[sgmb id=”1″]

Kompania ka nisur një fushatë të re reklamuese për produktet e saj të reja. Por në fakt duket se ka vetëm një gjë ndryshe: pamjen e jashtme. Katër mbështjellëse të reja për kanaçet ‘Coca-Cola’, por nga përmbajtja nuk duken aq të padëmshme për shëndetin. Bëhet fjalë për katër kanaçet ‘Cola-Cola original taste’, ‘Coca- Cola Light’, ‘Coca-Cola Zero Sugar’ dhe ‘Coca-Cola Life’.

Disa media të huaja kanë folur rreth këtyre produkteve të reja, duke shkruar me gërma të mëdha: Mos u mashtroni! “Nëse ju hidhni një sy në përmbajtjen e sheqerit, përbërjen kimike dhe sasitë e përbërësve në të, ju me shumë gjasa do të mbërrini në përfundimin se ‘Coca-Cola Life’ nuk është aq e shëndetshme sa ç’duket”, – shkruan “Juicing-for-health.com”, në një artikull.

Sipas artikullit, edhe varianti i ri ‘Life’ përmban rreth 60 kalori, por 17 gram sheqer. Duket fantastike në sipërfaqe, por kjo është vetëm 1/3 më pak sheqer sesa produkti i rregullt. “Dhe është e rëndësishme të mos harrojmë se kjo pije ka kontribuar në përhapjen e epidemisë së obezitetit në Shtetet e Bashkuara. Dy nga tre të rritur dhe një nga tre fëmijë në Shtetet e Bashkuara janë mbipeshë ose obezë. Nga viti 1989 deri në vitin 2008, kaloritë te pijet me sheqer u rritën me 60% nga 130 në 209 kalori në ditë dhe përqindja e fëmijëve që i konsumonin ato u rrit nga 79% në 91%”, – shkruan “Juicing-for-health.com”, duke cituar një studim të publikuar nga “Harvard T.H Chan- Scool of Public Health”. Kompania është duke financuar disa grupe anti-obezitetit, duke hedhur shumë para në promovimin e produkteve të reja, si ‘Coca-Cola Life’. Por problemi i obezitetit është vetëm duke u rritur. Sipas artikullit, çdo ditë, gjysma e njerëzve në SHBA konsumojnë pije me sheqer; 1 në 4 persona marrin të paktën 200 kalori nga pijet me sheqer; 5% e tyre pinë katër kanaçe çdo ditë.

Përbërësi E-150d

“I njohur si “sulfite ammonia caramel” Caramel E-150d është ngjyrosësi i përdorur në të gjitha pijet ‘Coca-Cola’ dhe ‘Coca-Cola Life’ sigurisht nuk bën përjashtim”, – sipas artikullit. Ajo është quajtur “caramelized carbohydrates” nga shumë studiues. Shteti i Kalifornisë në fakt kërkon vendosjen e paralajmërimit të rrezikut nga kanceri te etiketat e ushqimeve që përmbajnë 30 mikrogramë E-150d në ditë.

Artikulli tërheq vëmendjen sidomos ndaj amerikanëve që mund të udhëtojnë jashtë. Kjo është e rëndësishme të vihet në dukje kur udhëtoni sidomos jashtë shtetit, sipas artikullshkruesit, sepse produktet ‘Coca-Cola’ në Amerikë i mbajnë të ulëta nivelet e tyre të E-150d, në krahasim me produktet që janë jashtë vendit. Sa e vërtetë mund të jetë kjo? Ndoshta as autoritetet tona nuk do të kenë mundësi që të bëjnë një dallim të dukshëm. Ajo që na mbetet është të mendojmë për veten tonë dhe të kujdesemi për shëndetin.

[sgmb id=”1″]

Ajo të përvëlon që me prekjen e parë, por pavarësisht drithërimës është e pamundur të heqësh dorë prej saj. Në Shqipëri përdorimin më të shpeshtë e gjen tek bashkësia e lakrave të egra si mbushje në gatimet e byrekut, por edhe të zier si sallatë. Por hithrat janë përdorur prej shekujsh edhe për të kuruar simptomat e alergjive veçanërisht ato të shkaktuara nga poleni dhe pluhuri. Hithra është aq e mirë sa që praktikisht mund të çojë në falimentimin e farmacive.

Ajo që duhet të dimë është se në luftën kundër alergjive, të gjitha ilaçet shoqërohen me efekte të shumta anësore ndërkohë që hithra lufton alergjinë por jo vetëm që nuk ka asnjë efekt anësor por edhe të jep përfitime të tjera shëndetësore. Hithra është një bimë premtuese në trajtimin e sëmundjeve të Alzheimer, artritit, astmës, infeksioneve të fshikëzës së urinis, bronikitit, gurëve në veshka, sklerozës, e shumë të tjerave. Për më tepër, hithra përdoret për të luftuar zbokthin dhe hequr yndyrën e tepërt nga flokët. Sot, në Gjermani hithrat shiten si një bimë medicinale për sëmundjet e prostatës. Ajo përdoret gjërësisht në përgatitjen e shumë ilaçeve kundër inflamacioneve. Në Shtetet e Bashkuara, gjethet e hithrave përdoren shumë për sëmundjet e raumatizmës, artritit, tensionit të lartë të gjakut dhe alergjive. Rrënjet e hithrave përdoren edhe si kurë natyrale për rënien e flokëve, ciklet femërore, hemorroidet dhe ekzemën. Nëse e vendosni hithrën në gishta ose në zona të tjera të prekura nga artriti, dhimbjet mund të qetësohen deri ne 85%.Siç mund ta keni kuptuar, përfitimet që vijnë nga hithra janë shumë të mëdha sa vështirë të renditen të gjitha në një copë letër. AgroWeb ka identifikuar vlerat kryesore të hithrës që ju këshillojmë t’i ndani me miqtë tuaj

1. Hithrat stimulojnë sistemin limfatik dhe fuqizojnë sistemin imunitar

2. Hithrat çlirojnë nga simptomat e artritit

3. Hithrat luftojnë alergjitë.

4. Ndihmojnë me diabetin

5. I japin forcë fetusit tek nënat shtatzëna dhe ndihmojnë me prodhimin e qumështit për gratë lehona

6. Çlirojnë nga simptomat menstruale dhe ndihmojnë me fryrjen dhe dhimbjet e barkut si pasojë e menstruacioneve

7. Shkatërron gurët në veshka dhe ndihmojnë me shkarkimin e ujërave të tepërt

8. Ul tensionin e lartë të gjakut

9. Ndihmon me sëmundjet respiratore

10. Ndalon gjakderdhjen

11. Zvogëlon inflamacionin

12. Redukton rreziqet e kancerit të prostatës

13. Minimizon të vjellat

14. Shëron nga i ftohti

15. Lehtëson nga diarea

16. Ndihmon me sëmundjet gastrointestinale dhe konstipacionin

17. Duke u përdorur si larës goje, mbron dhëmbët nga problem të shumta

18. Ndihmon në trajtimet e sëmundjes së Alzheimer dhe sëmundje të tjera nervore

19. Shkatërron krimbat e zorrëve dhe parazitët

20. Mbron shëndetin e tiroideve, shpretkës dhe pankreasit Si përdoren hithrat?

Mjafton të zieni hithrat në ujë të valuar dhe lëngun ta konsumoni çdo ditë. Megjithatë para se të bëni këtë duhet të konsultohuni me mjekun sepse hithrat mund të ndikojnë tek një sërë ilaçesh. Është provuar që nëse jeni duke marrë ilaçe për diabet dhe pi lëng hithre atëherë niveli i rrahjeve të zemrës, tensionit të gjakut dhe sheqernave në gjak do të ulet ndjeshëm. Përse djegin hithrat? Shumica prej nesh e kanë provuar njëherë në jetë dhimbjen dhe përvëlimin që ndjen kur prek hithrën qoftë edhe aksidentalisht. Po çfarë ka kjo bimë që na djeg kaq shumë? Një mësues kimie ka shpjeguar që hithrat janë të mbuluara me push. Në momentin që pushi bie në kontakt me lëkurën, majat e pushit thyen dhe shërbejnë si gjilpëra të holla përvëluese duke transmetuar helmin e hithrës nga bima në lëkurë. Dikur mendohej që burimi fillestar i dhimbjes nga pickimi i hithrës ishte një acid, por së fundmi shkencëtarët kanë zbuluar që ky acid është në nivele shumë të vogla.

Tani, kimistët fajësojnë tre kimikatë të njohur si: histamina, acetiklolina dhe serotonina që gjenden në vrerin e bimës. Çuditërisht serotonina është një neurotransmetues i njohur si “Hormoni i Lumturisë”, por i kombinuar me dy kimikatet e tjerë funksionion si irritues. Të tre “musketjerët” e vrerit të hithrës shkaktojnë inflamacion dhe shumë dhimbje. Arsyeja përse djegia dhe dhimbja zgjasin shumë është se në lëngun e lëshuar gjenden edhe dy acide të tjerë (tartarik dhe oksalik) që së bashku shkaktojnë shumë dëm. Nëse përballeni me një takim të tillë “përvëlues” me hithrën mos bëni banjë ose mos u lani me ujë të ngrohtë. Kruarjet dhe irritimi do të zgjasin më shumë. Shkrini pak sodë buke në ujë dhe me të lyeni zonën e irrituar. Edhe lëngu i aloe verës dhe kompresat e ftohta do t’jua zbusin sado pak dhimbjen.