Problematika

Vizita e Kryeministrit Rama ne Mifol…

Për të parë nga afër situatën e përmbytjeve në urën e Mifolit, aty dhe ku lumi Vjosa ka dalë nga shtrati dhe çarë argjinaturën ,shkoi edhe kryeministri Edi Rama.
Rama tha se duhet të ndërhyhet në pikat kritike për të qenë më imunë përballë situatave të ngjashme.
“Ishte tej parashikimit. Duke u nisur nga pikat e dobëta të kësaj situate duhet të vazhdojmë me ndërhyrjet aty ku identifikohet domosdoshmëria për krijimin e infrastrukturës së sigurisë dhe mbrojtjes në mënyrë që të kemi shumë më tepër imunitet kur të vijë tjetra”, tha Rama.
Gjatë inspektimit, Rama zhvilloi një takim dhe me ekipin e Ushtrisë në urën e Mifolit të angazhuar në operacionin e shpëtimit të njerëzve që rrezikohen nga përmbytja.

Banorët e fshatrave që janë përmbytur nga Vjosa nuk kanë dashur të lënë shtepite. Kështu ka ndodhur edhe në një banesë, ku kryefamiljari nuk ka pranuar të largohet duke u shprehur se ‘tani ishin mësuar me Vjosën’.

Më poshtë keni dialogun me kryebashkiakun e Fierit, Armando Subashi:

Subashi: Ça ke ti do makinë, të sjellim makinë, edhe ambulance po deshe

Gruaja: Ka frikë

Subashi: Nata do jetë e vështirë, do ketë shumë ujë

Banori: O’po me Vjosën jemi mësuar ne, nuk e kemi problem, po …

Gruaja: Po je mësuar më përpara ti po tani nuk zbret dot shkallet, po he

Situata ne Kuc e renduar , ku lumi ka vershuar ne rrugen kryesore te fshatit, e cila eshte e pakalueshme per banoret. Behet me dije nga banore te zones se nuk ka asnje punonjes apo sherbim te emergjencave ne kete zone, qytetaret kerkojne ndihme…
Vijojnë problemet në infrastrukturë. Sipas raportimeve të banorëve të zonës së Kuçit, është shkëputur nga vërshimi i ujit, një pjesë e asfaltit që lidh fshatin me lagjen e quajtur Lumi i Kuçit. Ndërkohë që niveli i ujit pëson rritje duke paralizuar kështu, lëvizjen e automjeteve dhe qarkullimin e banorëve duke izoluar këta të fundit.

Në Pukë kanë nisur reshjet e dëborës. Nga të dhënat e para theksohet se reshjet kanë arritur në trashësinë e 10 centimetrave.

Ndërkohë që autoritet lajmëron të gjithë drejtuesit e mjeteve që të lëvizin me zinxhirë.

Ndërkohë që elektriçistët kanë filluar punën për riparimin e defekteve dhe kthimin e energjisë.

Situata e përmbytjeve paraqitet e rëndë në Kurbin, ku sipas raportimeve nga terreni, mësohet se qindra hektarë tokë janë përmbytur në fshatin Gotull.

Përmbytjet kanë shkaktuar ngordhjen e bagëtive që nuk janë larguar nga zona.

Po kështu bëhet e ditur se nga reshjet është shembur një urë që lidhte fshatin Gotull me qendrën e Kurbinit, duke izoluar banorët. Sipas tyre, gjendja është e jashtëzakonshme dhe kanë bërë thirrje për ndihmë.

Ndërkaq sipas raportimeve të fundit në Shijak janë shembur tre ura duke bllokuar tre fshatra, Gjepalaj, Çizmel dhe Shetel.

Deri tani raportohet se janë përmbytur 50 banesa, 40 familje janë evakuuar, vijon operacioni nga Emergjencat Civile për shpëtimin e banorëve të tjerë që janë në rrezik.

“Banorët që janë prekur nga përmbytjet e vitit 2015 duhet të lënë banesat”. Kjo ishte thirrja sot e kreut te Emergjencave Civile, Shemsi Premci i cili u eshte drejtuar banoreve qe jane prekur njehere nga permbytjet, per te marre masat e te evitojne cdo loj problemi per sigurine e tyre.

Ne nje lidhje telefonike per “News 24”, Premçi ka dhënë informacion për situatën e fundit te krijuar nga permbytjet dhe per zonat qe jane ne rrezik nderkohe.

Duke iu referuar te dhenave te fundit per parashikimin e motit, ai ben me dije se disa nga lumenjte ne vend si pasoje e prurjeve te medha pritet te dalin nga shtrati, duke krijuar problem jo vetem per qarkullimin, por edhe per permbytjen e zonave qe jane afer tyre.

“Situata ka qene më problematike në Tiranë dhe në aksin rrugor Vorë-Tiranë dhe në aksin Vorë-Thumanë. Ka pasur prezencë uji edhe në aksin Gjirokastër-Thumanë. Ka pasur probleme në aksin rrugor Vorë Thumanë, pasi kishte prezencë uji deri në dy metra në disa biznese”- tha ai.

Sipas tij, pritet të përkeqësohet situata në rajonin juglindor dhe verilindore dhe mund të kemi përmbytje si në vitin 2015. “Banorët që janë kërcënuar nga përmbytjet në vitin 2015 të lënë banesat. Do ketë edhe evakuime me forcë nëse nuk zbatohen rregullat”

Shqipëria është zgjuar sot me mot të keq, rrëbeshe shiu e erë të fortë.

Rrebeshet e shiut që kanë pushtuar vendin kanë shkaktuar probleme me energjinë elektrike në disa zona.

Raportohet se një incident ka ndodhur në Pukë pasi si pasojë e motit të keq është shembur çatia e spitalit.

Mësohet se fatmirësisht nuk ka persona të dëmtuar por vetëm dëme materliale.

Si pasojë e motit të keq, në Gjirokastër nesër është pezulluar mësimi në të gjitha shkollat 9-vjeçare.