Prej 4 ditësh, pranë Fondit të Detyrueshëm të Sigurimit dhe Kujdesit Shëndetsorë Vlorë, kanë mbërritur kartat e shëndetit mbas një mungese disa javore.
Specialistja pranë këtij institucioni, Dhurata Gjoni ka bërë me dije se tashmë të gjithë qytetarët mund të paraqiten pranë sporteleve të fondit për të rinovuar kartat e tyre të shëndetit.
Mbas nje mungese disa javore kane mbrritur kartat e shendetit ne Vlore. Read More »
Tensionet janë të larta, qeveritë e botës po grinden kurse njerëzit po shqetësohen tej mase nga raportimet për një Luftë të re Botërore.
Sipas kompanisë Google, përdoruesit e internetit e kanë kërkuar aq shpesh frazën ‘Lufta e Tretë Botërore’ sa që ka thyer rekorde historike.
Fillimisht, njerëzit kërkuan shumë për luftën kur Amerika lëshoi raketa mbi një bazë të Sirisë dhe ekzistoi rreziku i një përplasje me Rusinë.
Pastaj, frika u shtua pas kërcënimeve të Koresë Veriore ndaj Amerikës.
“Lufta e Trete Boterore”Thyen Rekorde Historike. Read More »
Një shqiptar është arrestuar sot në Kostur nga policia greke, që ka sekuestruar një sasi prej më shumë se 32 kilogram drogë, të llojit kanabis.
Droga është gjetur pas një kontrolli të efektivëve të policisë në makinën e shqiptarit (identiteti i të cilit nuk bëhet i ditur nga mediat lokale), në rrugën Siatista – Krystallopigi Egnatia Odos.
Droga ishte e ndarë në katër çanta me një peshë totale 32 kg e 330 gr.
Efektivët kishin informacione lidhur me rastin, raportojnë “alphatv”.
Bulizmi është një sjellje negative dhe agresive, e cila ka si qëllim të dëmtojë ose të ngacmojë dikë që konsiderohet si më i pa fuqishëm fizikisht dhe psikologjikisht.
Vitet e fundit, një numër i madh adoleshentësh kanë qenë viktima të bulizmit që ushtrohet nga bashkëmoshatarët e tyre edhe me përdorimin e teknologjisë (cyber bullying). Duke pasur parasysh pasojat afatgjata të bulizmit, si dhe faktin që të rinjtë janë e ardhmja e një vendi, të gjitha shkollat janë të detyruara të ushtrojnë politika anti-bulizëm, brenda kuadrit të kodit të tyre të përgjithshëm të sjelljes.
Rolet që shfaqen gjatë këtij fenomeni janë: viktima, ushtruesi i bulizmit, bully-victim dhe indiferenti. Kjo sjellje e dhunshme (fizike ose/edhe psikologjike) përsëritet, ose ka tendencën të përsëritet me kalimin e kohës. Si fëmijët që pësojnë, ashtu edhe ata që ushtrojnë bulizëm, rrezikojnë të kenë probleme serioze dhe afatgjata.
Bulizmi çon në frikë kundrejt veprimeve të ushtruesit (ankth, depresion), probleme akademike dhe braktisje të shkollës.
Fakulteti i Shëndetit Publik të Universitetit të Vlorës kreu një studim kros-seksional në 6 gjimnaze të Vlorës. Në studim morën pjesë 800 nxënës. Niveli i viktimizimit 19,8% (të paktën një herë muajin e fundit) dhe indikatori i bulizmit 33,7% (të paktën një herë muajin e fundit) sipas përgjigjeve të nxënësve.
E rrezikshme ajo qe po ndodh ne Gjimnazet e Vlores. Read More »
Me një status dy radhësh në Facebook, kryeministri dhe kreu i PS-së, Edi Rama thotë se është i gatshëm të ulet në tryezë pa asnjë kusht.
“Z. President ju meritoni gjithë keqardhjen time për sa sapo thatë! Prapë provuat që nuk jeni dot i paanshëm! Unë jam gati për dialog. Pa kushte”, shkruan Rama.
Kryetari i Bashkisë Fier Armando Subashi, së bashku me deputetët, Gramoz Ruci e Xhevit Bushi kanë marrë pjesë në ceremoninë e shpërndarjes së lejeve të legalizimit në Njësinë Administrative Qendër, organizuar nga zyra vendore e ALUIZNI-t Fier.
Vetëm sot në këtë ceremoni u shpërndanë 460 leje legalizimi, krahas 180 lejeve të tjera të shpërndarë pak kohë më parë po në këtë njësi.
Duhanpirja shkakton çdo vit mbi gjysmë milioni të vdekur në mbarë botën, por pavarësisht kësaj, të dhënat tregojnë për një rritje marramendëse të këtij vesi në mbarë botën.
Vendet më të prekura janë ato në Europën Lindore dhe në Azi. Sipas Organizatës Botërore të Shëndetësisë, që publikoi së fundmi një raport mbi duhan-pirjen në mbarë botën, fushatat ndërgjegjësuese dhe ligjet e ashpra anti-duhan në shumë vende, nuk e kanë ulur përhapjen e fenomenit.
Sipas OBSH-së, në 2015 rezultonin mbi 1.1 miliardë konsumatorë të duhanit dhe numri më i madh i tyre vazhdon të jetë meshkuj.
59 përqind e meshkujve në Rusi konsumojnë duhan, në Kinë 47 përqind e meshkujve, në Jordani 70 përqind dhe në Indonezi 76 përqind e meshkujve, ndërsa për Shqipërinë, duhanpirja, vetëm tek meshkujt përllogaritet në rreth 52 përqind.
Ulje të duhanpirësve është vërejtur në një pjesë të madhe të vendeve Perëndimore, ku rekordin e mban Islanda, që ka rënë në rreth 6 përqind duhapirës në total, meshkuj e femra. Edhe në Britaninë e Madhe dhe Shtetet e Bashkuara ka patur një ulje të ndjeshme të konsumatorëve të duhanit.
Alarm per Duhanpiresit nga Organizata Boterore e Shendetesise. Read More »
Policia e Tiranës në vijim të Planit të veprimit, vijon kontrollin e territorit për parandalimin e kultivimit të bimëve narkotike.
Sot datë 14.04.2017 nga shërbimet e Komisariatit Policisë Nr 1, pas një pune disa ditore, bazuar në informacione të marra në rrugë operative, se në zonën e Shkozës më konkretisht në tunelet e ish Uzinës së Autotraktorëve kultivoheshin bimë narkotike, ka organizuar dhe zhvilluar një kontroll të imtësishëm në këtë zonë.
Nga kontrolli i imtësishëm i zonës ku ishte informacioni u konstatua një ambjent i mbyllur në brendësi të tunelit i përshtatur për kultivimin e bimëve narkotike.
Këto ambiente ishin në pronësi të shtetasit Hazbi Pardhokut.
Theksojmë se këtë aktivitet të kundraligjshëm, ky person dhe të tjerë të përfshirë në të, për të cilët policia po vijon hetimet, e kamuflonte si aktivitetet i prodhimit të plastikës.
Në këtë ambient janë gjetur dhe sekuestruar një sasi e konsiderueshme kubikësh dhe lëndë e dyshuar narkotike e futur në qese (ende e pa peshuar).
Nga shërbimet policore është bërë shoqërimi i disa shtetasve dhe po vijojnë veprimet proceduriale.
Policia ndodhet në vendngjarje dhe po ushtron kontrolle në banesat e shtetasve të dyshuar si dhe po punon për dokumentimin e plotë të saj dhe vënien para përgjegjësisë të autorëve të kësaj ngjarje.