Problematika

Fituesi i një prej edicioneve të “Big Brother” Arbër Çepani me anë të një statusi në ‘Facebook” ka shkruar lidhur me ngjarjen që ndodhi sot në vendin e njohur si “Myslym Shyri” në Tirane.

Ai shkruan se si u gjend në mes të një grupi burrash te armatosur. Sipas tij njerëzit ishin të terrorizuar nga ajo që po shikonin.

“Njerez te terrorizuar qe nuk kuptonin se cfare po ndodhte teksa shikonin njerez te armatosur qe vraponin dhe qellonin….Si perfundim, u kuptua qe ishin forcat e policise te antidroges te veshur civil, qe arrestuan dy trafikant droge pasi kishin terrorizuar gjysmen e lagjes…” shkruan Çepani.

Statusi i plotë.

Sot bashke me mikun tim Ervinin u beme per hallva…. Shqiperia eshte vendi i fundit ku dikush mund te projektoj endrra, pasione, te ardhme….Sepse eshte vendi ku mjafton nje fraksion sekondi dhe gjithcka mund te shkerrmoqet…. Sapo parkojme makinen dhe dalim per te levizur, ne zemer te Tiranes, ne mes te dites, tek lagjia pas Myslym Shyrit, tek kembet tona gjendemi ne mes te nje bresherie armesh dhe plumbash te nje grupi te madh burrash, qe gjemonin njeri tjetrin….Skena qe edhe ne filmat e Juck Norris do i kishin zili….Njerez te terrorizuar qe nuk kuptonin se cfare po ndodhte teksa shikonin njerez te armatosur qe vraponin dhe qellonin….Si perfundim, u kuptua qe ishin forcat e policise te antidroges te veshur civil, qe arrestuan dy trafikant droge pasi kishin terrorizuar gjysmen e lagjes…Gjithcka neper kembet e njerzve ne dite me diell…. A eshte ky vendi qe duam te jetojme?! A eshte normale kjo situate?! A mund te projektosh nje te ardhme ne kete vend?! Dhe mos e banalizoni me politike dhe parti politike, se e kemi pare 25 vite, qe nje mut jane te gjitha dhe prandaj kemi perfunduar si Kolumbi ne mes te Evropes!!!

Tiranë

Finalizohet operacioni antidrogë “BBM”

Arrestohen në flagrancë 5 persona

Një 32-vjeçare rumune e cila jeton prej kohësh në Greqi, është përdhunuar barbarisht  brenda banesës së saj.

Ngjarja ka ndodhur në Limno, në zonën Agjios Dhimitros ne Mirina, raportojnë mediat helene.

Autori, një 32-vjeçar shqiptar, hyri me forcë në shtëpinë ku banonte e reja nga Rumania, rreth orës 05.00 të mëngjesit të dy ditëve më parë.

“Keqbërësi në fillim e izoloi gruan e pafat pastaj e rrahu dhe e përdhunoi disa herë me radhë”, raportoi policia lokale duke iu referuar dëshmisë së rumunes dhe ekspertizës së kryer.

Bazuar në të dhënat e përftuara, policia greke konfirmoi të premten se ka arrestuar të dyshuarin, një 32-vjeçar shqiptar, banor në Limnos.

I dyshuari pranoi se kishte ndjekur lëvizjet e ‘presë’ së tij. Në orën 04.00 vajza mbaroi punën në një lokal afër vendbanimit dhe ai e ndoqi deri në shtëpi.

Më tej ajo u fut në dush dhe ai hyri brenda në shtëpi duke thyer xhamin e një dritareje.

Ai ishte zhveshur plotësisht dhe priti derisa vajza u fut në krevat dhe menjëherë iu hodh sipër, duke e përdhunuar vazhdimisht.

Pak orë më vonë u largua, por tashmë gjendet në qeli

Një 42-vjeçar po hetohet në gjendje të lirë nga Prokuroria e Tiranës, pasi gruaja e ka denoncuar në Polici se i kishte vjedhur paratë.

Blutë e Komisariatit numër 1 në kryeqytet, u njohën me rastin, pasi F.R, 40 vjeç iu drejtua me një kallëzim për bashkëshortin e saj i cili me anë të kartës së bankomatit të saj, i kishte vjedhur lekët, mëson “Panorama”.

Bëhet fjalë për shtetasin G.N, vjeç 42, banues në Shkozë. Mësohet se një ditë, duke përfituar nga mungesa e vëmendjes së bashkëshortes, në banesën e tyre në rrugën “Ali Shefqeti”, ai i ka marrë nga çanta asaj kartën e bankës dhe ka tërhequr një sasi lekësh nga bankomati, pa dijeninë e saj.

Nuk dihet se për çfarë i ka përdorur paratë 42-vjecari, por gruaja nuk e ka falur për aktin që ka bërë dhe e ka denoncuar në Polici.

Ajo e ka zbuluar se i mungonin paratë kur ka shkuar t’i tërheqë nga bankomati.

Tetë tonë drogë kanabis të bllokuara në Berat, Përmet, Burrel, e zona të tjera të vendit që prej fillimit të këtij viti, kanë mbushur të gjitha ambientet e laboratorit te Institutit të Policisë Shkencore në vend.

Korridoret e zyrat janë kthyer në magazina.

Madje burime nga Instituti i Policisë Shkencore thonë për Televizionin Klan se edhe në tualetet e tij mund të gjesh pako apo thasë në të cilët janë administruar nga hetuesit në ngjarje të ndryshme si prova materiale.

Sasitë e mëdha të lëndës narkotike duhet të ekzaminohen dhe nuk mund te asgjësohen.

Por, ato po bllokojnë jo vetëm ambientet, por edhe punën e specialisteve të policisë.

Ekspertë që punojnë në këtë laborator thonë se zgjidhja është ekzaminimi i pakove dhe i materialeve të sekuestruara nëpërmjet mostrave dhe përzgjedhjes natyrore.

Kjo do të shkurtonte kohën e ekzaminimeve dhe do të çlironte ambientet e laboratorit nga tonelatat me drogë.

Tetë tonët me kanabis, duhet të ekzaminohen për gjurmë gishtërinjsh, por edhe për përmbajtjen kimike të tyre që përcakton nëse lënda është narkotike apo jo.

Një proces i tillë kërkon një kohë të konsiderueshme. Kjo pasi sipas burimeve të policisë janë me qindra aktet e ekspertimit që duhet të kryhen nga ekspertët.

Policia ka bllokuar 28 tonë kanabis që prej fillimit të vitit, por në laboratorin shkencor gjenden vetëm 8 ton.

Ditën e sotme policia e Tiranës ka arrestuar një 34-vjeçar që shpërndante lëndë narkotike kokaine në zona të ndryshme të kryeqytetit.

I arrestuari është Krenar Liçi, banues në Tiranë.

Liçi u kap në flagrancë në afërsi të zonës së Kinostudios, ku në automjetin tip “Volkswagen”, janë gjetur dhe sekuestruar 308 gramë  lëndë e dyshuar narkotike e llojit Kokainë.