Analisti Andi Bushati bëri deklaratën e fortë sot në emisionin “Open” në Top Channel, ku tha se kryeministri Edi Rama është “i vendosur për të bërë masakër elektorale”. Sipas Bushatit, ndërrimi i pushtetit nuk është problem, por problemi është rruga që po ndiqet.
“Situata është e qartë, nga njëra anë kemi Ramën të vendosur për masakër elektorale dhe Bashën që bën idiotin e dobishëm, dhe hiqet sikur nuk e kupton që masakra po ndodh para syve të tij. Nëse ti thua që ky është fundi i Ramës, nëse pushteti ndërrohet nuk do përbëjë problem, problemi është se rruga që po ndiqet, është masakër.
Ndryshimi rregullave të lojës është se Rama në 2013 ka ardhur në pushtet me koalicion, tani nuk le PD dhe LSI që të koalicionohen se do të kalonin në opozitë.
Ai thotë:’mua kështu nuk më del loja, po e prish’. Ky është ndryshimi i madh”, tha Bushati.
Kryedemokrati Lulzim Basha, gjatë bashkëbisedimit që pati sot me sipërmarrësish të mëdhenj të sektorit të mobilerisë në Nikël të Fushë-Krujës, deklaroi se Biznesi i madh i goditur nga keqqeverisja, taksat e larta dhe mungesa e ndihmës.
Basha diskutoi me sipërmarrësit planin me 5 pika të Rimëkëmbjes Ekonomike dhe ndihmën konkrete që ky plan i ofron biznesit drejtpërdrejt dhe konsumit në tërësi.
Ndër instrumentat e ndihmës që Basha përmendi në këtë komunikim me biznesin, ishin:
-Çeku prej 1000 euro për biznesin e vogël për 6 muajt e ardhshëm për të zbutur barrën e pagesave më urgjente;
-Vendosja e një tavani prej 2% të normës së interesit për biznesin dhe subvencionimi i çdo norme interesi mbi këtë nivel për kredimarrjet për investime dhe shpenzime operative.
-Zgjatja e afatit dhe zgjerimi i kritereve të përfitimit nga garancia sovrane në favor të një numri më të madh biznesesh prodhuese.
-Mbështetja e biznesit me një pagesë mujore prej 200 mijë lekësh për 6 muajt e ardhshëm për çdo punëtor që rimarrin në punë
-Pagesa mujore prej 160 mijë lekësh për çdo shqiptar që ka humbur punën dhe shtesa mujore prej 20 mijë lekësh për çdo pensionist për 6 muajt e ardhshëm;
-Subvencionim i 50% të qirasë ose heqje e taksës së pronës për biznesin prodhues dhe punëdhënësit e mëdhenj;
Ai shtoi se ky është plani për mbijetesën e biznesit deri me 25 prill, pasi sipas tij, vendi nuk është më i varfër, por vendi është i vjedhur.
Basha u zotua se programi i Opozitës nis me sipërmarrjen e vogël dhe të mesme.
“Ne kemi vënë në themel të programit taksën e sheshtë 9%. Biznesi prodhues dhe eksportues do të marrë mbështetje të drejtpërdrejtë financiare nga qeveria e Partisë Demokratike, siç mbështetet prodhimi dhe eksporti në çdo vend të rajonit dhe Europës.
Shpirti i sipërmarrjes shqiptare e ka shpëtuar Shqipërinë në momentet e saj më të vështira. Jam i sigurt se me qeverinë e Partisë Demokratike në krahun tuaj, do të jeni shumë më mirë ju, punonjësit tuaj dhe e gjithë ekonomia”, tha Basha.
Presidenti Ilir Meta mban fjalën e dhënë një ditë më parë, për publikimin e emrave të deputetëve të cilat votuan dje në parlament pro ndryshimeve në Kodin Zgjedhor.
“Kjo është lista e 97 emrave që kanë ngritur dorën për të bllokuar integrimin dhe të ardhmen europiane të Shqipërisë”, shkruan ai teksa ndan emrat e socialistëve dhe deputetëve të opozitës së re parlamentare, të cilët i quan me mandate antikushtetuese.
Ai ndan edhe reagimin e PPE, “pas këtij akti të turpshëm”: “Duke votuar shkeljen e Marrëveshjes së 5 Qershorit të negociuar nga Bashkimi Europian me opozitën, kryeministri shqiptar Edi Rama hodhi një hije të errët mbi zgjedhjet e ardhshme të prillit, të cilat duhet të ishin të lira e të ndershme, dhe më të mira se të mëparshmet.
Me këtë veprim Rama qartësisht pengon integrimin europian të Shqipërisë. Më saktësisht, shkelja e marrëveshjes së 5 Qershorit rrezikon të bllokojë dhe të shtyjë Konferencën e parë Ndërqeveritare si hapin e parë për fillimin e negociatave të pranimit në BE. Shqipëria meriton shumë më mirë se kaq. Ne i bëjmë thirrje Presidentit t’i kthejë ligjin e sotëm parlamentit. Ne i bëjmë thirrje Kryeministrit Rama të rishikojë pozicionin e tij për hir të së ardhmes europiane të popullit shqiptar”.
Në mbyllje të qëndrimit të tij Meta shkruan, “Koha për reflektim! Thellohuni para se të jetë shumë vonë!”.
Abazi Sadri Ahmetaj Arben Angjeli Anastas Balla Taulant Baraj Besnik Bello Vilma Beqaj Ilir Beqiraj Ismet Bici Dritan Bitri Robert Bode Edlira Braçe Erion Braho Spartak Bushaj Xhevit Bushati Ditmir Bushati Ervin Bushka Klotilda Çela Bujar Çuçi Bledar Çyrbja Jurgis Doshi Tom Dralo (Malo) Artemis Duzha Luan Dhima Antoneta Ekonomi Milva Fino Bashkim Gjermeni Eglantina Gjiknuri Damian Gjylameti Blerina Harusha Luan Hoxha Elona Hyseni Alket Hysi Vasilika Hysko Eljo Jaku Ardiana Kamami Arben Klosi Blendi Kodheli Mimi Koka Lefter Konomi Ardit Kumbaro (Furxhi) Mirela Kushi Evis Lala Reme Leka Edmond Majko Pandeli Manastirliu Ogerta Manja Ulsi Marto Andrea Meço Ervis Mesi Senida Nasufi Fadil Ndraxhi Ilir Nikolla Lindita Peleshi Niko Pendavinji Ilirian Pëllumbi Arben Piro (Nurçe) Tatiana Qefalia Xhemal Rama Edi Rista Adelina Roshi Enver Ruçi Gramoz Rraja Rrahman Sinaj Vullnet Spahiu Klodiana Spaho Florenc Spiropali Elisa Sterkaj Paulin Shalsi Eduard Shameti Adnor Ulqini Musa Valikaj (Felaj) Ermonela Velaj Fatmir Vorpsi Sadi Xhaçka Olta Xhafaj Fatmir Xhelilaj Rolant Xhembulla Almira Xhina Elena Xhindi Anduel Ylli Fidel
Ish-deputeti i PD-së që u la jashtë listës së Beratit për kandidatët për deputetë në zgjedhjet e 2021, Astrit Veliaj, ka thënë se është i zhgënjyer nga ky vendim, pasi ai e cilëson veten si një nga kontribuesit më të mëdhenj të PD ndër vite.
Veliaj gjatë një interviste për gazetarin Besart Jacaj, tha se Basha është njeri i formuar dhe me parime perëndimore, por nuk ka vullnet të ndëshkojë pandershmërinë, si fillim brenda partisë.
Ai më tej tha se Berisha është lideri historik i PD, dhe se pa të partia blu nuk vjen kurrë në pushtet.
Pyetje: A ndiheni i zhgënjyer nga vendimi i përjashtimit nga lista në qytetin e Beratit?
Veliaj: Nuk jam i zhgënjyer vetëm unë, por të gjithë demokratët e Beratit, të gjithë ata që kanë shpresë se vendi do të bëhet më mirë. Megjithatë, unë gjithmonë jam ndjerë deputetë, nuk më ka bërë karrigia deputetë. Më herët si biznesmen kam ndimuar persona me aftësi ndryshi, persona në nevojë. Më bën zemra dhe ndjenja ime të jem deputetë, jo karrigia. Unë jam kontribues në PD gjithë këto vite.
Pyetje: A keni pasur kontakte me Bashën para dhe pas kësaj?
Veliaj: Unë me Bashën nuk kam pasur kontakt as para as mbrapa. Raportohet kanë qenë herë të afërta herë të largëta. Kam qenë gjithmonë kritik ndaj tij, kur shkelte parimet. Kam qenë pjesë e debatit ne grupin parlamentar. Kam qenë kritik për kapjen e bazës nga njerës meskinë. Dhe Basha më thoshte s’është puna jote. Mos u merr me atë punë ti. Pandëshkueshëmria e liderit ndaj këtyre njerëzve ka sjellë këtë situatë. Nuk mendoj që Basha është i painformuar për çfarëdo ka ndodhur, por pamundësia e tij për të vepruar e ka sjellë këtë situatë. Basha është njeri perëndimor, i kultivuar jashtë, është temperuar shumë gjatë këtyre viteve, por i mungon kurajo për të luftuar pandershmërinë. Të paktën të marrë modelin e Kosovës ose Maqedonisë, kryetari i partisë të delegojë kryeministrin.
Mendoj që më mirë se Basha nuk ka kush e bën tjetër, se s’dua të them emra, por i duhet vullnet, pasi është i formuar. Të fusi një model të ri, ta mbyllë këtë histori 30-vjeçare unë unë dhe s’ka tjetër. Do lartësojë veten. Do jetë mbi kryeministrin. Do jetë gjë e madhe. Ai sot nuk kontrollon dot bazën, baza është shthurur. Ka ikur koha e një lideri autoritar, por dhe mënyra se si funksionon basha e ka shthurur bazën. Nuk ka ndëshkueshmëri ndaj pandershmërisë.
Pa ndihmën e Berishës PD nuk vjen në pushtet. Ai është njeriu më i pushtetshëm sot për sot. Ka një elektorat shumë të konsiderueshëm. Do mbetet në histori për artin që ka bërë. Uroj që ta bëjë dhe Basha këtë gjë.
Gazetari investigativ Artan Hoxha ka deklaruar se operacionet e policisë në lidhje me kanabisin nuk janë raportuar saktësisht.
Sipas tij policia ka bërë sekuestrimin e shumë parcelave të mëdha me kanabis në vendin tonë dhe një prej tyre është në një fshat të Vlorës, kur ai tha se “ne e kemi marrë vesh pas pezullimit të inspektorëve të policisë në këtë qytet”.
Ndër të tjera gazetari Artan Hoxha tha se fshehja e raporteve të plota të sekuestrimit të parcelave me kanabis është bërë me qëllim, për të mos e nxjerrë vendin, si një vend problematik për kanabisin.
Gazetari gjithashtu theksoi se lulëzimi i parcelave të kanabisit në vendin tonë ka nisur dhe është frymëzuar pas deklaratave të kryeministrit Edi Rama, për legalizimin e kanabisit.
Sipas tij problem për të gjithë përhapjen e parcelave të kanabisit nuk është gabimi i policisë, por është gabimi i politikës.
“Indicia e kësaj situatë besoj është një fjalim i Ramës në 9 maj të këtij viti, kur ka thënë se qeveria e ka gati ligjin për kanabisin mjekësor”.
“Çunat që ngelën këtë vit në vendin tonë dhe nuk iknin dot jashtë për shkak të pandemisë dhe nuk kapeshin nga paga e luftës së Ben Ahmetaj, atëherë pas asaj që dëgjuan nga ia madhi për legalizimin e tyre filluan dhe punën”.
“Kanabisin nuk e mbjellin fermerët në Maqedoninë e Veriut (ku është legalizuar)por dhe atje ka ngelur stok tashmë. Në 12 qershor ku ishte shumuar deklarata e Ramës me 9 maj, Rama bëri një tjetër deklaratë tjetër në lidhje me legalizimin e kanabisit. Lulëzimi i kanabisit në vendin tonë nuk është gabim policor, por gabim i politikës”, – tha Artan Hoxha.
Artan Hoxha dha detaje sot nga studio e Abc News, pak ditë pasi bëri publike parcela me kanabis në një zonë malore të vendit tonë. Ato besohet se janë realizuar në një fshat të Malësisë së Madhe.
“Sivjet po nxjerrim bazën fitimet dhe po lënë mënjanë ajo që u duhet për vitin tjetër. Në atë zonë më është dashur një ditë që të shkoj, pasi kemi pushuar dhe kemi marrë masa për të arë se ku janë rojet, pasi parcelat e kanabisit kur janë pranë korrjes janë të mbrojtura. Brenda parcelës kemi qëndruar 25-30 minuta”.
Gazetari bën edhe krahasimin me atë që ka parë në terren dhe nga eksperienca e parcelave me kanabis të disa periudhave, të muajit qershor, korrik dhe fillim muajit të fundit.
Policia e shtetit këtë vit ka kryer shumë operacione dhe ka sekuestruar shumë parcela dhe ka bërë operacione të suksesshme në disa zona por që nuk i kanë raportuar dhe duke i mbajtur të paraportuara, ai tha se “nuk është bërë i mundur zbulimi i personave zotërues”.
Në fshatin Bolen të Vlorës “Policisë së Shtetit i është dashur dy ditë punë për korrjen e saj, dhe ne e morëm vesh këtë operacion vetëm pas pezullimit të inspektorëve të policisë. Për mua ajo mund të jetë sipërfaqja më e madhe me kanabis e shkatërruar gjatë këtij viti, një ka qenë në Berat dhe Permet”.
Struktura brenda policisë që heton policinë ka qenë dhe struktura më e fuqishme në lidhje me zbulimin e këtyre parcelave.
Sekuestrimin e parcelave të tilla e ka bërë vetë ajo pa e raportuar te policia lokale. Në momentin që vjen faza e korrjes nuk mund të sekuestrosh shumë kanabis pasi duhet ta godasësh në fillim, deri më tani nuk janë kapur personat që e zotërojnë por disa kryepleq dhe persona që janë gjetur atje.
“Policia nuk i ika raportuar të gjithë operacionet dhe këtë e ka bërë me qëllim që Shqipëria të mos dalë një vend me kaq shumë fusha me kanabis, duke zgjedhur heshtjen dhe mosreklamimin e punës së saj. Sapo ka mbaruar fushata e policisë në Mars, kanë nisur mbjelljen e kanabisit”, është shprehur gazetari.
Kryedemokrati Lulzim Basha reagon lidhur me votimin e sotëm në Kuvend, të ndryshimeve nëKodin Zgjedhor.
Ai thotë se akti i sotëm antikushtetues shkatërron konsensusin e 5 qershorit dhe godet rëndë integrimin europian të vendit.
“Rama e hodhi hapin e fundit drejt greminës. Por ai nuk do ti marrë dot me vete Shqipërinë dhe shqiptarët. Asgjë nuk e shpëton dot atë nga humbja dhe ndëshkimi që e pret!”, shkruan Basha.
“Sot kush jep votën për Lulin, merr Ilirin! Këtë duhet të kuptojnë shqiptarët.”
Kryeministri Edi Rama i qëndron kësaj bindje, duke folur për ndryshimet në kodin zgjedhor. Sipas tij, kush do të bëhet deputet e ka rrugën mjafton të ketë votat e nevojshme.
Rama thotë se formulat i ka shpikur bota, dhe Shqipëria ka marrë një mekanizëm, por ai thekson se pas zgjedhjeve do të shihet pikërisht që shqiptarët do të zgjedhin me votat përfaqësuesit e tyre.
Lidhur me uljen e pragut elektoral në 1% deklaroi se “E bëmë një ulje praprake, tani 1%. Çfarë janë këto parti, edhe pragu kaq, dhe klithin. Ça duan në Kuvend ende? Të dalin të marrin vota.”
Deklarata e kreut të qeverisë u bë teksa u votuan ndryshimet në Kodin Zgjedhor.
Gjatë ditës së sotme po mbahet seanca plenare në Kuvend për votimin e kodit të ri zgjedhor.
Në fjalen e tij deputeti i opozitës parlamentare, Lefter Maliqi është shprehur se me votimin e kodit të ri zgjedhor po shkelet marrëveshja e 5 qershorit.
Gjithashtu Maliqi u shpreh se nëse fiton PS-ja do të largohem përfundimisht nga politika.
“Sot një seancë turpi, e pështirë, çfarë do që të bëjnë me ndryshimet në Kodin Zgjedhor tregojnë frikën e tyre, ku janë këta që morën tepsinë dhe timonin, këta që kishin gjysmën e parlamentit, pre ndryshojnë koalicionet, pse nuk i hapën listën, pse kanë frikë se parlamentin, bandat i kanë. Ju sot po gënjeni dhe po mashtroni të gjithë shqiptarët, po shkelni marrëveshjen e 5 qershorit, po mbyllni Shqipërinë, por çfarë do që të bëni fitorja do jetë plebishitare, nëse nuk fiton opozita e bashkuar, unë do largohem përfundimisht nga politika”, tha Lefter Maliqi.
