Kulinari

Pasta Flora është një ndër ëmbëlsirat më të preferuara të shqiptarëve.

E thjeshtë për t’u përgatitur, fantastike për t’u shijuar me një filxhan kafeje apo çaji në çdo kohë të ditës.

Është ëmbëlsira ideale për të pritur miqtë dhe për të ëmbëlsuar më të dashurit në familje.

Kjo ëmbëlsirë është shndërruar tashmë në një traditë të kuzhinës shqiptare.

Pasta Flora në fakt është një tartë e përbërë nga një petë brumi e shkrifët e mbushur me reçelra të ndryshëm.

Shija e kësaj ëmbëlsire është si ajo e një biskote të shkrifët të kombinuar me reçel.

Përgatitja e kësaj ëmbëlsire do të shtonte edhe më shumë atmosferën duke e shijuar në familje apo mes miqsh.

Më poshtë receta tipike të përgatitjes së pastës Flora në shtëpi.
Përgatitja e Pastës Flora në Shtëpi
Përbërësit
2 gota ujë me miell

5 lugë gjelle sheqer

2 filxhanë kafeje margarinë

1 kokërr vezë

Gjysmë luge kafeje me sodë

5 lugë gjelle me kos

Një tas mesatar me reçel (lloji i reçelit zgjidhet sipas preferencës)
Përgatitja
Në një tas të madh rrahim si fillim vezën, më pas shtojmë sheqerin dhe sodën, i përzjejmë dhe shtojmë kosin.

Vijojmë përzjerjen derisa masa është bërë homogjene.

Në vijim, masën e përgatitur e shtojmë nga pak tek mielli që kemi vendosur në një tas dhe përgatisim brumin me dorë.

Pasi brumi është shndërruar në një masë të njëtrajtshme e hapim në tavolinën e punës në formën e një pete të trashë, e cila nuk duhet të jetë më e trashë se një centimetër.

Para se të hapim petën kujdesemi që mënjanë të lëmë një masë brumi më vete, të cilën do ta përdorim për shiritat që do vendosim mbi tartë.

Petën e përgatitur e vendosim në një tavë. Sipër saj shtrojmë masën e reçelit. Në fund marrim brumin që kemi lënë mënjanë, e ndajmë në shirita të hollë dhe e vendosim në formën e rombave (si në foto) mbi reçelin që kemi shtruar.

Shiritat nëse dëshironi mund t’i lyeni me vezë me ndihmën e një furçe kuzhine.

Piqet në furrë, derisa shiritat e sipërm të marrin ngjyrë të artë në të kuqërremtë përreth 40 minuta.

Pritet në pjesë dhe serviret kur është e ftohtë

Një vizitë në Prizren, Pejë apo Prishtinë nuk mund të imagjinohet pa shijen e mrekullueshme të pleskavicës.

Një lloj qofteje e madhe hamburgeri e pjekur në skarë që shoqërohet  me pite, djathë, salca picante, patate të skuqura, spec djegës, sallatë dhe kastraveca turshi.

Ky lloj hamburgeri i përhapur gjërësisht në mbarë Ballkanin konsiderohet një konkurent superior dhe më i shëndetshëm se çdo lloj panine tjetër e mbushur që serviret në rrjetet e famshme të vendeve perëndimore.

Pleskavica është një qofte e madhe me mish viçi e shtypur me dorë dhe e pjekur në skarë.

Atë mund ta gjeni në çdo restorant apo shtëpi të Kosovës.

E mira e këtij ushqimi është se nuk gjen dy pleskavica të njëjta.

Secila prej tyre është e ndryshme dhe e përshtatshme me dëshirën dhe preferencën e atij që e gatuan, ajo mund të jetë e mbushur me djathë kaçkavall ose pa asgjë.

Ndonjëherë, pleskavica përmban edhe kërpudha.

Ajo konsiderohet  një ushqim i shpejtë, por mund të serviret edhe në restorantet më ekskluzive.

Së fundmi, Pleskavica ka fituar shumë popullaritet edhe në vendet e Evropës dhe serviret në disa restorante në Gjermani, Angli dhe Zvicër.
Receta e Pleskavicës
Përbërësit:
500 gramë mish të grirë viçi ose lope

1 qepë e grirë hollë

2 thelpinj hudhër

1 lugë çaji me piper të kuq pluhur

Kripë dhe piper të zi

Pite rrumbullake për servirje

Vaj, nëse do ta gatuani në tigan dhe jo në skarë
Përgatitja
Merrni një enë të thellë dhe përzieni mishin e grirë, qepët, hudhrën, piperin e kuq, të zi dhe kripën.

Përzierjen duhet ta bëni me dorë në mënyrë që ajo të jetë sa më e plotë dhe e njëtrajtshme.

Enën mbulojeni me letër kuzhine dhe mbajeni në frigorifer për disa orë.

Kur të jeni gati për ta gatuar, atëherë mbushni një enë tjetër me ujë që të mbani duart e lagura sa herë që t’i jepni formë mishit.

Duart e lagura parandalojnë edhe ngjitjen e mishit nëpër duar.

Merrni mish në pëllëmbë të dorës dhe jepini formën rrumbullake e të sheshtë.

Trashësia e qoftes duhet të jetë maksimumi 0.5 cm.

Vendosini qoftet e mëdha në një tepsi, mbulojini me një letër transparente dhe vendosini në frigorifer për një orë.

Nëse do të përdorni skarën apo tiganin, pleskavicat kërkojnë një gatim të shkurtër me nga 5 minuta për secilën anë.

Temperatura nuk duhet të jetë shumë e lartë që mishi të mos digjet dhe në brendësi të jetë i pagatuar.

Pasi qoftet të jenë pjekur, hapini pitet në dysh me një thikë dhe mbushini me turshi, qepë, speca dhe qoften e gatuar.

Sipas preferencës mund të shtoni edhe djathë, e patate të skuqura.

Ne e kemi harruar faktin që si njerëz që jemi nuk jemi krijuar për të pirë asnjë qumësht tjetër përveç qumështit të mamasë kur jemi foshnje.

Mund të tingëllojë shokuese por pirja e qumështit nuk është aq e shendetshme për ne. Jemi mësuar të përdorim shumë produkte të bulmetit dhe e kemi të vështirë të mos i përdorim ato. Në këë artikull do t’ju tregojmë anët e këqija të konsumimit të qumështit:

Gota juaj e qumështit përmban proteina shtazore, dhe krijon një mosbalancë në trupin tuaj. Njerëzit janë special e vetme që varen nga speciet tjera për qumësht. Qumështi shkakton humbjen e kalciumit nga kockat tuaja. E çuditshme por e vërtetë!

Qumështi gjithashtu rrit rrezikun e sëmundjeve të tjera si :

Koloesteroli i lartë

Intolerancë nga laktoza.

Kompostoja e panxharit është një recetë tradicionale ruse qe përmban komponente që aktivizojnë mëlçinë, veshkat dhe zorrët.

Është bërë nga fermentimi i panxharit.

Rezultatet e disa hulumtimeve mjekësore tregojnë se konsumimi i saj pengon zhvillimin e tumoreve malinje, dhe mëlçisë ,pastron trupin nga toksinat dhe “mbeturinat” e tjera, heq kapsllëkun dhe probleme të tjera me zorrët.

Mjekësia tradicionale ruse beson se kompostoja e panxharit është mjeti më i mirë jo mjekësor për hipertensionin, sepse normalizon presionin e gjakut (e zvogëlon) për një periudhë më të gjatë kohore dhe është e dobishme për ateriosklerozën.

Receta e kompostos se panxharit:
Përbërësit:
Kavanoz qelqi 3 l (nese e keni prej balte akoma me mire).700 g panxhar i papjekur dhe i qeruar.2 lugë miell200 g sheqer (mjaltë ose një ëmbëlsues sipas deshires)100 gr rrush të thatë
Përgatitja:

Merrni një panxhar të freskët të larë, qerojeni dhe priteni në kuba ose feta të holla dhe vendoseni në një kavanoz të pastër

Shtoni rrush të thatë, 2 lugë miell dhe 200 g sheqer

Mbushni kavanozin me ujë të ftohtë të zier dhe përziejeni.

Kavanozit vendosini nje mbulesë plastike ose akoma me mire nje garzë të dyfishtë dhe lereni në një vend të ngrohtë në 6-7 ditë për tufermentuar

Përziejeni përmbajtjen e kavanozit dy herë në ditë dhe, nëse është e nevojshme, hiqni shkumën

Pas shtatë ditësh shkundni përzierjen mirë dhe pastaj kullojeni.

Keshtu do te perfitoni komposten e panxharit.
Konsumi:

Pini 3-4 lugë tri herë në ditë para ngrënies.Merrni një pushim prej tre muajsh dhe përsëritni trajtimin deri ne 3 here.Pas një viti, mëlçia juaj do të jetë plotësisht e pastër!

Mbajeni ne frigorifer.
Trupi pastrohet, prandaj mund të jenë të pranishme efekte të lehta anësore.
Një metodë:Kjo metodë është aplikuar nga mjekët në disa spitale në Kiev dhe Lugansk, sepse ajo ka treguar rezultate të shkëlqyeshme jo vetëm për pastrimin e mëlçisë, por edhe për tërë organizmin. Dhe si një ilaç i shkëlqyer për hipertensionin dhe ateriosklerozen.Pas shisheve të para të konsumuara të kompostos, presioni i gjakut do të stabilizohet.

Kundërindikacionet:

Kjo nuk rekomandohet për ata me veshka të sëmura, probleme me traktin gastrointestinal në fazën akute dhe përdhesit. Në këtë rast konsultohuni me një mjek. Duhet të jeni të kujdesshëm nëse keni presion të ulët të gjakut.

Një recetë fantastike, tradicionale e përgatitur me dashurinë dhe ëmbëlsinë e nënave dhe gjysheve shqiptare janë padyshim bonbonet e dikurshme.
Një herë e një kohë, dëshira për ëmbëlsira shuhej kryesisht nëpërmjet bonboneve.

‘Copëza të vogla parajse’, kështu i përshkruajnë bonbonet e famshme tradicionale brezat e lindur gjatë  periudhës së diktaturës komuniste.

Mund të kenë qenë të tilla, sidomos asokohe kur buka me sheqer dhe ujë apo vaj ulliri me kripë sillte një lumturi të pashoqe.

Ndonëse nuk bëhen me çokollatë të mirëfilltë nga ato të tregut, gatimi i këtyre bonboneve është një traditë e veçantë e një shtëpie të lumtur.

Bonbonet bëhen me qumësht , ndaj mund ta imagjinoni kënaqësinë e fëmijëve të atij brezi që nuk kishin asnjëherë të ngopur me to.

Këto ëmbëlsira shqiptare janë modeste në krahasim me atë që ofron tregu. Por në aspekt shijesh, përbërësish dhe pastërtie nga kimikatet nuk kanë të krahasuar.

AgroWeb.org ju sjell një recetë tradicionale të bonboneve shqiptare që do ju kënaqin shijen, nepsin dhe do t’ju ndihmojnë të kuptoni se ndonjëherë lumturia gjendet edhe në gjërat më të vogla, edhe në një bonbone.

Bonbonet mund të shoqërohen mjaft mirë me kafe apo çaj teksa mund të serviren gjithashtu për qërasje ndaj miqve dhe të ftuarve.
Receta e Bonboneve
Përbërësit:
2 gota qumësht
2 gota sheqer
20 gr gjalpë
1 lugë çaji me kafe ose kakao (sipas preferencës mund të mos i përdorni në mënyrë që bonbonet të jenë bardha)
Përgatitja:
Hedhim qumështin një një tenxhere të vogël, sheqerin dhe më pas shtojmë gjalpin.

I trazojmë duke i lënë fillimisht në nxehtësi të lartë.

Më pas shtojmë edhe kafenë apo  kakon, kjo sipas preferencës nëse dëshirojmë që bonbonet të marrin pak ngjyrë.

I lëmë të ziejnë derisa përbërja të marrë trajtën e një mase të trashë.

E ulim pak nxehtësinë, por jo deri në fund në mënyrë që masa e përgatitur mos të ngrijë.

Me anë të një luge hedhim pak nga brumi tek shtrydhësja e limonit për t’u dhënë formë një e nga një.