Opinione

Ish-kryeministri Sali Berisha ka reaguar sot për marrëveshjen detare mes Greqisë dhe Shqipërisë. Ai e cilëson këtë pakt si një dështim total të qeverisë dhe diplomacisë shqiptare. Në një koment të gjatë në facebook, Berisha shprehet se Edi Rama i ka dhënë Greqisë zonën më të madhe të naftës dhe gazit në detin Mesdhe.

Sipas Berishës, me paktin e ri që rënë dakord Edi Rama, Shqipëria humbet 1 mijë kilometra katror sipërfaqe detare.

Ndërsa Edi Rama thotë se ende nuk ka një dakordësi, Berisha shkruan se Edi Rama ka pranuar miratimin e hartës së palës greke, e cila i jep Athinës gjithë fushata e naftës dhe gazit. “Cilido që di të lexojë deklaratat e mësipërme e ka të qartë se marrëveshja është arritur dhe se Edi Rama ka pranuar hartën e palës greke, në të cilën, sipas burimeve të sigurta, përveç zgjerimit në 12 milje të kufirit detar të Greqisë, Rama i fali vendit fqinj fushat më të mëdha të gazit, por dhe naftës te Jonit dhe Mesdheut”,- shkruan Sali Berisha.

Ish-kryeministri thotë se Edi Rama po shet pasuritë kombëtare dhe territor vetëm për të mbrojtur karrigen e tij. Ndaj, Berisha u bën thirrje qytetarëve që të ngrihen për të përmbysur narkoshtetin. “Të dashur miq, le t’ju bëjmë thirrje të gjithë atyre që ndjehen shqiptarë, ndryshe nga Edvin Kristaq Rama dhe klika e tij që që po bëjnë tregti për karrigen e tij me pasurinë më të mëdha kombëtare, të bëhemi gati për mbrojtjen e tyre duke përmbysur sa më parë narkoshtetin e tij! Sb”,- shprehet Sali Berisha.

Deklarata e plotë e Sali Berishës:

“Rama heq mbathjet dhe i fal Greqisë fushat më të mëdha të gazit dhe naftës të Jonit dhe Mesdheut!

Te dashur miq, pasi anuloi me vendim 100% korruptiv të Gjykatës Kushtetuese dhe 100% për llogari të palës së tretë Marrëveshjen e Detit me Greqinë, të bazuar në traktatin e detrave “Montego Bay”, Edi Rama në fshehtësi dhe mungesë transparence të plotë ka arritur marrëveshjen e tij për detin, në të cilin i ka falur Greqisë as më shumë dhe as më pak se sa fushat më të mëdha të gazit dhe naftës të Jonit dhe Mesdheut, të cilat, që kur është themeluar shteti shqiptar kanë qenë territor i tij.

Arritjen e kësaj marrëveshje, në të cilën Shqipëria humbet të paktën 1 mijë km katror sipërfaqe detare, Edi Rama e mbajti në fshehtësi të plote dhe shqiptaret e morën vesh arritjen e saj nga informimi që bëri në parlamentin e vendit të tij ministri i jashtëm grek, Nikos Kotzias, i cili deklaroi se me marrëveshjen e arritur Greqia zgjeron me 12 milje ujërat e saj territoriale.

Pas kësaj deklarate Rama nxori Ditëziun për të deklaruar dhe mashtruar shqiptarët se marrëveshja është dhe do jetë në përputhje me vendimin e Gjykatës Kushtetuese, dhe Rama vetë pohoi se marrëveshja me Greqinë është arritur, pa sqaruar cila ishte kjo marrëveshje, por pa përgënjeshtruar, dhe indirekt duke pranuar atë që deklaroi ministri i jashtëm grek në parlamentin e vendit të tij.

Cilido që di të lexojë deklaratat e mësipërme e ka të qartë se marrëveshja është arritur dhe se Edi Rama ka pranuar hartën e palës greke, në të cilën, sipas burimeve të sigurta, përveç zgjerimit në 12 milje të kufirit detar të Greqisë, Rama i fali vendit fqinj fushat më të mëdha të gazit, por dhe naftës te Jonit dhe Mesdheut.

Pas shpërthimit të skandalit Rama dërgoi mbrëmë në Opinion një çakall qeveritar të denatyruar nga vjedhja, me qëllimin e vetëm t’iu thoshte shqiptarëve se të gjitha tezat greke antishqiptare për luftën italo-greke janë të vërteta, prandaj dhe marrëveshja e tij bazohet mbi këto të vërteta dhe është e drejtë.

Sipas këtij sharlatani apatrid shqiptarët nuk kishin luftuar ndonjëherë. “Ku luftojnë shqiptaret, ata nuk luftojnë”, – përsëriste ai si refren në llogorenë e tij të pandërprerë. Kështu, sipas tij Skënderbeu nuk është shqiptar sepse nënën e kishte serbe dhe Gjoni ishte diku nga Azia, dhe se Kruja nuk ndodhet në Shqipëri, por ndodhet diku në Serbi apo Dagestan.

Sipas çakallit të Ramës, Karmahmut Pasha nuk është shqiptar dhe Shkodra dhe rrethimet e saj nuk janë dhe nuk kanë ndodhur në Shqipëri, as dhe Ali Pashë Tepelena nuk ka ekzistuar apo është grek sepse flinte me Vasiliqinë. Sipas tij shqiptarët nuk kanë luftuar ndonjëherë dhe ata nuk luftojnë sepse lufta e Vlorës e vitit 1920 nuk ka ekzistuar, apo se Italianet nuk u përzunë nga Vlora sepse nuk ishin aty fare apo ikën vet.

Po sipas këtij oligocefali, që përdor valët e publikut për të fyer një komb të tërë, shqiptarët nuk luftuan në Luftën e Dytë Botërore dhe nuk u renditen në anën e fituese apo, edhe nëse u renditen këtë e bënë aletatët anglo-amerikan Çurçilli dhe Ruzvelti për dashurinë që kishin për diktatorin Hoxha.

Shqiptaret nuk luftojnë dhe ku kanë luftuar ata ndonjëherë, thoshte kjo karikaturë e Jorgo Zografit, se nuk bënë ata luftën e fundit çlirimtare në Europe dhe nuk ranë për tu bërë të pavdekshëm mbi 2000 syresh për çlirimin e Kosovës.

Të gjithë këtë urrejtje dhe histeri ndaj shqiptareve ky çakall i Edi Ramës e beri vetëm e vetëm në funksion të marrëveshjes se re të Edvinit, në të cilin ai hoqi të mbathura dhe çdo gjë dhe doli më lakuriq se kur shëtiste cullak hipur mbi gomar, buzë liqenit artificial të Tiranës në vitin 1995.

Kështu, pasi volli e volli në studio ndaj shqiptareve dhe asgjësoi historinë e tyre, Edvin Kristaq Rama me zëdhënësin e tij koprolalik deklaroi dhe mbrojti një për një të gjitha tezat greke për fajsinë e shqiptarëve në konfliktin italo-grek, teza dhe pretendime të cilat u hodhën poshtë njëherë e përgjithmonë nga Konferenca e Paqes së Parisit, në të cilën Shqipëria u rendit me vendet fituese aleate dhe jo vendet e mundura siç dëshironte Greqia.

Sipas Edi Ramës dhe çakallit te tij Artan Lame, të denatyruar nga vjedhja, Shqipëria është palë kundër Greqisë në luftën Italo-Greke, sepse nuk ishte vend i pushtuar dhe se 7 prilli nuk ka ekzistuar madje se shqiptaret kishin shtet, kishin mbret dhe kurore dhe Viktor Emanuele dhe Jakomoni nuk ishin italianë, por shqiptarë në 30 breza.

Sipas Ramës dhe Plushkinit të tij, batalionet shqiptarë, të cilat në luftën italo-greke dezertuan nga fronti dhe u shndërruan në një faktor të rëndësishëm të disfatës së pushtuesve italianë, nuk dezertuan për të dëmtuar pushtuesit italian, por thjeshtë se shqiptarët nuk luftojnë.

Të dashur miq, le t’ju bëjmë thirrje të gjithë atyre që ndjehen shqiptarë, ndryshe nga Edvin Kristaq Rama dhe klika e tij që që po bëjnë tregti për karrigen e tij me pasurinë më të mëdha kombëtare, të bëhemi gati për mbrojtjen e tyre duke përmbysur sa më parë narkoshtetin e tij! Sb.

Kryeministri Edi Rama ka reaguar ne Facebook duke i dhene pergjigje reagimit te PDIU dhe LSI-se, pasi kreu i diplomacise greke Nikos Kotzias dha detaje per marreveshjen qe po diskutohet mes Shqiperise dhe Greqise.

“Në këtë kuadër Shqipëria pranoi zgjerim të hapesires ujore greke me 12 milje detare”- ka thene Kotzias, cituar nga media greke. Maksimumi i lejuar nga Konventa e Kombeve të Bashkuara mbi Ligjin e Detit.

Patriotë me çizme e çamëristë të sapongjizur në kazanin politik e mediatik, pasi i lanë poturet për çerekshekulli varur në telin e fqinjit dhe harruan edhe detin në shtëpinë e tij, na janë ndezur sot flakë e zjarr për të bërë shkrumb e hi qeverinë, në turrën e akuzave për tradhëti!

Janë të mjerë që meritojnë veç mëshirë, po kujt ndër ju shqetësohet prej çizmeve të patriotizmës së tyre, i them bëj durim edhe pak e prit, sa të shkruhen gjërat e zeza mbi të bardhë në dokumentet e marrëveshjes së re me fqinjin.

Dhe ndërkohë mos dysho hiçfare se ne që ditëm t’i hapëm me kurajo e dinjitet, hesapet e 70 vjetëve me fqinjin, ne dimë edhe t’i mbyllim ne dinjitet e mirëkuptim, në interes të Shqipërisë e të shqiptarëve

Aldison Belujaj i cili qëlloi veten me armë pasi vrau 21-vjeçaren Ariela Maurataj, ndërroi jetë ditën e djeshme në spital, pasi kishte një javë që qëndronte në koma.

Ditën e sotme ai është përcjell për në banesën e fundit nga familjar dhe miq të tij.

Në një deklaratë për mediat djali i dajës së Aldisonit ka treguar se çfarë ka ndodhur dhe nëse ka frikë për një hakmarrje apo jo. Ai tregoi se të dy do të prehen në të njëjtat varreza

Deklarata e djalit të dajës së Aldisonit

Koroveshi ka thënë për mediat se: I kemi qëndruar pranë Aldisonin këtë javë. Dy të rinjtë mund të përfundonin në martesë. Ne s0kemi pese trembemi , ajo ndodhi diçka që duheshin ishin midis çiftit ishte një lidhje për martesë nuk ishte për tallje. Nuk ka asnjë arsye për të marrë hak. Ajo të mos të ndodhte ndodhi, nuk është mirë as për ne as për ta. Kurorat me lule u takonte te vendoseshin është një diçka që mund të ndodh çdokujt. Mesazhi im është që mes tyre te ketë paqe, ata ishin për martesë u ndan të dy nga jeta. Unë them që mos i ndodh askujt. Të kemi të mira nga të gjithë nga të dyja palët.