Moti i keq me reshje shiu e dëborë, shoqëruar me erëra të pashembullta për stinën dhe për vetë Shqipërinë, ka përfshirë edhe Korçën.
Nga qyteti jug-lindor raportohet se si pasojë e stuhisë është shembur çatia e një pallati.
Banorët thonë se janë tmerruar nga zhurma, por fatmirësisht nuk raportohet të lënduar. Paraprakisht thuhet se si pasojë janë shkaktuar vetëm dëme materiale.
Ulja e temperaturave dhe rikthimi i reshjeve të shiut kanë bërë akoma më emergjente situatën e krijuar nga përmbytjet në zonën e Shkodrës.
Ministrja e Mbrojtjes, Olta Xhaçka u ndal ditën e enjte në Anënn e Malit dhe në Dajç, dy zonat më të prekura nga përmbytjet, ku tha se përparësi e Forcave të Armatosura mbetet zhvendosja e banorëve dhe të gjesë së gjallë. Ministrja tha se janë mbi 550 efektivë të FA dhe disa mjete në shërbim 24 orë për këtë.
“Në 10 ditë janë evakuuar mbi 2500 krerë bagëti. Ndërkohë që kanë mbërritur 90 ton koncentrat. Pritet të mbërrijnë 300 ton koncetratë për bagëtinë”, tha Xhaçka.
Ministrja e Mbrojtjes kërkoi nga çdo strukturë shtetërore që të mbajë përgjegjësinë e vet, ndërsa banorëve në Anë të Malit u premtoi punën për gjetjen e një zgjidhjeje afatgjatë.
“Bashkë me ju do të punojmë për kapërcimin e situatës aktuale dhe për gjetjen e një zgjidhjeje afatgjatë”, u shpreh ajo.
Ministrja shoqërohej nga prefekti Çesk Millja, drejtori i Përgjithshëm i Emergjencave Civile, Shemsi Prençi dhe deputeti i zonës Luan Harusha.
Përmbytjet në Shkodër, Xhaçka: Prioritet evakuimi i banorëve Read More »
E gjithë Shkodra është nën pushtetin e ujit. Sipas të dhënave të shtabit të emergjencave sipërfaqja totale e përmbytur është rritur ndjeshëm, duke shkuar në 4958 hektarë.
Banorët janë pa ujë të pijshëm, ndërsa mbi 300 shtëpia janë të rrethuara nga uji. Një problem tjetër është edhe mungesa energjisë.
Shtyllat e energjisë elektrike janë dëmtuar dhe kërkohet ndërhyrja e OSHEE-së. Uji nuk ka kursyer as shkollat, disa prej të cilave kanë prezencë uji.
NJOFTIMI I PLOTË
Situata në territorin e Bashkisë së Shkodrës deri në orën 09:00 të datës 22 mars 2018, paraqitet si më poshtë:
Pas inspektimeve në terren të bëra nga Bashkia Shkodër, në Njësitë Administrative të përmbytura situata e përmbytjeve vazhdon të përkeqësohet dhe sipërfaqja totale ka arritur mbi 4958 Ha. Në detaje paraqitet si më poshtë:
Njësia Administrative Dajç: 1750 ha
Kërkohet të ndërhyhet për lartësimin e argjinaturës së Pentarit, Shirqit dhe Darragjatit. Rruga Shirq-Darragjat, rruga, Belaj- Pentar, Rruga Bishti i Qarrit dhe Urrela janë të bllokuara.
Në disa shkolla në ambientet e brendshme të shkollës ka prezencë uji. Kanë rënë disa shtylla të energjisë elektrike në rrugën e Dajçit. Kërkojmë nga OSHEE ndërhyrje emergjente duke marrë masat përkatëse.
Paraqitet shume e nevojshme vendosja e shenjave orientuese në rruge për të bërë të mundur kalimin. Janë mbi 300 shtëpi të rrethuara nga uji. Kërkohet furnizim me ujë të pijshëm për banorët.
Njësia Administrative Ana e Malit: 1300 ha
Ujësjellësi Oblika 1 dhe Oblika 2 janë jashtë funksionit. Kërkohet furnizimi me ujë të pijshëm për banorët dhe nevojiten çizme të gjata për banorët. Lagjja Goricë është totalisht e izoluar. Janë 177 shtëpi të rrethuara nga uji, 150 në Obot dhe 27 në Goricë.
Njësia Administrative Bërdicë:
Në njësinë administrative Bërdicë janë mbi 1280 ha tokë e përmbytur .
Stacioni i pompave të Ujësjellësit në Trush si pasojë e përmbytjeve është jashtë funksionit. Janë 100 shtëpi të rrethuara nga uji.
Njësia Administrative Velipojë:
Në njësinë administrative Velipojë, janë të përmbytura mbi 410 Ha tokë:
Në fshatin Luarz del uji nën argjinaturë. Ndërsa në atë të Çasit paraqiten shumë probleme. Kërkohet ndërhyrje emergjente. Rruga nacionale është e pakalueshme.
Fshati Luarz është pa energji elektrike.
Paraqitet shumë e nevojshme vendosja e shenjave orientuese në rrugë për të bërë të mundur kalimin.
Njësia Administrative Rrethina:
Në njësinë administrative Rrethina janë të përmbytura 70 Ha tokë Në zonën e Livadheve (Nj.ad.Rrethina) janë 17 shtëpi të rrethuara nga uji. Në 3 shtëpi ka hyrë uji brenda.
Njësia Administrative Guri i Zi:
Në njësinë administrative Gur i Zi vazhdon gërryerja e tokës në fshatin Juban, në afërsi të Malit të Vukatanës. Paraqitet shume problematike kjo dukuri pasi mund te rrezikohet argjinatura.
Qyteti Shkodër:
Në zonën e Livadheve janë të përmbytura 135 ha. Në këtë rrugë ndodhen mbi 70 shtëpi me prezencë uji afër oborreve të tyre. Me shumë vështirësi kalohet me makinë ushtrie, ndërsa në disa zona kalimi bëhet i mundur vetëm me varkë.
Në lagjen Ajasëm janë rreth 3ha tokë e mbuluar nga uji. Në 13 banesa ka prezencë uji. Bashkia Shkodër ka bërë evakuime të banorëve dhe gjësë së gjallë kur janë paraqitur nevoja. Në këtë moment janë 69 persona të akomoduar në konvikt. Gjithashtu Bashkia Shkodër ka bërë të mundur edhe lëvizjen e banorëve dhe akomodimin e tyre tek të afërmit e tyre.
Specialistët tanë janë në terren, dhe po bëjnë vlerësimet e dëmeve të shkaktuara.
Nevojat për bazë ushqimore afatgjatë, për blegtorinë, në zonat e përmbytura janë Imediate dhe paraqiten si më poshtë:
1. Koncentrat 110t
2. Bar i thatë 50 t
Baza ushqimore e ardhur nuk është e duhura (ka ardhur elb).
Nga ana tjetër, duhet të merren masa për furnizim me klor për dezinfektim për zonat e përmbytura pas tërheqjes së ujit.
Bashkia Shkodër ka bërë një shkresë publike drejtuar Ministrisë së Mbrojtjes ku ka kërkuar shpalljen e gjendjes së emergjencës civile në këto njësi pasi rrezikohet rëndë shëndeti dhe jeta e popullatës, gjësë së gjallë, pasurisë e mjedisit.
Edhe pse kjo kërkesë është përsëritur disa herë, akoma Bashkia Shkodër nuk ka një përgjigje zyrtare nga autoritetet përgjegjëse.
Insistojmë në kërkesën tonë të vazhdueshme për shpalljen e emergjencës civile në një pjesë të territorit të Bashkisë së Shkodrës pasi situata e krijuar është rezultat i shkarkimeve të mëdha në sasi dhe për një kohë të gjatë në kaskadën e lumit Drin.
Bashkia Shkodër është e angazhuar në monitorimin dhe përgjigjen në çdo kohë të nevojave emergjente të banorëve.
Moti ekstrem, që paralajmëroi sinoptikani grek Arnautoglu për Shqipërinë, ka nisur në veri të vendit. Reshjet e dëborës po bien edhe në zonat e banuara, por problemi më i madh është era e fortë në rrugë.
Situata paraqitet e ngjashme në Rrugën e Kombit, në aksin nga Kukësi në Dibër dhe nga Kukësi në Tropojë. Aksi rrugor Bulqizë-Peshkopi kalohet pa zinxhirë, por me vështirësi për shkak të erës së fortë dhe ngricave.
Edhe aksi Qafë e Buallit-Krastë kalohet pa zinxhirë, por ka prani të ngricave. Ndërkohë, aksi Ura e Çerenecit-Steblevë mund të kalohet pa zinxhirë. Trashësia e dëborës ka arritur në orët e para të ditës deri në 20 centimetra.
Vjedhja e të dhënave të përdoruesve të Facebook për fushatat elektorale të partive politike është kryer dhe në Shqipëri. Partneri kryesor i kompanisë britanike, “Cambridge Analytica” që përpunon të dhënat e votuesve online, rezulton se ka akses edhe te adresat dhe llogaritë private të qytetarëve shqiptarë në Facebook.
Kompania SCL (Strategic Communication Laboratories) me qendër në Britani të Madhe konsiderohet se partneri kryesor që mbledh informacionet në mënyrë të paligjshme nga përdoruesit e Facebook. Më pas këto të dhëna private u jepen kompanive të lobimit dhe kompanive që merren me strategjinë e fushave elektorale të partive apo bizneseve.
SLC në profilin e saj, në faqen zyrtare në internet, thotë se mes shumë vendeve ku ka akses të të dhënave operon dhe në Shqipëri. Një konfirmim i tillë nga vet kompanitë do të thotë se informacione pritave të gjithë përdoruesve të Facebook në Shqipëri u janë shitur partive politike në Shqipëri për fushata elektorale. Ende nuk ka të dhëna se cila parti politike kanë pasur kontrata me SCL ose partnerë të tjerë të Cambridge Analytica.
Për të kuptuar përmasat e skandalit që ka ndodhur, mjafton të kujtojmë se këto në Britaninë e madhe dhe SHBA ka nisur një hetim për keqpërdorimin e informacioneve që qytetarët kanë deklaruar në Facebook. Nga hetimet rezulton se kompania “Cambridge Analytica” ka vjedhur të dhënat e 50 milionë qytetarëve për ti përdorur për zgjedhjet e fundit në SHBA.
“Cambridge Analytica” besohet se i përdori të dhënat e mbi 50 milionë përdoruesve të “Facebook”-ut për të krijuar njoftime dhe reklama të individualizuara, duke shënjestruar votuesit amerikanë me mesazhe të caktuara. Të dhënat u analizuan pjesërisht me atë që njihet si “modeli psikologjik i personalitetit” në bazë të 5 tipareve, apo ndryshe “OCEAN V”.
Falë asaj çfarë përftohet mund të shënjestrohen për shembull votuesit besimtarë me rreth 30% mesazhe të fokusuara te feja, 20% mesazhe mbi të drejtat e armëve dhe 30% mesazhe me përmbajtje ekonomike; ndërkohë që pjesëtarëve të shoqatës së armëve “NRA” u dërgohen më së shumti në “Facebook” mesazhe që lidhen me të drejtën e armëmbajtjes.
E njëjta gjë rezulton të jetë përdorur dhe në Shqipëri nga partitë ose kompanitë e marketingut. Kompania SCL në Shqipëri në shumë aktivitete që kanë të bëjnë me tregjet online në Shqipëri prezantohet si lideri global i transmetimit të të dhënave. Ajo ofron shërbime në të gjithë sektorët globalë tregtarë, socialë, politikë dhe të mbrojtjes dhe identifikohet si degë ose përfaqësuese direkte e kompanisë që sot është nën hetim Cambridge Analytica.
Skandali i vjedhjes së të dhënave në Facebook përfshin edhe Shqipërinë Read More »
Përmbytjet e javëve të fundit në Shkodër kanë shfaqur në publik dhe përplasjen e ashpër brenda institucioneve të mazhorancës. Drejtori i Emergjencave Civile, Shemsi Premçi dhe zëvendëskryeministrja, Senida Mesi kanë kundërshtuar njeri-tjetrin lidhur me situatën alarmante që është në këtë qark, si pasojë e përmbytjeve.
Drejtori i Emergjencave Civile, Shemsi Premçi ka bërë thirrje që në mbledhjet e Komisionit të Emergjencave në Shkodër të jetë edhe prokurori i rrethit. Ai deklaroi se Prokuroria duhet të hetojë punimet që janë kryer në disa rrugë të kësaj zone. Sipas tij, cilësia e dobët e punimeve kryesisht në rrugën e Velipojës ka sjellë dhe situatën alarmante të përmbytjeve.
Prençi deklaroi se rrezikohen që argjinaturat të çahen për shkak të nivelit të lartë të ujit dhe se ato duhet të monitoroheshin 24 orë. “Është e pafalshme që të ndërtohet një rrugë si ajo e Velipojës pa marrë parasysh përmbytjet e vitit 2010. Punimet duhet të ndalen urgjentisht dhe prokuroria të nisë një hetim për punimet në rrugën e Velipojës. Punimet të fillojnë pasi prokuroria të përfundojë hetimet për rrugën e Velipojës. Investimi në rrugën e re të Velipojës është skandaloz. Të thirret në këtë tryeze edhe Benet Beci.”
– tha Prençi.
Drejtori i Emergjencave deklaroi se në disa zona të prekura në Shkodër duhet të shpallet gjendja e jashtëzakonshme. Por edhe pse përfaqësuesi i qeverisë për emergjenca e cilëson situatën si alarmante, i njëjti vlerësim nuk është bërë nga ana e Qeverisë. Konkretisht Zëvendëskryeministrja, Senida Mesi deklaroi sot se nuk është nevoja që të shpallet gjendja e jashtëzakonshme. Ajo ka sulmuar direkt dhe drejtorin e institucionit qeveritar Shemsi Premçi.
“Nuk dua te merrem me deklarata emotive. Gjendja po vlerësohet, inxhinierët e firmave janë në terren. Nëse rruga ka problematika ato do rishihen dhe do zgjidhen. Situata është e tillë që po e menaxhojmë. Te gjitha strukturat janë në terren. KESH ka akorduar 10 mln lekë të reja për këto banore si ndihme për nevojat që kanë”,– tha zv/kryeministrja, Mesi.
Në replikat e institucioneve bie në sy jo shqetësimi për banorët, por halli i sherreve mes qeveritarëve. Premçi sulmoi publikisht kreun e Fondit Shqiptar të Zhvillimit, Benet Beci, i cili drejton institucionin që është përgjegjës për ndërtimin e rrugëve ku kanë ndodhur përmbytjet. Në vend të marrjes së masave për përmbytjet, qeveria dhe konkretisht zv/kryeministrja nuk merret me banorët, por me drejtorin e emergjencave civile.
Përmbytja në Shkodër veç problemeve të zakonshme me emergjencat po nxjerr dhe themelet dhe problemet reale të qeverisjes. Por pyetur në zyrat e Fondit Shqiptar të Zhvillimit në lidhje me çfarë ka thënë Shemsi Premçi, thonë se rruga e Velipojës nuk ka asnjë lidhje me përmbytjet në Shkodër.
Nuk dihet nëse do ti qëndrojë akuzës së tij drejtori i Emergjencave, Premçi apo ka marrë ndonjë kërcënim nga kryeministrit dhe do ta ndryshojë qëndrimin e tij shprehur live në media.
Zv/kryeministrja Mesi sulmon drejtorin e Emergjencave Premçi Read More »
Rajoni i Kukësit është përfshirë nga reshje shiu duke shkaktuar një sërë problemesh në rrugët nacionale dhe rurale. Ndërsa me intensitet mesatar e reshjet borës kanë filluar në Bashkinë e Tropojës. Lartësia e borës në Q. Luzhë 3 cm, Q. Morinë 2 cm e në rajonin e Valbonës 10 cm.
Akset më problematike gjatë mëngjesit të sotem u paraqitën ato që lidhin Kukësin me Peshkopin, Hasin dhe Shishtavecin për shkakë të rënjës së gurëve dhe rrëshqitjes së dherave.
Sipas shtabit të emergjencave civile në prefekturën Kukës vijojnë të jenë të izoluar banorët e fshatit Lojme si dhe banorët e njësis administrative Arrën të bashkise Kukës prej mëse 1 muaji.
Ndërsa janë shfaqur edhe problemet me furnizimin me energji elektrike tek banorët e njësisë administrative Margegaj dhe disa fshatra të njësisë administrative Bytyç të bashkise Tropojë.
https://youtu.be/1sEFsA4gOpY
Shqipëria çdo vit shfrytëzon rreth 3 milion metër kub lëndë drusore për ngrohje, duke sjellë kështu një degradim të fondit pyjor.
Pavarësisht se është nën moratorium, ky i fundit nuk ka ndikuar ndjeshëm në parandalimin e prerjeve pa kriter, sidomos në zonat e thella malore.
Sipas ekspertëve të fushës, vetëm në vitin 2016 sasia e druve të zjarrit të prera rezultoi të ishte rreth 2.99 milion, sasi kjo që është më shumë se dyfishi i volumit të pyjeve që rriten.
Abdulla Diku, ekspert i pyjeve: Nuk është se ka ndonjë zhvillim pozitiv moratoriumi. Në fakt, shqiptarët vijojnë që të përdorin masivisht lëndën drusore për ngrohje, me dru zjarri. Janë dy studime, njëri i FAO-s i qershorit të vitit 2017, i cili rezulton me një shfrytëzim të pyjeve që shkon në 2.6 milion metër kub dru në vit. Një tjetër astudim i bankës Botërore që përfundon këto ditë, që tregon se kemi 3 milion metër kyub dru zjarri që ne shfrytëzojmë çdo vit
Abdulla Diku, ekspert i pyjeve, shpjegon, se bilanci mes rritjes së pyjeve dhe prerjes është më minus 1.5 milion . Nëse këtij bilanci i shtojmë edhe sasinë e pyjeve që priten për lëndë ndërtimi dhe lëndë që përpunohet për sektorin e industrisë së drurit, por dhe sasinë e pyjeve që dëmtohet prej zjarreve, ky bilanc është 2-3 herë më i madh.
Abdulla Diku, ekspert i pyjeve: Gjendja e pyjeve në Shqipëri nuk është aspak e mirë. Nuk është aspak e mirë në të gjitha aspektet, si në atë të siëprfaqes së pyjeve që ka ardhur duke u tkurrur vit pas viti ashtu edhe në volumin e pyjeve. Agjencia Europiane e Mjedisit raporton se në Shqipëri, sasia e pyjeve që priten është 3-5 herë më i shumë sesa ajo që rritet.
Për ekspertët, nëse ecet me këtë ritëm, në pak vite Shqipëria mund të kthehet në vendin e vetëm në Europë që rrezikon ekzistencën e fondit pyjor.
Abdulla Diku, ekspert i pyjeve:Nga të gjitha pikëpamjet, pyjet në Shqipëri paraqiten në nivelin më të degraduar se në çdo vend tjetër europian. Nuk ka asnjë vend tjetër europian ku ne të krahasohemi me to në drejtim të përdorimit të qëndrueshëm të pyjeve. Fjala “Përdorim i qëndrueshëm i pyjeve” nuk ka asnjë lidhje me situatën në Shqipëri.
Sipas INSTAT, në vitin 2016 Shqipëria ka rezultuar të ketë rreth 1.05 milion hektar me pyje, me nje volum lënde drusore rreth 55 milion .
Pyjet konsiderohen mjaft të degraduara, duke pasur një volum prej vetëm 52 ha, ku vetëm gjatë 10 viteve të fundit, 2006-2016, fondi pyjor i vendit është pakësuar me afro 26 milion lendë drusore, me nje ritëm pakësimi prej 2.5 milion vit, ose rreth 32% të fondit pyjor kombëtar.
Pyjet, ekspertët: Në Shqipëri priten 3 – 5 herë më shumë sesa mbillen Read More »
