Politike

Mbrëmjen e sotme deputeti i Partisë Socialiste, Alket Hyseni, ka bërë një deklaratë që mori një vëmendje të madhe.
Hyseni ishte i ftuar në emisionin “Të paekspozuarit” të Ylli Rakipit dhe teksa po flitej për Reformën në Drejtësi dhe çështjen Tahiri dhe CEZ, ai bëri një deklaratë.

Ai tha për kryeprokuroren e re:

Arta Marku do ta tundi mirë…”
Por, për çfarë ta ketë pasur fjalën Hyseni? Mos ndoshta Edi Rama kërkon të përdorë drejtësinë, pas kapjes së kryeprokurores, për të sulmuar kundërshtarët politikë.

Ish-kryeministri Sali Berisha duke dënuar votën e Shqipërisë kundër SHBA-së në OKB për cështjen e Izraelit dhe duke akuzuar rëndë Ramën për këtë vendim, ka zbuluar për herë të parë telefonatën e bërë mes tij dhe Erdoganit në vitin 2012.

“Më 28 nëntor 2012 kam pasur telefonatë të gjatë me kryeministrin e Turqisë. Në këtë telefonatë i kam bërë të qartë se unë nuk ndjek kurrë politikë tjetër përvec SHBA. I kam thënë se Shqipëria nuk do të bëhet kurrë shtojcë e Turqisë”- tha Berisha.

Ai ka theksuar më tej se “kisha fjalim tim në OK, i kisha thënë direkt, ju ftoj ta tërheqim rezolutën se ka vetëm një qëllim përjashtimin e SHBA. Rezoluta që votuan bijtë e etërve në Stamboll kërkon përjashtimin e SHBA nga Lindja e Mesme, u them shqiptarëve një gjë po të mos jenë SHBA Lindja e Mesme s’do ishte kurrë kjo që është dhe ndoshta luftë botërore do të kishte.

Pas anëtarësimit në NATO kemi përcaktuar do votohet cdo rezolutë si SHBA-ja, po ju them prerë se nëse Trump sulmon Korenë e Veriut Shqipëria të jetë ndër vendet e para që e mbështet, fati i kësaj bote pa SHBA nuk ka asnjë të garantuar, ata nuk lëkunden, nuk hyjnë në vrima miu. Nëse nuk ta tha Donald Lu, të ka thënë Donald Trump”- tha Berisha.

Ish-kryeministri Sali Berisha ka pasur akuza të forta në drejtim të qeverisë sot për faktin se po kthehet në një shtojcë të Turqisë.

Në fund Berisha e ka rekomanduar Ramën që të shkojë dhe të bëhet synet në Turqi.

“Po s’pajtohem kurrë me presidentin e Turqisë që thotë se Kosova nuk u në shtet, shko bëhu synet atje ti. Unë jam Sali Berisha dhe i dinë të gjithë haptazi qëndrimet e mija”, u shpreh Berisha.

“21 Dhjetori është dita e rikthimit të votës së etërve, të Enver Hoxhës kundër SHBA-ve. Kundër vendit që ka bërë aq shumë për ndërtimin e shtetit shqiptar, kundër vendit që pas vendosjes së diktaturës, ndërmorri operacionin për rëzimin e etërve të këtyre që votuan kundër SHBA-ve.

Votuan kundër vendit që udhëhoqi luftën kundër kasapit të Ballkanit për të mbrojtur shqiptarët e Kosovës.

Delegacioni i Maqedonisë braktisi sallën, kemi të bëjmë me njerëz ordiner si ky këtu. Përfaqësuesja e SHBA-ve kërkoi dy herë që ne të votonim pro tyre, po jo ne se bëmë këtë. Kjo është një ndarje e thellë si me thikë, neë rastin e Shqipërisë midis lindjes dhe Perëndimit. Jua them unë, votimi ynë është njësoj me lindjen.

Në 2012 unë kam pasur një telefonatë të gjatë me kreministrin e Turqisë, për të cilin kam pasur respekt, po ama e kam bërë të qartë se Shqipëria nuk do bëhet shtojcë e Turqisë në politikat globale. Ia kam bërë të qartë atij se ne do të jemi krah SHBA-ve në vendimet e saj. Po të mos jetë SHBA lindja e mesme nuk do të jetë kurrë kjo që është tani”, u shpreh më herët Berisha.

Pas analistit Fatos Lubonja, edhe publicisti Mustafa Nano i sheh me dyshime arrestimet e fundit të prokurorisë, konkretisht ndalimin e ish-drejtorit të Rrugëve, Dashamir Xhika.

I ftuar në emisionin “Opinion” në TV Klan, Mustafa Nano tha se nëse arrestimet e tjera do të jenë sërish nga LSI dhe PD atëherë kjo është politikë.

Ai tha se nuk ka kuptim që korrupsioni qenka vetëm në një krah politik, PD apo LSI, kur zyrtarët e PS-së kanë pesë vite në pushtet.

“…Nëse vazhdon të arrestohen zyrtarë të LSI, kjo punë e prokurorisë nuk shkon. Prit, se janë dhe 5 vjet zyrtarë të PS në pushtet. Kjo punë nuk shkon….”,- tha Mustafa Nano.