Problematika

Policia i ndjek,trafikantet i pergjigje me bresheri!

Leave a Comment / Aktualitet, Lajmi i fundit, Problematika / /

[sgmb id=”1″]

Disa trafikantë droge kanë qëlluar në ajër në përpjekje për t’i ikur ndjekjes së policisë në kufi me Maqedoninë. Policia Kufitare në Viçisht të Bulqizës, ka arritur të arrestojë dy prej trafikantëve dhe ka shpallur në kërkim dy të tjerë.

Në një njoftim për shtyp, policia tha se dy trafikantë udhëtonin me motor dhe dy me automjet.

Ata nuk iu bindën urdhrit të policisë për të ndaluar  por janë larguar me shpejtësi duke rrezikuar jetën e punonjësve të Policisë Kufitare pasi dy shtetasit që udhëtonin me motor dyshohet se kanë qëlluar me armë zjarri në ajër.

Policia arriti të  arrestojë dy trafikantët në “Fiat” në një zonë pyjore pas mbërritjes së përforcimeve,  ndërsa po kërkon për dy personat me motor.

Në pranga përfunduan Ridjan Miftari, 26 vjeç, drejtues i automjetit me të cilin transportohej lënda narkotike, dhe B. I., 17 vjeç.

Ndërkohë që po kërkohen A.XH, dhe B.O, të cilët qëlluan në ajër gjatë ndjekjes së motorit të tyre.

Gjatë kontrollit të zonës përreth  sekuestroi katër thasë të mbushur me pako me lëndë narkotike Marijuanë me peshë rreth 105 kilogramë.

Ngjarja ka ndodhur mbrëmjen e djeshme rreth orës 23.30 në zonën kufitare Viçisht (territor i Bulqizës-kufi me Maqedoninë)./tvklan.al

 

Policia i ndjek,trafikantet i pergjigje me bresheri! Read More »

Kaos pas ndeshjes ne Gjirokaster,qellohet me gure mes tifozeve!Nderhun policia!

Leave a Comment / Aktualitet, Problematika, Sport / /

[sgmb id=”1″]

Në përfundim të takimit që Skënderbeu fitoi në Gjirokastër kundër Luftëtarit 0-1, tifozërit e të dy kahëve kanë patur një përplasje më njeri-tjetrin.

Kaos pas ndeshjes ne Gjirokaster,qellohet me gure mes tifozeve!Nderhun policia! Read More »

Ne sy te shiteses dhe te kameres klienti vjedh syzet!

Leave a Comment / Aktualitet, Problematika / /

[sgmb id=”1″]

E dinte që dyqani ishte i survejuar nga kamerat e brendshme por një burrë rreth të 40-tave  nuk është merakosur fare për këtë fakt, por ka guxuar që të vjedhë një palë syze optike mu përballë kamerave që ishin drejtuar nga ai në ato momente, dhe të shitëses që ka qenë e pavëmendshme në këtë rast. Ngjarja ka ndodhur tre ditë më parë në rrugën “Myslym Shyri” në Tiranë në orën 16.15 siç shikohet edhe nga video e mëposhtme të siguruar nga ‘BalkanËeb’. Ky është rasti i disatë brenda pak ditëve ku hajdutët e aksesorëve shfaqen hapur nëpër dyqane të shtrenjta, ku deri më tani nuk ka asnjë person të identifikuar.

Ne sy te shiteses dhe te kameres klienti vjedh syzet! Read More »

Burre dhe grua gazetare pushohen nga puna :Shkak nje status ne ‘Faceboook’

Leave a Comment / Aktualitet, Lajmi i fundit, Problematika / /

[sgmb id=”1″]

Të flasësh për demokraci në një vend që përherë e më shumë vetë media është nën ndikimin e politikës është mjaft e vështirë.

Jo më larg se dje burrë e grua gazetarë janë pushuar nga puna për shkak të një statusi në ‘Facebook’ mbi situatën politike në të cilën po kalon vendi.

Është fjala për gazetarin shkodran Simon Shkreli dhe bashkëshorten e tij të cilët punonin një median lokale në Shkodër.

Lajmin ua kanë bërë të ditur papritmas në kohën që Shkreli ishte në studion e lajmeve duke bërë punën e tij si çdo ditë tjetër.

“Shqipëria ka kenë e shkume për lesh, tash ka shku në p*** t’sams”, është ky postimi që i ka kushtuar mjaft shtrenjtë të dyve.

Pas kësaj të shumta kanë qenë mesazhet sensibilizuese në ndihmë të gazetarit. Vetë ai ka reaguar me një status në rrjetet sociale.

“Si njeri i lire jam munduar gjithmone te shpreh mendimin tim. Por ja qe edhe liria e ka nje çmim. Kam zgjedh e do zgjedhi te ruaj lirin time. Pavaresisht pasojave! Respekt per koleget dhe miqt!!!”, shkruan Shkreli.

Në statuset e tij në profilin e vetë në ‘Facebook’ Shkreli jo pak herë ka shprehur qëndrimet kundër mënyrës sesi po qeveriset vendi:

1-Une ose jam i marre ose ne jemi popull pa memorie. I sillet dhurate nga Kisha Katolike Ditmir Bushatit, te birit te ish sekretarit te pare, pjese e asaj nomenglature qe ka persekutu e shkatrru Kishen e Madhe, Kishen e Zojes, Kishen Franceskna,e Kishen e Shenkollit e shume kisha tjera.

Une o jam i marre ose ata njerez qe drejtojne Kishen su plase fare per gjakun e Martireve. Dhurate qe i dorezohet nga Kardinal France Rode.

Une jam per falje, por me pare duhesh me kerku falje per me kene i falun. Falje s’ka kerkuar asnjehere, asnje nga ata qe persekutuan kleriket, e as nga femijet e tyre!!!

2-Pasi e ka shkaterruar e ka denuar, e ka perbaltur per 50 vite. Sot na mbane edhe leksione se si ne duhet te ndjekim edhe ti Lutemin Zojes se Shkodres….

3-Deputet do kemi more ta marrsha tane jane me targa Tirane. Por ma e keqja asht se edhe ata qe po na vijn tu u thirre ne taraf mundohen me fol shkodrançe.

Po te pakten neper dasma me pas ardh o burre ne Shkoder kishe mesu dicka…

Në një intervistë të dhënë për ‘’Tirana Today’’, gazetari Shkreli ka deklaruar se vendimi është tërësish politik dhe se ata nuk mund të ankohën pasi nuk kanë pasur as edhe një kontratë pune me televizionin.

Kujtojmë se në rrjetet sociale çdokush është i lirë të shprehë qëndrimet e tij personale dhe kjo nuk ka pse të reflektohet tek puna e tyre.

Burre dhe grua gazetare pushohen nga puna :Shkak nje status ne ‘Faceboook’ Read More »

Policia Kufitare parandalon dhe godet një tentativë për trafik ndërkombëtar të lëndëve narkotike.

Leave a Comment / Aktualitet, Lajmi i fundit, Problematika / /

[sgmb id=”1″]

Viçisht-Bulqizë, Policia Kufitare parandalon dhe godet një tentativë për trafik ndërkombëtar të lëndëve narkotike.
Autorët që udhëtonin dy me motorr dhe dy me automjet nuk iu bindën urdhërit të Policisë Kufitare për të ndaluar por janë larguar me shpejtësi duke rrezikuar jetën e punonjësve të Policisë Kufitare.
Gjatë ikjes me shpejtësi, dy shtetasit që udhëtonin me motorr dyshohet se kanë qëlluar me armë zjarri në ajër. Policia Kufitare është vënë në ndjekie të tyre ku ka bërë të mundur kapjen dhe arrestimin e dy shtetasve së bashku me autojmetin e tyre të fshehur në një rrugë dytësore.
Gjatë kontrollit të zonës përreth ku ishin fshehur autorët Policia gjeti dhe sekuestroi katër thasë të mbushur me pako me lëndë narkotike Marijuanë me peshë rreth 105 kilogramë. Rreth orës 23.30 në zonën kufitare Viçisht (territor i Bulqizës-kufi me Maqedoninë), shërbimet e Policisë Kufitare, gjatë patrullimit në kufirin e gjelbër kanë konstatuar një motorr dhe një automjet që po lëviznin me shpejtësi në drejtim të kufirit me Maqedoninë.
Policia ka tentuar të ndalojë motorrin dhe më pas automjetin por nuk ka mundur pasi janë larguar me shpejtësi duke rrezikuar jetën e punonjësve të patrullës së Policisë. Gjatë momentit të largimit me shpejtësi, dyshohet se pasagjeri i motorrit ka qëlluar me armë zjarri në ajër.
Shërbimet e Policisë janë vënë në ndjekje dhe kanë kërkuar përforcime. Si rezultat i ndjekies dhe kontrollit të zonës është bërë e mundur që në një rrugë dytësore, policia të gjejë dhe bllokojë automjetin si dhe të arrestojnë në flagrancë drejtuesin e automjetit dhe pasagjerin që udhëtonte me këtë mjet.
Po në vijim të kontrollit të zonës, në afërsi të automjetit janë gjetur dhe sekuestruar 4 thasë, ku brenda tyre kishte 15 pako më lëndë narkotike , gjithësej rreth 105 kilogramë Marijuanë. Ndërko vijon kontrolli i zonës për gjetien e motorrit dhe kapjen e dy personave që qarkullonin me të.
Në vendngjarje ka mbërritur grupi hetimor dhe Specialistët për Narkotikët në Dejtorinë Vendore të Policisë Dibër.
Në përfundim të veprimeve të para të kryera nga Specialistët për Narkotikët, është bërë arrestimi në flagrancë i shtetasëve: Ridjan Miftari, 26 vjeç, banues në Gjoricë Bulqizë, (drejtues i automjetit me të cilin transportohej lënda narkotike). B. I., 17 vjeç, banues në Zall-Strikçan, Zerqan (pasagjer në automjetin që transportohej lënda narkotike).
Gjithashtu po në vijim të veprimeve u bë shpallja në kërkim e shtetasve A.XH, dhe B.O, ku vijon puna për kapjen e tyre. Në cilësinë e provës materiale u sekuestruan 105 kg lëndë narkotike marijuanë, automjeti tip “Fiat”, si dhe dy telefona celularë.
Ndërkohë në vendngjarje vijon puna për gjetien e gëzhojave si dhe të armës së zjarrit me të cilën dyshohet se ka qëlluar në ajër në ikje e sipër pasagjeri që qarkullonte me motorr. Specialistët për Narkotikët në D.V.P.
Dibër po bashkëpunojnë me Prokurorinë për Krimet e Rënda Tiranë për zbardhjen dhe dokumentin e plotë të kësaj ngjarje.
Materialet i kaluan Prokurorisë për Krimet e Rënda Tiranë për veprat penale “Trafikimi i narkotikëve, kryer në bashkëpunim”, parashikuar nga neni 283/a e 25 të Kodit Penal.

 

Policia Kufitare parandalon dhe godet një tentativë për trafik ndërkombëtar të lëndëve narkotike. Read More »

Vlorë, Policia konstaton një ambient që shërbente për kultivimin e bimëve narkotike nëpërmjet llampave elektrike ! Sekuestrohet baza materiale e gjetur në këtë ambient!

Leave a Comment / Aktualitet, Lajmi i fundit, Problematika / /

[sgmb id=”1″]

Vlorë, Policia konstaton një ambient që shërbente për kultivimin e bimëve narkotike nëpërmjet llampave elektrike ! Sekuestrohet baza materiale e gjetur në këtë ambient!

Më datë 30.04.2017, në bazë të një pune hetimore disa ditore, nisur nga informacione të marra në rrugë operative, Policia e Vlorës pas kontrollit të ushtruar në garazhin e një pallati 5-katësh të pa banuar në lagjen “1 Maji” pranë zonës së quajtur “Plazhi i Vjetër” Vlorë, ka rezultuar se: Brenda në këtë garazh është konstatuar një pjesë e ambientit i cili ishte i pajisur me llampa dhe sistem elektrik të posaçëm dhe të përshtatur me kushtet bazë për kultivimin e bimëve narkotike.

Shërbimet kanë gjetur kova të mbushura me pleh si dhe sasi të vogla mbetjesh me lëndë narkotike të dyshuar si Cannabis Sattiva. Gjithashtu, po në këtë ambient është gjetur dhe sekuestruar një mjet lundrues “Gomone” me gjatësi 8.2 m, me dy motora të markës “Mercury” me fuqi 250 CC secili si dhe një mjet tip “Fuoristradë” i cili u gjet i lidhur me gomonen.

Në afërsi të mjeteve janë gjetur dhe sekuestruar 30 bidona plastikë të mbushur me karburant “benzinë” (në total rreth 800 litra).

Për këtë ngjarje, Policia ka shoqëruar 5 persona me të cilët po punon për zbardhjen e ngjarjes. Vijojnë hetimet në bashkëpunim me Prokurorinë për kapjen dhe arrestimin e autorëve si dhe të personave të tjerë të implikuar në këtë aktivitet kriminal duke përfshirë firmën ndërtuese apo punonjës të OSHEE-së, përgjegjës për furnizimin e këtij objekti me energji elektrike.

Vlorë, Policia konstaton një ambient që shërbente për kultivimin e bimëve narkotike nëpërmjet llampave elektrike ! Sekuestrohet baza materiale e gjetur në këtë ambient! Read More »

Një vajzë e re ka tradhtuar të dashurin e saj për të marrë hak pasi edhe ai e kishte tradhtuar, por jo çdo gjë shkoi siç duhej.

Leave a Comment / Aktualitet, Problematika / /

[sgmb id=”1″]

Një vajzë e re ka tradhtuar të dashurin e saj për të marrë hak pasi edhe ai e kishte tradhtuar, por jo çdo gjë shkoi siç duhej.

Ajo e tradhtoi me shokun e tij dhe pasi djali e mësoi nuk donte ta vazhdonte më lidhje. Tashmë ata takohen… por vetëm për seks.

Vajza i ka drejtuar një letër psikologes së ‘The Sun’ ku i kërkon ndihmë pasi nuk di si të sillet me të.

Letra e vajzës

“Zbulova se i dashuri im shkëmbente mesazhe erotike me vajza të tjera dhe kjo gjë më mërziti shumë.

Kam 4 vite e lidhur me të por kohët e fundit kishim filluar të ftoheshim pak. Ndaj vendosa që në përvjetorin tonë të organizoja një surprizë për të.

Prenotova një dhomë luksoze një hotel shumë të mirë. Mora shampanjë, fruta dhe hodha petale gjithandej.

Pasi i pa, i pëlqyen shumë dhe kaluam disa orë vërtetë të veçantë.

Kur ai u fut të bënte dush i erdhi një mesazh në telefon por unë mendova se ia kishte dërguar mamaja e tij dhe e hapa.

Pasi e lexova kuptova se ai fliste me femra të tjera madje e kishin lënë edhe të takoheshin. U ballafaqova me të por ai u betua se nuk ishte asgjë me rëndësi dhe unë e fala.

Por pak kohë më vonë ai e bëri prapë. Atë ditë isha aq e mërzitur dhe dola të pija. Rastësisht takova një shokun tonë të përbashkët dhe përfundova duke bërë seks me të. U pendova shumë por isha e mërzitur dhe e dehur. Edhe pse u mundova të mos ia tregoja të dashurit tim këtë ndodhi, ai e mori vesh dhe ne për një farë kohë u shkëputëm.

Tani kemi filluar dhe takohemi por vetëm për seks. Ai më thotë që më do, por tani ai nuk pranon që të kemi një lidhje normale. Më duket sikur po më shfrytëzon vetëm për seks, nuk di si të veproj…”

Përgjigjja e psikologes

“Në fakt kjo situatë duket pak si shfrytëzim…por nëse ai të do atëherë thuaj që të lidheni dhe të keni një raport normal, nëse nuk pranon atëherë mos e tako më.

Kështu edhe ti mund të takosh persona që do të të duan dhe do kujdesen për ty”.

Një vajzë e re ka tradhtuar të dashurin e saj për të marrë hak pasi edhe ai e kishte tradhtuar, por jo çdo gjë shkoi siç duhej. Read More »

E pabesueshme por e vertete:Ja ku i fshehin nxenesit dhe studentet kopjet e provimeve!

Leave a Comment / Aktualitet, Kuriozitete, Lajmi i fundit, Problematika / /

[sgmb id=”1″]

Kjo fotogaleri sjell mënyra të ndryshme se si studentët kanë kopjuar në provime. Madje iu vijnë në ndihmë edhe mësuese që të parandalojnë kopjet.

Siç shihet edhe nga pamjet, kopjet janë të shumëllojta, nga ndihmesa që i kërkon shokut të bankës deri te komunikimi me telefon me dikë jashtë sallës së provimit që të tregon përgjigjet e pyetjeve.

Por midis meshkujve dhe femrave, duket se këto të fundit kanë më tepër vende apo mundësi, ku mund të fshehin kopjet.

E pabesueshme por e vertete:Ja ku i fshehin nxenesit dhe studentet kopjet e provimeve! Read More »

WP2Social Auto Publish Powered By : XYZScripts.com