Lajmi i fundit

Policia italiane ka shkatërruar një bandë trafikantësh duke vënë në pranga 33 persona, 27 italianë dhe 6 shqiptarë. Ata importonin dhe shisnin sasi të mëdha droge në Milano.

Hetimi nën emrin e koduar “Old story-Eden”, i drejtuar nga skuadra mobile e Milanos, nisi pas monitorimit të një grupi kriminale që kishte tentuar të investonte të ardhurat e disa grabitjeve në tregun e drogës. Analizimi i lëvizjes së parave ka bërë të mundur që policia të arrijë tek grupi i trafikantëve, italianë dhe shqiptarë.

Gjatë hetimeve janë sekuestruar rreth 22 kg kokainë, 30 kg marijuanë, 1.5 kg hashash, një pistoletë pa leje, një armë lufte me municione dhe rreth gjysmë milioni euro para Cash.

Gjithashtu është marrë vendosur edhe sekuestroja preventive për 11 automjete, 10 prona të paluajtshme, 32 llogari bankare. Operacioni përveçse në zonën e Milanos, ka prekur edhe Triesten dhe Varesen.

Sipas burimeve ngjarja ka ndodhur një ditë më parë në rrugën “Manol Konomi” në  Tiranë.

Një grua i ka dhënë fund jetës duke u hedhur nga pallati ku jetonte.

Burim nga policia thanë se 62-vjeçarja Luljeta M., është hedhur nga kati i 3 i pallatit ku jetonte dhe ka gjetur vdekjen e menjëhershme.

Policia ka shkuar në vendin e ngjarjes dhe ka nisur hetimet për këtë krim.

Humb jetën në një aksident në shqiptar në Itali. Mediat italiane shkruajnë se viktima është 31 vjeçari Dorian Alikollari 30 vjeç, i cili jeton në Udine bashkë me familjen e tij.

Sipas policisë aksidenti ndodhi natën e së dielës, kur makina me të cilën udhëtonte ai doli nga rruga dhe u përplas me një pemë.

Ai kishte humbur kontrollin e mjetit Volkswagen Golf dhe përplasja me pemën ishte fatale, pasi humbi jetën menjëherë.

Kryetari i Partisë Demokratike Lulzim Basha deklaroi sot se opozita do të heqë dorë nga bojkoti kur kryeministri Edi Rama të kthejë sërish në Kuvend paktin që ka shkelur, duke votuar kështu më pas dhe 6 ligjet për reformën në drejtësi.

Pas takimit me ministrin e Jashtëm gjerman Sigmark Gabriel, i cili i bëri thirrje që opozita të rikthehet në Kuvend, Basha tha se vettingu do të bëhet sipas ligjit dhe Kushtetutës.

“Shqipëria është bërë shpërndarësi kryesor droga. Injorimi i tonelatave të drogës është ndëshkim për Shqipërinë, është inkurajim për të dëmtuar vendin. Ne bëjmë gjithë këtë lëvizje për fatin e Shqipërisë, për vlerat europiane. Diskutuam për reformën në drejtësi dhe çmontova gënjeshtrën e Rasmës se ne nuk duam vettingun. I thash se ne e duam vettingun siç e votuam në korrik. Vettingu nuk do bëhet siç do Rama, apo Nëna Terezë, por siç e do ligji. Pata rastin ta çmontojë gënjeshtrën e Ramës dhe kjo me gënjeshtra, PD do të kthehet për të votuar 6 ligjet kur Rama të c’thyejë paktin. Ne do t’i votojmë të 6 ligjet kur marrëveshja e shkelur të rikthehet dhe këto ligje të mbrojnë qytetarët ”, nënvizoi lideri i PD-së.

Nga ana tjetër ai i qëndroi strikt vendimin të tij se opozita nuk do të marrë pjesë në zgjedhje nëse nuk krijohet qeveria teknike dhe nuk sigurohen standarde. “Ky është një vendim që e kanë marrë shqiptarët. Zgjedhje pa qeveri teknike, pa luftuar drogën dhe pa reformë zgjedhore, zgjedhje fasadë të dituara nga krimi, në Shqipëri nuk ka për të pasur, pasi do sillnin situatë eksplozive në Shqipëri”, tha ai.

Keni ëndërruar gjithmonë që të punoni në shtëpinë mbretërore më të famshme në botë? Jeni të rinj dhe keni shumë dëshirë për të mësuar?

E ndjeni veten të gatshëm për të qenë kryeshërbëtor (mazhordom)? Ky është rasti juaj, por kujdes ndaj rrogës.

Mbretëresha Elizabeth e Anglisë, po kërkon një shërbëtor me mundësi për të bërë karrierë dhe me një kontratë të papërcaktuar.

Oferta duket tunduese, por siç lexohet në lajmërimin e publikuar në sajtin e Royal Household, ka disa gjëra që nuk janë pëlqyer fort. Ndër të tjera pushimet janë të paguara, ashtu sikundër është i përshirë edhe qëndrimi në Buckingham Palace.

Megjithatë nuk kanë munguar kritikat ndaj kësaj oferte, pasi mes kritereve spikat aftësia për të shërbyer me elegancë dhe klasë, ndaj krerëve të shteteve apo mysafirëve të zakonshëm si dhe kërkohet përshatje ndaj çdo dhurate që vjen në pallatin mbretëror, që nga ato të shtrenjta e deri tek më të zakonshme.

Por polemikën më të madhe e shkaktoi rroga, 18 850 sterlina në vit, ose thënë ndryshe rreth 22 mijë euro, shkruan noa.al. Kjo shifër është cilësuar si shumë e ulët për nivelin e punës, ndonëse në lajmërim specifikohet se do të rritet me kalimin e kohës.