Kulinari

Vezët e ziera , vlerat dhe cfarë i ndodh organizmit

Leave a Comment / Kulinari, Shendetesi / /

Veza është padyshim përbërësi kryesor i një mëngjes të shëndetshëm.

Një nga mënyrat më të zakonshme të konsumimit të vezës është sigurisht përgatitja e saj në formën e zier.

Por cilat janë vlerat e vezës së zier dhe çfarë i ndodh organizmit kur ajo konsumohet e zier.

AgroWeb.org ju njeh më poshtë me përfitimet shëndetësore të vezës së zier dhe ndikimin e saj në organizëm.

Veza përmban 210 miligramë kolesterol. Zierja konsiderohet mënyra më e sigurt për gatim sepse yndyrnat që përdorni në skuqje rrisin kolesterolin në organizëm.

Ekspertët thonë se vezët janë të mira për shëndetin dhe një i rritur mund të hajë një vezë në ditë pa u shqetësuar shumë për kolesterolin.

Sipas të dhënave të AgroWeb.org, ngrënia e vezës në mëngjes si pjesë e një regjimi të kujdesshëm shëndetësor mund t’ju ndihmojë të humbisni në peshë.
Yndyrnat e mira
Vezët e ziera nxisin krijimin e yndyrnave të mira të cilat ndihmojnë në ruajtjen e nivelit të kolesterolit në gjak ndërsa ulin rrezikun e problemeve dhe sëmundjeve në zemër.

Këto yndyrna të shëndetshme për shëndetin e zemrën ndikojnë gjithashtu në rregullimin e nivelit të insulinës në gjak, e për rrjedhojë nivelin e sheqerit në gjak.
Proteinat
Vezët e ziera natyralisht përmbajnë një nivel të lartë proteinash.

Organizmi ka nevojë për proteina për forcimin e muskujve. Por mbi të gjitha proteinat ndihmojnë gjithë organet e trupit dhe mundësojnë një strukturë të posaçme mbrojtëse në muret e qelizave.
Shëndeti i syve
Një nga vitaminat më të rëndësishme tek veza është vitamina A.

Kjo vitaminë është thelbësore në ndihmën që i ofron retinës së syve për thithjen e dritës, mbron membranat dhe ul riskun e prekjes nga dobësimi i shikimit apo verbëria.
Kocka Të Forta
Vezët e ziera janë të pasura me vitaminën D, vitaminë e cila është e rëndësishme për kocka dhe dhëmbë të fortë gjithashtu.

Vitamina D u mundëson kockave përthithjen e kalçiumit dhe rregullon nivelin e kalçiumit në gjak.

Ky proces garanton që skeleti i trupit të marrë sasinë e duhur të kalçiumit për të qenë i fortë.
Këshilla për Vezët e Ziera
Vezën e zier mund ta kombinonin në sallatat me spinaq, patate, pulë apo peshk si një element i domosdoshëm i ushqyerjes së shëndetshme/AgroWeb.org

Vezët e ziera , vlerat dhe cfarë i ndodh organizmit Read More »

Manaferra dhe Boronica – Mike apo Rivale ?

Leave a Comment / Kulinari, Kuriozitete, Shendetesi / /

Manaferra dhe Boronica janë padyshim në listën e frutave më superiorë dhe më ushqyes në historinë e njerëzimit
Këto dy fruta të jashtëzakonshme kanë nivele tepër të larta ushqyesish dhe janë një burim i shkëlqyer i vitaminave dhe hekurit.

Sidoqoftë, popullariteti i lartë i këtyre kokrrave të vogla vjen nga pasuria e antioksidantëve që ato kanë.

Nuk ka njeri që nuk ka dëgjuar për antioksidantët sot, të shpjeguar qartë në çdo artikull të AgroWeb.org.

Por për ju që ju ka shpëtuar si term, duhet të dini që antioksidantët janë molekula tepër të rëndësishme të cilat luftojnë radikalet e lira në organizmin tonë.

Këto radikale përshpejtojnë plakjen dhe trondisin sistemin tonë imunitar.

Vlerat shëndetësore të antioksidantëve janë ndër më të lakmuarat.

Për vite me rradhë, shkencëtarët kanë kërkuar për burimet më të pasura të antioksidantëve dhe si manaferra ashtu edhe boronica janë ndër më të pasurit me antioksidantë.

Edhe fruta të tjera përmbajnë antioksidantë, por manaferrat dhe boronicat janë të përkëdhelurat e natyrës sepse ushqyesit që ato ofrojnë përthithen shumë lehtë nga organizmi.


Shqipëria është e bekuar.
Në këtë tokë pjellore rriten shumë manaferrat, shkurret e së cilës i gjejmë në variantet me ose pa gjemba.

Gjëja më fantastike për manaferrat ështëeuml; se gjithësecili prej nesh mund ta rrisë vetë.

Kjo bimë është simbol i tolerancës sepse duron kushte të ndryshme të motit dhe tokës.

Boronica nga ana tjetër ka disa kushte specifike për t’u rritur e bukur, e fortë dhe e pasur me vlera.

Ajo rritet kryesisht në zonat malore të Shqipërisë së veriut ku toka ka nivel të lartë aciditeti.

Boronica është një frut sferik që kur piqet përfton ngjyrë blu të thellë e të errët.

Manaferrat kur janë ende të papjekura janë në ngjyrë të kuqe, por kur piqen marrin një ngjyrë të bukur vjollcë dhe të zezë të thellë.

Manaferra ka një formë më gjatoshe dhe vjen në formën e një kurore të mirëfilltë.

Të dyja frutat e vogla kanë një jetëgjatësi të madhe nëse ruhen në ngrirje dhe mund të rezistojnë deri në dy vjet në kushtet e ngrirjes.

Të dy këto fruta të jashtëzakonshëm përdoren në kuzhinë në receta të ndryshme.

Ato i gjejmë në treg të gatshme për konsum, jo vetëm për ata që janë në kërkim të burimeve më të mira të antioksidantëve, por edhe për ata që vlerësojnë aromat.

Përveç vlerave shëndetësore, këto fruta të mrekullueshme të pyllit janë vërtet të shijshme./AgroWeb.org

Manaferra dhe Boronica – Mike apo Rivale ? Read More »

Receta e lehtë e verës , supë pule me vezë dhe limon

Leave a Comment / Kulinari / /

E shëndetshme, e lehtë dhe plot shije, receta e supës së prerë me vezë e limon vijon të jetë një ndër traditat më fantastike të kuzhinës shqiptare.

Kjo supë, krahas vlerave kurative që ka kundër virozave, është fantastike për të hapur oreksin e nepsin në vaktin e plotë të drekës por mund të konsumohet edhe gjatë vaktit të darkës.

Shoqërohet në mënyrë të shkëlqyer më sallatë të freskët jeshile, marinuar me limon e vaj ulliri.

Por edhe byrekë të ndryshëm, sidomos ata të përgatitur me gjizë apo me hithra e lakra të egra.

AgroWeb.org ju sugjeron më poshtë recetën e përgatitjes së kësaj supe fantastike tipike shqiptare krejt lehtë në shtëpi.
Përgatitja e Supës së Prerë me Vezë e Limon
Përbërësit
(Përbërësit më poshtë janë për 4-5 persona)

4-5 thela mish pule

1.5 litra ujë

4 lugë gjelle oriz

Një kokërr vezë

50 gr ose dy lugë gjelle gjalpë të freskët

Lëngu i një gjysme kokrre limoni

Majdanoz

Piper i zi
Përgatitja
Si fillim, AgroWeb.org ju udhëzon të kaurdisni me pak gjalpë ose vaj ulliri mishin e pulës dhe më pas ta zjeni derisa sa të zbutet mirë në 1.5 litra ujë me kripe , në mënyrë që lëngu të marrë të gjitha vlerat e duhura të mishit.

Mishin e pulës pasi është zjerë e nxjerrim dhe e lëmë mënjanë.

Në lëngun e mishit hedhim orizin e pastruar e të larë dhe e lëmë të zjejë në zjarr të ngadalshëm për 25-30 minuta.

Kur supa është gati e heqim nga zjarri, e lëmë të ftohet.  Në momentin që është ende e vakët, e presim vezë dhe limon.

Për këtë, AgroWeb.org ju këshillon që në një tas prej porcelani  të hidhni të verdhën e vezës ose një vezë të tërë, rriheni mirë dhe më pas shtoni lëngun e limonit.

Këtë masë e shtojmë pak nga pak, tek supa duke e trazuar njëkohësisht që në mënyrë që masa të bëhet e njëtrajtshme.

Në fund, supës i hidhet mishi i ndarë në fije-fije ose thela e plota dhe kur serviret spërkatet me pak gjalpë të freskët të skuqur, majdanoz të grirë shumë hollë si dhe piper i zi./AgroWeb.org

Receta e lehtë e verës , supë pule me vezë dhe limon Read More »

Perimet që largojnë fryrjen e stomakut

Leave a Comment / Kulinari, Shendetesi / /

Nëse ka këshillë që pranohet  nga të gjithë ekipet e ekspertëve është që njeriu duhet të hajë sa më shumë perime.

Zakonisht, ekspertët janë të ndarë për vlerat dhe kundërvlerat e yndyrnave apo karbohidrateve, por kur vjen puna tek perimet të gjithë bien dakord se ato janë një nga bazat e një regjimi të shëndetshëm ushqimor.

Perimet përmbajnë shumë fibër.

Gratë, sipas ekspertëve, duhet të konsumojnë të paktën 25 gramë fibër në ditë.

Një racion me brokoli ofron 4 gramë fibër.

Kjo tregon qartë sa shumë perime duhet të konsumojë njeriu në ditë për të plotësuar nevojën për fibër.

Nga ana tjetër, fibra ka edhe një efekt anësor që manifestohet më qartë tek disa njerëz.

Ngrënia e perimeve ka raste që shkakton fryrje në stomak.

Kjo shfaqet kryesisht në momentet kur njeriu kalon nga një regjim ushqimor të pasur me mish dhe yndyrna në një tjetër të pasur me perime.

Për të minimizuar problemet me stomakun, të dhënat të cilave u referohet  AgroWeb.org rekomandojnë përfshirjen graduale të perimeve në regjimin ushqimor.

Me kalimin e kohës, fibra nuk do të shkaktojë më fryrje.

Nëse ju keni një stomak të ndjeshëm, ekspertët rekomandojnë që perimet t’i hani të gatuara.

Një tjetër këshillë e ekspertëve është që të jeni të kujdesshëm në përzgjedhjen e perimeve.

Disa prej tyre kanë shije të shkëlqyer, janë të pasur në vlera dhe nuk shkaktojnë fryrje.

AgroWeb.org gjithsesi ju rekomandon të mos e teproni edhe me sasinë.
Perimet Që Nuk Shkaktojnë Fryrjen e Stomakut
Kastraveci
Kastraveci ofron shumë vitamina dhe antioksidantë.

Nga ana tjetër kastraveci nuk përmban shumë fibër, ndaj gjasat për fryrje në stomak janë minimale.

Për më tepër, kastraveci është hidratues për organizmin.
Shpargu
Shpargu përmban një amino acid që e ndihmon organizmin të largojë lëngjet e tepërta dhe fryrjen.

Megjithatë, me shpargun duhet të tregoni kujdes me sasinë.

Nëse e teproni, do të përballeni me fryrjen në stomak.

Avokado është i pasur me kalium dhe rekomandohet në rastet kur e keni tepruar me kripën dhe ndiheni të fryrë.

Avokado përmban yndyrna të shëndetshme.

Këto yndyrna e ndihmojnë trupin të përthithë ushqyes të tjerë.
Kungujt E Njomë
Shumë perime përmbajnë sheqerna dhe karbohidrate që shkaktojnë gazra dhe fryrje.

Kungujt e njomë kanë më pak nga këto përbërës, ndaj konsiderohen idealë, sipas të dhënave të AgroWeb.org.
Barishtet
Barishtet dhe spinaqi në veçanti përmbajnë shumë vitaminë B që largon ndjesinë e fryrjes.

Barishtet konsumohen të kavërdisura me vaj ulliri dhe limon ose në sallata.
Lakra Turshi
Lakra turshi është e shëndetshme për stomakun dhe përmban shumë probiotikë.

Sigurohuni që ta përgatisni vetë në shtëpi për një rezultat më të mirë dhe kujdes me sasinë.
Domatet
Domatet janë të pasura me antioksidantë dhe konsiderohen një perime që nuk shkakton fryrje.

Megjithatë, reagimi ndaj domates varet nga organizmi i njeriut dhe shëndeti i stomakut./AgroWeb.org

Perimet që largojnë fryrjen e stomakut Read More »

Na ishte dikur – Gurabia e famshme e kuqe nga kohët e kaluara

Leave a Comment / Kulinari / /

Gurabiet e dikurshme me sheqer të kuq, apo siç njihen për një pjesë të shqiptarëve “Gurabie 5 lekëshe” janë fantastike me një shije unike dhe tipike shqiptare.

Krahas shijes së tyre të ëmbël dhe të butë, për një brez të tërë shqiptarësh sidomos brezit para viteve ’90 këto gurabie sjellin një nostalgji të veçantë të kujtimeve të fëmijërisë, pasi ishin ndër të vetmet ëmbëlsira me të cilat jo vetëm të vegjëlit por edhe të rritur ëmbëlsoheshin.

Edhe sot, edhe pse pastiçeritë dhe dyqanet e ëmbëlsirave janë përplot të mbushura me ëmbëlsira të shumë llojshme, gurabiet me sheqer të kuq kanë padyshim vendin e tyre dhe mbeten ndër më të preferuarat e shqiptarëve, për shijen dhe kujtimet e dikurshme gjithashtu.

AgroWeb.org sjell më poshtë recetën e veçantë të përgatitjes së këtyre gurabieve krejt lehtë, si një mënyrë fantastike për të sjellë në shtëpi shijen dhe ëmbëlsinë e dikurshme të kujtimeve të fëmijërisë.
Përgatitja e Gurabieve të Kuqe
1 kg miell

500 gr sheqer

2 të verdha veze

2 gota e gjysmë ujë (375 ml)

100-150 ml vaj ulliri ose gjalpë tër tretur

1 lugë kafeje sodë buke
Përgatitja e Kremit të Kuq
Pak ngjyrues të kuq ëmbëlsirash (e gjeni në markete)

1 të bardhë veze

250 gr sheqer pluhur

Përgatitja
Në një tas të madh hedhim miellin dhe sodën e bukës. AgroWeb.org ju udhëzon t’i përzjeni mirë me njëra tjetrën dhe dhe më pas të hapni një gropë në mes ku do të hidhni sheqerin, vajin e ullirit ose gjalpin, të verdhat e vezës.

Përzjeini mirë të gjitha bashkë dhe më pas shtoni ujin.

Brumin punojeni me duar dhe shpejtë. Brumi do të jetë pak i lëngshëm.

E vendosim brumin në tavolinën e kuzhinës, hedhim pak miell dhe e hapim me kujdes përmes një petësi.

Petën e hapim me një trashësi rreth 1.5 cm.

Presim biskotat në forma rrumbullake përmes një thike ose nëse kemi forma ëmbëlsirash.

I nxjerrim nga forma dhe i vendosim në një tavë ku kemi shtruar letër pjekjeje.

Futini të piqen në furrë të parangrohur në 200 gradë përreth 20 minuta.
Përgatitja e kremit të kuq
Në një enë qelqi, AgroWeb.org ju udhëzon të rrihni të bardhën e vezës dhe më pas të shtoni sheqerin pluhur.

Trazojeni me kujdes derisa masa të bëhet e njëtratshme.

Në fund, shtoni nga pak ngjyruesin derisa të arrihet ngjyra tipike e kuqe.

Pasi biskotat të jenë ftohur, lyejini me kremin e përgatitur dhe lërini të ftohet derisa kremi me sheqerin e kuq të ngurtësohet dhe të ngrijë./AgroWeb.org

Na ishte dikur – Gurabia e famshme e kuqe nga kohët e kaluara Read More »

Roli i arrave për shëndetin e sistemit tretës dhe kundër qelizave tumorale

Leave a Comment / Kulinari, Shendetesi / /

Arrat ofrojnë një larmi përfitimesh shëndetësore për organizmin. Ato forcojnë zemrën dhe ulin rrezikun e shfaqjes së sëmundjeve tumorale.

Arrat janë një thesar i mirëfilltë antioksidantësh të cilët përmirësojnë funksionet e trurit dhe ulin kolesterolin.

Kërkimet më të fundit shkencore kanë hedhur dritë edhe mbi rolin e arrave në përmirësimin e florës bakteriale në stomak.

Një dokument i publikuar nga Universiteti i Illinois në SHBA nxjerr në pah mënyrat se si arrat ndikojnë në mirëqenien e florës bakteriale e cila përbëhet nga miliarda mikro organizma që gjenden kryesisht në stomak.

Arrat janë një burim i vyer i fibrës. Kjo e fundit ndihmon në krijimin e një flore të larmishme bakteriale që është më e fortë kundër sëmundjeve që i kanosen sistemit tretës.
Roli i Arrave Në Përmirësimin E Florës Bakteriale
Shkencëtarët e Universitetit të Illinois thanë se konsumi i rregullt i arrave, rrit nivelet e tre baktereve kryesore në stomak: Faecalibacterium, Roseburia, dhe Clostridium.

Këto tre baktere prodhojnë një nënprodukt metabolik që përmirëson shëndetin e zorrës së trashë.
Arrat Ulin Nivelin E Acideve Kancerogjene Biliare
Studiuesit thonë se njerëzit që konsumojnë arra kanë nivele më të ulëta të acideve dytësore biliare.

Zakonisht, acidet biliare ndihmojnë në përthithjen e lipideve, kolesterolit dhe disa vitaminave në sistemin tretës.

Por disa prej tyre janë toksike. Acidet biliare futen në dy kategori: primare dhe dytësore. Këto të fundit njihen për kontributin e tyre në shfaqjen e kancerit të zorrës së trashë.

Shëndeti i sistemit tretës është i lidhur ngushtë me shëndetin e të gjithë organizmit, veçanërisht zemrën dhe trurin.

Arrat janë përshkruar gjithmonë si një super ushqim për shkak të përmbajtjes së lartë të acideve yndyrore omega-3.

Këto acide yndyrore janë të dobishme jo vetëm për shëndetin e zemrës por edhe të trurit.

Përpos tyre, arrat përmbajnë edhe acid linolenik, fibër, dhe polifenolë.

Të gjithë këto përbërës, i bëjnë arrat të dobishme kundër inflamacionit, kancerit dhe sëmundjeve nervore./AgroWeb.org

Roli i arrave për shëndetin e sistemit tretës dhe kundër qelizave tumorale Read More »

Hallvë me miell misri dhe arra nga delikatesat e amvisave

Leave a Comment / Kulinari / /

Fantastike në shije, krejt e lehtë në përgatitje, hallva vijon të mbetet një nga ëmbëlsira klasike, tradicionale shqiptare.

E përgatitur në mënyra të ndryshme, me miell misri a gruri, me qumësht nëse dëshironi apo e pasuruar me arra e kanellë, kjo ëmbëlsirë pa dyshim është ndër më të preferuarat e shqiptarëve.

AgroWeb.org u sugjeron më poshtë dy receta tradicionale të përgatitjes së hallvës në shtëpi, asaj me miell misri, qumësht dhe arra si dhe hallvës me miell gruri dhe mjaltë.
Hallva me Miell Misri
Përbërësit
1 gotë miell misri

Gjysmë gote sheqer

700 ml ujë

Arra të thërrmuara

Gjalpë i freskët

Kanellë (sipas preferencës)
Përgatitja
Në rastin kur kjo ëmbëlsirë përgatitet me miell misri, sigurohemi që mielli që jetë i situr mirë.

Në një tenxhere, kaurdiset me mielli me gjalpë, sa të marrë një ngjyrë në kafe të çelët.

Hidhet sheqeri i bërë shurup, bashkë me arrat.

Masa përzihet fortë dhe shpejtë derisa të shkëputet nga anët e enës dhe ndahet lugë-lugë në format e topthave.

Për një shije më të plotë, mund të zëvendësoni ujin me qumësht.

Në këtë rast, sheqeri shtohet gjatë kohës që mielli i misrit kaurdiset me gjalpin dhe më pas hidhet qumështi i nxehtë bashke me arrat.
Hallva me Miell Gruri
Përbërësit
120 gr miell gruri

70 gr gjalpë

150 gr sheqer

250 ml ujë

arra të thërrmuara

kanellë

Dy lugë mjaltë
Përgatitja
Në një enë hedhim ujin të cilin e kemi vakur më parë bashkë me sheqerin.

E përzjejmë masën derisa sheqeri të shkrijë plotësisht.

Në një tenxhere, shkrijmë gjalpin me zjarr të ulët.

Pasi gjalpi të ketë shkrirë hedhim miellin, të cilin e përzjejmë pa u ndalur dhe shpejt në mënyrë të që shmangim formimin e kokërrizave.

Kur masa merr një ngjyrë në kafe të çelur shtojmë dy lugë mjaltë dhe më pas në mënyrë të ngadaltë shtojmë shurupin dhe arrat e thërrmuara.

Përgjatë gjithë kësaj kohe vijojmë përzjerjen derisa masa të përthithë të gjithë ujin.

Pasi ka përthithur ujin, hallva është gati.

E heqim nga zjarri dhe e lëmë me kapak të mbyllur për 15 minuta.

Më pas, mund të përdorim dy lugë në dhënien e formës karakteristike të hallvës, por edhe forma të tjera. Në sipërfaqe e spërkasim me kanellë dhe vendosim nga një thelpi arre sipër.

Kjo ëmbëlsirë fantastike mund të shërbehet në temperaturë ambjenti ose e ftohtë. Për një shije më të veçantë, uji mund të zëvendësohet me qumësht.

I gjithë procesi i përgatitjes së kësaj ëmbëlsire kërkon durim dhe përkushtim./AgroWeb.org

Hallvë me miell misri dhe arra nga delikatesat e amvisave Read More »

Hurmashica , e ëmbël, e shijshme plot sherbet

Leave a Comment / Kulinari / /

Është një ëmbëlsirë fantastike që të rrëmben shijen që në momentin e parë sapo e provon.

Hurmashicat janë biskota të përgatitura në shtëpi e të zhytura në sherbet. Receta e tyre është specialitet kryesisht i Shqipërisë së Veriut dhe në veçanti i Kosovës.

Kanë një shije fantastike, të shkrifëta dhe të buta, hurmashicat janë ideale për të ëmbëlsuar veten dhe më të dashurit tuaj.

AgroWeb.org sjell më poshtë recetën fantastike të përgatitjes së hurmashicave krej lehtë në shtëpi.
Përgatitja e Biskotave me Sherbet në Shtëpi
Përbërësit
400 gr miell

2 vezë

2 filxhanë vaj ulliri ose misri

1 filxhan qumësht ose kos

2 gota sheqer

1 pako me pluhur pjekje (e gjeni në supermarket)
Për sherbetin
700 gr sheqer

1 litër ujë

Një kokërr limoni
Përgatitja e Sherbetit
Si fillim, AgroWeb.org ju udhëzon të përgatisni sherbetin.

Hidhni në një tenxhere sheqerin dhe ujin dhe vendoseni në zjarr që të ziejë. Kur të ketë nisur vlimin shtoni në të limonin e grirë në thela shumë të vogla ose fetëza të imëta.

Pasi masa të marrë formën e shurupin hiqeni nga zjarri dhe lëreni që të ftohet.
Përgatitja e Biskotave
Në një tas të thellë rrihni si fillim vezët dhe sheqerin, më pas shtoni vajin e ullirit ose të misrit dhe vijoni të rrihni masën derisa të bëhet e njëtrajtshme dhe kremoze.

Shtoni në të qumështin dhe në fund miellin dhe pluhurin e pjekjes.

Brumi punohet derisa të bëhet homogjen dhe të mos ngjitet në duar.

Më pas, AgroWeb.org ju udhëzon që brumin ta ndani në toptha shumë të vegjël, jo më të mëdhenj se një kokërr are.

Topthave u jepet forma e rrumbullakët apo ovale shtrihen me anë të një petësi u krijohen disa vrima në sipërfaqe më anë të një piruni dhe vendosen në tepsi të lyer me pak vaj.

Futen në furrë të parangrohur me 200 gradë dhe lihen të piqen derisa sipërfaqja e tyre të bëhet e kuqërremtë.

Ndërkohë, në momentin që fiksni sobën, biskotave ashtu siç janë të nxehta hidhuni gjysmën e sherbetit dhe 15 minuta më vonë hidhuni pjesën tjetër të sherbetit.

Hurmashicat shërbehen të ftoha dhe shoqërohen në mënyrë fantastike me arra ose bajame të thërrmuara sipër por edhe me akullore gjithashtu./AgroWeb.org

Hurmashica , e ëmbël, e shijshme plot sherbet Read More »

WP2Social Auto Publish Powered By : XYZScripts.com