Problematika

[sgmb id=”1″]

Kthimi i liderit të AAK-së në Kosovë, Ramush Haradinajt, pritet t’ua japë një dinamikë të re zhvillimeve politike në vend. E sipas analistëve kjo do të ndikojë edhe në çështjen e zgjedhjeve të parakohshme

Lirimi i ish-kryeministrit Ramush Haradinaj nga Gjykata e Apelit në Colmar të Francës do t’u japë hov zgjedhjeve të parakohshme qendrore. Figura e tij si politikan në skenën politike do të marrë rritje pompoze, duke shkundur kështu shumë procese politike në vend.

Kështu kanë deklaruar njohës të çështjeve politike, të cilët vlerësojnë se rishpallja e pafajësisë së Haradinajt do ta rrisë ndikimin e tij politik, duke zgjeruar fuqinë e tij në hapësirën elektorale dhe duke lënë mundësi për ndryshime drastike në rezultatet e zgjedhjeve qendrore. Sipas analistëve kthimi i kreut të AAK-së do të ndikojë edhe në forcimin e opozitës, e cila parashihet të jetë edhe më këmbëngulëse në kauzën e saj  karshi Demarkacionit.

Në anën tjetër në opozitë mendojnë se kthimi i Haradinajt do të shërbejë si vetëdijesim i Qeverisë për fletarrestimet e lëshuara nga INTERPOL-i e që janë ende aktive. Kurse AAK-ja shprehet e bindur se tani pas lirimit të Haradinajt do të pasojnë ndryshime në vend.

[sgmb id=”1″]

Mediat në Serbi i kanë shqetësuar shumë deklaratat e zyrtarëve nga Kosova e Shqipëria për bashkimin e dy shteteve shqiptare.

Gazeta serbe “Informer” ka paralajmëruar se në numrin e nesërm do të ketë kryetitull “Erdogan po përgatit Thaçin e Ramën për luftë për të bërë Shqipërinë e Madhe”, transmeton Indeksonline.

Sipas të përditshmes serbe, agjentët turq në Kosovë e Shqipëri bashkë me shqiptarët po përgatisin një luftë në Ballkan, duke blerë armë dhe anti-tanka.

Po ashtu thuhet se do të ketë ndërhyrje në veri të Kosovës të banuar me shumicë serbe dhe do të merret Kumanova e Shkupi.