Lajmi i fundit

kuzohej se nuk kishte paguar dritat për disa vjet, në shtëpi i shkojnë 7 policë a thua se ishte baroni i drogës… rrëfimi rrënqethës i romit që jeton në mjerim e diskriminim

“Jo gjashtë muaj, dua gjashtë vjet burg”. Ky është apeli i pazakontë e romit drejtuar gjyqtarit kur ky i fundit vendosi për të dënimin me gjashtë muaj burg për shkak se romi i papunë nuk kishte mundur të paguante dritat. Ai kërkonte të dënohej me 6 vjet burg pasi atje brenda në qelitë e burgut të paktën do të kishte tre vakte ushqim, gjë që i ka munguar e vazhdon t’i mungojë prej vitesh.

Është kryefamiljar dhe jeton në kushte të tmerrshme ekonomike. E bija ka përfunduar studimet e  larta me shumë sakrifica, por shteti nuk gjen dot asnjë vend pune për të, ndërkohë që i ati ka 20 vjet që është punëkërkues. Ndihma ekonomike gjithashtu i mungon.

Ndërkohë, me mijëra euro fonde qarkullojnë nëpër shoqatat e shumta që janë ngritur në emër të luftës kundër diskriminimit të komunitetit rom e egjiptian. Asnjë cent nuk mbërrin tek romët, as shteti nuk përgjigjet për ta dhe ndaj ky rom që shihni në videon më poshtë kërkon gjashtë vjet burg e jo gjashtë muaj, sepse atje ka garanci për copën e bukës.

Shihni videon ku shfaqet problematika e madhe me komunitetin  rom dhe egjiptian në Shqipëri.

Policia greke ka arrestuar në dy operacione të ndryshme dy shtetas shqiptarë dhe ka shpallur në kërkim një tjetër.

Të tre ata akuzohen për transportimin e një sasie të madhe kanabisi, me qëllim trafikimin në tregun grek, raporton ora news.  Sipas komunikatës së policisë, i pari u arrestua një shtetas i moshës 29 vjeç, pas kontrollit që u ushtrua në afërsi të Kosturit, në automjetin që drejtonte. U gjetën katër çanta udhëtimi, që përmbanin 98.2 kg kanabis, të ambalazhuar në 90 paketa.

Para këtij automjeti ndodhej një tjetër, në rolin e pararojës, që nuk ndaloi për kontroll nga policia, por rriti shpejtësinë dhe u gjet më pas i abandonuar në një zonë të qytetit të Grebenesë. Pas verifikimit, rezultoi se drejtues i këtij mjeti ishte një shtetas shqiptar i moshës 34 vjeç, që tashmë është shpallur në kërkim.

Ndërsa mjeti ishte në pronësi të një shtetaseje po shqiptare, 34 vjeç, që u gjet dhe u arrestua të mërkurën në mesditë në Selanik.

Policia sekuestroi drogën, të dy mjetet, dy telefona celularë, si dhe një shumë prej 120 eurosh, që i arrestuari i parë kishte me vete.

Një aksident trafiku ka ndodhur mëngjesin e së mërkurës në kryeqytet.

Shkaktari i këtij aksidenti del të jetë eskorta e kryeministrit të vendit Isa Mustafa.

Në videon e xhiruar nga KosovaPressi, shihet se përveç bllokimit të rrugës, eskorta  e kryeministrit Mustafa ka shkaktuar aksident në mes të një veture dhe kamioni.

Në video shihet se si vetura e penguar nga eskorta e kryeministrit, godet kamionin, ku fatmirësisht përveç dëmeve materiale nuk ka pasur lëndime në njerëz.

Rasti ka ndodhur në rrugën “Agim Ramadani”, pas mbledhjes së kabinetit të Isa Mustafës në orën 10:00 të ditës së sotme. /KP/

Lajmi për arrestimin e 18 doganierëve në Durrës dhe Qafë-Thanë tregon edhe njëherë tjetër se problemi i drogës është një problem real në vend.

Dy ditë pasi Prokuroria për Krimet e Rënda ka urdhëruar arrestimin e shefit të stacionit policor dhe 9 punonjësve të Policisë në Portin e Durrësit, si edhe 8 doganierëve të Qafë-Thanës, Durrësit e Tiranës, pasi akuzohen se kanë lejuar transportimit e drogës drejt Iaalisë, Gjykata ka dhënë masën e sigurisë ‘Arrest në burg’ për disa nga të arrestuarit, ndërsa ndaj disa të tjerëve vijon procesi gjyqësor.

Gjykata ka vendosur masën ‘arrest në burg’ për Julian Doraci, Shef i Stacionit Policor, Porti Durrës. Roland Metani, specialist, struktura anti-drogë. Policia e Portit Durrës, Mexhit Xhixha, specialist, struktura anti-drogë, Policia e Portit Durrës. Maliq Kadilli, agjent doganor, Qafë-Thanë. Roland Metani, specialist, struktura anti-drogë, Policia e Portit Durrës.

Punonjësit e doganës akuzohen për trafik ndërkombëtar narkotikësh, pasi kanë siguruar kushtet për kalimin e dy ngarkesave të ndryshme, me peshë totale 10 ton kanabis sativa, nga Shqipëria në Itali. Këto ngarkesa kanë kaluar në shkurt dhe mars të këtij viti.

18 Të arrestuarit janë:

1. Ymer Blloshmi, doganier, përgjegjës turni, Qafë-Thanë
2. Iliras Malja, doganier pranimi/verifikimi, Qafë-Thanë
3. Maliq Kadilli, agjent doganor, Qafë-Thanë
4. Kastriot Topulli, agjent doganor, Qafë-Thanë
5. Gëzim Dervishi, specialist në Policinë e Portit Durrës
6. Mexhit Xhixha, specialist, struktura anti-drogë, Policia e Portit Durrës
7. Roland Metani, specialist, struktura anti-drogë, Policia e Portit Durrës
8. Agron Kapllani, specialist, struktura anti-drogë, Policia e Portit Durrës
9. Gentian Selmani, specialist, struktura anti-drogë, Policia e Portit Durrës
10. Medi Demiri, kontrollor, Policia e Portit, Durrës
11. Fatmir Plaku, kontrollor, Policia e Portit, Durrës
12. Julian Doraci, Shef i Stacionit Policor, Porti Durrës
13. Edmond Luzi, doganier eksporti, Porti Durrës
14. Ylli Vogli, doganier peshore, Dogana Vorë (Tiranë)
15. Vladimir Ziu, doganier regjimi, Dogana Vorë (Tiranë)
16. Erald Kulla, agjent doganor, Dogana Vorë (Tiranë)
17. Behar Sula, kontrollor hyrje-dalje, Policia e Portit, Durrës
18. Nezir Bardhoshi, kontrollor hyrje-dalje, Policia e Portit, Durrës (E.K/SHUPLAKA)

Malësi e Madhe, Vijojnë kontrollet e territorit për parandalimin e kultivimit të bimëve narkotike. Asgjësohen 168 fidanë të dyshuar Cannabis Sativa.

Shpallet në kërkim kryeplaku i fshatit Xhaj.

Procedohet në gjendje të lirë Inspektori i Shërbimit Pyjor.

Ngjarja ka ndodhur mbrëmjen e djeshme, rreth orës 19:00, kur gruaja ishte duke fotografuar vendin e quajtur “Legjenda e nuses” dhe papritmas ka rrëshqitur 3 m poshtë.

Si pasojë ka pësuar fraktura dhe pasi ka marrë ndihmën e parë në vendin e ngjarjes, është dërguar për në Spitalin e Traumës në Tiranës për mjekim të mëtejshëm.

Grupi i turistëve ku bënte pjesë edhe 73-vjeçarja nuk kishte pasur guidë.