Kulinari

Pirja e lëngut të karrotës, portokallit dhe xhenxhefilit është fantastik në shije ndërsa i dhuron organizmit vlera të panumërta shëndetësore.

Në këtë artikull  do të keni mundësinë të merrni informacione të sakta mbi vlerat e kombinimit të lëngut të karrotës, portokallit dhe xhinxherit.

Vitamina C

Nëse përfshini lëngun e karrotës, portokallit dhe xhenxhefilit, në dietën tuaj, do të plotësoni dozën e rekomanduar ditore të vitaminës C.

Një gotë normale me lëng të nxjerrë nga një sasi e barabartë karrotash dhe portokallesh ku mund të shtoni edhe pak xhenxhefil përmban 85 përqind e dozës së rekomanduar ditore të kësaj vitamine për femrat dhe 71 përqind për meshkujt.

Vitamina A

Një racion i lëngut të karrotës, portokallit dhe xhenxhefilit është një burim i shkëlqyer i vitaminës A.

Në çdo gotë do të gjeni përafërsisht 508 përqind të dozës së rekomanduar për meshkujt dhe 652 përqind të asaj të rekomanduar për femrat.

Vitamina A ndihmon në zhvillimin e indeve, ruan shëndetin e sistemit imunitar, qelizat e kuqe të gjakut dhe lëkurën.

Folati

Lëngu i karrotës, portokallit dhe xhenxhefilit ofron folat, ose vitaminën B-9 që ndihmon në metabolizmin e acideve nukleike dhe amino acideve, përbërës që janë pjesë e ADN-së dhe proteinës.

Një dietë e pasur me folat e bën jetën tuaj më të gjatë.

Folati mbron kundër difekteve në lindje dhe komplikimeve të tjera tek femrat shtatzënë.

Vlera të tjera

Pirja e lëngut të karrotës dhe portokallit me xhenxhefil ofron ushqyes të tjerë të dobishëm për qarkullimin e gjakut. Ky lëng përmban 732 miligramë kalium, ose 16 përqind të dozës së rekomanduar ditore.

Kaliumi ul tensionin e gjakut dhe ndjeshmërinë ndaj ndikimit të kripës në rritjen e tensionit.

Jeni në kërkim të një recete të thjeshtë dhe të shijshme të cilën mund ta ndani me të gjithë familjen?

Karrotat dhe portokallet, në sasi të barabarta, funksionojnë mirë së bashku dhe janë një burim i shkëlqyer i vitaminës C e cila ndihmon organizmin të përthithë më mirë hekurin.

Të dyja ofrojnë beta karoten që kthehet në vitaminë A dhe ju ndhmon të keni një paraqitje rinore nëpërmjet sasive të larta të kolagjenit dhe sistemit të fuqizuar imunitar.

Nga ana tjetër, xhenxhefili konsiderohet si një prej bimëve më të shijshme dhe më të shëndetshme të planetit, vlerat e të cilit shkojnë përtej një stine të vetme, por shtrihen përgjatë gjithë vitit. Xhenxhefili është një antioksidant i fuqishëm që pastron trupin nga helmet.

Sipas kërkimeve të AgroWeb.org, ai bën një punë të mrekullueshme në kurimin e shqetësimeve në stomak, kundër inflamacionit, stimulon qarkullimin e gjakut, hollon gjakun, lehtëson dhembjet e muskujve dhe lufton infeksionet e brendshme.

Receta e lëngut të karrotës, portokallit dhe xhenxhefilit

Koha e nevojshme: 5 minuta
Racionet: 2

Përbërësit

6 karrota
1 portokall
1 copë xhenxhefil

Udhëzimet

Pasi keni qëruar portokallet dhe larë karrotat, shtoni të gjithë përbërësit në shtrydhësen e frutave.

Përzijeni lëngun dhe pijeni menjëherë që të mos lejoni oksidimin e tij.

Qepët janë ndër perimet më të preferuara të shqiptarëve.

Të njoma, të thata, të kuqe, të verdha apo të bardha, të gjitha janë të mira e me vlera të jashtëzakonshme jo vetëm për shijen fantastike që dhurojnë në botën e kulinarisë. Ato janë me vlerë mbi të gjitha në përfitimet e mëdha kurative.

Sipas ekspertëve , një metodë fantastike është vaji esencial i qepës, i përgatitur edhe vetë në shtëpi.

Të Mirat Shëndetësore të Vajit Të Qepës

Vaji i qepës vlerësohet nga mjekësia bimore si një tonik superior ndaj të gjithë tonikëve të tjerë bimorë, i pasur me vitamina, përfshirë edhe ato më jetiket B2 (riboflavin), B1 (tiaminë) dhe C.

Ky vaj mirëbërës esencial njihet për vlerat e tij kurative në fuqinë që ka për mbrojtjen e sistemit imunitar, ai lufton mikrobet dhe bakteret në organizëm, përdoret si një anti grip i fortë, ka efektet fantastike kundër spazmave, është një diuretik i shkëlqyer, ndihmon sistemin tretës dhe ndimon në funksionimin e mirë të stomakut.

Ashtu si vet qepa edhe vaji esencial gëzon një reputacion të qenësishëm për problemet me peshën si dhe mbajtjen e saj në kontroll.

Mbi të gjitha, vaji esencial i qepës përdoret për fuqi dhe energji trupore. Ai ndihmon në parandalimin e të ftohtit dhe lufton infeksionet.

Ekspertët  vlerësojnë se vaji esencial i qepës ndihmon në forcimin e kockave. Po ashtu ai vepron si një pastrues efektiv i gjakut dhe ndihmon në mbajtjen në kushte të shkëlqyera dhe të pastër lëkurën.

Ai ndihmon në lehtësimin e dhimbjeve të veshit dhe njihet për përdorimin e tij si afrodiziak që në kohërat e lashta.  Në botën e kozmetikës ka një përdorim të gjerë përsa i përket rritjes së flokëve.

Vaji esencial i qepës është një diuretik efektiv dhe ka të njëjtat veti shëruese edhe në largimin e toksinave nga trupi.

Përdoret gjithashtu në kurimin e sëmundjeve si të ftohtit, sinoziti etj.

Vlerësohet se vaji i qepës është më efektiv kur përdoret i pa kombinuar me përbërës të tjerë. Megjithatë ai mund të përzihet me vajra të tjerë esenciale dhe aromatizues me qëllim largimin e erës së rëndë të tij.

Nga ana tjetër, vaji i qepës mund të përdoret edhe për dezinfektimin e ambjeteve të shtëpisë si dhe për largimin e energjisë së keqe.

Ai mund të përgatitet edhe si banjo terapi për lëkurë të shkëlqyer.

Si Të Përgatisim Vajin e Qepës në Shtëpi

Përbërësit

-100 gr qepë të thata të qeruara hollë
-50 gr qepë të njoma të qeruara hollë (vetëm pjesa e bardhë)
-Një filxhan çaji me vaj ulliri

Procesi

Bashkoni të gjithë përbërësit. Ndizni zjarrin në nivel të ulët-mesatar. Prisni derisa qepët të marrin ngjyrë të errët dhe më pas hiqni enën nga zjarri

Merrni një sitë dhe shtypni vajin e qepës në një tas. Lëreni të ftohet dhe më pas hidheni vajin e përftuar të qepës në një shishe qelqi

Dozat për disa nga përdorimet

-5-10 pika vajit të qepës në një tas me ujë të ngrohtë për kompresa
-5 pika në një filxhan me ujë të ngrohtë për të ftohtin
-10 pika të vajit të qepës në përdorimin e banjo terapisë
-10 deri 20 pika në masazhimin e trupit

Pse duhet të hani avokado çdo ditë?

Avokadot konsiderohen si një nga produktet natyrale më mirëbërëse për organizmin njerëzor.

Një avokado përmban më shumë kalium se banane. Avokadot kanë 14% kalium, ndërsa një banane përmban vetëm 10% kalium.

Substanca bazë për shëndetin tuaj

Avokadot përmbajnë 23% folat, që është një substancë, e cila ul rastet e sëmundjeve të zemrës.

Vitamina E dhe yndyrnat e mira tek avokadot janë gjithashtu të shkëlqyera për zemrën. Folati arrin të ulë rreziqet për të pasur një goditje në tru.

Folati është gjithashtu thelbësor në parandalimin e defekteve të lindjes si problemet e sistemit kockor ahe atij nervor.

Plot me antioksidues

Ushqimi me avokado ndihmon trupin tonë të përthithë 5 herë më shumë sasinë e karotenoideve, antioksidantëve të tillë si likopeni dhe beta karoteni.

Shëndeti i syve

Avokadot përmbajnë më shumë luteinë se çdo frut tjetër, duke mbrojtur kundër uljes së shikimit dhe perdeve të syrit.

Kundër kolesterolit të dëmshëm

Shumë e pasur në beta-sitosterol, avokado ul kolesterolin e keq me 22%, ngre kolesterol të mirë me 11% dhe gjithashtu ul trigliceridet e gjakut me 20%.

Kundër qelizave të dëmshme

Studimet tregojnë se acid i lartë oleik tek avokadot ndihmon shumë në parandalimin e kancerit të gjirit.

Ai pengon rritjen e tumorit në kancerin e prostatës dhe kërkon qelizat kanceroze të qelizave parakanceroze dhe i shkatërron ato.

Kundër peshës së tepërt

Avokadot janë të pasura në fibra dhe do t’ju ndihmojnë të ndiheni më të ngopur më të gjatë, potencialisht duke ndihmuar me humbjen e peshës.

Fibra e lartë ndihmon shëndetin metabolik dhe stabilizon sheqerin në gjak.

Për shëndetin e sistemit tretës

Avokado pastron zorrët, duke lehtësuar frymën e keqe të gojës

Për lëkurë të re

Vaji i avokados ushqen në masë të madhe lëkurën dhe është një trajtim i dobishëm kundër psoriazës dhe acarimeve të tjera të lëkurës.

Për më shumë imunitet

Avokado përmban 18 nga 22 aminoacidet e nevojshme për trupin e njeriut.

Rrjedhimisht ky frut është një mënyrë e mirë për të fuqizuar sistemin imunitar. Mjafton të konsumoni gjysëm ose një avokado në ditë dhe ndihmoni fort shëndetin.

Avokado bëhet më i fuqishëm nëse kombinohet me fruta të pasura me vitaminë C, siç janë limoni, agrumet dhe ananasi.

Përdorimi i qumështit të Bletës po njeh një zgjerim të konsiderueshëm në tregun shqiptar.

Çdo pikë qumështi i bletës është jetë. Vlerësohet si nektari i perëndive për nga vlerat e jashtëzakonshme shëruese që ka për shëndetin.

I njohur ndryshe me emrin “Xhelatina Mbretërore” qumështi i bletës është ndër më të kërkuarit në botë. Sot ai është shndërruar në një biznes fitimprurës për bletarët shqiptarë krahas prodhimit të mjaltit.

Sipas të dhënave , vitet e fundit, qumështi i Bletës po njeh një zgjerim të konsiderueshëm në tregun shqiptar.

Ashtu si në çdo vend të botës ai shitet në sasi shumë të kufizuar ndaj dhe vlera e tij përherë e më shumë bëhet më e shtrenjtë. Ai ambalazhohet në minishishe qelqi dhe shitet në gramatura shumë të vogla.

Sipas të dhënave  çmimi mesatar për vetëm një gram qumështi të bletës shkon deri në 1 mijë lekë (të reja).

Nisur për nga vlera e lartë dhe fitimprurëse, bletarët shqiptarë kanë fokusuar biznesin e tyre prej disa vitesh edhe në shitjen e qumështit të bletës ndërsa e vlerësojnë këtë mënyrë biznesi edhe më fitimprurës se sa shitja e mjaltit.

Kërkesa për qumështin e bletës në rritje

Bletarët shprehen  se kërkesa për qumështin e bletës është gjithnjë në rritje ndaj dhe ata janë duke i kushtuar vëmendje përherë e më të lartë nxjerrjes së këtij qumështi të artë.

Vjelja e qumështit të bletës kërkon një mjeshtëri të posaçme pasi i gjithë procesi është shumë delikat.

Qumështi i bletës që prodhohet nga gjëndrat e bletëve punëtore shërben për të ushqyer larvat gjatë tri ditëve të para si dhe për të ushqyer mbretëreshën.

Ky ushqim e mban mbretëreshën në jetë për 8 vjet, një fakt interesant ky, duke ditur që një bletë e zakonshme, e cila ka lindur nga e njëjta vezë me mbretëreshën, jeton vetëm 21 ditë.

Qumështi i bletës ka ngjyrë të bardhë në të verdhë, është si krem, ka shije të thartë dhe pak aromë.

Vlerat kurative për shëndetin

Vlerësohet si një super ushqim i fuqishëm për shkak të vlerave që ai mbart. Qumështi i Bletës përmban ujë, lëndë minerale, yndyrna, proteina, karbohidrate, vitamina etj.

Ai mund të përdoret për kurimin e një sërë sëmundjesh si: Hipertiroidisem, Diabeti, Hiperkolesterolemi, hipertrigliceridemi (kolesterol dhe trigliceride të larta), sëmundje të zemrës dhe enëve të gjakut, sëmundje kronike të mushkërive, sëmundje të gojës, probleme me mishrat e dhëmbëve, probleme të fytit, sëmundje të veshkave, artrite reumatoide, probleme me riprodhimin, ndihmon në periudhat e premenopauzës etj

Ai rekomandohet që të përdoret herët në mëngjes duke e marrë nën gjuhë. Kjo pasi aty ka mjaft enë gjaku që bëjnë thithjen e menjëhershme dhe kalimin në gjak.

Zgjatja e kurimit është e ndryshme dhe varet nga shkalla e sëmundjes ose qëllimi për të cilin përdoret, por asnjëhere më pak se një muaj.

Ka efekt qetësues dhe çlodhës, ul nivelin e hormoneve të tiroides. Ai është një pastrues fantastik për organizmin nga toksinat.

Ndihmon funksionimin e veshkave, rrit jetëgjatësinë e njerëzve, duke ruajtur rininë e enëve të gjakut. Zgjeron enët e gjakut, ndihmon në uljen e kolesterolit dhe triglicerideve dhe rrit imunitetin.

Ky qumësht ndihmon në formimin e rruazave të kuqe të gjakut, këshillohet në anemi dhe ndihmon në mikrohemorragji. Në lëkurë, rregullon prodhimin e yndyrës.

Përdoret në kozmetikë, sepse ndihmon në pastrimin dhe rinimin e lëkurës. Përdoret si agjent antibakterial dhe antivirusal lokal për probleme të ndryshme të lëkurës. Te fëmijët e sapolindur ndihmon në rritjen në peshë.

Qumështi i bletës, nxit gjëndrat riprodhuese, ndihmon prodhimin e vezoreve, gjatë shtatzanisë, duke rritur nivelin e progesteronit në gjak.

Rrit nivelin e testosteronit në gjak, duke ndihmuar në problemet e potencës mashkullore. Stimulon gjëndrat mbiveshkore dhe ndihmon në sëmundje si artriti ose lodhja kronike.

Ndihmon në funksionimin e mëlçisë dhe sëmundjet e saj, hepatite dhe rigjeneron strukturën e mëlçisë.

Rekomandohet që kura duhet të zgjasë një muaj, maksimumi tre muaj, ndërkohë që dozat kurative duhet të ndërmerren sipas specifikimeve përkatëse.

Vlerësohet se asnjë ilaç nuk mund të zëvendësojë vlerat kurative të Qumështit të Bletëve.