Lajmi i fundit

20 milione leke te vjetra per ekipin e Flamurtarit per cdo fitore te luajtur jashte fushes dhe 10 milione leke per ato qe do te fitohen brenda fushes .
Kjo eshte premio qe u siguron presidenti I Klubit te Futbollit Flamurtari Sinan Idrizi , ekipit vlonjat .
Deklarata e tij ka ardhur menjehere pas perfundimit te lojes se luajtur ne stadiumin e Gjirokastres , ku Flamurtari e mundi ne shtepi Luftetarin me rezultatin 2-1.

Dhuna në futboll është një fenomen mjaft i shëmtuar që në vendin tonë ngre kokë herë pas here. Ditën e djeshme një akt dhune mund të rezultonte fatale për arbitrin nga Vlora, Ardit Merdanaj, i cili ra pre e dhunës së lojtarit të Domosdovës, Altin Lleshi dje në stadiumin e Tepelenës

Gjithçka ndodhi vetëm për akordimin e një 11-metërshi që gjyqtari të rrezikojë jetën, përfundon në spital dhe nuk dëgjon më nga veshi i djathtë.

Gjatë një interviste për një të përditshme sportive Merdanaj tregon momentet e goditjes dhe ndër të tjera thekson se ato goditje e kanë lënë me pasoja serioze.

“Kam dhimbje në kokë dhe nuk dëgjoj fare nga veshi i djathtë. Do të shkoj menjëherë në spitalin e Vlorës për të bërë kontrolle më të imtësishme me skaner. Nuk e kuptoj një veprim të tillë”, tha arbitri.

Ndërkohë që sot është arrestuar edhe futbollisti Lleshi. Ai akuzohet për goditje për shkak të detyrës.

Julian Doraci është Shefi i Stacionit Policor të Portit të Durrësit, i arrestuar mbrëmjen e së dielës, si një prej 18 të dyshuarve të përfshirë në trafikimin e më shumë se 10 ton hashash drejt Italisë.

Prokuroria e Krimeve të Rënda zyrtarisht njoftoi se Doraci, sëbashku me 9 policë të Portit, si dhe 8 doganierë të Qafë – Thanës, Durrësit e Tiranës, janë të dyshuar se kanë siguruar kushtet për kalimin e dy ngarkesave të ndryshme nga Shqipëria në Itali, në Shkurt dhe Mars 2017.

Por Komisar Julian Doraci, në detyrën e shefit të Stacionit Policor të Portit të Durrësit jepte 10 muaj më parë intervista në media, për sofistikimin e mënyrave të trafikimit të lëndëve narkotike drejt vendeve të Bashkimit Europian.

Në një intervistë të dhënë për Televizionin Klan, më 26 Qershor 2016, Komisar Julian Doraci deklaronte se: “Janë duke i sofistikuar, sidomos tek pjesa e elektronizimit të modus operandit të trafikimit të lëndës narkotike. Një mjet i vogël që kaloj për kontroll në pikën e kontrollit në garazh kishte një pjesë të modifikuar të makinës në një mënyrë profesionale, me një dritare të elektronizuar, pra me anë të një butoni i bënte hapje e një dritare të fshehtë mbas tapicerisë të këmbës së pasagjerit. Skaneri S2 Albania nuk të nxjerr nëse ka droge apo jo, por skaneri jep dyshime se në strukturën e kamionit, në këtë pjesë ka diçka të dyshuar që nuk duhet të jetë.”

Për më tepër, ndiqni kronikën më lart, ku 39 – vjeçari Julian Doraci shpjegon rreth mënyrave të reja të veprimit të trafikimit.

Dy episodet për të cilat Prokuroria e akuzon:

Rasti i parë, i ndodhur në datën 05.02.2017, kur në Itali u kap një kamion me 8 ton drogë, e cila kishte hyrë në Shqipëri nga Maqedonia nëpërmjet pikës doganore Qafë – Thanë dhe ka dalë nga pika e kalimit kufitar në portin e Durrësit. Për këtë rast, para pak javësh u arrestuan edhe 4 punonjës policie të Qafë – Thanës.

Rasti i dytë ka ndodhur në datën 24.03.2017, kur në Itali u kap një kamion me shofer shqiptar, me rreth 2.2 ton kanabis ne bord.

Ai është paraqitur në inspektoratin më të afërm të policisë menjëherë pasi ka kryer vrasjen. Bëhet fjalë për një kosovar 27 vjeçar ndërsa viktima, një 26 vjeçar me prejardhje nga Bosnja.

“Unë jam vrasësi, më arrestoni!”. Këto janë fjalët që ia ka drejtuar policisë pas një akti të kryer të dielën (dje) në Brigittenau të Vjenës, Austri.

Ai është paraqitur në inspektoratin më të afërm të policisë menjëherë pasi ka kryer vrasjen, njofton agjencia austriake e lajmeve APA.

Bëhet fjalë për një kosovar 27 vjeçar ndërsa viktima është një 26 vjeçar me prejardhje nga Bosnja.

Dorasi ka thënë për policinë se aktit i ka paraprirë një zënkë në mes tij dhe boshnjakut në një lokal të afërm, transmeton albinfo.ch. Por ai ende nuk ka thënë asgjë për motivet, duke theksuar se së pari do të konsultohej me avokatin e vet.

Dëshmitarët kishin lajmëruar policinë dje rreth orës 15 për një zënkë të zhurmshme që kishin dëgjuar.

Pak më vonë ishte gjetur një person i qëlluar në kokë nga afërsia.

Nisur nga të dhënat e deritashme, policia konsideron se rrëfimi i kosovarit është i vërtetë, por mbetet ende të merren provat dhe të shqyrtohen. Pas disa ditëve autoritetet do të dalin me qëndrimin përfundimtar.

Shqipëria rrezikon të humbë një tjetër “xhevahir”. Pas dy mundësve të kalibrit botërorë, si Elis Guri që zgjodhi Bullgarinë (e më pas u shpall kampion bote) dhe medalistit të bronztë të botës, Sahit Prizreni, i cili zgjodhi flamurin e Australisë, tashmë radha është për një tjetër medalist ndërkombëtar.

Ai është kampioni i saposhpallur i Evropës në atletikë, Izmir Smajlaj dhe i vetmi në historinë e “Mbretëreshës së Sporteve” në Shqipëri. Mesazhin e jep vetë shkodrani në një intervistë për Panorama Sport.

“Për momentin nuk mund të them se janë sjellë keq. Mirë janë sjellë, por vë theksin që pres më tepër mbështetje nga shteti. Një shpërblim 40 milionë lekë nuk është ndonjë shpërblim i madh. Në dijeninë time, të përfaqësosh një shtet tjetër të Evropës dhe të shpallesh kampion, të sigurohet jeta. Ndërsa me 40 milionë lekë nuk sigurohet jeta. Por nuk mund ta mohoj faktin se autoritetet shtetërore më kanë mbështetur”.

“Ajo çka duhet të them, është se Shqipëria duhet të dijë si t’i mbajë këta sportistë më afër. Jo vetëm mua, por ka edhe mjaft sportistë të tjerë të talentuar që duhet të mbështeten dhe përkrahur për të mos u larguar nga Shqipëria. Mund të përmend rastin e Elis Gurit, nuk u mbështet dhe nuk i plotësuan kërkesat e tij dhe vendosi të përfaqësonte Bullgarinë. Apo rasti i mundësit Sahit Prizreni me Australinë. Elisi e ngriti flamurin e Bullgarisë si kampion bote, por nëse do të vlerësohej këtu mund ta çonte me përfaqësuesen shqiptare. Kjo mund të ndodhë edhe mua nëse nuk do të më mbështetë. Do të veproj edhe unë si shokët e mi”.

“Po, po, ekziston si mundësi nëse nuk arrijnë të mi plotësojnë kushtet. Gjithsesi, kam besim që shteti do të reflektojë duke na i plotësuar kushtet dhe nuk do të më lërë të largohem. Normalisht këtu kemi lindur, rritur, është vendlindja jonë. Për shpirt, nuk largohem kurrë nga Shqipëria, por e përsëris, nëse nuk plotësohen kërkesat, do ta rishikoj si mundësi”.

“Kam pasur oferta nga Kroacia. Kontaktet kanë qenë të shpeshta. Por, për momentin, do të qëndroj me Shqipërinë. Megjithatë, pas kampionatit botëror, do ta shoh nëse do të qëndroj apo jo. Në kampionatin botëror do të garoj me Shqipërinë, më mbrapa do ta shoh si opsion”, ka thënë Smajlaj.