Lajmi i fundit

Dhuna vijon të mbetet një fenomen në kategoritë më të ulëta të futbollit shqiptar, teksa dje në Kategorinë e dytë, gjyqtari Ardit Merdanaj, u dhunua nga lojtari i Domosdovës, Altin Lleshi në stadiumin e Tepelenës.

Arbitri nga Vlora akordoi një 11-metërsh që i rrezikoi jetë. Ai përfundoi në spital, ndërkohë që tashmë nuk dëgjon më nga veshi i djathtë.

Merdaj ka dhënë një intervistë, ku thekson se ajo goditje i ka sjellë probleme serioze.

“Kam dhimbje në kokë dhe nuk dëgjoj fare nga veshi i djathtë. Do të shkoj menjëherë në spitalin e Vlorës për të bërë kontrolle më të imtësishme me skaner. Nuk e kuptoj një veprim të tillë”, tha arbitri për Panorama Sport.

Gazeta serbe Blic, në një artikull që do të publikohet të hënën, e ka quajtur Presidentin e Kosovës, Hashim Thaçi, padron të drogës dhe të trafikimit të armëve e naftës, njofton Klan Kosova.

Në ballinën e kësaj gazete për datën 17 prill është vendosur fotografia e Thaçit dhe titulli “Thaçi – Padron i drogës dhe i trafikimit të armëve e naftës”.

Kjo gazetë serbe pretendon se ka zbuluar detaje të panjohura deri më tani “për mafinë shqiptare në Kosovë”.

Bilc shkruan se nesër do të zbardhë se “cilat klane kriminale udhëheqin me Kosovën?”.

“Vrasjet e përgjakshme, ndërlidhja e krimit me politikën, raportet me mafinë në Shqipëri, Çeki, Bullgari dhe Maqedoni”.

Blic edhe në të kaluarën ka pasur shkrime kundër lidershipit kosovar, e atij shqiptar, por që jo rrallë, ato që gazeta i ka quajtur fakte, më shumë kanë qenë përshtypje editoriale të tyre

Zonat veriore do të mbeten nën ndikimin e motit të paqëndrueshëm duke bërë që vranësirat dhe shirat të jenë prezent ndërsa me kthjellime dhe vranësira të herë pas hershme paraqitet moti në zonat qendrore dhe jugore të vendit.

Parashikohet që pasditja të sjellë përmirësim të kushteve atmosferike edhe në zonat veriore duke bërë që i gjithë vendi të dominohet nga kthjellime dhe vranësira të shpeshta.

Sipas MeteoAlb, temperaturat e ajrit do të pësojnë rënie në vlerat e mëngjesit ndërsa mesdita nuk do të sjellë shumë ndryshime të tyre. Era do të fryjë mesatare në tokë dhe në det me shpejtësi 35 km/h nga drejtimi kryesisht jugperëndimor, për pasojë në brigjet detare do të gjenerohet dallgëzim 2- 3 ballë.

Sipas rezultateve të para të shpallura nga numërimi i votave të ardhura nga diaspora turke, shtetasit turq në Maqedoni kanë votuar me 57,97 % pro dhe 42,03 % “jo”

Shtetasit turq në Maqedoni dhe Kosovë kanë votuar pro reformave kushtetuese në kuadër të referendumit për ndryshimet kushtetuese në Turqi, të cilat parashohin implementimin e sistemit presidencial të qeverisjes, ndërkohë që në Shqipëri ka dominuar vota “jo”, raporton Anadolu Agency (AA).

Sipas rezultateve të para të shpallura nga numërimi i votave të ardhura nga diaspora turke, shtetasit turq në Maqedoni kanë votuar me 57,97 % pro dhe 42,03 % “jo”, në Kosovë me 57,14 pro dhe 42,86 “jo”, ndërkohë që rezultati i shpallur nga votat e shfrytëzuara në Shqipëri është 41,80 % pro kundrejt 58,20 % të votave “jo”.

Ndryshe, shtetasit turq shfrytëzuan të drejtën e tyre të votimit më 9 prill në Shqipëri dhe Kosovë, dhe më 8 dhe 9 prill në Maqedoni.

Ndërkaq, diaspora turke kishte mundësi të votojë në 57 shtete në një total prej 120 vendvotimeve që ishin hapur në ambasadat dhe përfaqësitë diplomatike dhe konsullore në vende të botës nga data 27 mars deri më 9 prill.

Krimi në Shqipëri dhe kronikat e zeza janë të përditshme, por shumë shpesh media nuk pasqyron rastet kur nuk kemi të bëjmë me vrasje, grabitje spektakolare e plagosje, por edhe me sherre e vjedhje të çuditshme

Më poshtë po publikojmë 3 raste që tregojnë më së miri çudira shqiptare.

Në Lezhë ditën e djeshme, policia ka arrestuar një 55 vjeçar në fshatin Kolsh. Arsyeja? Kishte vendosur të helmonte 10 gica të një bashkëfshatari. Se përse e ka bërë këtë 55 vjeçari me inicialet Gj.D mbetet ende mister për t’u zbuluar.

Një rast tjetër ka ndodhur në Mirditë, ku një të moshuari në fshatin Perlat i kanë vjedhur 9 koshere me bletë. Pavarësisht se policia ende nuk e ka gjetur autorin, ajo që të bën çudi dhe përshtypje është… kush do të merrte mundimin për të vjedhur koshere me bletë, kur dihet se është mjaft e rrezikshme t’i marrësh këtyre insekteve mjaltin…?!

Dhe rasti i fundit, i këtij “edicioni” me çudira shqiptare, është i një ndodhie në Lushnje, në fshatin e largët Çiflik. Një 33 vjeçar mesa duket ka dashur të konsumojë disa ullinj. Mënyra më thjeshtë? Nuk është lodhur që të shkojë për ti blerë, por ka menduar që t’ja presë pemën e ullurit bashkëfshatarit 58 vjeçar.

Tregu i muzikës është zgjeruar shumë në vitet e fundit, posaçërisht ai i zhanreve rep dhe hip-hop.

Kur flasim për këto dy rryma në vendin tonë, natyrisht se mendja na shkon së pari te dy nga grupet më të mëdha, BabaStars dhe OTR.

Të parët të drejtuar nga Getoar Selimi (GhettoGeasy), ku pjesë janë edhe këngëtarët Agon Sylejmani (Agon Amiga), Visar Shala (Skivi), Kastriot Rexha (Majku), Ylber Abdullahu (Cozman) dhe Onat Shufta (Onat).

Kurse ty dytit, të drejtuar nga Rigles Rajku (Noizy), që përbëhen nga Denis Hajri (Varrosi), Enca Haxhia (Enca) Çiljeta Gjilaga (Çili) dhe të tjerë me emra skenikë si: Lil Koli, Sekondar, Bohem1 e shumë të tjerë.

Pjesë e BabaStars ishin edhe Arkimed Lushaj (Stresi), Ledri Vula (Ledri), Ronela Hajati, por arsye të ndryshme këta shkëputën marrëdhëniet me grupin dhe vazhduan karrierën individualisht.

BabaStars janë nga Kosova, por shtrirja e tyre e tyre është e madhe që nga paslufta, pasi Geti dhe Agoni i njohur si BIG XI kanë shumë vite karrierë në supet e tyre.

Por, të ndalemi te liderët e këtyre dy grupeve dhe te jeta luksoze që bëjnë këta të dy, të cilën e bëjnë publike nëpërmjet postimeve të ndryshme në rrjetet sociale, Telegrafi.

Edhe Geti edhe Noizy janë autorë të shumë hiteve dhe normalisht që janë shumë të adhuruar në vendet ku flitet shqip, brenda trojeve shqiptare po ashtu edhe jashtë tyre.

Puna e madhe gjithmonë shpaguhet dhe si gjithmonë pas një punë të madhe të gjithë çlodhin vetën duke i bërë dhurata vetes, të cilat janë fryt i punës së madhe.

Ashtu edhe dyshja e lartpërmendur, ku ata posedojnë stoli, vetura dhe gjëra tjera luksoze, të cilat i fituan duke argëtuar publikun.

Instagrami është rrjeti social ku të dy postojnë fotografi nga udhëtimet e tyre në botë, ku shpeshherë vijnë si pasojë e koncerteve të tyre,  por shpeshherë ata shfaqin me këtë rast edhe luksin që i rrethon, shkruan Telegrafi.

Veturat e shtrenjta duket se janë pika e dobët e dyshes dhe duket se një pjesë të madhe të fitimeve i shpenzojnë në to.

Mercedes, BMW, Porsche, Ferrari, Lamborghini, Bently e Jaguar.

Të gjitha këto mund t’i shikoni më poshtë teksa dy reperët pozojnë para veturave, ku një pjesë e madhe të tyre ata mund t’i kenë huazuar nga shokët për klipet muzikore.

Në kuadër të “Ditëve Letrare të Razmës” që organizohen në Razëm më 26-28 maj 2017, Departamenti i Komunikimit dhe Marrëdhënieve Publike në Universitetin Europian të Tiranës organizon konferencën Kombëtare Shkencore “Kujtesa dhe Letërsia” dhe Institucioni Europian PASHKO jep çmimin “KADARE” 2017 për prozën shqipe.

Çmimi “Kadare” në letërsinë shqipe, i kthyer tashmë në traditë, këtë vit vjen me disa risi.

Dhënia e çmimit për prozën më të mirë shqipe, që mbështetet nga Institucioni Europian PASHKO në UET, bëhet gjatë organizimit të “Ditëve Letrare të Razmës” që mbahen në Razëm më 26-28 maj 2017.

Po gjatë këtyre ditëve do të zhvillohet edhe konferenca Kombëtare Shkencore “Kujtesa dhe Letërsia”, organizuar nga Departamenti i Komunikimit dhe Marrëdhënieve Publike në Universitetin Europian të Tiranës.

Konferencë shkencore për letërsinë

Ditët letrare të Razmës në vitin e tretë do të kthehen në një konferencë shkencore të mirëfilltë, të organizuar nga Departamenti i Komunikimit dhe Marrëdhënieve Publike në Universitetin Europian të Tiranës me temë “Kujtesa dhe Letërsia”.

Shefja e këtij departamenti Dr.Belina Budini, thotë se “kjo është një risi që tenton që përveç promovimit të letërsisë shqipe të vendosë përballë edhe kritikën dhe studimin e kësaj letërsie”.

“Ne ftojmë të gjithë studiuesit e letërsisë që të bëhen pjesë e kësaj konference duke aplikuar pranë këtij departamenti”.

Në fund të konferencës, referimet do të përzgjidhen nga bordi shkencor për t’u botuar në revistën Polis”. Kjo nismë e UET-it vjen në kuadër të zgjerimit të tij dhe me një degë të veçantë për letërsinë që pritet të hapet vitin tjetër akademik.

Ndryshon juria e çmimit “Kadare”

Çmimi “Kadare” me vlerë 10 mijë euro, që akordohet nga Instituti Europian PASHKO në UET për prozën më të mirë, shënon këtë vit edicionin e tretë.

Ai është marrë nga shkrimtari Rudolf Marku dhe Shkëlqim Çela në dy edicionet e shkuara.

Juria vjen me një përbërje të re dhe me kryetar të ri.

Shkrimtari Bashkim Shehu i është bashkangjitur kësaj jurie duke marrë dhe kryesimin e saj.

Më tej në përbërje të saj janë studiuesi dhe shkrimtari Agim Baçi, shkrimtari Ylljet Aliçka, studiuesja dhe gazetarja Mirela Oktrova dhe Ledia Dushi, poete, përkthyese e studiuese e letërsisë.

Juria është mbledhur disa herë që pas lançimit të çmimit “Kadare” 2017 dhe deri më tani ka marrë në dorëzim 15 dorëshkrime për këtë konkurs.

Deri më datë 10 maj juria mirëpret shkrimtarët shqiptarë nga të gjitha trevat shqiptare që të dorëzojnë dorëshkrimet e tyre në emailin: [email protected].