Opinione

Partisë Demokratike i nevojitet frymë dhe jo statut i ri. I këtij mendimi është kreu i LZHK, Dashamir Shehi, i cili thotë se vendimtare për këtë parti është hapja për korrentët.

I ftuar në intervistën e mbrëmjes në Ora News, Shehi thotë se vetë ai nuk di të bëjë diferencën mes statutit që ishte dhe këtij që është sot.

Dashamir Shehi: PD nuk ka vuajtur nga statutet. Është një dokument që nëse respektohet luan një rol, nëse nuk respektohet nuk luan ndonjë gjë të madhe.Nuk është puna se statutet më përpara në PD ishin më të këqia, puna është se në PD zoti Basha e ka për detyrë, besoj se duhet ta ketë dhe për nder, nëse mendon me gjithë mend se po hap një faqe të re politike, të bëjë disa gjëra të tjera pak më të rëndësishme se statuti. Jam i bindur se tre çereki në PD nuk e dinë fare se çfarë ka qenë statuti i vjetër dhe çfarë është i riu dhe ku është diferenca. Nuk është çështje statuti, duhet një frymë tolerance. I kam sugjeruar 100 herë të hapë partinë për korrentët. Jemi në kohë të reja, nuk mjafton  të jesh një lider, korrentët janë një formulë për të bashkuar të gjitha ata që janë ndryshe.Kongresin e kanë përpara, mund ti bëjnë të gjithë këto ndryshime. Kjo do të ishte, ta revolucionojmë jetën e brendshme të partisë më të madhe opozitare. Uroj të gjendet formula për tu bashkuar por unë mendoj se nuk mjafton statuti.Po të ishte korrente dhe një si puna ime që kam ikur 20 vjet përpara…Unë nuk di të dalloj nga lëviz ai statuti i vjetër me këtë të riun

Lidhur me debatin për dorëheqjen e kryetarit, Shehi ka këtë koment:

Shehi: Nëse ti humb një herë, dy herë, duhet të largohesh. Shkruhet apo nuk shkruhet në statut. Berisha iku se i humbi zgjedhjet.Kemi pasur dhe raste të tjera të doreheqjeve, Nano.Unë do të isha të shkruhej diçka megjithatë po të ketë një frymë brenda partisë. Se duhet me pritë që të humbë dy herë, nëse punët nuk shkojnë mirë unë mendoj se mund të ikë dhe përpara. Mundësinë që brenda një partie të thonë idetë e veta pa pasur frikë se çfarë mendon grupi i mazhorancës se nuk po them i kryetarit.Nuk e di se çfarë do të bëjnë të dielën, uroj që të kenë kapacitetin jo thjesht të absorvojnë ata që janë larguar nga PD, por sigurisht dhe ato sepse shumë vlera janë lënë jashtë në këtë periudhë, por një statut që të tërhiqte me mijëra qytetarë dhe intelektualë, ajo që ka ndodhur në vitet ’90 që na dha një shpresë si shoqëri dhe fatkeqësisht e shpërdoruam.

Kundërshtitë e krijuara mund të krijojnë një çarje të PD.

Shehi gjykon se drejtuesi i kësaj partie siç gjen gjuhën e bashkëpunimit me ata që deri dje ishin në qeveri e ka më të lehtë ta gjejë me kolegët.

Shehi: Mundet. Sa më shumë grupe do jetë më e vështirë për ti kordinuar. Por edhe ndonjë dramë të madhe nuk do të bëja për këtë punë. Shikojmë që brenda PD kanë kurajon të bashkëpunojnë me ato që deri dje ishin në qeveri, nuk duhet ndonjë kurajo e madhe për të bashkëpunuar me kolegët e vet. Janë më afër se ortakët opozitarë që kemi sot të cilët deri dje qeverisnin bashkë me Edi Ramën. Brenda PD ka kaq shumë kurajo sa për të kapërcyer ylberin. Besoj se brenda gjuhës blu dhe mund ta gjejmë marrëdhënien.

Por sa janë mundësitë për një bashkim si ai i ’90?

Shehi: Nuk është e nevojshme, nuk është fotografi gjimnazi. Njerëzit lëvizin, evulojnë, emancipohen,politika ka interesat brenda, dikush ka bërë zigzaget e veta. Nuk ka ndonjë rregull të artë në këtë mes.Ideja që këto që e kanë bërë duhet ta trashëgojnë nuk është më racionale, në politikë duhet ti hapim dyert për të gjithë.

/Ora News

20 Ish-kryeministri i Serbisë, Nikola Sainoviq, ka folur për krerët shtetërorë të Kosovës, kryeminstrin Ramush Haradinaj dhe presidentin Hashim Thaçi, si dhe për presidentin e ndjerë, Ibrahim Rugova, gjatë periudhës së viteve 1998-1999.
Në një intervistë të dhënë për ‘Espresso’ nga Serbia, Sainoviq vë në dyshim kinse veprimtarinë e UÇK-së gjatë periudhës së luftës.

“Në të 90-tat, Rugova mbajti zgjedhje në Kosovë. Ne nuk intervenuam diçka në këto zgjedhje, mirëpo sigurisht që nuk i njihnim. Struktura të ndryshme shqiptare në Kosovë morën pjesë në këto zgjedhje. Madje aty ishte edhe një degë e vogël e Partisë Staliniste Marksiste- Leniniste të Shqipërisë të ardhur nga Tirana. Kjo ishte partia e Enver Hoxhës që humbi zgjedhjet në Shqipëri por që kishte një përcjellje të vogël të votuesve në Kosovë. Në këto zgjedhje, ata nuk morën as pesë përqind, pra këta janë ata njerëz”, thotë Sainoviq.

Madje ai thotë se ata u bënë pjesë e shërbimeve sekrete të instaluara nga Shqipëria në Kosovë, transmeton lajmi.net.

“Ata janë bërë instrumente të shërbimeve sekrete të sigurisë të shtetit shqiptar, në fillim i formuar si shtab i përgjithshëm. Sipas raporteve tona ata formuan Ushtrinë Çlirimtare të Kosovës për të zvogëluar ndikimin e Rugovës në Kosovë dhe për ta shkatërruar ata brenda trupit shqiptar”, shton ai.

Sipas tij, drejtësia nuk është dëshmuar me gjykimin e Fatmir Limajt dhe Ramush Haradinajt, pasi që siç thotë ai, edhe pse dy të akuzuarit në fjalë u shpallën të pafajshëm, gjyqi ndaj tyre vërtetoi se kampet ku ata pretendohet se ishin kryer krime, ekzistonin.

Ndryshe, ish-kryeministri serb, Nikola Sainoviq, ishte gjithashtu i akuzuar nga Tribunali i Hagës për krime lufte.

E tensionuar është seanca në Gjykatën e Apelit në Shkodër, aty ku po vlerësohet masa e sigurisë ndaj 11 kuksianëve. Mbi këtë situatë, deputeti i PD-së, Ervin Salianji i cili ndodhet në sallë e gjyqit, shkruan në facebook me një ton të ashpër.

Salianji ka përdorur të njëjtin fjalor që përdori Tahiri dje në parlament, por ka theksuar se kuksianët duhet të lirohen pasi janë padrejtësisht në burg.

“Këtu janë 11 bij nënash që janë në burg padrejtësisht. Ndërkohë që ca bij të tjerë, pavarësisht parave që kanë bërë, bëjnë si të ndershëm mes parlamentit. Ata që flasin si bij k…të, Edi Rama e Saimir Tahiri, punë k… është bërë kjo punë. Kurse këta janë në hall të vet, për 13 mijë lekë për të hyrë në shtypi”, u shpreh Salianji.