Lajmi i fundit

Njihuni me biznesmenin milioner, që e ka dhuruar të gjithë pasurinë e tij për të përmirësuar jetët e të tjerëve.

Gjithçka ndodhi pasi aksidentin me Ferrari-n që sapo e kishte blerë, për pak i kushtoi jetën. Mazzi Dumato, 38 vjeç, vendosi të heqë dorë nga luksi i pakuptimtë dhe të dhuronte gjithë pasurinë. Sipërmarrësi tha se e ka lënë pas jetën si playboy dhe jeton në një makinë kampingu. “Bleva një Ferrari 150 mijë dollarë dhe mendova se kisha arritur gjithçka. Nisa ta festoj dhe dy javë më vonë u përfshiva në një aksident me pesë makina. Kisha rënë gjumë dhe përfundova poshtë një kamioni”.

Dumato, me origjinë nga Damasku në Siri, u aksidentua teksa ishte në Dubai.
“Një natë në burg, e kuptova se nuk isha më ai Mazzi i madh. Një vit pasi u largova nga Dubai, shkova në një klub në Brazil dhe dëgjova një vajzë që po fliste për Afrikën. Ishte vullnetare në një spital në Kongo. Tani ajo është gruaja ime. Quhet Milena dhe më ka frymëzuar jashtëzakonisht shumë. Njerëzit e duan shumë atë. Të gjithë në fshat në Afrikë, që nga fëmijët e deri tek të moshuarit e duan. Jo për shkak të parave që u jep, por për shkak të kohës që u kushton. Këtu e kuptova se bamirësia nuk është vetëm për para. Është për kohën që kalon në shërbim të vërtetë për të tjerët”.

Por Milena u prek nga kanceri në gji dhe Mazzi shpenzoi mbi 700 mijë dollarë për kurimin e saj. Një pjesë të mirë të pasurisë e shpenzoi edhe për vëllanë e Milenës, që po kurohet për kancer në tru. “Kur u largova nga Dubai, kisha 3 milionë dollarë,” thotë ai. Tashmë nuk ka asgjë dhe flenë në makinë ose nëpër restorante.

Shembja e urave në Itali po kthehet në një fenomen të zakonshëm! Gjatë ditës së sotme, një urë lidhëse me autostradën në Fossano është shembur duke zënë nën të një automjet të karabinierëve, që kishin ngritur një postbllok pak më tutje.

Fatmirësisht në momentin e shembjes, karabinierët nuk kanë rrezikuar të ziheshin përfund strukturës së betonit, pasi pak sekonda më parë kishin dëgjuar zhurmën e krisjes së strukturës së urës dhe ishin larguar për të shpëtuar kokën.

Për fat të mirë, nga ana tjetër, në momentin e shembjes nuk po kalonte ndonjë automjet mbi urë.

Autoritetet italiane po punojnë për të zbuluar shkaqet e shembjes. Kjo është shembja e tretë e urave në 6 muaj.

Në muajin mars, shembja e një ure në autostradën A14, në Castelfidardo shkaktoi vdekjen e një çifti, të zënë përfund strukturës së betontë. Ndërkohë, në tetor 2016, një incident i ngjashëm u regjistrua në Lecco, ku humbi jetën një drejtues mjeti.

Mat, Dibër

Vijon kontrolli i territorit për parandalimin e kultivimit të bimëve narkotike si dhe për goditjen e prodhimit dhe shitjes të lëndëve narkotike

Gjatë kontrollit të territorit sekuestrohen nga Policia në një banesë të braktisur 7,2 kg lëndë narkotike e dyshuar Cannabis Sativa.

Policia amerikane ka bërë të ditur se një person që kishte vrarë një burrë të moshuar dhe aktin e kishte transmetuar në Facebook, është vetëvrarë të martën.

Steve Stephens ishte në kërkim nga policia. Pasi ishte parë në Pennsylvania, policia e kishte ndjekur me makinë. Pak minuta më vonë, Stephens e vrau veten me armë zjarri, shkruan BBC.

Ai e kishte vrarë 74 vjeçarin Robert Godwin, derisa ky i fundit po mblidhte kanaçe nëpër bërllog. Videon e vrasjen ai e kishte publikuar në Facebook, gjë që bëri që mediat t’ia vënë nofkën ‘Vrasësi i Facebookut’.

Ngjarja ka ndodhur në lagjen nr.1, buzë liqenit, ku 59 vjeçari Vladimir Fezollari, banues në Pogradec, i ndodhur në kushte depresioni, ka tentuar të vetëvritet duke qëlluar veten me një armë zjarri tip pistoletë e markës “Ekol”, të cilën e posedonte pa lejen e organeve kompetente.

Si pasojë e plagëve të marra i plagosuri është dërguar për mjekim të specializuar në Tiranë, pasi ndodhet në gjendje të rëndë shëndetësore.

Në vendngjarje në cilësinë e provës materiale, janë sekuestruar arma tip pistoletë me të cilën ka qëlluar veten, 2 gëzhoja, si dhe një letër e shkruar nga ana e tij. Në letrën e lamtumirës ai shkruan se prej kohësh gjendja e tij ishte rënduar dhe se nuk do t’i bëhet barrë askujt. Ai thotë se vendimin e ka marrë vetë dhe se nuk ka faj familja e tij.

“Prej kohësh gjendja ime psikologjike nuk më le të jetoj i qetë. Jam shumë i rënduar dhe më mirë të shkoj në botën tjetër sepse po bëhem barrë për të gjithë. Kur të lexoni letrën nuk dua të fajësoni askënd. As familjen time, as fëmijët e mi. Ata nuk kanë faj për asgjë. Kam vendosur vet dhe fajtori jam unë. Më falni për çdo shqetësim familja ime e shenjtë. Më falni për këtë që po i bëj vetes por është më e mira për mua”, thuhej në letrën e lamtumirës.

Materialet i kaluan Prokurorisë së Rrethit Gjyqësor Pogradec, për veprat “Shkaktimi i vetëvrasjes, mbetur në tentativë”; “Prodhimi dhe mbajtja pa leje e armëve luftarake dhe e municionit”.

Ditën e sotme dy persona tentuan të rrëmbenin një 24-vjeçar për shkak se e akuzonin për vjedhjen e banesës së tyre.

Sipas burimeve  L.L 22 vjeç dhe M.M 34 vjeç dhunuan me sende të forta të riun me iniciale Xh.L dhe tentuan ta fusnin me forcë në makinën e tyre. Ngjarja ndodhi pranë stadiumit të qytetit të Beratit.

Policia arrestoi dy personat që tentuan të rrëmbenin 24-vjeçarin. Pas marrjes në pyetje, ata thanë se Xh.L ka dijeni për vjedhjen e banesës së tyre, ngjarje që ka ndodhur para disa muajsh.