Kulinari

Edhe pse mundoheni ta fshihni duke veshur bluzo të gjera apo duke përdorur korse, ju e dini që ai është aty dhe mjafton një fustan i ngjitur pas trupit për ta vënë në dukje. Është armiku i dytë i femrave pas celulitit dhe si çdo armik duhet luftuar.

Po flasim për dhjamin e tepërt rreth barkut, që edhe pse nuk na pëlqen ta pranojmë është një problem që prek të paktën një herë jetë thuajse 70% të femrave në mbarë botën. Mungesa e aktivitetit fizik, ushqimi i përpunuar dhe aspak i shëndetshëm dhe abuzimi me alkoolin janë disa prej shkaktarëve që çojnë në shfaqjen e tij.

Por nëse keni menduar se ky problem është vetëm estetik gaboheni rëndë, pasi dhjami i tepërt rreth barkut krijon terren për shumë problematika shëndetësore si: sëmundjet kardiake, hiperstensioni dhe kolesteroli i lartë në gjak. Living ju propozon një recetë shumë interesante, një lëng magjik që shkrin dhjamin e tepërt rreth barkut dhe çhelmon trupin tuaj.
Përbërësit: 2 kastravecë të vegjël, 1 tufë majdanoz, 2 kokrra limon, 1 gotë ujë i vakët, 200 gr spinaq dhe një lugë çaji xhinxher pluhur.

Përgatitja: Lani fillimisht të gjithë përbërësit dhe lërini të kullojnë. Merrni kastravecat dhe pritini sipas dëshirës, më pas kalojini në frulator duke shtuar përbërësit e tjerë limonin (me gjithë lëkurë), spinaqin dhe majdanozin. Pasi të shhni se të gjithë përbërësit janë shpërbëre, kontrolloni në qoftë se masa është e trashë e viskoze dhe shtoni gradualisht pak ujë dhe në fund xhinxherin.

Kjo pije këshillohet të pihet në mëngjes esëll dhe para se të flini gjumë për një muaj rresht. Ajo jo vetëm do të shkijë dhjamin e tepërt rreth barkut, por do i sjellë trupit tuaj shumë përfitime pozitive :
– Nxit rritjen e metabolizmit.
– Çhelmon organizmin dhe heq toksinat rreth zonës së barkut
– Pastron veshkat dhe detoksifikon mëlçinë
– Lehtëson procesin e trejtjes dhe si rrjedhojë vret bakteret

Dëshira e pajustifikuar për një ushqim të caktuar, nuk ka të bëjë me urinë.  Kjo dëshirë nxitet nga arsye biologjike dhe psikologjike.

Zakonisht, ne kemi neps për ëmbëlsira, karbohidrate, çokollatë, kripë, patatina, djathë, mish e shumë të tjera.

Në dukje i padëmshëm, nepsi është një tregues i rëndësishëm i shëndetit dhe gjendjes së organizmit.

Nëse kërkoni në internet për domethënien e dëshirës për një ushqim të caktuar, do të përballeni me dilemën nëse informacioni që zbuluat është i vërtetë apo i rremë.

Në këtë artikull do të kuptoni njëherë e mirë se çfarë do të thotë nepsi për shëndetin tuaj.

Mishi i kuq

Nëse keni neps për mishin e kuq, atëherë duhet të dini që trupi juaj ka nevojë për zink dhe hekur.

Këto minerale luajnë një rol të rëndësishëm në sistemin imunitar, dhe mungesa e tyre do ju bëjë më të brishtë ndaj të ftohtit dhe gripit.

Mineralet janë të dobishme për qelizat, shëndetin e lëkurës, flokëve dhe thonjve.

Një arsye e mirë kjo për të ngrënë mish herë pas here.

Patatinat

Ekspertët thonë se nepsi për gjëra të kripura ndodh nëse keni pamjaftueshmëri mineralesh siç janë kalcium, magnez dhe zink.

Në të njejtën kohë, dëshira e pajustifikuar për patatinat ose patatet e skuqura nënkupton se e keni tepruar me kripën.

Sipas ekspertëve, duhet të pakësoni sasinë e sodiumit që konsumoni që të shuani nepsin masiv.

Djathi

Dëshira për djathë do të thotë që nuk konsumoni mjaftueshëm acidet yndyrore omega-3.

Salmonin, farat e linit dhe arrat si burime fantastike të këtyre acideve yndyrore.

Dëshira për djathtë gjithashtu nënkupton nivele të ulëta të kalciumit, që mirëmban kockat dhe dhëmbët dhe luan një rol jetësor në funksionet e nervave dhe muskujve.

Ëmbëlsirat

Nëse e keni tepruar me karbohidratet e thjeshta siç janë makaronat apo buka, atëherë do të keni më shumë dëshirë për ëmbëlsira dhe shumë syresh.

Karbohidratet e thjeshta rrisin nivelin e sheqerit në gjak, që çon në çlirimin e insulinës dhe më pas një shpërthim sheqeri në gjak.

Kur kjo ndodh, nepsi del në pah dhe ju keni nevojë për më shumë sheqer.

Ky i fundit konsiderohet si më i rrezikshëm se cigarja.

Makaronat

Makaronat janë njësoj si sheqeri.

Nëse konsumoni më shumë karbohidrate dhe më pak proteinë dhe yndyrna, nivelet e sheqerit në gjak do të pësojnë luhatje të ndjeshme dhe do t’ju bëjnë të keni dëshirë për më shumë karbohidrate.

Rrjedhimisht, duhet të konsumoni më shumë perime, proteina, yndyrna dhe më pak spageti.

Shprehja e famshme e Hipokratit: “Lëreni ushqimin të jetë ilaçi juaj ” vë në pah shumë mirë rëndësinë e ushqyerjes së shëndetshme kundër sëmundjeve të ndryshme.

Sekreti te Ushqimet e Shëndetshme

Sipas ekspertëve, shumë probleme shëndetësore të përditshmërisë sonë mund të kurohen duke ngrënë shëndetshëm.

Kurat më të mira kundër problemeve të thjeshta shëndetësore siç janë dhimbjet e kokës, gurët në veshka e të tjerë gjenden në frigorifer.

Shpargu Kundër Dhimbjeve të Kokës 

Shpargu këshillohet kundër dhimbjeve të kokës veçanërisht nga alkoli.

Gjethet dhe kërcenjtë e shpargut përmbajnë enzima që shpërbëjnë çdo grimçë të alkolit dhe si rrjedhojë shmangin shpërthimin e simptomave si dhimbjet e kokës, të përzierat apo marramendja.

Ekspertët rekomandojnë se përpara se të dilni në mbrëmje, hani shparg dhe stomaku juaj do të jetë i mbrojtur.

Rrjedhimisht, përthithja e alkolit në gjak do të ngadalësohet ndjeshëm.

Gurët e Veshkave Kurohen me Limonatë

Gurët në veshka janë një sëmundje më e përhapur se sëmundjet e zemrës, ishemisë apo diabetit.

Numri i njerëzve që vuajnë nga gurët në veshka në botë është dyfishuar në 13 vitet e fundit.

Limonata ose lëngu i limonit përmban nivelin më të lartë të citratit që ndihmon në shpërbërjen e depozitave të kalçiumit që transformohen në gurë në veshka.

Bëni sa më shumë limonata me lëng të pastër limoni, ose keni më shumë guxim hani më shumë limonë pa rrudhur buzët.

Probiotikët te Kosi

Kosi është i pasur me probiotikë, ndaj duhet ta konsumoni çdo ditë.

Këto baktere të mira forcojnë sistemin imunitar dhe zbusin me 42 përqind rrezikun e të ftohurës ose infeksioneve në pjesën e sipërme të sistemit respirator.

Hiqni dorë nga sheqeri i tepërt, antibiotikët dhe përpiquni të mos stresoheni.

Të treja janë armike të baktereve të mira dhe ju bëjnë një shënjestër të lehtë të sëmundjeve të nxitura nga moti.

Munde Depresionin me Kafe

Një studim i Harvardit thotë se gratë që pijnë kafe në ditë janë 20 % më pak të rrezikuara të preken nga depresioni.

Kafeina e mbron trurin nga neurotoksinat që shkaktojnë depresion.

Freskohu Duke Ngrënë Shegë

Shegët janë të pasura me acid elagjik që ju ndihmon të mbroni lëkurën nga dëmet e shkaktuara prej rrezeve ultravjollcë.

Përpiquni të hani shegë të plota dhe mos mbani shpresat tek pijet me bazë shege ose suplementët.

Fasule dhe Mish Kundër Simptomave të Ciklit

Të dyja janë të pasura me thiaminë dhe riboflavinë, dy vitamina të kompleksit B që parandalojnë simptomat e ciklit menstrual.

Të dyja këto ushqime janë një ndër burimet më të mira të këtyre vitaminave.

Konsumi i rregullt i mishit dhe fasuleve do të plotësojë nevojat për vitamina dhe do të zbusë dhimbjet.

Ushqimet Organike Shërojnë Gjithçka

Diabeti, sëmundja e Parkinsonit, mbipesha e të tjerë shkaktohen nga pesticidet sintetike që përdoren në ushqimet jo organike.

Pesticidet shkaktojnë probleme edhe tek fëmijët.Duhet të konsumoni sa më shumë ushqime organike.

Përdorimi i çajit të gjetheve të ullirit e ka origjinën e përdorimit tek Hipokrati, babai i mjekësisë.

Studimet bashkëkohore vërtetojnë se gjethet e ullinjve janë plot përbërës kundër viruseve dhe mikro-organizmave të dëmshëm.

Ato arrijnë të ndikojnë në organizëm më fuqishëm se shumë prej antibiotikëve të farmacive.

Çaji i përftuar nga zierja e gjetheve të gjelbra të ullirit ofron veti dhe efekte mirëbërëse në organizëm.

Caji ndihmon për të parandaluar një sërë shqetësimesh dhe sëmundjesh të ndryshme.

Këtu mund të përmendim disa tipe gripi, infeksione virale të mushkërive, por edhe goditje më të rënda shëndetësore.

Të tilla mund të përmendim sëmundje si tuberkulozi, meningjiti, hepatiti B, dhe bronkopneumonitë serioze.

Çaji i gjetheve të ullirit arrin të bëjë mrekulli edhe ndaj infeksioneve.

Këtu vlen të përmendim vlerat e forta kundër infeksioneve në traktin urinar, por edhe te infeksionet post-kirurgjikale.

Përbërësit aktivë dhe esencialë të gjetheve të ullinjve fuqizojnë sistemin e imunitetit, rrisin energjinë dhe luftojnë mikrobet e parazitët.

Një efekt surprizë i këtij çaji , është aftësia për të normalizuar tensionin e lartë të gjakut.

Madje arrin edhe të ekuilibrojë nivelin e sheqerit në gjak, ndaj këshillohet fort për diabetikët.

Gjethet e ullirit përmbajnë një antioksidues shumë të fuqishëm që quhet taninë dhe që i jep gjetheve një shije të hidhur.

Gjethet kanë veti rrudhëse, tonike dhe kundër temperaturës së lartë.

Çaji i gjetheve të ullirit përdoret me rezultate shumë të mira kundër arteriosklerozës dhe rasteve kur shfaqen sëmundje të shoqëruara me temperaturë të lartë.

Falë vetive diuretike që përmbajnë këto gjethe, çaji i tyre është një nga mjekimet më funksionale të mjekësisë popullore.

Si ta përgatisni Çajin e Gjetheve të Ullirit

Për të përgatitur çajin nga gjethet e ullirit,  duhet të përdorni gjethe të thata, ose të njoma në kushtet e shtëpisë.

Merrni një enë metalike, të cilën duhet ta mbushni me 300 ml ujë dhe ta vini të vlojë.

Kur arrihet pika e vlimit, hidhni një sasi prej rreth 20 deri 25 gjethe të thara të ullirit.

Uji së bashku me gjethet duhet të vlojë sërish për 4-5 minuta dhe më pas hiqeni nga zjarri dhe lëreni të ftohet.

Këshillohet që çajin ta pini të ngrohtë pasi të shtoni lëng limoni dhe të tresni pak mjaltë.

Çaji i gjetheve të ullirit ofron një shije mrekullisht të kënaqshme dhe të ëmbël, e cila e bën një zgjidhje që nuk duhet ta ndani nga vetja në çdo stinë.

Tri gota në ditë janë një sasi e këshilluar nga specialistët