Lajmi i fundit

Frikës së banorëve në Jug të vendit nga reshjet dhe përmbytjet e Vjosës i shtohen edhe gjarpërinjtë. Me fryrjen e lumit Vjosë në zonën e Novoselës dhe Mifolit, nga shtrati kanë dalë gjarpërinj që për t’iu larguar ujit janë zvarritur në pjesët anësore.

Pamjet janë vërtetë të frikshme ku duken zvarranikët teksa i largohen shtratit në zonën e urë së Mifolit e nuk është çudi që ndonjëri të përfundojë edhe nëpër banesat e përmbytura nga uji.

Mësohet se deri tani janë evakuuar rreth 30 shtëpi dhe nuk ka rrezik për banorët. Deri tani janë kryer disa operacione shpëtimi nga policia dhe ushtria në Levan dhe në Vlorë.

[youtube https://www.youtube.com/watch?v=dB586N6pIRs]

Skandali i kompanisë amerikane të skanimit Rapiscan, e cila është nën hetim në SHBA për një ryshfet prej 120 milionë euro që i ka dhënë ish-kryeministrit në Shqipëri duket se do të shpërthejë shumë shpejt.

Kryeprokurorja Arta Marku me sa duket është shumë e vendosur për t’u shkuar në fund këtyre hetimeve, Berisha ka vendosur të marrë masa.

Të shtunën në mbrëmje, burime të sigurta saktësojnë se janë parë të hyjnë në shtëpinë e Sali Berishës dy nga avokatët më të njohur tij, Neshat Fana dhe Genc Gjokutaj. Të cilët pa frikë mund të quhen dhe avokatët e familjes. Ata kanë pasur dosje në duar dhe te hyrja e banesës së Sali Berisha ka dalë dhe i ka pritur vajza e tij Argita Berisha-Malltezi.

Çka do të thotë se aty nuk është vetëm si vajza e preferuar e ish kryeministrit shqiptar, por dhe se do të jetë dhe studio e saj ligjore që do të jetë në prapavijë për të mbrojtur babain e saj ish kryeministër. Prej të cilit kanë përfituar miliona e miliona dollarë dhe euro bashkë me vëllain e saj budalla Shkelzen Berisha, që po mbahet nën monitorim se mos bën ndonjë gafë dhe i hedh në erë të gjithë.

Mësohet se dy avokatetët Fana dhe Gjokutaj kanë hyrë në shtëpinë e Berishës në orën 18.35 minuta dhe deri në orën 21.45 minuta kur burimi ynë është larguar nga ambientet afër shtëpisë së Sali Berishës, ata nuk kanë dalë. Çka do të thotë se situata është shumë serioze, pasi hetimi i kësaj çështje, ryshfetit ndaj zyrtarëve të lartë shqiptarë në një shumë prej 120 milionë dollarë, ndërkohë që humbja për shtetin shqiptarë është 250 milionë dollarë, ka startuar dhe në SHBA.

Bëhet me dije se pritet të nisë së shpejti dhe në Shqipëri, duke bërë që Berisha të marrë masa jo vetëm që të pajtojë avokatët më të mirë të tij Neshat Fanën e Genc Gjokutajn, si dhe duke pasur mbështetje vajzën Argita dhe rrethin e saj shoqëror deri tek Avokatja e Popullit Erinda Ballanca, të fillojnë konsultimet për mbrojtjen ligjore të mundshme. Duket se tashmë burgu është shumë afër se Berisha është rrethuar në të gjitha anët. Ndaj kishte dalë nga binarët gjatë gjithë kësaj kohe.

Reshjet e dendura të shiut kanë përkeqësuar situatën në vend.

Në disa segmente në fshatin Kot, dhe në Drashovicë, në Vlorë, lumi ka dalë nga shtrati.

Fax Neës raporton s eprurjet e shumta rrezikojnë të nxjerrin nga shtrati edhe lumin Shushicë.

Mësohet se deri tani nuk ka dëme materiale por vetëm tokë të përmbytura bujqësore.

Gjithashtu raportohet se qyteti I Vlorës në disa lagje ka mbetur pa drita, pasi janë dëmtuar transformatorët. Bëhet fjalë për lagjet “Pavarësia”, “10 Korriku”, dhe “Kushtrimi”.

Përkeqësimi i motit, reshjet e shumta dhe era e fortë, kanë detyruar Policinë Rrugore që të marrë një seri masash për të parandaluar aksidentet rrugore ose ngjarje të tjera.

Në këtë kuadër, Policia e Shtetit ka porositur sot shërbimet në territor:

Reshjet e shiut kanë përfshirë të gjithë hapësirën gjeografike të Shqipërisë, ndërsa disa qarqe kanë sasi më të mëdha reshjesh.

Instituti i Gjeoshkencave bën me dije se qarqet e Kukësit, Vlorës dhe Gjirokastrës kanë “ka mundësi vërshimesh të shpejta nga përrenjtë malorë, kjo kryesisht përgjatë ditës së sotme (e shtunë, dt.03) dhe me ulje të rrezikut përgjatë ditës së nesërme (e diel, dt.04). Në këto qarqe është vendosur edhe shenja e rrëshqitjeve të tokës.”

Për shkak të intensitetit të lartë të reshjeve mund të krijohen probleme në zonat urbane, kjo në varësi të gjendjes së kanalizimeve.

Parashikimi:

Sot pasdite (e shtunë, dt.03) priten reshje në të gjithë territorin, që në qarqet Kukës, Vlorë dhe Gjirokastër do të jenë intensive, lokalisht shumë intensive. Në pjesën tjetër të qarqeve do të jenë mesatare ose intensive, por lokalisht deri shumë intensive. Nesër (e diel, dt.04) reshjet do të jenë të dobëta. Reshjet do të jenë në formën e dëborës 700 metra mbi nivelin e detit, ndërsa në Veri-Lindje në zona të kufizuara edhe më poshtë se ky nivel (shënim: në rastin e reshjeve të dëborës, 1 mm reshje = 1 cm dëborë e re)

TEMPERATURAT

Nesër (e diel, dt.04) temperaturat minimale dhe maksimale të ajrit pritet të arrijnë:

në bregdet: 7 / 12

në vendet e ulëta: 6 / 11

në vendet malore: -1 / 5 °C.

ERA

Sot (e shtunë, dt.03) era pritet të fryjë mesatare, ndërsa në bregdet deri e fortë. Nesër (e diel, dt.04) ajo do te fryje e dobët, ne bregdet deri mesatare.