Kulinari

Mushkëritë janë pre e shumë kimikateve, që shkaktojnë një sërë sëmundjesh të rrezikshme.

Një prej substancave më të dëmshme për mushkëritë është nikotina, të cilën e marrin jo vetëm duhanpirësit, por edhe personat pranë tyre. Kjo substancë futet në gjak dhe zgjat nga 6 deri në 8 orë.

Largimi i saj i plotë nga trupi kërkon dy deri në tre ditë. Nikotina shkakton varësi, por ka disa ushqime që ndihmojnë në pastrimin e organizmit. Më poshtë do të gjeni një listë ushqimesh të rëndësishme të rekomanduara  për largimin e nikotinës toksike nga sistemi.

Konsumimi i rregullit i tyre e pastron organizmin tërësisht nga nikotina.

Lëngu i karrotës

Një cigare e vetme e mbush trupin me nikotinë. Lëkura humbet shkëlqimin dhe gjallërinë. Lëngu i karrotës është i mirë për lëkurën dhe është një burim i pasur i vitaminave A, C, K dhe B. Ky lëng ushqen lëkurën dhe largon nikotinën.

Lëngu i qitros

Nëse pini një litër me lëng qitro në ditë do të pastroni organizmin nga nikotina. Ky lëng përmirëson ritmin e veshkave në eliminimin e nikotinës nga trupi.

Brokoli

Brokoli është një perime e pasur me vitaminë C dhe B5. Duhanpirja e tepërt ul nivelin e vitaminës C dhe konsumimi i brokolit i rrit këto nivele. Kjo vitamin zbut nivelet e toksinave dhe ju jep energji.

Shega dhe frutat e pyllit

Shega është një frut i kuq dhe plot lëng që ushqen gjakun. Ajo pastron organizmin dhe ju ndihmon të hiqni dorë nga duhani.

Frutat e pyllit janë një burim i mirë vitaminash dhe ju ndihmojnë të largoni nikotinën toksike nga sistemi. Acidi që gjendet tek frutat e pyllit ndihmon në eliminimin e toksinave më shpejt se zakonisht, por edhe në zbutjen e simptomave që shfaqen kur hiqni dorë nga duhani.

Xhenxhefili

Xhenxhefili ka shumë vlera të shëndetshme. Ai heq dëshirën për të pirë duhan, ndihmon në rënien në peshë dhe largon toksinat nga gjaku. Xhenxhefili është një nga më të mirët kundër nikotinës.

Portokalli

Ky agrum është i pasur me vitaminë C, nivelet e së cilës bien ndjeshëm nga nikotina. Konsumimi i portokalleve çdo ditë ndihmon në ngritjen e niveleve të vitaminës C, në largimin e stresit dhe ankthit që shoqëron lënien e duhanit.

Së bashku me këto ushqime, pini shumë ujë që të hidratoheni sepse duhanpirja e dehidraton trupin.  Uji është një nga mënyrat më të thjeshta për të larguar nikotinën. Përpiquni të mbroni trupin tuaj dhe ushqehuni siç duhet.

Një recetë fantastike, e shijshme që të përfshin tërësisht me aromën e saj. Një recetë e vjetër, e përdorur prej kohësh nga amvisat shqiptare dhe e pasuruar me përbërës të ndryshëm.

Të pjekura e të ngrohta, të sapo dala nga furra, të mbushura  me erëza, shija e tyre mbush gjithë shtëpinë me dëshirën për t’i  patur menjëherë në tryezën e ngrënies.

Kjo është një nga mënyrat më fantastike të përgatitjes së patateve.

Një mënyrë për t’i servirur ato në mesin e antipastave në drekat apo darkat familjare, por edhe për t’u servirur për një vakt të shijshëm dreke apo darke.

Kjo recetë është fantastike gjithashtu për t’u përgatitur edhe në ditë festash, për t’i shtuar sa më shumë shije gatimeve të tjera e kënaqur nepsin e oreksin e më të dashurve dhe miqve gjithashtu.

Fantastike për t’u shoqëruar me sallata të freskëta të stinës, zahire të ndryshme të kuzhinës shqiptare ashtu si edhe supa të ndryshme të lehta.

Megjithëse kjo është një recetë që shërbehet në restorante të ndryshëm prestigjiozë, patatet e furrës të mbushura me djathë përgatiten krejt lehtë edhe në shtëpi, vetëm se kërkojnë pak durim deri në përfundmini e tyre.

Përgatitja e Patateve të Furrës të Mbushura me Djathë

Përbërësit

1 kg patate,

150 ml ajkë,

100 g djathë krem,

Djathë kaçkavall të grirë

kripë,

piper,

hudhër,

1 lugë gjalpë të shkrirë,

gjysmë luge të vogël spec të bluar.

Përgatitja

Pastrojini mirë patatet dhe vendosini në një tenxhere me ujë të ngrohtë dhe kripë. I vendosim në zjarr dhe i lëmë të zjejnë përgjysmë përreth 10-15 minuta.

Nga ana tjetër, në një enë të pastër hedhim ajkën, shtojmë djathin, hudhrën e grirë dhe i përzjejmë.

Patatet gjysmë të zjera i kullojmë, i lëmë të ftohen, i presim në mes dhe u heqim me një lugë një pjesë të tulit të brendshëm.

Pjesën e hequr të tulit, e shtojmë tek mbushja e djathit dhe e përzjejme derisa masa të jetë homogjene.

Të gjitha patatet  i mbushim me masën e djathit dhe kremit, sipër u hedhim djathë kaçkavall të grirë dhe i spërkasim me pak gjalpë të shkrirë, i vendosim në një tavë në të cilën kemi shtruar letër pjekjeje dhe i fusim të piqen në furrën e parangrohur në 180 gradë.

Nuk ekziston një recetë e vetme e patateve në furrë. Gjithkush ka preferencat e tij, por për atë që do të godasë që herën e parë apo do t’i japë fund argumentit, ja receta bazë.

Patatet ideale për në furrë janë ato me brumë të verdhë ose të kuqe. Sapo t’i qëroni, duhet t’i prisni në pjesë pak a shumë të barabarta për të marrë një pjekje uniforme.

Si t’i gatuajmë
Disa i gatuajnë direkt në furrë, ndërsa sipas disa shkollave të kuzhinës, patatet duhet të zihen për pak minuta 2-3 minuta maksimumi dhe të thahen direkt me letër kuzhine për të eleminuar ujin.

Me zierjen nënkuptohet zhytja e patateve në ujë të ftohtë fillimisht dhe më pas vënia në zjarr derisa të nisë vlimi.

Sapo të vihen në tavë, patatet mbushen me vaj, kripë, piper, një thelpi hudhër të paqëruar dhe rozmarinë. Më pas vihen në furrë në 200° për 30 minuta, i ktheni mbrapsht dhe piqini dhe për 20 minuta të tjerë. Hudhrën e heqim në gjysmë të gatimit.
Sekreti i patateve krokante:

Ka një sekret të vetëm: eleminoni amidonin. Patatet, siç e dini, futen shpesh në receta si “thithës” pasi kanë shumë amidon. Patatet e vjetra janë ideale për njokit dhe pure pasi kanë shumë amidon. Patatet me shumë amidon nuk duhen futur asnjëherë në furrë.

Zierja dhe tharja e patateve pas kullimit mund të ndihmojë në heqjen e amidonit çka ndihmon në bërjen e tyre më krokante, ose lajini mirë 2 herë në ujë të ftohtë dhe thajini.

Të shijshme, krokante, me aromë të mirë e shije plotë, kjo recetë që vjen nga tradita e kuzhinës italiane sot njihet botërisht si brusketa përbën një vakt të shëndetshëm e të lehtë darke.

Brusketat nuk janë thjeshtë një antipastë elegante restorantesh. Përbërësit e saj të thjeshtë, e mbi të gjitha shumë të shëndetshëm gjenden në kuzhinën e çdo familjeje.

Të gjithë këta përbërës natyralë e krejt me vlera i shndërrojnë brusketat në një mënyrë shumë të shëndetshme të të ushqyerit.

Aroma e bukës së thekur mbush gjithë shtëpinë me kënaqësinë dhe dëshirën për t’i shijuar, e kombinuar me më të freskëtat e stinës, brusketat janë më shumë se një mënyrë fantastike e të jetuarit shëndetshëm.

Keni recetën e mëposhtëme për një vakt të shijshëm dhe të lehtë për darkë, bukë të thekur me hithra dhe gjizë.

Gjiza e freskët kriposet, plotësohet me vaj ulliri dhe përzihet me barishte.

Rekomandohen ato që kanë aromën e tokës dhe janë pak të hidhura.

Një prej tyre është hithra.

Më poshtë do të mësoni recetën e bukës së thekur me gjizë dhe hithra të cilën mund ta servirni në një antipastë të thjeshtë por shumë të shijshme.

Përgatitja e Brusketave me Hithra dhe Gjizë

Përbërësit

Feta buke

Vaj ulliri ekstra i virgjër

Kripë

Piper

Gjizë

Hithra të ziera dhe të prera hollë.

Udhëzimet

Ngroheni furrën paraprakisht dhe vendosni skarën e pastër metalike.

Vendosini fetat e bukës dhe piqini për 8 minuta.

Më pas lyejeni secilën fetë me vaj ulliri dhe spërkateni me kripë dhe piper.

Më pas shtoni një shtresë gjize, kripë, piper dhe hithra.

Në fund spërkatini me vaj ulliri dhe servirini.

Gjiza është një zgjedhje ideale për bruksetat, bukën e thekur apo dhe biskotat.

Ajo përmban shumë acide yndyrore omega-3 dhe omega-6 të cilët e mbrojnë zemrën nga shumë sëmundje dhe parandalojnë radikalet e lira.

Një racion me gjizë përmban 139 mg acide yndyrore omega-3 dhe 339 mg acide yndyrore omega-6.

Të njëjtën recetë mund ta përdorni edhe me spinaq në vend të hithrave.

Majdanozi është një diuretik i fuqishëm dhe një përbërës natyral në luftën kundër infeksioneve të traktit urinar dhe sëmundjeve të veshkave. Megjithatë, ne nuk e shfrytëzojmë mjaftueshëm.

Majdanozi është magjik dhe mund t’ ju ndihmojë të humbisni 3 kilogramë për një javë.

Përbërësit:

• 5 lugë gjelle majdanoz i grirë
• 1 litër ujë

Përgatitja:

Pesë lugë majdanoz të grirë vërini të ziejnë në 1 litër ujë, më pas lërini të qëndrojnë 20 minuta. Kullojeni ujin dhe përdoreni.

Përveç asaj që majdanozi ndihmon në largimin e ujit nga organizmi, ai gjithashtu është antioksidant i fuqishëm në luftën kundër bakterieve. Kjo fuqi e majdanozit është e vërtetuar shkencërisht.

Sasia e rekomanduar e çajit është 1 litër brenda ditës dhe jo më shumë.

Peshojeni veten para se të filloni të konsumoni këtë pije dhe bëni të njejtën gjë edhe pas 7 ditëve. Rezultatatet janë të mahnitshme!