Kulinari

Mandarinat janë ndër agrumet më të preferuara në vendin tonë, madje edhe prodhimtaria është e lartë.

Ato konsiderohen një thesar vlerash, sepse ofrojnë shumë vitaminë C, folat dhe beta karoten.

Për më tepër, konsumi i mandarinave ndihmon në parandalimin e diabetit, ishemisë e shumë sëmundjeve të tjera.

Përveç frutit dhe lëkurës, farat e kësaj agrumeje konsiderohen të shkëlqyera për shëndetin.

Farat e Mandarinave dhe vlerat potenciale

Antioksidantët

Mandarinat dhe farat e tyre përmbajnë shumë antioksidantë, të cilat ju mbrojnë kundër radikaleve të lira.

Këto të fundit prodhohen nga trupi si kundërpërgjigje e ndotjes, radiacionit, tymit të duhanit, etj.

Radikalet e lira dëmtojnë qelizat dhe i çelin rrugën një sërë sëmundjesh.

Polifenolët

Polifenolët janë antioksidantë të fuqishëm.

Studimet shkencore për sasinë e polifenolëve në agrumet dhe farat e tyre kanë treguar se mandarinat dhe farat e tyre kanë sasinë më të madhe të polifenolëve në krahasim me agrumet e tjera.

Limonoidët

Limonoidët janë përbërës që gjenden tek farat, lëkura dhe fruti.

Këto substance pengojnë formimin e qelizave kancerogjene.

Limonoidët tek farat ulin edhe kolesterolin e keq.

Farat e Mandarinave në Mjekësinë Popullore 

Ekspertët e mjekësisë tradicionale përdorin farat e thata të mandarinës për të rregulluar energjinë trupore dhe larguar dhimbjet e organizmit.

Ata shprehen se farat e thata përdoren dhe janë efikase kundër hernies diskale.

Mjekët popullorë përdorin zakonisht fara të thata e të bluara.

Niveli i Toksinave tek Farat e Mandarinave

Megjithatë në shumë vende, farat e mandarinës nuk kanë gjetur përdorim të njëjtë dhe mjekët kanë rekomanduar kujdes.

Në vendet perëndimore, shkencëtarët besojnë se farat e agrumeve siç janë portokallet, qitro, limonët, limonët jeshilë dhe mandarinat përmbajnë sasi të vogla toksinash.

Megjithatë farat e një fruti të vetëm nuk përmbajnë mjaftueshëm toksina sa të shkaktojnë dëm në organizëm.

Acidi citrik ose siç e njohim rëndom limontozi është një substancë e nevojshme që gjendet tek shumë fruta si limonët, portokallet, qitro, kivi, mollët, luleshtrydhet, dardhat, qershitë, mandarinat.

Këtë substancë e gjejmë edhe tek patatet, bizelet, kërpudhat, shpargu dhe domatet.

Acidi citrik përdoret edhe për të ruajtur jetëgjatësinë e një produkti farmaceutik apo pijeve.

Ai përdoret për t’u dhënë aromë ushqimeve apo për të pastruar shtëpinë.

Acidin citrik ose limontozin mund ta blini në formën e pluhurit.

Deri në vitet 1900, Italia njihet si prodhuesi më i madh i limontozit duke plotësuar plot 90% të prodhimit global.

Vlerat Ushqimore të Limontozit

Acidi citrik ka natyrë alkaline dhe ekuilibron nivelet e acidit në organizëm.

Ai shërben si antioksidant ndaj është miqësor me lëkurën.

Në aplikimet në lëkurë, kjo substancë largon qelizat e vdekura dhe e mban atë të butë.

Acidi citrik gjendet edhe në organizëm dhe është i rëndësishëm në prodhimin e energjisë.

Sasitë e prodhuara në trupin tonë janë minimale ndaj është e nevojshme që këtë acid ta marrim nëpërmjet ushqimeve.

Përdorimet e Limontozit Pluhur

Acidin citrik në formën e pluhurit mund ta përdorni për përgatitjen e pijeve dhe ëmbëlsirave me aromë agrumesh.

Mund ta përdorni për të larë enët ose për të pastruar banjën.

Acidi citrik është ideal për shëndetin e këmbëve dhe kundër erës së keqe të tyre.

Përdoreni bashkë me sodën e bukës dhe bëni banjë të ngrohtë për këmbët dy herë në ditë.

Acidi citrik përmirëson shëndetin e veshkave duke parandaluar formimin e gurëve.

Si antioksidant ai largon radikalet e lira, përgjegjëse për zhvillimin e qelizave kancerogjene.

Acidi citrik mund të përdoret edhe si gargarë për të zbutur fytin.

Maskat e Fytyrës me Limontoz

Pluhurin në fjalë mund ta përdorni në sasi të vogla për të shpërlarë gojën ose në maska shtëpie për pastrimin dhe ushqimin e lëkurës.

Ai është ideal kundër njollave të akneve, rrudhave dhe shenjave të moshës.

Maska kundër qelizave të vdekura

Një nga maskat më të mira përfshin përzierjen e çerek gote me ujë, çerek gote me qumësht pa yndyrë, dhe dy lugëve me limontoz pluhur.

Pastën e formuar vendoseni në lëkurë dhe mbajeni për 15 minuta.

Maska kundër plakjes

Përzieni pak kos, mjaltë, një kapsulë me vitaminë E dhe një lugë çaji me acid citrik.

Vendoseni maskën në lëkurë dhe shpërlajeni pas 15 minutash.

Efektet anësore

Konsumi i tepërt i acidit citrik mund të jetë i dëmshëm.

Ai mund të shkaktojë dhimbje abdominale, të vjella, mungesë oreksi, marramendje, diare dhe rënie të tensionit të gjakut.

Njerëzit që vuajnë nga sëmundjet kardiovaskulare dhe gratë shtatzënë duhet ta shmangin këtë produkt sepse përthith mineralet e nevojshme.

Pirja e lëngut të karrotës, portokallit dhe xhenxhefilit është fantastik në shije ndërsa i dhuron organizmit vlera të panumërta shëndetësore.

Në këtë artikull  do të keni mundësinë të merrni informacione të sakta mbi vlerat e kombinimit të lëngut të karrotës, portokallit dhe xhinxherit.

Vitamina C

Nëse përfshini lëngun e karrotës, portokallit dhe xhenxhefilit, në dietën tuaj, do të plotësoni dozën e rekomanduar ditore të vitaminës C.

Një gotë normale me lëng të nxjerrë nga një sasi e barabartë karrotash dhe portokallesh ku mund të shtoni edhe pak xhenxhefil përmban 85 përqind e dozës së rekomanduar ditore të kësaj vitamine për femrat dhe 71 përqind për meshkujt.

Vitamina A

Një racion i lëngut të karrotës, portokallit dhe xhenxhefilit është një burim i shkëlqyer i vitaminës A.

Në çdo gotë do të gjeni përafërsisht 508 përqind të dozës së rekomanduar për meshkujt dhe 652 përqind të asaj të rekomanduar për femrat.

Vitamina A ndihmon në zhvillimin e indeve, ruan shëndetin e sistemit imunitar, qelizat e kuqe të gjakut dhe lëkurën.

Folati

Lëngu i karrotës, portokallit dhe xhenxhefilit ofron folat, ose vitaminën B-9 që ndihmon në metabolizmin e acideve nukleike dhe amino acideve, përbërës që janë pjesë e ADN-së dhe proteinës.

Një dietë e pasur me folat e bën jetën tuaj më të gjatë.

Folati mbron kundër difekteve në lindje dhe komplikimeve të tjera tek femrat shtatzënë.

Vlera të tjera

Pirja e lëngut të karrotës dhe portokallit me xhenxhefil ofron ushqyes të tjerë të dobishëm për qarkullimin e gjakut. Ky lëng përmban 732 miligramë kalium, ose 16 përqind të dozës së rekomanduar ditore.

Kaliumi ul tensionin e gjakut dhe ndjeshmërinë ndaj ndikimit të kripës në rritjen e tensionit.

Jeni në kërkim të një recete të thjeshtë dhe të shijshme të cilën mund ta ndani me të gjithë familjen?

Karrotat dhe portokallet, në sasi të barabarta, funksionojnë mirë së bashku dhe janë një burim i shkëlqyer i vitaminës C e cila ndihmon organizmin të përthithë më mirë hekurin.

Të dyja ofrojnë beta karoten që kthehet në vitaminë A dhe ju ndhmon të keni një paraqitje rinore nëpërmjet sasive të larta të kolagjenit dhe sistemit të fuqizuar imunitar.

Nga ana tjetër, xhenxhefili konsiderohet si një prej bimëve më të shijshme dhe më të shëndetshme të planetit, vlerat e të cilit shkojnë përtej një stine të vetme, por shtrihen përgjatë gjithë vitit. Xhenxhefili është një antioksidant i fuqishëm që pastron trupin nga helmet.

Sipas kërkimeve të AgroWeb.org, ai bën një punë të mrekullueshme në kurimin e shqetësimeve në stomak, kundër inflamacionit, stimulon qarkullimin e gjakut, hollon gjakun, lehtëson dhembjet e muskujve dhe lufton infeksionet e brendshme.

Receta e lëngut të karrotës, portokallit dhe xhenxhefilit

Koha e nevojshme: 5 minuta
Racionet: 2

Përbërësit

6 karrota
1 portokall
1 copë xhenxhefil

Udhëzimet

Pasi keni qëruar portokallet dhe larë karrotat, shtoni të gjithë përbërësit në shtrydhësen e frutave.

Përzijeni lëngun dhe pijeni menjëherë që të mos lejoni oksidimin e tij.

Qepët janë ndër perimet më të preferuara të shqiptarëve.

Të njoma, të thata, të kuqe, të verdha apo të bardha, të gjitha janë të mira e me vlera të jashtëzakonshme jo vetëm për shijen fantastike që dhurojnë në botën e kulinarisë. Ato janë me vlerë mbi të gjitha në përfitimet e mëdha kurative.

Sipas ekspertëve , një metodë fantastike është vaji esencial i qepës, i përgatitur edhe vetë në shtëpi.

Të Mirat Shëndetësore të Vajit Të Qepës

Vaji i qepës vlerësohet nga mjekësia bimore si një tonik superior ndaj të gjithë tonikëve të tjerë bimorë, i pasur me vitamina, përfshirë edhe ato më jetiket B2 (riboflavin), B1 (tiaminë) dhe C.

Ky vaj mirëbërës esencial njihet për vlerat e tij kurative në fuqinë që ka për mbrojtjen e sistemit imunitar, ai lufton mikrobet dhe bakteret në organizëm, përdoret si një anti grip i fortë, ka efektet fantastike kundër spazmave, është një diuretik i shkëlqyer, ndihmon sistemin tretës dhe ndimon në funksionimin e mirë të stomakut.

Ashtu si vet qepa edhe vaji esencial gëzon një reputacion të qenësishëm për problemet me peshën si dhe mbajtjen e saj në kontroll.

Mbi të gjitha, vaji esencial i qepës përdoret për fuqi dhe energji trupore. Ai ndihmon në parandalimin e të ftohtit dhe lufton infeksionet.

Ekspertët  vlerësojnë se vaji esencial i qepës ndihmon në forcimin e kockave. Po ashtu ai vepron si një pastrues efektiv i gjakut dhe ndihmon në mbajtjen në kushte të shkëlqyera dhe të pastër lëkurën.

Ai ndihmon në lehtësimin e dhimbjeve të veshit dhe njihet për përdorimin e tij si afrodiziak që në kohërat e lashta.  Në botën e kozmetikës ka një përdorim të gjerë përsa i përket rritjes së flokëve.

Vaji esencial i qepës është një diuretik efektiv dhe ka të njëjtat veti shëruese edhe në largimin e toksinave nga trupi.

Përdoret gjithashtu në kurimin e sëmundjeve si të ftohtit, sinoziti etj.

Vlerësohet se vaji i qepës është më efektiv kur përdoret i pa kombinuar me përbërës të tjerë. Megjithatë ai mund të përzihet me vajra të tjerë esenciale dhe aromatizues me qëllim largimin e erës së rëndë të tij.

Nga ana tjetër, vaji i qepës mund të përdoret edhe për dezinfektimin e ambjeteve të shtëpisë si dhe për largimin e energjisë së keqe.

Ai mund të përgatitet edhe si banjo terapi për lëkurë të shkëlqyer.

Si Të Përgatisim Vajin e Qepës në Shtëpi

Përbërësit

-100 gr qepë të thata të qeruara hollë
-50 gr qepë të njoma të qeruara hollë (vetëm pjesa e bardhë)
-Një filxhan çaji me vaj ulliri

Procesi

Bashkoni të gjithë përbërësit. Ndizni zjarrin në nivel të ulët-mesatar. Prisni derisa qepët të marrin ngjyrë të errët dhe më pas hiqni enën nga zjarri

Merrni një sitë dhe shtypni vajin e qepës në një tas. Lëreni të ftohet dhe më pas hidheni vajin e përftuar të qepës në një shishe qelqi

Dozat për disa nga përdorimet

-5-10 pika vajit të qepës në një tas me ujë të ngrohtë për kompresa
-5 pika në një filxhan me ujë të ngrohtë për të ftohtin
-10 pika të vajit të qepës në përdorimin e banjo terapisë
-10 deri 20 pika në masazhimin e trupit