Politike

Deklarata e Ramës në Kosovës. Reagojnë Krasniqi dhe Berisha: Matrapaz…

Leave a Comment / Opinione, Politike / /

Dy profesorët e Universitetit të Prishtinës, Milazim Krasniqi dhe Ibrahim Berisha kanë dalë kundër idesë së Edi Ramës për një President të përbashkët për Kosovën dhe Shqipërinë.
Krasniqi e ka quajtur Kryeministrin e Shqipërisë aventurier, të pabesë dhe përçarës derisa Berisha ka thënë se udhëheqja e Kosovës nuk duhet të nënshtrohet para matrapazve qeveritarë nga Shqipëria.

“Edi Rama është aventurier. Është përçarës. Është i pabesë. Të tilla i ka të gjitha iniciativat e deritashme në drejtim të Kosovës. Të tillë e pati propozimin edhe sot në Prishtinë. (Sapo BE-ja e ka veçuar nga Serbia rrugën e Kosovës drejt integrimit, ky tipi synon ta mjegullojë e të mbulojë atë rrugë me dilema të tjera.Synon të frikësojë BE-në, me gjoja “qëllimet e fshehta” të Kosovës!!!) Pra, iniciativat e tij kanë vetëm një qëllim: të dobësojnë shtetin tonë e të inkurajojnë armiqtë e tij. Qaq. Prandaj askush nuk duhet ta marrë seriozisht, asnjë propozim të Ramës. As këtë të fundit, sepse edhe ky është hileqar”, ka shkruar Krasniqi, në një reagim, pas propozimit të Ramës.

Edhe profesori i Sociologjisë, Ibrahim Berisha ka thënë se përpos matrapazëve qeveritarë nga Shqipëria kujdes duhet patur edhe nga dinakëve nacionalistë të Serbisë.

“Shoqëria, shteti i Kosovës, meriton qeveri dhe udhëheqje të dinjitetshme që nuk është inferiore dhe e nënshtruar ndaj matrapazve qeveritarë të Shqipërisë dhe dinakëve nacionalistë qeveritarë të Serbisë”, ka shkruar Berisha,

Edhe Partia më e madhe në Kosovë, LDK, ka dalë kundër një ideje të tillë. Madje, Avdullah Hoti e ka quajtur një mosrespket ndaj Kosovës një ide të tillë të ardhur nga udhëheqësi i Shqipërisë.

“Propozimi i Edi Ramës për president mbarëkombëtar është mungesë respekti për aspiratat e kosovarëve për shtet të pavarur, të integruar në BE dhe NATO”, ka shkruar Hoti, në një reagim në FB.

Ndërkohë, avokati Dastid Pallaska, Avokati Dastid Pallaksa ka reaguar ndaj idesë së Edi Ramës për një President kombëtar të Kosovës dhe Shqipërisë si ide e cila mund të realizohet në dhjetë vitet e ardhshme.

Por, Pallaska thotë se Kosova dhe Shqipëria në dekadën e ardhshme mund të krijojnë vetëm një institucion që mund t’i pensiononte patriotët e karrierës. Pastaj të njëjtit të përfundonin në Burgun e Sigurisë së Lartë në Dyzë ose në Burrel.

“Të vetmin institucion të përbashkët që munden me e kriju Kosova dhe Shqipëria në 10 vitet e ardhshme është një “dhomë e lartë e dy parlamenteve” ku do të kishin mundësi me u pensionu të gjithë patriotat e karrierës nga të dy vendet. Për seli mundemi me bisedu. Është Dyzi por edhe Burreli nuk është vend i keq”, ka shkruar Pallaska.

Shefi i Qeverisë shqiptare, Edi Rama, ka propozuar një President gjithëkombëtar dhe një politikë kombëtare të sigurisë.

Këto dy propozime, Rama i ka bërë gjatë fjalimit në Kuvendin e Kosovës, për nder të Dhjetëvjetorit të Pavarësisë së Kosovës.

“Kosova dhe Shqipëria do të kenë një politikë të jashtme e jo veç ambasada dhe përfaqësi diplomatike të njëjta po pse jo një president simbol të unitetit kombëtarë dhe një politikë kombëtare të sigurisë”, ka thënë Rama, në fjalimin e tij, shkruan Gazeta Express.

E ka pranuar se një ide e tillë nuk është e realizueshme tash po ka thënë se edhe dicka që ëndërrohet mund të realizohet.

“Mbase ky parafytyrim sot mund të mos jetë i qëllueshëm në rrafshin e racionales, por historia na këshillon se çka është e drejtë të ëndërrohet nuk është e pamundur të realizohet”, ka shtuar ai.

Deklarata e Ramës në Kosovës. Reagojnë Krasniqi dhe Berisha: Matrapaz… Read More »

Kush është ministri shqiptar që u fëlliq publikisht në BE pasi nuk dinte asnjë fjalë anglisht

Leave a Comment / Aktualitet, Politike / /

Ministri i Tregtisë dhe Industrisë në Kosovë duket se ka kaluar një moment shumë të sikletshëm në një samit të BE-së, për shkak se nuk di asnjë fjalë anglisht.
Bajram Hasani ka promovuar ditë më parë turizmin e Kosovës para ministrave të vendeve të BE-së, por duket se ka dalë bllof me gjuhën angleze.

Ndërkohë po promovonte turizmin e Kosovës, samiti hasi një problem pasi nuk kishte përkthim nga gjuha shqipe dhe ministrit Hasani iu kërkua të vazhdojë fjalimin e tij në gjuhën angleze ose ndonjë tjetër gjuhë zyrtare.

Por Hasani dukej se nuk dinte asnjë nga gjuhët zyrtare.

Në pamundësi të vazhdonte fjalimin e tij në gjuhën angleze, ministri vazhdoi në shqip derisa kolegu pranë tij mori përsipër të përkthejë në anglisht për të tjerët.

 

Kush është ministri shqiptar që u fëlliq publikisht në BE pasi nuk dinte asnjë fjalë anglisht Read More »

Rama nga Kuvendi i Kosovës hedh hapin për ‘Shqipërinë e Madhe’: Duhet të kemi një President simbol të unitetit kombëtar

Leave a Comment / Politike / /

Kryeministri Edi Rama ka folur për një politikë të jashtme të përbashkët mes Shqipërisë dhe Kosovës. Duke mbajtur fjalën e tij në Kuvendin e Kosovës ku u mbajt një seancë solemne për 10-vjetorin e Pavarësisë.

Kryeministri foli për një president simbol të përbashkët të të dy vendeve në të ardhmen.

“Kosova dhe Shqipëria do të kenë një politikë të jashtme, e jo veç ambasada dhe përfaqësi diplomatike të njëjta, por pse jo një President simbol të unitetit kombëtar dhe një politikë kombëtare të sigurisë. Mbase ky parafytyrim sot mund të mos jetë i këshillueshëm në rrafshin e racionales, por historia për të cilën mora leje qysh në fillim për të mos folur sot, na këshillon se çka është e drejtë të ëndërrohet, nuk është e pamundur të realizohet“, u shpreh Kryeministri Edi Rama.

Kreu i qeverisë shqiptare foli ndër të tjera edhe për përmirësimin e unifikimit të arsimit mes Shqipërisë dhe Kosovës dhe për lehtësimin e procedurave doganore në kufi, shkëmbimet tregtare dhe turizmin.

Në këtë seancë solemne të Kuvendit të Kosovës, ishin të pranishëm edhe Presidenti shqiptar Ilir Meta, kryetari i Kuvendit Gramoz Ruçi, kryetari i opozitës Lulzim Basha dhe ish-Kryeministri Sali Berisha.

Rama nga Kuvendi i Kosovës hedh hapin për ‘Shqipërinë e Madhe’: Duhet të kemi një President simbol të unitetit kombëtar Read More »

Politikanët shqiptarë të gjithë së bashku në seancën solemne në Kuvendin e Kosovës, Rama: Ma falni…

Leave a Comment / Aktualitet, Politike / /

Kuvendi i Kosovës mbajti sot seancën solemne për nder të 10-vjetorit të Pavarësisë së Kosovës.

Te pranishëm në Prishtinë janë ish-kryeministri Sali Berisha, presidenti Ilir Meta, kryeministri Edi Rama, kreu i opozitës Lulzim Basha dhe kreu i Kuvendit, Gramoz Ruçi.

Kryeministri Rama ka mbajtur një fjalë përshëndetëse me kete rast.

“Ma falni shmangien e historisë në këtë fjalim përshendetës”, tha nder te tjera Rama.

Politikanët shqiptarë të gjithë së bashku në seancën solemne në Kuvendin e Kosovës, Rama: Ma falni… Read More »

‘Sherri’ mes kryeministraash, flet Rama: Shpresoj që Haradinaj të bëjë gjënë e duhur, ja cfarë folëm

Leave a Comment / Politike / /

Kryeministri i Shqipërisë Edi Rama, që ndodhet në Prishtinë për të marrë pjesë në festimet për 10-vjetorin e pavarësisë së Kosovës, ka folur për marrëdhëniet mes dy vendeve, por edhe debatet me homologun e tij kosovar. Ai ka rrëfyer se darka me Haradinaj ishte planifikuar që para intervistës, ku e quajti shpikje të politikës kosovare çështjen e Demarkacionit me Malin e Zi. Pas deklaratave të Ramës, Haradinaj reagoi duke i këshilluar kryeministrit të Shqipërisë të merret me shpikjet e tija.

Rama në një intervistë për TCH, tha se “janë 10 vjet me shumë arritje, sfida, me jo pak probleme por ajo që është e rëndësishme është se si gjithmonë kur ka një përvjetor jubilar dhe koha kthehet prapa atëherë pa dyshim që është një ditë për tu gëzuar, sepse në të gjitha rastet s’ka asnjë krahasim me ku ishim 10 vite më parë”.

Mund të kishte bërë më shumë Kosova, Shqipëria? Kam parasysh këtu dështimin për pak vota për t’u anëtarësuar në UNESCO që është një gjë shumë konkrete?
Gjithmonë mund të bëhet më shumë, ka gjithmonë arsye për të menduar se diçka mund të ishte bërë më mirë, por në fund e rëndësishme është që ajo çka është bërë është shumë më tepër se ajo që nuk është bërë.

Kosova pret shumë që të paktën këtë vit, nëse do të arrijë të përmbushë detyrimin e saj për demarkacionin me Mali e Zi të mund të marrë liberalizimin e vizave, ndoshta në fund të këtij viti. Por sot Shqipëria ka patur një rol të sajin, dhe ju keni ndikuar e keni bërë deklarata publike, presidenti Meta po ashtu. Mendoni se ka ardhur momenti që ky ngërç të zgjidhet? E keni thënë dhe mbrëmë në një intervistë televizive?
Unë jam shpresëplotë që janë momentet e fundit të ngërçit dhe uroj shumë që shpresat të realizohet me një votë ratifikimi në Kuvend për ta çliruar përfundimisht Kosovën nga pengesa e tmerrshme e pamundësisë për të lëvizur lirisht qytetarët e saj. Por jo vetëm kaq, por edhe për të rivendosur shtetin në një pozicion të respektueshëm pasi kjo e demarkacionit i ka shkaktuar kosto shumë të mëdha shtetit të Kosvoës, në raport me komunitetin ndërkombëtar, dhe miqtë dhe partnerët që janë kontributorët kryesorë të lindjes së shtetit të Kosovës.

U sqaruat me kryeministrin e Kosovës Haradinaj për këtë qëndrim tuajin, për atë deklaratë të bërë mbrëmë në intervistë e më pas pasuar nga një postim në Facebook. Sepse më pas keni pasur trokitje gotash. U kapërcye ngërçi?
Jo e kishim lënë darkën pas emisionit dhe nuk kishte asgjë për të sqaruar. Unë kam bindjen time, ai të vetën, nuk ka asnjë problem.

Çfarë ishte batuta e parë që ju tha në momentin e parë që hytë në sallë?
Asnjë problem. Unë ashtu sikundër jam i drejt për drejtë kur flas, nuk e kam problem kur të tjerët janë të drejtpërdrejtë kur flasin. Nuk ka rëndësi fare, në fund fare se çfarë është thënë, rëndësi ka se çfarë do të bëhet. Unë uroj shumë që Ramushi do të bëjë gjënë e duhur dhe me kaq mbaron.

‘Sherri’ mes kryeministraash, flet Rama: Shpresoj që Haradinaj të bëjë gjënë e duhur, ja cfarë folëm Read More »

Kosova 10 vjet shtet – Bashkohet politika shqiptare: Një e ardhme e ndritur e pret

Leave a Comment / Histori, Politike / /

Kosova sot feston 10 vjetorin e pavarësisë. Liderit shqiptarë të politikës kanë përcjellë urimet për këtë ditë.

Kështu presidenti i Republikës së Shqipërisë Ilir Meta në një mesazh urimi deklaron se Kosova në këtë dekadë të parë ka bërë përparim të jashtëzakonshëm në të gjithë elementët shtetndërtues dhe të përfaqësimit të saj dinjitoz në botë.

“Me rastin e 10-vjetorit të Pavarësisë së Republikës së Kosovës, kam privilegjin dhe kënaqësinë e veçantë t’ju përcjell në emrin tim dhe të gjithë qytetarëve të Republikës së Shqipërisë, urimet më të ngrohta e vëllazërore. Në këtë dekadë të parë si shtet i pavarur dhe sovran, ndajmë me ju krenarinë e përparimit të jashtëzakonshëm që Kosova ka bërë në të gjithë elementët shtetndërtues dhe të përfaqësimit të saj dinjitoz në botë. Jam gjithashtu i entuziazmuar që marrëdhëniet tona vëllazërore dhe ndërshtetërore janë në nivelet më të larta të bashkëpunimit, dhe janë konsoliduar në shtratin e integrimeve europiane dhe euro-atlantike, përkrah partnerëve tanë strategjikë. Kam bindjen e thellë se, vetëdija, pjekuria dhe përgjegjshmëria e lartë shtetërore që karakterizon institucionet dhe popullin e Kosovës do të mundësojnë një zhvillim edhe më të shpejtë e të shumëdëshiruar”- thuhet në mesazhin e urimit të Kreut të Shtetit Shqiptar, Ilir Meta.

Kryeministri Edi Rama urimet i ka përcjellë nëpërmjet një përplasje gotash me homologun e Kosovës Ramush Haradinaj.

“Përplasje gotash në shtëpinë e Haradinajve. GEZUAR FESTEN E PAVARESISE”, shkruan në facebook.

Kryetari i Partisë Demokratike nëpërmjet një postimi në facebook ka uruar pavarësinë, duke deklaruar se Kosova ka një të ardhme të ndritur përpara.

“Gëzuar Pavarësinë, Kosovë! Gëzuar këtë ditë të madhe për të gjithë shqiptarët!

Sot, ne jemi të gjithë me mendje dhe me zemër në Kosovë. Përulemi para veprës së Ibrahim Rugovës, Adem Jasharit e mijëra bijave e bijve të Kosovës dhe mbarë kombit që luftuan e sakrifikuan për këtë ditë të madhe. Sot kujtojmë me përmallim të gjithë të dashurit tanë që u ndanë nga ne me pengun se nuk e panë dot Kosovën të lirë. Por mbi të gjitha, sot jemi krenarë për Kosovën. Jemi kryelartë para botës dhe kombeve se Kosova ka treguar çdo ditë në këta 10 vjet se pavarësia e saj ishte jo vetëm drejtësi njerëzore dhe historike, por edhe burim për paqen, zhvillimin dhe europianizimin e të gjithë Ballkanit. Jemi plot besim se Kosova ka përpara një të ardhme të ndritur, të përparuar dhe europiane. Sot, ne e dimë se e ardhmja e të gjithë shqiptarëve është e bekuar”- theksoi kryeministri Edi Rama.

Edhe Kreu i PD, Lulzim Basha shpreh urimet e tij, duke theksuar se të gjithë ndihen krenarë për Kosovën.

“Sot, ne jemi të gjithë me mendje dhe me zemër në Kosovë. Përulemi para veprës së Ibrahim Rugovës, Adem Jasharit e mijëra bijave e bijëve të Kosovës dhe mbarë kombit që luftuan e sakrifikuan për këtë ditë të madhe. Sot kujtojmë me përmallim të gjithë të dashurit tanë që u ndanë nga ne me pengun se nuk e panë dot Kosovën të lirë”, shkruan Basha në mesazhin e tij të urimit të përcjellë përmes faqes së tij zyrtare në rrjetin social “Facebook”.

Ministri i Jashtëm Ditmir Bushati në urimin e tij theksin projektet që kanë dy vendet në 10-vjeçarin e ardhshëm.

“Heqja e barrierave ekonomiko-tregtare, krijimi i lehtësirave të qarkullimit të kapitalit, mallrave dhe njerëzve, si dhe promovimin e përbashkët i gjuhës dhe kulturës shqiptare në botë, janë udhëzues për dhjetëvjeçarët e ardhshëm”,shkruan Bushati.

Edhe Kryetari i Bashkisë së Tiranës, Erjon Veliaj ka përcjellë urimet e tij për 10-vjetorin e pavarësisë së Kosovës nëpërmjet një vedeomesazhi.

“Unë mendoj se kjo është një ditë për të reflektuar sesa kemi arritur por edhe për të hapur imagjinatën sesa larg mund të shkojmë. Shqipëria dhe Kosova e kanë të ardhmen përpara dhe ditën më të mira janë përpara nesh kur ne bashkëpunojmë për të punuar për vendin tonë”.

Urimet për Kosovën kanë ardhur edhe nga nënkryetari i LSI, Luan Rama, i cili thekson se pavarësia e saj është një ëndërr e të gjithëve që është bërë realitet.

“10 – vjetori i Pavarësisë së Kosovës – festë për të gjithë shqiptarët e botës. Kosova e pavarur – ëndërra jonë e bukur e bërë realitet. Pavarësia e Kosovës, monument përjetësie për luftën e UÇK-së. Thua Kosovë dhe ke thënë atdhetari, sakrificë, heroizëm e dinjitet kombëtar”.

Kosova 10 vjet shtet – Bashkohet politika shqiptare: Një e ardhme e ndritur e pret Read More »

Basha reagon për deklaratat e Ramës: Ky gënjeshtar kërkon t’i japë mend edhe Kosovës

Leave a Comment / Opinione, Politike / /

Pas deklaratave të kryeministrit të Shqipërisë Edi Rama,i cili kritikonte qeverinë e Kosovës, ka ardhur dhe reagimi i kreut të opozitës Lulzim Basha.

Me anëtë një statusi në “Facebook”, kreu i PD, Basha e ka cilësuar Ramën si turpin e shqiptarëve dhe gënjeshtar të droguar. Sipas tij, Rama nuk njeh më kufij, pasi shkatërroi Shqipërinë tani kërkon t’i japë mend edhe Kosovës.

Basha reagon për deklaratat e Ramës: Ky gënjeshtar kërkon t’i japë mend edhe Kosovës Read More »

Haradinaj i përgjigjet Ramës: Mos u merr me Kosovën, Shqipëria të del boll

Leave a Comment / Aktualitet, Debat, Politike / /

Kryeministri i Kosovës, Ramush Haradinaj ka reaguar menjëherë pas deklaratave të bëra nga Edi Rama, në lidhje më atë se demarkacioni ishte debat i shpikur nga politika e brendshme e Kosovës.

Ai në profilin e tij në Facebook ka shkruar  se Edi Rama nuk ka çfarë të flasë për shpikjet politike në Kosovë.

“Le të merret me shpikjet e veta brenda Shqipërisë se i dalin boll”, ka shkruar Haradinaj.

Ndryshe, kryeministri i Shqipërisë, Edi Rama, ka thënë në emisionin “Zona e Pavarësisë” në “Klan Kosova”, se problematika rreth demarkacionit u shpik nga politika e brendshme e Kosovës.

Sipas Ramës, kjo ka rrezikuar seriozisht reputacionin e Kosovës në arenën ndërkombëtare. 

Rama për demarkacionin:

“Unë kam preferuar gjithmonë që debatet me miqtë e mirë këtu në Prishtinë t’i bëj në mënyrë diskrete, sy me sy, por çështja e demarkacionit u kthye dhe është sot e gjithë ditën në një gur që rëndon mbi qafën e Kosovës dhe që ka krijuar një pështjellim jo të vogël, në mes atyre që janë fuqia që lindi shtetin e Kosovës, partnerët strategjikë ndërkombëtarë të shqiptarëve”, ka pohuar Rama, njofton Klan Kosova.

“Demarkacioni do të çlirojë më në fund popullin e Kosovës nga pengesa e tmerrshme e vendosur nga BE-ja për të lëvizur lirisht në Europë, pasi nuk ka qenë e drejt që kjo lëvizje të kushtëzohet me demarkacionin dhe është e turpshme për Bashkimin Europian. Këtë ua kam thënë në sy të gjithëve atyre që kam takuar në BE”.

“Por çështja e Demarkacionit ka edhe një komponentë tjetër; ka rrezikuar seriozisht reputacionin e Kosovës në arenën ndërkombëtare. Ka rrezikuar besimin dhe mbështetje e partnerëve strategjikë të Kosovës dhe shqiptarëve, pasi refuzimi për ta ratifikuar këtë marrëveshje është mungesë serioziteti nga Kosova”.

“Në ndërkohë që miqtë e mëdhenj të shqiptarëve janë të angazhuar në zgjedhjen e problemit real mes shqiptarëve dhe serbëve, demarkacioni është një problem i shpikur nga politika e brendshme e Kosovës që nuk ka asnjë bazë reale dhe që është një padrejtësi ndaj njerëzve të këtij vendi”.

“Por unë kam ndeshur një mur të shurdhër sa herë kam folur për këtë dhe sa herë kam përcjell këtu atë që kam dëgjuar në takimet me homologë në nivelet më të larta të marrëdhënieve ndërkombëtare”.

“Atëherë më është dashur që edhe publikisht të them atë që duhet të thënë dhe shpresoj shumë që Kuvendi i Kosovës të ratifikojë këtë marrëveshje dhe ta mbyllë këtë kapitull që duhet harruar një orë e më parë, pasi ka ngritur pikëpyetje në sytë atyre që e lindën shtetin e Kosovës pa asnjë arsye dhe është e pajustifikueshme nga pikëpamja strategjike të bësh gabim të kësaj natyre”.

Haradinaj i përgjigjet Ramës: Mos u merr me Kosovën, Shqipëria të del boll Read More »