Kulinari

Ulçera e stomakut  është një sëmundje e dhimbshme që prek miliona njerëz në botë.

Bakteri H.Pylori është shkaktari kryesor i dëmtimit të shtresës së stomakut, megjithatë ulçera mund të shkaktohet edhe nga abuzimi me aspirinë, ibuprofen e ilaçe të ngjashme.

Ulçera e stomakut trajtohet me medikamente që synojnë të pakësojnë dhe bllokojnë aciditetin në stomak.

Nga ana tjetër ju mund të shfrytëzoni disa produkte dhe kura natyrale që përmirësojnë shëndetin e stomakut. Lexoni më poshtë listën .

Flavonoidët

Flavonoidët janë përbërës natyalë të frutave dhe perimeve si mollët, rrushi i kuq, brokoli, bishtajoret, frutat e pyllit dhe çaji jeshil.

Këto ushqime janë të mira për stomakun dhe e mbrojnë atë nga bakteret.

Jamballi

Kjo bimë që merret edhe si suplement, parandalon zhvillimin e bakterit përgjegjës për ulçerën.

Megjithatë, nëse konsumoni sasi të mëdha të saj do të përkeqësoni sëmundjet e zemrës ose tensionit të gjakut nëse vuani prej tyre.

Konsultohuni me mjekun tuaj.

Probiotikët

Probiotikët janë mikro organizma të rëndësishëm për sistemin tretës.

Ato i gjeni me shumicë tek kosi, ose mund t’i merrni si suplementë.

Probiotikët shkatërrojnë bakteret dhe përshpejtojnë shërimin tek njerëzit që tashmë marrin medikamente kundër ulçerës.

Mjalti

Mjalti përmban minimalisht 200 substanca mirëbërëse dhe antioksidantë.

Ai është armik i baktereve, përfshirë atë që shkakton ulçerën.

Për sa kohë nivelet e sheqerit janë normale, ju mund ta përdorni mjaltin si ëmbëlsues dhe të qetësoni ulçerën.

Hudhra

Ekstraktet e hudhrës janë ideale për të shmangur zhvillimin e bakterit të ulçerës.

Por nëse merrni ilaçe për hollimin e gjakut, duhet të tregoni kujdes me hudhrën sepse ajo kryen të njëjtën gjë.

Boronica e kuqe

Lëngu i këtij fruti është efikas kundë infeksioneve urinare dhe baktereve të ulçerës.

Megjithatë, nuk duhet të pini shumë lëng, sepse përmban shumë sheqer dhe mund të shkaktojë probleme me tretjen.

Frutat, Perimet dhe Drithërat

Një regjim ushqimor i pasur me fruta, perime dhe drithëra të plota është shumë i rëndësishëm për shëndetin e të gjithë organizmit dhe të stomakut në veçanti.

Një regjim i pasur me vitamina përshpejton shërimin e ulçerës.

Ushqimet më të mira që mund të konsumoni rregullisht kundër ulçerës janë: rigoni, rozmarina, çokollata e zezë, frutat e pyllit si boronicat, luleshtrydhet e të tjerë dhe ullinjtë e zinj.

Ulçera dhe Ushqimet Që Duhen Shmangur

Njerëzit që vuajnë nga ulçera apo urthi duhet të tregojnë kujdes dhe të mos konsumojnë kafe, pije të gazuara, speca djegës, ushqime të përpunuara, ushqime me shumë kripë, ushqime të skuqura, agrume dhe domate.

Nga të gjitha vaktet që konsumojmë në ditë, mëngjesi është absolutisht më i rëndësishmi.

Këshillat e ekspertëve thonë se në mëngjes duhet të hamë sikur të ishim mbretër dhe mbretëresha, në sensin e marrjes së ushqyesve më të rëndësishëm.

E megjithatë, këto këshilla shpesh bien në vesh të shurdhër, falë stilit kaotik të jetesës dhe jo vetëm.

Në shumicën e rasteve, njerëzit nuk kanë kohë të ulen në tavolinë e të hanë mëngjes, ndaj mjaftohen me një banane.

Ky frut është padyshim mirëbërës për organizmin dhe i vjen në ndihmë zemrës dhe trupit.

Banania mirëmban tensionin e gjakut, lufton depresionin, konstipacionin, urthin dhe ulçerën.

Ky frut përmban hekur ndaj stimulon prodhimin e hemoglobinës.

Kur duhet ngrënë banania? 

Në një kohë kur vlerat e bananes janë të pakundërshtueshme, ekspertët janë të ndarë mbi ngrënien e bananes me stomak bosh apo plot.

Disa ekspertë thonë se bananet janë plot me kalium, fibër, magnez që e pajisin organizmin me shumë energji.

Ata thonë se bananet duhen ngrënë çdo ditë edhe për vetë faktin se përmbajnë vitaminën B6.

Sipas tyre, banania nuk duhet ngrënë me stomak bosh për arsyet e mëposhtme:

Sipas të dhënave niveli i lartë i sheqernave u jep energji, por kjo e fundit është afatshkurtër dhe më pas do të jeni të plogësht.

Bananet ju ngopin shpejt dhe mund të ndiheni të përgjumur ose të lodhur.

Për shkak të aciditetit ju mund të keni probleme me zorrët.

Ekspertët britanikë shprehen se mirësia e bananes duhet shfrytëzuar pasi keni ngrënë mëngjes.

Për më tepër, përmbajtja e lartë e magnezit mund të prishë ekuilibrat mes kalçiumit dhe mangeznit në gjak duke shkaktuar një efekt të kundërt në sistemin kardiovaskular.

Shumë profesionistë të tjerë janë të mendimit se frutat në përgjithësi nuk duhen konsumuar me stomak bosh.

Një mënyrë e thjeshtë për t’i ngrënë ato është duke i kombinuar me ushqime të tjera.

Këshillat më të mira për konsumimin e bananes

Bananen mund ta hani në mëngjes vetëm duke e kombinuar me ushqime të tjera, duke shmangur kështu probleme shëndetsore të panevojshme.

Ju mund të hani tërshërë me qumësht me banane, ose të kombinoni fruta pylli, banane, drithëra dhe kos.

Kolla kronike dhe bronshiti janë probleme shëndetsore stërmunduese për organizmin.

Në shumicën e rasteve, këto probleme kërkojnë trajtim të imtësishëm mjekësor.

Përveç tyre, përdoren edhe kura natyrale për të çliruar rrugët e frymëmarrjes.

Kjo kurë e re natyrale  përmban përbërës të fuqishëm , të cilët gjendet lehtësisht në çdo kuzhinë shqiptare.

Banania dhe mjalti njihen për aftësitë e tyre në qetësimin e fytit dhe mushkërive, por edhe në kurimin e kollës dhe bronshitit.

Kura me Banane dhe Mjaltë

Kura me banane dhe mjaltë, pranohet të ketë efekt të menjëhershëm jo vetëm kundër fytit të thatë apo kollës por edhe për problemet me stomakun.

Si ta përgatisni kurën me banane dhe mjaltë.

Përbërësit:

400 ml ujë të zier

2 banane të pjekura mirë (mundësisht me lëkurë të pikëzuar)

2 lugë gjelle me mjaltë

Përgatitja:

Qërojini bananet dhe shtypini me një lugë druri deri sa të bëhen pelte.

Mos përdorni enë metalike sepse banania ka tendencën të nxihet nëse bie në kontakt me metalin.

Vendoseni purenë e bananes në një enë dhe shtoni ujin e zier, të ngrohtë.

Lërini të qëndrojnë së bashku për tridhjetë minuta.

Kur lëngu të jetë ftohur, shtoni mjaltin.

Nëse ju pëlqejnë lëngjet transparente mund ta kulloni. Por mund ta përzieni e ta pini edhe të plotë.

Është e rëndësishme që mjalti të jetë përbërësi i fundit që shtohet në kurë që mos të humbë vlerat e tij si pasojë e nxehtësisë së ujit.

Si ta konsumoni

Pini 100 ml të kësaj kure, 4 herë në ditë.

Kjo sasi është e mjaftueshme për një ditë, ndaj të nesërmen ju mund të përgatisni një dozë të re.

Rezultatet e para priten pas katër-pesë ditësh.

Konsumi i bananes gjatë të ftohurës dhe sëmundjeve respiratore është i rekomandueshëm.

Kjo vjen për shkak të profilit të pasur ushqimor të bananes që jep energji por edhe ofron proteina, vitamina, minerale, fibër dietike.

Një prej mineraleve më të fuqishëm  është magnezi që balancon elektrolitet.

Ndonëse bananet nuk përmbajnë vitaminë C, kompensimi vjen nga përdorimi i mjaltit që përpos saj, ofron edhe shumë antioksidantë që luftojnë inflamacionin.

Kjo stinë gripale është një nga më të këqijat që ka parë vendi dhe mesa duket nuk ka të sosur.

Gripi mund të tingëllojë një sëmundje e rëndomtë, por në disa raste është kërcënim për jetën.

Kujdes rëndësinë e të ushqyerit me vitamina dhe minerale.

Ushqyerja e shëndetshme me hekur, zink, selenium, flavonoidë është thelbësore për sistemin imunitar.

Më poshtë do të mësoni për 4 ushqimet që ju duhen patjetër për të pasur një mburojë të fortë kundër gripit.

Çajrat bimorë

Janë të pasur me antioksidantë që forcojnë sistemin imunitar.

Studimet kanë zbuluar se përbërësit e çajrave bimorë janë të fortë kundër baktereve, viruseve dhe mykut që sulmon organizmin.

Zgjidhni çajin e malit, çajrat me bimë medicinale si sherebelë, rigon, rozmarinë e të tjerë, ose edhe çajin e zi.

Erëzat

Erëzat dhe barishtet janë ndër burimet më të përqendruara të antioksidantëve në krahasim me ushqimet e tjera.

Ato luftojnë inflamacionin dhe forcojnë imunitetin.

Përfshini sa më shumë erëza të freskëta ose të thata në pijet dhe gatimet tuaja të preferuara.

Boronicat

Studimet kanë treguar se boronicat kanë nivelet më të larta të antioksidantëve në krahasim me të gjithë frutat e tjerë.

Këto kokrra të vogla përmbajnë kuercetinë një substancë që ju mbron edhe nga sëmundjet e zemrës.

Kjo substancë zbut simptomat e alergjisë, bllokimit të hundëve e të tjerë.

Konsumojini boronicat të freskëta ose edhe të ngrira me kos ose shijojini veçmas.

Kosi

Kosi përmban baktere të mira që e furnizojnë sistemin imunitar me përbërësit e nevojshëm për të luftuar gripin.

Një racion me kos ofron 20 përqind të dozës së rekomanduar ditore të zinkut, për të cilin trupi ka nevojë kaq shumë.

Konsumojeni kosin në mëngjes që të merrni fuqi.

Së bashku me ushqyerjen e duhur, AgroWeb.org ju rekomandon të flini mirë dhe mjaftueshëm.

Gjatë gjumit, sistemi imunitar dhe organizmi rikuperohen dhe marrin fuqi.

Ekspertët rekomandojnë që të flini të paktën 7 orë, por idealja do të ishte 8 ose 9 orë në ditë./