Kulinari

Perimetri i belit është padyshim një nga njësitë matëse të shëndetit tuaj.

Sigurisht, ngrënia e tre byrekëve nuk i bëjnë shumë favore belit tuaj.

Por nuk është vetëm byreku fajtori. Lajmi i ri është që as tre pjata plot brokoli nuk kanë efektin e mirë për shëndetin.

Ja pse: Ushqime të caktuara njihen si ‘marrës të frymës’.

Kjo do të thotë se ata do të rritin fryrjen e trupit dhe do të dukeni më të rëndë dhe të shëndoshë se sa jeni në të vërtetë. Kjo deklarohet nga Instituti Middleberg Nutrition në New York City.

Ja katër produktet ushqimore që sjellin fryrjen e habitshme të organizmit:

Perimet lakërishte të gjelbëra

Brokoli, lulelakra, lakra e brukselit, kale janë nga zarzavate më të bukura të kësaj stine.

Por ato janë edhe fryrësit më të mëdhenj të stomakut, në sajë të përmbajtjes së tyre të lartë të fibrave.

Ushqimi nga këto perime është shumë i nevojshëm pasi janë shumë të shëndetshme.

Një sasi ditore prej 300-400 gramë perimesh të tilla janë shumë të nevojshme, por mos ekzagjeroni t’i konsumoni pa limit.

Mjaftohuni me sasi normale të konsumit të tyre, veçanërisht në fundjavë pasi të hënave do të vini re vështirësi të hyni prapë në rrobat e zakonshme të punës.

Produktet e përpunuara të kripura sjellin fryrje

Patatinat, krakerat, ushqimet e konservuara përmbajnë sasi të mëdha të kripës.

Nga ana tjetër, pas konsumit të kripës organizmi kërkon ujë me shumicë. Sa më tepër kripë të keni marrë gjatë ditës, aq më shumë ujë do të mbajë trupi brenda vetes.

Rezultati është që do të ndjeheni të fryrë në mënyrë të pabesueshme dhe krejtësisht artificiale.

Edhe një qese e vogël me patatina kontribuon fuqishëm në fryrjen e trupit tuaj.

Pijet e sheqerosura me gaz sjellin fryrje

I keni parasysh ato flluskat që i bëjnë pijet freskuese aq tërheqëse për shijen megjithëse krejt të pashëndetshme?

Kur i gëlltitni ato flluska, në fakt po dërgoni në organizëm sasi jo të vogla ajri, që përfundojnë rrugën e tyre në stomakun tuaj.

Këto sasi ajri në stomak e ngrenë ushqimin lart dhe ngatërrojnë organizmin që kërkon edhe më tepër ushqim.

Pini ujë, por jo pije të gazuara që të mos lejoni grumbullimin e mbipeshës dhe problemeve që ajo sjell.

Sheqeri Artificial dhe Ushqimi Dietetik

Në përgjithësi, trupi juaj nuk pajtohet me produktet ushqimore artificiale. Në veçanti produktet me ëmbëlsues artificialë ju shkaktojnë fryrje të organizmit.

Produktet që përmbajnë ëmbëlsues kimikë përfshijnë çamçakëz pa sheqer, koset me shije artificiale frutash dhe një listë pafund të gjatë të tjerash.

Duhet të tregoni kujdes kur lexoni në përbërjen e produkteve që blini të substancave si sukralozë, aspartam, mjaltë industrial, glukozë misri dhe çdo produkt tjetër të panjohur në etiketa.

Kënaquni me ushqime të vërteta dhe të thjeshta.

Ajo kanë shije më të mirë dhe për sa kohë që konsumoni në moderim dhe si pjesë e një ushqimi të shëndetshme, ato nuk ndikojnë në belin dhe mbipeshën tuaj.

Të gjithë prej nesh kemi kaluar shumë ose disa netë pa gjumë, të shqetësuar për orët që kalojnë ngadalë, qetësinë vrastare dhe mendjen bredharake që nuk di të ndalojë.

Pagjumësia është e keqe dhe ushqehet nga depresioni, stresi dhe ankthi.

Pagjumësia mund të shkaktohet edhe nga disa medikamente, sidomos ato kundër dhimbjeve, ilaçet e zemrës dhe të tensionit të gjakut e të tjerë.

Këto ilaçe nxisin nevojën për të urinuar dhe ankthin.

Kura bimore kundër pagjumësisë ka shumë, por jo të gjitha funksionojnë.

Në këtë artikull  do të lexoni për një kurë ideale kundër pagjumësisë që funksionon vërtetë.

Çaji i Bananes Kundër Pagjumësisë

Kjo kurë organike bën mrekullira për gjumin.

Banania, veçanërisht lëkura e saj është e pasur me kalium dhe magnez.

Ky i fundit shmang çrregullimet e gjumit dhe relakson muskujt.

Magnezi është një nga mineralet më të mira për qetësinë e mendjes.

Çaji përgatitet në vetëm 10 minuta dhe mund të pihet çdo mbrëmje përpara gjumit.

Përbërësit e Çajit të Bananes:

1 banane

1 çajnik

1 majë luge me kanellë

Përgatitja e Çajit të Bananes:

Prijeni bishtin dhe majën e bananes dhe vendoseni me gjithë lëkurë në ujë të valuar.

Lëreni të ziejë për 10 minuta.

Përdorni një kullesë dhe hidheni çajin në një filxhan.

Nëse dëshironi mund të shtoni kanellën dhe ta pini një orë përpara gjumit.

Nëse shqetësoheni për shijjen, nuk ka arsye, sepse ky caj i ngrohtë është i shijshëm dhe çaji ka efekt qetësues.

Varësia e Rrezikshme Ndaj Ilaçeve të Gjumit

Ilaçet e gjumit ofrojnë një ndihmë të shpejtë dhe kanë efekt hipnoze dhe qetësuese.

Pavarësisht se me të marrë këtë ilaç, gjumi mund të duket i garantuar, duhet të dini se ilaçet shkaktojnë varësi , trullosje, dhe dëmtojnë sistemin qendror nervor.

E nëse nuk mjaftojnë këto, ilaçet e gjumit shkaktojnë:

Konstipacion

Marramendje

Vështirësi në përqendrim dhe probleme me kujtesën

Dhimbje stomaku

Dobësi

Lëvizje të panatyrshme gjatë gjumit

Ngadalësim të frymëmarrjes. Kjo është vdekjeprurëse dhe e rrezikshme për njerëzit që vuajnë nga azma.

Mungesa e Gjumit dhe Ndikimi në Organizëm

Kur trupi nuk pushon sa duhet (më pak se tetë orë) atëherë vuajtjet e trupit dhe organizmit janë të mëdha.

AgroWeb.org këshillon që për gjumin të pini qetësues sa më natyralë.

1. Hot Dogët

Sipas Akademisë së Pediatrisë së Amerikes thuhet që Hot dogs, janë një rrezik për fëmijët dhe duhet të shërbehen patjetër me një etiketë paralajmëruese për efektet e dëmshme të saj. Rreth 17% e disa sëmundjeve tek të rinjtë është konstatuar që janë shkaktuar nga hot dogët, sipas studimeve të bëra në rreth 41 shtete të botës. Akademia gjithashtu rekomandon që hot dogët të ndryshojnë përmbajtjen e tyre që të bëhen më pak të kënaqshme për shijen e të rinjve.

2. Fugu

E shërbyer në fleta të holla e bën këtë peshk një ushqim tepër luksoz. Por zorrët, vezoret dhe mëlçisë e Fugu përmbajnë një helm të quajtur tetrodotoxin, e cila është 1200 herë më vdekjeprurëse se cyanida. Helmi është aq potent saqë një peshk eshte i aftë të vrasë plot 30 njerëz. Për shkak të rrezikut të lartë, kuzhinierët duhet të kalojnë në dy deri tre vjet të trajnimit për të marrë një licencë për të përgatitur dhe gatuar këtë peshk. Kjo e çon edhe koston e një pjate Fugu në 200 $. Por kjo nuk ka ndaluar Japonezët – rreth 40 lloje te Fugu janë kapur në Japoni, dhe njerëzit konsumojnë 10.000 ton peshk çdo vit.

3. Ackee

Në Xhamajkë, fruti ackee është thikë me dy presa. Edhe pse origjinën e ka ne Ameriken Jugore ajo emigroi në Xhamajkë në 1778 dhe është frut kombetar i vendit. Nëse konsumohet në mënyrë jo të rregullt mund të çojë në disa sëmundje deri në koma dhe vdekje. Ackee i papjekur përmban një helm të quajtur hypoglycin, kështu që vjelëit duhet të kenë kujdes të lënë frytin të hapet në mënyrë të natyrshme dhe të piqet sic duhet.

4. Kikirikët

Kikirikët janë një nga arsyet kryesore sipas Akademisë së Alergjive në Amerikë, të cilat çojnë në vdekjen e shumë personave. Dhe ky numër vazhdon e rritet çdo vit në mënyrë të çuditshme dhe të pashpjegueshme. Nga 1997 në 2002, incidentet e alergjive është dyfishuar tek femijët.

5. Ushqime të Mbuluara me Barishte

Gjethe të tilla si spinaqi, marule, lakër, arugula dhe të tjera janë të listuara si ushqimet më të rrezikshme të vitit 2009 sipas Qendrës së Shkencave për interesin Publik.

6. Jo tamam e ëmbël për një ëmbelsirë

Rhubarb, perimja e njohur për rolin e saj në ëmbëlsira ka edhe ajo anën e saj negative. Ajo duhet konsumuar jo e gatuar pasi mund të lëshojë helmin e saj (oxalate). Ky helm ndodhet në pjesën e kërcellit.

7. Peshku ton

Një nga ushqimet më të popullarizuara në shkollat e mesme dhe fillore, peshku ton është shndërruar në peshkun më të konsumuar në botë. Ajo gjithashtu ka disi një reputacion të përzier. Këshillohet të mos ketë një përdorim të shumtë nga gratë shtatzane dhe fëmijet e vegjël pasi përmban shumë hekur dhe dëmton sistemin nervor të femijës së palindur.

8. Cassava

E mirënjohur tek Amerikanet si tapioca, pudingu është prodhuar nga rrënjet e kësaj shkurreje. Por e përgatitur në mënyrë jo të saktë kjo mund të prodhojë Cyanide e cila është vdekjeprurëse për tu konsumuar. Ka disa persona të cilët janë alergjikë ndaj kësaj bime dhe Shoqeria Amerikane e Kancerit paralajmëron që këta persona mund të jenë më të ndjeshëm dhe duhet të marrin në kosideratë të ndryshojnë ëmbëlsirë.

9. Kafeja

Perveç mundësisë së rritjes së rrahjeve të zemrës, njollave kafe nëpër dhëmbë, pagjumësia nuk ka tjeter mënyrë që një filxhan kafe të jetë e dëmshme për mirëqenien tuaj. Në 1992 Mac Donalds pati disa probleme me një gjyshe 79 vjece pasi ju sherbye një filxhan kafe prej 170 gradë dhe fatkeqesisht tërë filxhani ju derdh në trup duke i shkaktuar një djegje të shkallës së tretë. Gjyshes ju dha një shumë si dëmshpërblim prej 2.78 milio dollarësh. Që prej kësaj ngjarjeje uli temperaturën në të cilen shërbehej si dhe vuri etiketa me paralajmerim më të dallueshëm.

10. Kërpurdhat

U habitet? Pervec vlerave të saj të mëdha ajo gjithashtu mund të vrasë. Janë disa lloje kerpurdhash të cilat janë mjaft helmuese saqë mund të çojne në vdekje. Sikur të kishte etika parajmëruese edhe në pyll.

Kur dëgjon për majdanozin, gjëja e parë që të vjen ndërmend është një supë e shëndetshme, ose një sallatë e zbukuruar me gjethet e gjelbra të kësaj barishteje.

Majdanozi mund të quhet kampion i barishteve që përdoren për shije shtesë në gatimet tona, por vlerat e tij janë shumë herë më të mëdha.

Majdanozi nuk është thjesht për zbukurim. Çaji i majdanozit është një nga mënyrat më të mira për të përfituar vlerat e jashtëzakonshme të tij, siç do ta mësoni më poshtë në këtë artikull të AgroWeb.org

Çaji i majdanozit me limon e mjaltë ul inflamacionin

Inflamacioni është nga fajtorët më të mëdhenj të sëmundjeve kronike, siç është atriti ose osteoartriti.

Majdanozi vjen në ndihmë kundër inflamacionit pasi është i pasur me vitaminë C dhe kombinuar me limonin, japin një dozë shumë të mirë të kësaj vitamine.

Trajton dëmtimet e nervave

Majdanozi është mjaft i dobishëm sa i përket dëmtimeve të nervave.

Ekspozimi ndaj substancave toksike, përfshirë metalet e rënda dhe pesticidet mund të tjetërsojnë aktivitetin normal të sistemit nervor dhe mund të shkaktojnë dëmtime në tru.

Kjo është mjaft shqetësuese, duke qenë se nervat luajnë një rol kryesor në transmetimin dhe përpunimin e informacionit në tru dhe në zona të tjera të sistemit nervor.

Lëngu i majdanozit është shumë efikas në heqjen e simptomave të neurotoksicitetit. Studimet e fundit kanë konfirmuar këtë aftësi të majdanozit.

Ndihmon në parandalimin e dëmtimit të qelizave

Kjo barishte ndihmon në luftimin e radikaleve të lira, falë pranisë së miristicinës, një përbërës që gjendet natyralisht tek majdanozi.

Kjo substancë parandalon rritjen dhe zhvillimin e qelizave të dëmtuara, veçanërisht në mushkëri.

Receta e çajit të majdanozit me limon e mjaltë

Ndiqni udhëzimet e thjeshta të AgroWeb.org për përgatitjen e çajit të majdanozit dhe përfitoni prej tij vlera fantastike shëruese.

Përbërësit:

– 4-5 tufa me majdanoz
– Gjysmë limoni
– 1 lugë çaji me mjaltë cilësor
– 3 gota ujë

Udhëzimet:

Hidhni ujë në një çajnik dhe lëreni të ziejë në zjarr të ulët. Lani dhe prisni hollë tufat e majdanozit.

Hidhini së bashku me limonin në një filxhan ose enë që duron temperaturën e nxehtë.

Më pas shtoni ujin e nxehtë dhe lërini së bashku për pesë minuta.

Më pas hiqni majdanozin dhe limonin, shtoni mjaltin dhe pini çajin plot vlera.