër tërbimit nuk këshillohet nga mjekët pasi në Shqipëri nuk ka raste të dokumentuara.

S’mungojnë as denoncimet e qytetarëve që përmes medias deklarojnë se janë kafshuar teksa shëtisnin në park për t’u çlodhur, si në rastin e kësaj gruaje e cila pranon se është treguar më shumë se zemërmirë me pronarin e qenit duke mos e denoncuar në polici rastin e kafshimit.

Por as denoncimet në organet ligj-zbatuese dhe ato në media nuk i kanë vënë fre fenomenit që po kthehet në një trend të rrezikshëm ku gjithnjë me shumë shohim qenë me pronarë në liri të plotë pa maska e zinxhirë mes tyre edhe raca që cilësohen nga specialistët tepër agresive si Pitbull, Doberman, Rottëeiler etj.

E për të ndërgjegjësuar pronarët e kafshëve nuk vlen as kjo tabelë detyruese e vendosur nga Bashkia Tiranë në çdo cep të parkut të liqenit, ku këshillohet që qentë pa përjashtim të mos lëvizin në park pa maskë mbrojtëse dhe pa litar.

Ka të rinj që vijnë nga liqeni jo për t’i shëtitur kafshët por për ti stërvitur sesi të sulmojnë më mirë.

Dhe të mendosh se gjithçka ndodh në sytë e strukturave policore të bashkisë dhe të rendit që monitorojnë parqet e Tiranës.

Për fatin e keq eksperienca ka treguar se shteti dhe strukturat ligj-zbatuese reagojnë vetëm pasi ndodh kafshimi, shkruan BW./korrieri