Kulinari

Ullinjtë klasifikohen fruta me bërthamë të të njëjtës familje botanike me qershitë dhe pjeshkët.

Ullinjtë jeshilë mblidhen në fillim të sezonit të vjeshtës ndërsa të zinjtë kur janë pjekur plotësisht.

Të dy llojet konsiderohen të pasur me yndyrna të shëndetshme për organizmin.

Më poshtë do të gjeni të listuara , përfitimet e rëndësishme që merrni nga konsumi i përditshëm i ullinjve.

Përmirësojnë shëndetin e kockave

Një studim i fundit sugjeron se vaji i ullirit parandalon humbjen e masës kockore.

Ndaj konsumi i ullinjve është shumë i rekomanduar për kocka të forta.

Ulin kolesterolin

Acidet yndyrore te ullinjtë ulin kolesterolin e keq dhe rrisin kolesterolin e mirë.

Largojnë dhimbjet

Studimet kanë treguar se ullinjtë ndalojnë zhvillimin e enzimave përgjegjëse për shfaqjen e inflamacionit dhe dhimbjes.

Antioksidantët

Ullinjtë janë një burim i shkëlqyer i biofenolëve.

Këto antioksidantë, arrijnë të parandalojnë akumulimin e kolesterolit në enët e gjakut.

Janë të pasur me baktere të mira për stomakun

Ullinjtë përmbajnë lactobacillus, një nga bakteret më të mira për stomakun.

Sa më shumë baktere të mira të kemi në stomak, aq më e mirë do të jetë tretja dhe aq më pak inflamacion do të kemi në organizëm

Efikasë kundër rrudhave

Ullinjtë përmbajnë acid oleik që e mban lëkurën të butë dhe të shëndetshme.

Në fakt, ngrënia e ullinjve përmirëson paraqitjen e lëkurës dhe largon rrudhat me të paktën 20 përqind.

Ulin rrezikun e diabetit dhe mbipeshës

Këto fruta me bërthamë janë të pasur me yndyrna mono-të-pangopura dhe ulin rrezikun e shfaqjes së diabetit të tipit 2 dhe mbipeshës.

Kjo e mirë vjen nëse nuk konsumoni ushqime të yndyrshme dhe zgjidhni ullirin dhe nënproduktet e tij.

Ulin oreksin e tepërt

Ullinjtë përmbajnë acide yndyrore mono-të-pangopura që ngadalësojnë tretjen dhe stimulojnë hormonet që janë përgjegjëse për të informuar trurin që jeni të ngopur.

Konsumi i ullinjve është shumë i rekomandueshëm sa më shpesh të jetë e mundur.

Ushqimet e përpunuara mund të jenë të përballueshme dhe të volitshme për shumë njerëz.

Nga ana tjetër, ato përmbajnë shumë yndyrna, kripë dhe sheqer.

Diabeti dhe ushqimet që nuk duhen konsumuar

Yndyra, kripa dhe sheqeri, të treja janë armiqtë e organizmit dhe sidomos të atyre që vuajnë nga diabeti.

Po cilat janë ushqimet e përpunuara të rrezikshme për njerëzit që vuajnë nga diabeti? Lexoni listën me poshte.

Orizi i bardhë

Orizi i bardhë është i lirë dhe gatuhet shpejt.

Por siç ndodh rëndom me ushqimet e tjera të përgatitura nga mielli i rafinuar (buka e bardhë dhe makaronat) edhe orizi i bardhë është i zhveshur nga çdo ushqyes i rëndësishëm.

Për më tepër, ai rrit nivelin e sheqerit në gjak.

Sipas të dhënave të AgroWeb.org rekomandohet orizi kaf, elbi, bullguri, kuinoa apo buka me drithëra të plota.

Mund të kërkojnë shumë kohë për t’u gatuar, por janë më të shëndetshëm dhe me vlera.

Patatet e skuqura

Patatet e skuqura minojnë përpjekjet tuaja për të ruajtur peshën optimale dhe mbajtur nën kontroll diabetin.

Ato nuk kanë asnjë vlerë shëndetsore dhe vetëm rrisin nivelin e sheqerit në gjak.

Konsumoni më shumë patate të pjekura.

Zgjidhni pataten e ëmbël.

Prijeni në feta dhe piqini në furrë.

Mos blini patate të ngrira në supermarket sepse janë të mbushura me përbërës artificialë.

Frutat Konservë

Ngrënia e frutave dhe perimeve të freskëta u bën shumë mirë njerëzve që vuajnë nga diabeti i tipit 2.

Frutat konservë bëjnë të kundërtën.

Ato janë të mbushura me shurup të ëmbël të përpunuar.

Nëse këto fruta ju pëlqejnë shumë, më mirë shpëlajini me shumë ujë përpara se t’i hani.

Patatinat

Patatinat dhe produkte të ngjashme mund të minojnë përpjekjet tuaja për të mirëmbajtur peshën.

Ato shtojnë kaloritë, kripën dhe substancat kimike, por nuk ofrojnë as fibër as ndonjë ushqyes të rëndësishëm.

Pijet e gazuara

Pijet e gazuara, madje edhe ato që reklamohen si pa sheqer janë të rrezikshme për peshën dhe diabetin.

Zëvëndësojeni këtë pije me ujë me gaz me pak lëng limoni ose limoni jeshil.

Hidhni frutat në ujë bashkë me borzilok e limon dhe kështu keni krijuar një pije të shëndetshme që shuan etjen.

Ushqimet me sheqerna të shtuara

Sheqernat e shtuara janë përbërësit bazë të çdo ushqimi të konservuar siç janë biskotat, salcat e ndryshme, ëmbëlsirat, salcat e sallatave, drithërat e të tjerë.

Mjekët thonë se gratë nuk duhet të konsumojnë më shumë se 6 lugë çaji me sheqerna në ditë ndërsa meshkujt nuk duhet të konsumojnë më shumë se 9 lugë çaji.

Mishrat e përpunuar

Mishrat e përpunuar mund të mos përmbajnë sheqer por ato kanë shumë yndyrë, kripë dhe substanca të tjera shtesë që rrisin rrezikun e diabetit të tipit 2.

Hiqni dorë nga sallamet, proshutat, salçicet, donerët e të tjerë dhe zgjidhni mish të mirë në gjendje natyrale të papërpunuar.

Hamburgerët

Ushqimet e shpejta janë një faktor rreziku

Sipas ekspertëve, njerëzit që hanë hamburgerë ose sufllaqe më shumë se dy herë në ditë kanë më shumë gjasa të preken nga diabet.

Zgjidhni sanduiçët me mish pule dhe perime më mirë.

Idealja është t’i përgatisni vetë ato në shtëpi.

Drithërat e ëmbël

Drithërat e mëngjesit me ngjyra e çokollatë gjenden në çdo shtëpi.

Ato janë të mbushura me sheqer dhe nuk kanë fibër.

Zgjidhni drithëra që përmbajnë 5 gramë ose më shumë fibër dhe më pak se 7 gramë sheqer për racion.

Kur dëgjon për majdanozin, gjëja e parë që të vjen ndërmend është një supë e shëndetshme, ose një sallatë e zbukuruar me gjethet e gjelbra të kësaj barishteje.

Majdanozi mund të quhet kampion i barishteve që përdoren për shije shtesë në gatimet tona, por vlerat e tij janë shumë herë më të mëdha.

Majdanozi nuk është thjesht për zbukurim. Çaji i majdanozit është një nga mënyrat më të mira për të përfituar vlerat e jashtëzakonshme të tij, siç do ta mësoni më poshtë në këtë artikull .

Çaji i majdanozit me limon e mjaltë ul inflamacionin

Inflamacioni është nga fajtorët më të mëdhenj të sëmundjeve kronike, siç është atriti ose osteoartriti.

Majdanozi vjen në ndihmë kundër inflamacionit pasi është i pasur me vitaminë C dhe kombinuar me limonin, japin një dozë shumë të mirë të kësaj vitamine.

Trajton dëmtimet e nervave

Majdanozi është mjaft i dobishëm sa i përket dëmtimeve të nervave.

Ekspozimi ndaj substancave toksike, përfshirë metalet e rënda dhe pesticidet mund të tjetërsojnë aktivitetin normal të sistemit nervor dhe mund të shkaktojnë dëmtime në tru.

Kjo është mjaft shqetësuese, duke qenë se nervat luajnë një rol kryesor në transmetimin dhe përpunimin e informacionit në tru dhe në zona të tjera të sistemit nervor.

Lëngu i majdanozit është shumë efikas në heqjen e simptomave të neurotoksicitetit. Studimet e fundit kanë konfirmuar këtë aftësi të majdanozit.

Ndihmon në parandalimin e dëmtimit të qelizave

Kjo barishte ndihmon në luftimin e radikaleve të lira, falë pranisë së miristicinës, një përbërës që gjendet natyralisht tek majdanozi.

Kjo substancë parandalon rritjen dhe zhvillimin e qelizave të dëmtuara, veçanërisht në mushkëri.

Receta e çajit të majdanozit me limon e mjaltë

Ndiqni udhëzimet e thjeshta të AgroWeb.org për përgatitjen e çajit të majdanozit dhe përfitoni prej tij vlera fantastike shëruese.

Përbërësit:

– 4-5 tufa me majdanoz
– Gjysmë limoni
– 1 lugë çaji me mjaltë cilësor
– 3 gota ujë

Udhëzimet:

Hidhni ujë në një çajnik dhe lëreni të ziejë në zjarr të ulët. Lani dhe prisni hollë tufat e majdanozit.

Hidhini së bashku me limonin në një filxhan ose enë që duron temperaturën e nxehtë.

Më pas shtoni ujin e nxehtë dhe lërini së bashku për pesë minuta.

Më pas hiqni majdanozin dhe limonin, shtoni mjaltin dhe pini çajin plot vlera.

Të apasionuarit pas lëngjeve të frutave me siguri e adhurojnë kombinimin e këndshëm mes karrotës dhe mollës.

Përfitimet që vijnë prej lëngut të të dyjave janë të larmishme.

Karrota e ushqen organizmin me beta karoten, vitaminat A, C dhe B, bakër, kalçium, mangan, fosfor dhe antioksidantë.

Ndërkohë, molla ofron fibër, vitaminë A, proteinë, vitaminë C, B, kalium dhe fosfor.

Nëse i kombinoni të dyja së bashku atëherë molla me karrotën do ju ndihmojnë për problemet e mëposhtme të listuara.

Mbani larg radikalet e lira

Lëngu i karrotës dhe mollës përmban shumë antioksidantë që zmbrapsin radikalet e lira të cilat shkatërrojnë qelizat.

Zbusni rrezikun e diabetit

Polifenolët tek molla ulin nivelin e sheqerit në gjak dhe përthithjen e glukozës.

Mbani peshë më të mirë

Lëngu i karrotës dhe mollës  përmban pak kalori dhe aspak yndyrna apo kolesterol.

Ky lëng ofron fibra që ju mbajnë të ngopur për shumë gjatë.

Parandaloni sëmundjet e zemrës dhe isheminë

Fibra tek molla parandalon përthithjen e kolesterolit të keq në gjak.

Kaliumi nga ana tjetër mban nën kontroll rrahjet e zemrës dhe tensionin e gjakut.

Sy të mprehtë

Lëngu i karrotës dhe mollës garanton shëndet të mirë të syve falë vitaminës A.

Imunitet më të fortë

Karrota me mollën përmbajnë antioksidantë të cilët e ndihmojnë sistemin imunitar të jetë më i mbrojtur.

Kocka dhe dhëmbë të fortë

Lëngu i karrotës dhe mollës përmban shumë kalçium, një mineral i dobishëm për shëndetin e kockave dhe dhëmbëve.

Shëndeti i traktit urinar

Mineralet dhe fibra luajnë rol pastrues për të gjithë sistemin urinar.

Kujdes

Ky lëng është padyshim i shëndetshëm, por duhet të tregoni kujdes me konsumin e tij.

Nëse e teproni, karrota mund ta dëmtojë, për shkak të sasisë së lartë të fibrës.

Nëse e teproni fibra mund të ndërveprojë negativisht me shtresën e brendshme të zorrëve.

Metabolizmi është një proçes gjatë të cilit ushqimet dhe pijet që konsumojmë kthehen në energji.

Metabolizmi i dobët shkakton shumë probleme, ndaj këshillohet konsumi i disa produkteve që ndihmojnë yndyrnat të lëvizin më shpejt në sistemin tretës dhe parandalojnë përthithjen e tyre nga organizmi.

Metabolizmi ynë është në pikën më të dobët kur ne jemi në gjumë.

Trupi është i qetësuar dhe po pushon. Por gjatë ditës, metabolizmi ka nevojë për ndihmë. Një gotë me pije bimore ndihmon të nxisë metabolizmin.

Kjo pije bimore sipas të dhënave  përmban shumë antioksidantë dhe ushqyes, që do ta ndihmojnë trupin të djegë yndyrnat me një shpejtësi më të madhe, por edhe do të pastrojë dhe përmirësojë funksionet e tij.

Ja receta e kësaj pije të shëndetshme, që përmirëson tretjen dhe rrit nivelet e metabolizmit por edhe ju vjen në ndihmë të largoni yndyrnat kryeneçe nga organizmi dhe të bini në peshë.

Gjithnjë nëse mbani një dietë të ekuilibruar dhe vini trupin në lëvizje.

Përbërësit e lëngut që ndihmon metabolizmin

Përbërësit magjikë përfshijnë kastravec, majdanoz, limon, xhenxhefil dhe Aloe Vera. Le t’i hedhim një sy vlerave të gjthësecilit.

Kastraveci: Kastravecin duhet ta përfshini në menunë tuaj ditore nëse dëshironi një stomak të sheshtë.

Kastravecat përmbajnë shumë pak kalori. Një kastravec ka vetëm 45 kalori dhe përmban shumë ujë dhe fibër. Mbi të gjitha është shumë freskues.

Majdanozi: Majdanozi përmban pak kalori, por shumë antioksidantë, vitamina dhe minerale të cilat nxjerrin jashtë lëngjet e tepërta dhe nuk shkaktojnë probleme ose fryrje në stomak.

Limoni: Lemoni është përgjegjës për largimin e të gjitha toksinave që akumulohen në trup.

Ky rol ndihmon në përshpejtimin e përpunimit dhe shkrirjes së yndyrnave dhe në rritjen e metabolizmit të organizmit.

Xhenxhefili: Xhenxhefili ka aftësinë të përshpejtojë metabolizmin, parandalojë konstipacionin dhe të shkrijë yndyrnat.

Të gjithë përbërësit e xhenxhefilit funksionojnë në unison për të parandaluar ngrënien e tepërt dhe për të shfryrë stomakun.

Lëngu i Aloe Verës: Lëngu i Aloe Verës përmban antioksidantë natyralë që vonojnë rritjen dhe zhvillimin e radikaleve të lira.

Këto antioksidantë ngadalësojnë edhe proceset inflamatore, rrisin ritmet e metabolizmit dhe përshpejtojnë konsumin e energjisë. Indeksi i masës trupore ulet dhe bëhet më i qëndrueshëm.

Pija e përgatitur nga këto produkte është e mrekullueshme dhe jep shumë energji. Ajo mund të konsumohet edhe në mbrëmje përpara se të bini në gjumë.

Receta

Përbërësit:
1 kastravec
Një tufë me majdanoz
1 limon
1 lugë gjelle me xhenxhefil të grirë
1 lugë gjelle me lëng Aloe Vera
Gjysëm gote me ujë

Hidhini të gjithë përbërësit në një mikser dhe përziejini së bashku. Prej këtij lëngu do të përfitoni stomak më të sheshtë, metabolizëm të shkëlqyer dhe një trup më të shëndetshëm.