Kuriozitete

Mërsina është bima e dashurisë, asaj të shenjtës dhe plot pasion.
Kjo është arsyeja përse në shumë kultura dhe qytetërime, mërsina është përdorur për të vulosur betimet e dashurisë nëpër dasma.

Në shumë vende të ndryshme mërsina simbolizon pjellorinë dhe bukurinë femërore.

Bima e mërsinës ka origjinën në vendet e Mesdheut. Ajo është veçanërisht e shpërndarë në ishujt e Korsikës dhe Sardenjës, por edhe në Shqipëri.

Banorët e Korsikës dhe Sardenjës janë kokekëmbë të apasionuar pas kësaj shkurreje.

Ndoshta mërsina është një nga bimët më të famshme në histori, por ajo mbetet një pjesë e rëndësishme e botës moderne.

Për mijëra vjet, kjo bimë me emrin botanik Myrtus communis, ka gjetur vend në mitologji, histori, kulturë, mjekësi dhe në artin e kulinarisë në shumë qytetërime.

Në Shqipëri, mërsina është një ndër bimët medicinale më të kërkuara në Europë.

Shqipëria është vendi perfekt për rritjen e mërsinës sepse përmban të gjithë elementët e duhur të natyrës që garantojnë rritjen e saj.

Dy përbërësit më të rëndësishëm për rritjen e bimëve të shëndetshme të mërsinës janë dielli dhe era. Nëse bima rritet pranë detit atëherë ajo arrin gjithë shkëlqimin e saj.

Gjethet e mërsinës dhe frutat e saj përmbajnë një kombinim unik të përbërësve organikë ushqimorë, rrjedhimisht kjo bimë është mjaft interesante nëse përfshihet në ushqim, por edhe një burim i çmuar i vajrave esencialë.
Mërsina përmban një sërë antioksidantësh dhe flavonoidësh.
Është një bimë që përcjell shumë energji dhe forcon shëndetin e njeriut. Disa prej vlerave shëndetësore të mërsinës përfshijnë: aftësinë për të zvogëluar çrregullimet në sistemin e frymëmarrjes, mbron ndaj sëmundjeve intestinale.

Po ashtu rregullon sistemin endokrinal, parandalon disa tumorë, trajton sëmundjet e lëkurës, ul nivelin e sheqerit në gjak, përmirëson funksionimin e veshkave, forcon funksionet e trurit dhe përmirëson shëndetin e zemrës.
Vetitë fantastike të mërsinës
Uji i distiluar i luleve të mërsinës është përdorur që në Mesjetë si tonik rifreskues i lëkurës. Ky ujë ka marrë emrin “ Uji i Ëngjëllit” për shkak të vetive fantastike në tendosjen e lëkurës.

Ky produkt përdoret nga të gjitha femrat në mbarë botën për pastrimin e lëkurës së fytyrës. Ngjyra e kokrrave të pjekura të mërsinës është blu.

Jehona e kësaj bime është është projektuar në mitologjinë e lashtë Greke ku amazonat dhe heroinat mbanin emrin e Mërsinës.

Sipas legjendave, mërsina ishte një bimë e dashur për perëndeshën Afërdita, e cila kur dëshironte të shfaqej tek njerëzit zgjidhte gjithmonë formën e gjetheve të mërsinës.

Për më tepër në mitologjinë Greke, Mërsina ishte një vashë e bukur, të cilën perëndesha Athina e transformoi në një shkurre duke e dënuar për kryengritjen që bëri ndaj një mashkulli në lojërat olimpike.

Nëse mjalti i mërsinës prodhohet nga pa u ndikuar nga lule të tjera, pra monofloral, atëherë ky mjaltë është shumë i shtrenjtë dhe i rrallë.

Shija e tij është shumë e veçantë. Mjalti i mërsinës ka një reputacion të lartë për shkak të vlerave të mëdha antibakteriale në krahasim me çdo mjaltë tjetër në botë.

Kokrrat e mërsinës janë fantastike për t’u bërë reçel. Rezultati është një masë e trashë, e errët dhe me aromë shpërthyese.

Reçeli i mërsinës përdoret në Sardenja në pregatitjen e ëmbëlsirave. Zakonisht reçeli i mërsinës përgatitet duke shtuar edhe fruta të tjera siç janë mollët.
Çaji i mërsinës është një nga pijet që gjithë secili nga ne duhet ta provojë një herë në jetë.
Për pregatitjen e këtij çaji, rekomandohet çaji i malit i zier me një grusht kokrra mërsine, të cilat janë zier edhe më përpara. Lëngu duhet ftohur në temperaturën e dhomës dhe më pas do të sjellë të gjitha vlerat për organizmin tuaj.

Produkti më i rëndësishëm i mërsinës është mirto, një liker që bëhet nga kokrra të freskëta të zhytyra në alkol, ujë, sheqer ose mjaltë.

Receta e mirtos dhe koha e pregatitjes ruhet me fanatizëm. Ajo nuk është e shkruar sepse komunitetet e Korsikës dhe Sardenjës ia përcjellin brezave nëpërmjet gojëdhënave dhe jo nëpërmjet letrave.

Ajo çfarë kemi mundur të mësojmë është se receta bazë e mirtos është e pandryshueshme: 1 kilogramë fruta me 1 litër alkol. Ky liker është një lëng fantastik që ndihmon me tretjen si tek femrat ashtu edhe tek meshkujt. Shijohet i ftohtë.

Ja përse në shumë vende të Mesdheut, njerëzit mbajnë gjithmonë në frigorifer një shishe mirto të pregatitur në shtëpi.

Shumë komunitete të lashta kanë përdorur kokrrat e mërsinës për vlerat antiseptike dhe anti-inflamatore. Për këtë arsye, këto kokrra të veçanta janë përdorur për të trajtuar sëmundje si ajo e ulçerës.

Një fshatar nga fshatrat e Lushnjës shpenzoi nje shumë të mirë parash për të mbjellë domate dhe bëri një serë shumë të mirë.

Ai vendosi të mbjellë domate meqë po fillonte te ngohte dhe koha. Pasi mbolli domatet ecuria e tyre ishte shumë e avashtë.

Ndërsa përballë tij komshiu i kishte mbjellë më vonë se ai dhe ai po fillonte të merrte prodhime dhe vazhdonte shitjen në treg rregullisht.

I habitur nga puna e madhe që kishte komshiu shkon dhe e pyet. “Po çfarë ndodh me domatet e tua se ato te miat akoma nuk janë bërë”?Komshiu i thotë që i lyej çdo ditë me këtë dhe ja tregon se ai i lyente me kimikate.

Por kjo është e dëmshme për konsumatorët. Ndërsa komshiu i përgjigjet: Unë nuk e përdor vetë në familjen time, por i shes.

Pasi largohet fshatari mendonte se çdo bënte me domatet e tij që ende nuk kishin filluar prodhim dhe i gjithë shpenzimi që kishte investuar po i shkonte dëm.

Pasi kaluan 2 muaj domatet u poqën, por problemi ishte se në treg shiteshin me 10 lek dhe nuk ja vlente ti shisje dhe i gjithë investimi që ai bëri i shkoi dëm.
Pasi falimentoi ai i bëri domatet salcë për vete.

Më mirë i ndershëm dhe të falimentoj se sa i pasur dhe te helmoj njerëzit.

Kosova dhe Shqipëria njihen për toponimet interesante të vendeve, e sidomos fshatrave.

Zakonisht ato vihen sipas historisë së një vendi, por jo rrallëherë, ata që kanë luajtur një rol shumë të rëndësishëm kanë qenë pikërisht banorët.

E shpesh, këto fshatra kanë bërë bujë në rrjetet sociale me emrat e tyre, pasi janë aq interesant sa duhet të merren për studim.

Por, së fundmi, në Shqipëri është gjetur një tjetër fshat që po fiton vëmendje.

Po flasim për fshatin “Gruemirë”, që duket se e ka kuptimin “grua e mirë”. Pyesim veten kush ka qenë gruaja që ka pasur kaq ndikim në këtë zonë, sa fshati ka marrë emrin e saj.

Banorët kanë mbetur të hutuar dhe po përpiqen të shpjegojnë se çfarë lloj krijese është ajo që u shfaq në plazh.

Kafsha me qime të trasha është shfaqur në ‘San Antonio’ të Filipineve.

Fshatarët thonë se ishin tmerruar kur e panë ‘krijesën’ misterioz 6 metra të gjatë mbi rërën e plazhit, ku ishte hedhur nga valët e oqeanit, pasi ajo kishte ngordhur.

Sipas tyre, krijesa e çuditshme mund të jetë një shenjë e ndonjë ‘ngjarje apokaliptike që është duke ardhur’.

‘Një tërmet i madh po vjen drejt Oriental Mindoro. Krijesa e madhe është shenjë se po vjen diçka e keqe. Ju lutemi, të lutemi për veten’, thotë banori Tam Maling.

Një krijesë e ngjashme ishte paraqitur në ishujt Dinagat, Filipine, shkurtin e kaluar dhe zyrtarët thanë se ishte një balenë e llojit Orca.

Punonjësit qeveritarë nga Zyra për peshkim dhe ujërat në rajonin Mimapora janë duke analizuar mostrat e krijesës së çuditshme, për të caktuar se për çfarë bëhet fjalë.

‘Mostrat e indeve janë dërguar për analiza në laborator dhe do të shohim ADN-në. Tani për tani mund të themi se kemi të bëjmë vetëm me një balenë, pro ende nuk e dimë saktë specien’, tha Vox Krusada nga Zyra për peshkim dhe ujëra.

Shtëpitë e mëdha të modës rikthejnë herë pas here modën e viteve të kaluara. Të njëjtën gjë ka bërë Gucci dhe firmat e tjera me sandalet e dikurshme, të cilat po i shikojmë gjithmonë e më shumë të veshura nga blogeret.

A ju kujtohen sandalet plastike të fëmijërisë, që shumë prej nesh i kanë pasur të pandara në përditshmëri? Dikur i blenim me nje çmim modest, por tani jo më.

Gucci i ka risjellë në modë këto sandale, të cilat mund t`i bëni tuajat për një vlerë prej 500 dollarësh. E pabesueshme, apo jo? Epo janë Gucci!

Gjatë Luftës Antifashiste Nacional Çlirimtare, pseudonime kishin edhe drejtuesit kryesorë të Luftës.

Për të saktësuar duhet thënë se, kishin më shumë se 5 pseudonime.

Por cilat ishin ato dhe historitë e tyre?

Dushan Mugosha ­ Kishte nofkën Çalamani pasi ai çalonte nga njëra këmbë.

Liri Gega ­ Kishte nofkën Harbutja, për shkak të egërsisë që e karakterizonte.

Gogo Nushi mbante pseudonimin Hyseni. Ai ishte ortodoks por banonte dhe punonte në Tiranë mes myslimanëve, të cilët e strehuan dhe në shenjë respekti e quajtën Hysen.

Nexhmije Hoxha (Xhuglini) e veja e ish-­diktatorit Enver Hoxha, një nga pseudonimet që kishte gjatë luftës ishte “Delikatja”.

Këtë pseudonim ia kishte vendosur Qemal Stafa, para se ai të vritej.

Zbulohen disa pseudonime që drejtuesit e regjimit komunist por edhe shkrimtarë mbanin gjatë Luftës:

-Enver Hoxha ­ Ivan; Malo; Mali;Selami; Sali; Shpati; Tarasi; Usta Hasani;Valbona.

-Nexhmije Xhuglini­Delegatja; Delikatja; Flaka; Fryma e re; Hiqmete Nexhani; Nezhari; Vera; Hidra (nofkë)

-Mehmet Shehu­Misha; Mjekra; Vjosa

-Fiqirete Shehu (Sanxhaktari)­Qorja

-Hysni Kapo­Besniku

-Nako Spiru­Deti

-Qemal Stafa­Brutus; Petriti

-Shefqet Musaraj­Bejto Brati; Buburica; Dukë Eleni; Dimo Nuri; Fshatari Bejto; Merko; Nuri Dino; Shkrimtari

-Shefqet Peçi­Tërmeti

-Vojo Kushi­Tarzani

-Zaho Koka­Druvari; Vetëtima

-Ramize Gjebrea­Besa; Interesanti

-Rrahman Parllaku­Hallvaxhiu;Krajli; Sheqerxhi

-Spiro Mojsiu­Majori

-Manush Myftiu­Heqimi;Gjethja; Jysja

-Naxhie Dume­Furtuna

-Liri Gega­Muzhiku;Tefta; Harbutja

-Gogo Nushi­Hyseni

-Hito Çako­Bariu; Çobani; Shushica

-Bedri Spahiu­Gjuetari dhe Kaçatori

-Bilbil Klosi­Bilo

-Dilaver Poçi­Çakalli

-Ethem Gjinushi­Goliku

-Kahreman Ylli­Bariu

-Kiço Ngjela­Kila

-Kristo Frashëri­Shkëmbi

-Llazar Siliqi­Grethi;Shoku; Hylli; I riu; Shpendi

-Petro Marko­Demo Koti

-Spiro Çomora­Himarioti

-Sterjo Spasse­Skënder Pirro

Një krijesë gjigante me qime ka dalë në breg të detit në një plazh në Filipine.

Krijesa misterioze ka ngjallur frikë tek banorët, të cilët e kanë marrë si një paralajmërim për një fatkeqësi natyrore të mundshme.

Trupi i krijesës është rreth 30 m e gjatë dhe zbarkoi në sipërfaqen e provincën së Oriental Mindoros rreth orës 7 të pasdites së djeshme. Nga gjallesa u morën disa mostra nga autoritetet për të bërë të mundur identifikimin e llojit të saj.

Banorët u shprehën se gjallesa mbante një erë të tmerrshme dhe dukej si diçka e ardhur nga një tjetër planet.

Lehtë bini në gjumë të thellë, mirëpo përnjëherë zgjoheni në 4 të mëngjesit dhe jeni tërësisht të zgjuar. Çfarë ndodh?

Deri te një shkallë e caktuar vështirësitë e të qëndruarit në gjumë apo isnomnia e mesme janë normale, transmeton Telegrafi.

Nëse zgjoheni, ktheheni në anën tjetër dhe vazhdoni të flini, kjo është në rregull. Mirëpo nëse ndodh që të zgjoheni në mes të natës dhe nuk mund të fini më shumë se gjysmë ore tri apo më shumë ditë, kjo është shenjë që është fjala për ndonjë problem.

Ja se pse ndodh kjo

Pagjumësia e mesnatës prek po thuajse dy herë më shumë femrat se sa meshkujt. Kjo bëhet më e zakonshme për moshën e mesme.

Dhimbja kronike, apnea e gjumit, dhe nevoja për t’u zgjuar dhe për të përdorë tualetin janë gjëra të cilat mund ta prishin gjumin tuaj. Të tilla janë edhe afshet e menopauzës.

Ndërkohë, edhe stresi i jetës mund ta luajë rolin e tij. Problemet martesore, humbja e punës, prindërit e moshuar, ose largimi i fëmijëve nga shtëpia, të gjitha këto mund të bëjnë që mendja të fluturojë gjatë natës.

Sapo të filloni të zgjoheni natën, cikli përkeqësohet edhe më shumë. Sa më shumë që shqetësoheni për humbjen e gjumit, aq më vështirë bëhet të qëndroni në gjumë.

Ekspertët thonë se gjithkush mund të zgjohet natën kohë pas kohe, dhe shumica e njerëzve shtrihen dhe kthehen sërish në gjumë. Por disa njerëz fillojnë të shqetësohen për të. Dhe, derisa qëndrojnë zgjuar, ata bëhen edhe më të shqetësuar, që e bën edhe më të vështirë rikthimin në gjumë.

Nëse kjo vazhdon çdo natë, mund të bëhet një përgjigje e kushtëzuar, që mund të shkaktojë vetvetiu pagjumësi.

1

Ç’duhet të bëni kur keni probleme me gjumin?

“Higjiena e gjumit” mund t’u duket si diçka që ka të bëjë me pastërtinë, por në fakt i referohet përmirësimit të disa shprehive që ju mundësojnë të flini më mirë gjatë natës.

Disa hapa që mund t’i merrni për të ndryshuar rutinën ditore dhe që ndihmojnë në një gjumë më të mirë janë:

Shmangni dremitjet gjatë ditës
Bëni stërvitje të rregullta
Sigurohuni që të dilni jashtë gjatë ditës për t’u ekspozuar në dritën natyrale. Kjo ju ndihmon ta ruani ciklin e shëndetshëm gjumë-zgjim

Ka edhe disa hapa që mund t’i merrni para kohës së gjumit të cilat mund të përmirësojnë gjumin:

Shmangni pijet me kafeinë dhe me alkool
Mos pini duhan
Mos hani ushqime të mëdha para gjumit
Shmangni diskutimet emocionale para se të shkoni të flini

Po ashtu është e rëndësishme të mbani një orar të rregullt të rënies në gjumë dhe të zgjimit – si gjatë javës ashtu edhe gjatë fundjavës. Përpiquni të shkoni në shtrat dhe të zgjoheni në të njëjtën kohë çdo ditë.

woman-talking-to-gynecologist as Smart Object-1

Kur duhet të kontaktoni mjekun?

Ekspertët këshillojnë t’i përmbaheni “rregullit të treshes” për të vendosur nëse duhet të shkoni te mjeku ose jo.

A zgjoheni së paku tre net gjatë një jave?
A ju duhet më shumë se 30 minuta për t’u kthyer sërish në gjumë?

A ka ndodhur kjo për 30 ose më shumë ditë?
Nëse u përgjigjeni me “Po” këtyre pyetjeve, ju duhet të kërkoni ndihmë nga një profesionist. Lajmi i mirë është se pagjumësia mund të trajtohet. Derisa ju dhe mjeku juaj përpiqeni të mësoni se çfarë i shkakton problemet me gjumin, ju mund të merrni barna të përshkruara nga mjeku.

Nëse nuk keni sëmundje të tjera fizike që ju shqetësojnë, atëherë mjeku mund t’ju rekomandojë të vizitoni ndonjë psikiatër, psikolog ose terapist. Ata mund t’u ofrojnë stërvitje relaksimi, terapi të sjelljes dhe metoda të tjera alternative, për të fjetur më mirë.