Politike

Që nga momenti i marrjes së drejtimit të Lëvizjes Socialiste për Integrim, Monika Kryemadhi është përballur me kundërshtitë e forta brenda forcës politike të cilat rrjedhimisht kanë sjellë edhe largime masive.

Deputeti i LSI Robert Bitri nuk u largua sot nga salla e Kuvendit, pavarësisht se kolegët e tij opozitarë vendosën të largoheshin nga salla.

Për Bitrin kjo nuk është hera e parë që ai vendos të mos ndjekë shembullin e opozitës.

Deputeti vijoi të ndjekë i vetëm seancën plenare, pavarësisht se të gjitha karriget e tjera në sallë rreth tij u boshatisën.

Kryeministri Edi Rama ka paralajmëruar ditën e djeshme të gjithë deputetët dhe ministrat se do të përballen me drejtësinë, nëse janë të përfshirë në afera. Pas fjalimit të tij për ministrin Fatmir Xhafaj, shefi i qeverisë vijoi mbledhjen e grupit të Partisë Socialiste me dyer të mbyllura, ku ka dhënë një sërë porosish dhe udhëzimesh për ligjvënësit socialistë.

Gazeta mësoi disa detaje nga mbledhja, teksa i pari i qeverisë ka qenë i prerë me deputetë dhe ministrat e kabinetet qeveritar, duke u shprehur se për asnjë dhe në asnjë rrethanë, nuk do të ketë mbrojtje dhe ndihmë politike nga ana e Partisë Socialiste. Mirëpo, paralajmërimet e kryeministrit Rama kundrejt ligjvënëseve të vetë nuk ndalen me kaq.

Mësohet se gjatë fjalës së tij, Rama ka paralajmëruar se në kuadër turit të llogaridhënies në ditët në vijim do të shkarkohen shumë drejtorë. Dhe për këtë, i pari i qeverisë i është referuar numrit të madh të ankesave të qytetarëve, që kanë shkuar në adresë të platformës së bashkëqeverisjes për drejtorë apo institucione të caktuara.

Në të njëjtën kohë, burimet thanë se shefi i qeverisë ka kërkuar nga deputetët dhe ministrat që gjatë takimeve që do të kenë me banorë në qytete dhe njësi administrative të vendit, në kuadër të turit të llogaridhënies, duhet të nxisin qytetarët që të bëjnë sa më shumë denoncime tek platforma, në mënyrë që të marrin zgjidhje të menjëhershëm për shqetësimin e tyre.

Ndërkohë, mësohet se shefi i ekzekutivit ka kërkuar që të vijohet me reformën në administratë, duke kërkuar që të shkarkohet çdo “grabitqar” nga zyrat e shtetit. Gjithashtu, Rama ka kërkuar nga deputetët që të koordinojnë dhe të harmonizojnë punën e tyre me zyrat e punës, si një mënyrë për të zbutur papunësinë. Megjithatë, mbetet për t’u parë në ditët në vijim se çfarë do të ndodhë më konkretisht.

Xhafaj jep sqarime para grupit të PS

Interesant është fakti se në mbledhjen e grupit parlamentar të Partisë Socialiste, përveç kryeministrit Edi Rama, ka folur pak edhe ministri i Brendshëm, Fatmir Xhafaj. Gazeta mësoi se ministri Xhafaj ka mbajtur një fjalë të shkurtër para kolegëve socialistë, duke pohuar para të gjithëve se nuk ka asnjë lidhje, me ato që ai i quajti “baltosje” të opozitës.

Po ashtu, mësohet se Xhafaj është përbetuar se kryefjala e tij sa i takon pozicionit të tij si ministër dhe deputetë është vetëm një, zbatimi me korrektësi i ligjit, duke hedhur në një farë mënyrë poshtë pretendimet e opozitës. Madje, mësohet se Xhafaj ka qenë i prerë duke kërkuar që kushdo që ka shkelur, shkel dhe do të shkelë ligjin, duhet të përballet me drejtësinë, qoftë ky socialist, demokrat apo pa parti.

Megjithatë, në përfundim të fjalës së tij, ministri i Brendshëm, Fatmir Xhafaj kishte rezervuar edhe një falenderim për gjithë deputetë dhe ministrat socialistë.

Burimet i thanë gazetës se në përfundim të mbledhjes, Xhafaj ka falënderuar një më një deputetët e Partisë Socialiste dhe ministrat. “Ju shpreh falënderimin tim dhe mirënjohjen time për suportin që më keni dhënë”, mësohet t’iu ketë thënë Xhafaj deputetëve socialist para se të linte Kryesinë e Kuvendit.

Bëjmë me dije se dje, kryeministri Edi Rama i hoqi të gjitha përgjegjësitë ministrit të Brendshëm në lidhje me dënimin e vëllait të tij Agron Xhafaj në Itali. Ndërsa për sa i përket audio-përgjimit të publikuar nga Partia Demokratike, Rama theksoi se nuk është autentik, por sipas tij, një mashtrim./ SOT

Kreu i PD-së Lulzim Basha ka denoncuar ditën e sotme nga foltorja e parlamentit se ‘dëshmitari X’ në audio-përgjimin e bërë publik nga PD është duke u ndjekur nga policia.

Gjatë fjalës së tij Basha ka paralajmëruar hapur kreun e grupit të PS Taulant Balla i cili e ka ndërprerë disa herë nga vendi teksa kryedemokrati mori fjalën në foltore.

“Koha për t’u shqetësuar ti s’ka ardhur akoma, ti shiko endrra për momentin. Do mbash përgjegjësi për këtë në prokurori”, tha Basha ndërsa pyeti se nga e di policia e Fatmir Xhafajt kush është dëshmitari X.

Balla: E njoftoi Mark Frroku.

Basha: Kush e njoftoi? Mark Frroku? Do mbash përgjegjësi për këtë në prokurori.

(Balla flet nga vendi por s’dëgjohet)

Basha: Nga e din policia e Xhafës kush është dëshmitari X kush është ky me audiopërgjimin që qenka i falsifikuar, kush ua tha, ua thanë Xhafajt, vëllai i madh e i vogël se ata e dinë fare mirë kush është dëshmitari X. Sepse gjithcka në atë bisedë është e vërtetë. Kamikazet Marku (kryeprokurorja Arta Marku) dhe Prela (Donika Prela, prokurore e Krimeve të Rënda) nuk veprojnë se për këtë punë janë aty.

Ashtu siç është paralajmëruar edhe më herët, seanca e sotme e Kuvendit pritet të shoqërohet me debate dhe tensione nga ana e opozitës.

Kuvendi do të mblidhet sot në orën 10:00 nën drejtimin e Zv/kryetares Vasilika Hysi, ndërsa në rend të ditës është parashikuar të bëhet edhe betimi i deputetit më të ri të Republikës së Shqipërisë, Spartak Braho, i cili zëvendësoi Saimri Tahirin, pasi ky i fundit hoqi dorë nga mandati ndërsa ndodhet në ‘arrest shtëpie’.

Kujtojmë se opozita paralajmëroi se seanca e së enjtes nuk do të jetë normale nëse nuk dorëhiqej Xhafaj, ndërsa deputetët do tentojnë të bllokojnë punimet. Xhafaj në një dalje publike dje për mediat sulmoi opozitën, ndërsa theksoi se audio-përgjimi i publikuar nga PD ku pretendohet se është regjistruar vëllai i tij është manipulim. Ministri jo vetëm që nuk iu bind kërkesës së vazhdueshme të opozitës për dorëheqje, por theksoi se do të vijonte detyrën dhe se nuk trembej nga shantazhet./BalkanWeb

Me pak humor/ Lajm i fundit nga partia e intelektualëve LSI braktiset edhe nga Ardi Daullxhiu i emisionit “ZONË E LIRË”, me motivin: Miqtë e mi Ilir dhe Mona, mendojnë vetëm për vete!
Shkruan: Memo Aliaj

Largimet nga LSI, po përfshijnë edhe nivelet e larta të kësaj partie, duke shtuar firot, me pasoj tkurrjen dhe dobësimin e saj. Sipas një lajmi nga selia e partisë së intelektualëve, po përflitet se programin integrues të LSI e ka shpërfillur edhe një figurë e njohur politiko-mediatike në Shqipëri, i cili zhvillon aktivitet partiak për degën e LSI në Durrës.

Bëhet fjalë, për largimin nga kjo parti, të LSI-stit të zjarrtë Ardi Daullxhiut, i cili distancimin e tij nga LSI, ia ka bërë të ditur me një “e-mail”, bashkëkryetarëve të kësaj partie Meta-Kryemadhi. Ndërsa zyrtarisht, thuhet se zoti Daullexhiu, do ta bëjë të ditur publikisht vendimin e tij të parevokueshëm politik, ditën e premte në emisionin “Zonë e Lirë”, si e vetmja dritarë mediatike, që i është hapur për të shprehur përqafimin, propagandimin dhe mbështetjen e programit integrues të LSI, duke hequr publikisht edhe bluzën me logon e LSI.

Shkak nuk ka qenë pamundësia e tij për të paguar kuotën financiare të partisë, as paaftësia për të zbërthyer dhe përhapur programin e LSI, por ndërgjegësimi se kjo parti nuk është përfaqësuese e shtresës shoqërore të tij. Në shpjegimin kalimatar paraprak të këtij largimi, zoti Daullexhiu ka folur shumë shkurt, duke thënë: – Miqtë e mi Ilir dhe Mona, mendojnë vetëm për vete!

Burime nga LSI, shprehen se ky largim nuk mund të kalohet pa vështirësi për këtë parti integruese, mbasi përveçse si ideator të punëve të LSI, Adri Daullexhiu njihej edhe si mik personal i ish-kryetarit Meta e po kështu, si frymëzues programatik për çdo aksion opozitar të kryetares Kryemadhoi dhe shtabin politik të LSI, të drejtuar nga Petrit Vasili.

Pas largimit të kësaj figure të njohur të LSI, kryetarja Kryemadhi e cila së bashku me bashkryetar-bashkëshortin President Republike po menazhon mos largimin e deputetëve, u ka dhënë udhëzime vartësve të besuar, të zbulojnë dhe punojnë, për të frenuar largimet e tjera të “bërthamës intelektuale” të partisë!