Kronike e zeze

Të paktën 8 punonjës të një fabrike këpucësh në Krujë kanë shfaqur shenja helmimi dhe janë paraqitur me urgjencë në spitalin e Fushe-Krujës ku kanë marrë ndihëm e parë mjekësore.

8 të helmuarit janë punonjës të një fabrike këpucësh në Bubq të cilët shfaqën vështirësi në frymëmarrje marrje mendsh dhe simptoma të tjera, shkruan balkanweb.

Ngjarja ka ndodhur rreth orës 08:00 të mëngjesit të sotëm, sapo punonjësit kishin shkuar në punë.

Punonjësit e fabrikës po marrin trajtim mjekësor, ndërsa sipas mjekëve shkak i helmimit dyshohen substancat tretëse ne fabrikë.

Një fuoristradë tip Volkswagen Tuareg ka përplasur tre makina gjatë një ndjekje nga policia në Tiranë.

Drejtuesi i mjetit nuk iu bind urdhrit të policisë për të ndaluar dhe shtoi shpejtësinë duke përplasur tre automjete të tjera.

Pas ndjekjes nga policia, uniformat blu u detyruan të qëllojnë me armë zjarri në ajër.

Policia mundi të ndalonte fuoristradën dhe shoqëroi në komisariat drejtuesin. Gjatë kontrollit në makinë, atij iu gjet një armë zjarri.

Emri i të ndaluarit nuk është bërë ende i ditur, por dyshohet se ka qenë i përfshirë në një ngjarje kriminale.

Një grua 42-vjeçare ka humbur jetën tragjikisht një ditë më parë në qytetin e Korçës.

Siç bëjnë me dije burime nga policia viktima është L.M., 42-vjeçe. Ajo është hedhur nga kati i pestë i banesës duke gjetur vdekjen. Ngjarja ka ndodhur në lagjen numër 18 të Korçës, ku dhe jetonte gruaja me familjen.

Polici dyshon se në momentin kur ka kryer aktin tragjik, ajo ka qenë në gjendje depresioni. 

Materialet i kaluan Prokurorisë së Rrethit Gjyqësor Korçë për veprën penale: “Shkaktimi i vetëvrasjes”.