[sgmb id=”1″]

Vertikalizimi i vertebrave

Këto quhen ndryshe probleme muskolo-skeletike dhe telefonat janë duke u kthyer në një problem të përhershëm.

Nëse ju e mbani kokën ulur për të lexuar në ekranin e telefonit, në trupin tuaj ndodh ndërkohë ‘vertikalizimi i vertebrave’.

Është e vërtetë që zhvillimi i teknologjisë krijon nevojën dhe dëshirën për të qenë gjithmonë i përditësuar me të rejat më të fundit, mirëpo kjo po kthehet në një rrezik të vërtetë për shëndetin.

Një studim i kohëve të fundit tregon që përdorimi i aparateve smartphone është bërë vërtet shqetësues: 79% e popullsisë mes moshës 18 dhe 44 vjeç e përdor telefonin celular pothuajse gjatë gjithë kohës, me vetëm 2 orë pushim në ditë. Ndërsa, sipas fizioterapistes Juliana Balla, veprimi që shkakton problemet është pikërisht animi që i bëjmë kokës për ta patur më të lehtë përdorimin, shkruan Gazeta Mapo.

“Kur ky pozicion mbahet për një kohë të gjatë, përdoruesit mund të kenë dhimbje shpatulle, qafe dhe dhimbje të forta koke. Këto quhen ndryshe probleme muskolo-skeletike dhe telefonat janë duke u kthyer në një problem të përhershëm. Nëse ju e mbani kokën ulur për të lexuar në ekranin e telefonit, në trupin tuaj ndodh ndërkohë ‘vertikalizimi i vertebrave’. Pra qafa humbet harkun e saj natyral. Një gjë e tillë krijon tension të tepruar në shpatulla dhe qafë”- vijon shpjegimin Balla.

Pasojat shfaqen tek shumica e përdoruesve, por janë më të theksuara tek ata që qëndrojnë përpara kompjuterit.

Por si mund t’i parandalojmë këto deformime?

Ja disa këshilla të thjeshta të cilat mund t’i ndiqni për të shmangur pasojat:

1. Shkruani mesazhe të shkurtra. Gjeni kohë për të pushuar duart dhe pjesët e tjera të trupit nga pozicionet e detyruara. Kur jeni duke kryer një bisedë të gjatë telefonike, kalojeni telefonin nga një dorë në tjetrën.

2. Mbajeni telefonin tuaj celular në nivelin e syve sa më shumë të jetë e mundur. E njëjta gjë vlen për të gjitha ekranet. Kompjuterët laptopë dhe tabletë duhet të jenë të pozicionuar në mënyrë të atillë që ekrani të jetë në nivelin e syve dhe ju nuk duhet të shikoni poshtë për ta parë atë, shkruan Anabel. Nëse punoni ne zyrë, pozicionojeni ekranin e kompjuterit në mënyrë të tillë që koka dhe shpatullat të jenë në një linjë.

3. Përdoreni pajisjen me zgjuarsi. Shmangni mbajtjen e telefonin mes qafës dhe shpatullave kur bisedoni.

4. Shihni të paktën 20 metra larg çdo 20 minuta për të rifokusuar sytë tuaj. Kijeni parasysh zgjedhjen e një ekrani më të madh që redukton rrezikun e lodhjes së syve.

5. Për të parandaluar dëme, si për veten, ashtu edhe për të tjerët, bëni kujdes kur jeni në timon ose ecni në rrugë.

Është e rëndësishme që në përditshmërinë tuaj të keni dhe një program ushtrimor për të forcuar këta muskuj. Një ndihmë për ata njerëz që vuajnë nga dhimbja kronike, do ishte dhe një konsultë me fizioterapistin. Ata mund t’ju ofrojnë terapi manuale dhe fizike për lehtësimin e tyre.

[sgmb id=”1″]

Shkencëtarët nga Universiteti Herfordshire, në Britani, kanë zbuluar se kremi i magnezit mund të përdoret potencialisht si alternativë apo si shtesë e ilaçeve për të luftuar një nga problemet më të mëdha të shëndetit, siç është tensioni i lartë.

Studimi i parë mbi efektin e kremit të magnezit tek njerëzit është publikuar në revistën Plos One. Ky studim është hapi i parë që tregon se kremi i magnezit që aplikohet nëpërmjet lëkurës, mund të jetë një shtesë e mirë apo një alternative e ilaçeve që merren nga goja, për të luftuar problemin që lidhet me nivelin e ulët të magnezit, përfshi edhe funksionin e dobët të imunitetit. Ajo mund të jetë një alternativë e mirë për njerëzit që kanë vështirësi të marrin ilaçe.

Për njerëzit që kanë probleme me tensionin e gjakut, sistemin imunitar, kardiovaskular dhe sindromën metabolike rekomandohet që të rrisin nivelet e magnezit në dietë ose të marrin suplemente të këtij minerali.

Një alternativë për njerëzit që kanë vështirësi në marrjen e ilaçeve mund të jetë aplikimi I vajrave të magnezit ose kremit që absorbohet nëpërmjet lëkurës.