Kronike e zeze

[sgmb id=”1″]

TIRANE– Në orët e para të mëngjesit të sotëm forcat speciale operacionale të Policisë së Tiranës kanë shoqëruar një të dyshuar për vrasjen e komisarit Artan Cuko, në hyrje të pallatit ku ai banonte.

Gazetarja Klodiana Lala thotë se zyrtarët e policisë janë treguar tejet të rezervuar për ngjarjen, ndërsa shton se ka patur tentativa për të mos dalë asnjë informacion në media, me pretendimin që përben shkak për dëmtimin e hetimeve.

24-vjeçari nga Kuçova është ndaluar në kryeqytet pranë “Pallatit me shigjeta”, teksa udhëtonte në makinë me një mikeshën e tij dhe një person që nuk rezulton të jetë i përfshirë në ngjarje. Ky person i dyshuar për krimin e rëndë dyshohet të ketë patur probleme të mëparshme me policinë. Ai kas qenë i arrestuar për trafik lëndësh narkotike dhe për të përplasje të tjera me policinë e shtetit.

Burimet thotë se ndalimi i këtij personi është bërë pas analizimit të AND-së, pasi autori i ngjarjes ka hequr bluzë që mbante veshur në momentin e ngjarjes, dhe e ka hedhur atë pak metra larg vendngjarjes.

[sgmb id=”1″]

Policia e Shtetit reagon zyrtarisht për 27-vjeçarin Armando Ndreu që iu arratis policisë në portin e Durrësit.

Policia sqaron se në tragetin “RIGEL II”, të linjës Bari – Durrës, në listën e personave të kthyer nga vendet Shengen figuronin 11 persona të rritur dhe 2 të mitur.

Me mbërritjen e tragetit është marrë praktika nga përgjegjësi i turnit të Policisë Kufitare me qëllim marrjen në dorëzim të personave INAD, por nga verifikimi fizik i personave  ka rezultuar se nga personat e kthyer INAD mungonte 27-vjeçari Ndreu, i cili kishte ekspuls në zonën Shengen.

Menjëherë përgjegjësi i turnit ka vënë në dijeni agjentin Agjencisë në lidhje me këtë fakt dhe i është kërkuar që të njoftoje kapitenin e tragetit për mungesën e shtetasit të mësipërm.

Nga ana e Policisë Kufitare u morën masa dhe u përforcua shërbimi, me qëllim kontrollin e imtësishëm të mjeteve dhe pasagjerëve, për të bërë të mundur kapjen e tij në hyrje. Deri tani nuk rezulton që personi në kërkim të ketë dalë nga trageti.

Nga verifikimet në sisitemin TIMS rezulton se Ndreu  më datë 08.06.2017 është shpallur person në kërkim pasi Prokuroria pranë Gjykatës së Apelit Shkodër ka caktuar masën e sigurisë  “Arrest me burg” për veprën penale “Kundërshtimi i punonjësit të policisë”, në bashkëpunim, parashikuar në nenin 236/2  të Kodit Penal.

Ai ka dalë nga Shqipëria më datë 18.08.2016 nga Pika Kufitare Muriqan, i regjistruar në sistemin TIMS. Nga verifikimi i listave të tragetit të linjës Durrës- Bari Ndreu rezulton i regjistruar në këtë listë dhe sipas verifikimit të bërë në sistemin e kontrollit të biletave,  i cili ndodhet brenda terminalit të pasagjerëve rezulton se ky shtetas ka çekuar në datë 08.06.2017 në ora 21:32, duke shmangur kontrollin e Policisë.

Gjithashtu nga verifikimi i listave të tragetit të linjës Bari – Durrës, të datës 09.06.2017, 27-vjeçari figuron i regjistruar në këtë listë si pasagjer.

Ju bëjmë me dije se për këtë shtetas në sistemin TIMS nuk ka regjistrim dalje nga territori i Republikës së Shqipërisë, konkretisht nga Durrësi më datë 08.06.2017.

Në lidhje me këtë ngjarje krahas veprimeve dhe verifikimeve të para të kryera nga Policia e Kufirit Durrës, është njoftuar menjëherë Shërbimi për Çështjet e Brendshme dhe Ankesat, ku nga ana e tyre ka nisur menjëherë hetimi penal.

[sgmb id=”1″]

Ata akuzohen se gjatë ditës së djeshme kanë ushtruar dhunë fizike ndaj vjehrrit të motrës së tyre, shtetasit me inicialet J.S., 62 vjeç, banues në Patos, duke i shkaktuar dëmtime në fytyrë dhe në trup.

Dyshohet se gjithçka ka ndodhur pas shqetësimeve të motrës së tyre, e cila ankohej për trajtimin që i bënte babai i të shoqit. Për t’i marrë hakun motrës, të dy vëllezërit e së resë i kanë shkuar në shtëpi 62-vjeçarit, ku pasi kanë debatuar me të, e kanë rrahur derisa i kanë shkaktuar dëmtime fizike.

Ata i kanë kërkuar që të mos merret më me motrën e tyre, pasi ai e kishte shqetësuar, fyer dhe keqtrajtuar disa herë në sy të njerëzve të tjerë, duke i sjellë dëme dhe ngarkesa psikologjike.

“Arrestimi i këtyre shtetasve u bë pasi në datën 08.06.2017, kanë ushtruar dhunë fizike ndaj vjehrrit të motrës së tyre, shtetasit J.S., 62 vjeç, banues në Patos, duke i shkaktuar dëmtime në fytyrë dhe trup.

Materialet i kaluan Prokurorisë pranë Gjykatës së Shkallës së Parë Fier për veprën penale ‘Dhunë në familje’ parashikuar nga Neni 130/a/1 e 25 i Kodit Penal”, thuhej në njoftimin e dhënë nga Policia e Fierit dje.

Burime nga policia bënë të ditur se gjatë marrjes në pyetje, djemtë kanë deklaruar se ishin detyruar ta rrihnin 62- vjeçarin, pasi motra e tyre ishte ngarkuar kaq shumë psikologjikisht, sa po binte në depresion për shkak se vjehrri ia nxinte jetën.

“U detyruam ta dhunonim se vjehrri po ia nxinte jetën motrës sonë. I kërkonte t’i shërbente në shtëpi sikur të kishte marrë shërbëtore të tij. Kjo na ka irrituar pasi po e shihnim motrën që po kalonte në depresion nga situata familjare. Ne i kishim thënë burrit të motrës që të merrte masa dhe të disiplinonte marrëdhëniet në familje, por ai s’ka reaguar. Duke parë këtë gjendje të krijuar, ne shkuam të flisnim vetë me vjehrrin e motrës, por ai nisi të këmbëngulte në të tijën, ndaj situata precipitoi në këtë formë”, janë shprehur në polici dy vëllezërit e arrestuar. Policia e dokumentoi ngjarjen për veprën penale “dhunë në familje

[sgmb id=”1″]

Prokuroria Themelore në Pejë të enjten pasdite, e ka dorëzuar në Gjykatën Themelore në po këtë qytet, aktakuzën e ngritur ndaj Naser Pajazitajt, si i dyshuari kryesorë për vrasjen e Donjeta Pajazitajt më 9 nëntor të 2015.

Prokurorja e rastit Valbona Disha-Haxhosaj tha për Klan Kosovën se për 18 muaj ka punuar intensivisht për të gjetur prova rreth vrasjes së vajzës, bile për ekzaminimin e disa provave kanë marrë mbështetje nga Ambasada amerikane për t’i dërguar ato në FBI.

Kështu prokurorja ka arritur të vërtetojë se Donjeta e cila u gjet më 17 dhjetor të viti 2015, gjashtë javë pasi u lajmërua si e zhdukur nuk ka qenë e përdhunuar e as nuk ka pasur dhunë në të.

Por që akoma nuk dihet motivi i vrasjes të cilin pritet ta mësojnë gjatë seancave gjyqësore nga deklaratat e 56 vjeçarit Naser Pajazitaj, si i dyshuari i vetëm në këtë rast.

Prindërit e Donjetës në fillim nuk dyshonin se vajza mund të u ishte vrarë nga kushëriri i tyre.

“Më herët nuk kemi besu por tash ja kemi lënë shtetit”, tha babai i saj.

Por pasi Naseri u arrestua nga policia e tash e 18 muaj është në paraburgim, prindërit e saj thonë se kanë nisur t’i analizojnë raportet e tyre me familjen e tij.

Nëna Lumnija tregon se si Naseri nuk kishte lejuar që Donjeta të fejohej me një djalë në Zvicër.

Ata kërkojnë të dijnë arsyen se pse u vra vajza e tyre të cilën ia kanë besuar prokurores së rastit.

I dyshuari Naser Pajazitaj sipas prokurores Valbona Disha-Haxhosaj ka vuajtur dënimin për një vrasje të rëndë në fund të viteve të 80’ta kur kishte vrarë një bashkë-fshatar.

[sgmb id=”1″]

Sipas burimeve dy vëllezër shqiptarë janë konfliktuar në Bergamo të Italisë.

Nga informacionet paraprake mësohet se sherri mes dy vëllezërve ka degjeneruar në përplasjen e tyre me thika. Nga kjo përplasje sipas mediave italiane ka marrë plagë të rënda vëllai i vogël, 22 -vjeçari Adelaj Dylia.

Fatmirësisht ai  ndodhet jashtë rrezikut për jetën.

22 vjeçari u plagos me thikë kuzhine në pjesën e barkut nga vëllai i tij 24 vjeç Albion Dylia

[sgmb id=”1″]

Vlorë

Rreth orës 03:20, në lagjen “Lirimi” ka ndodhur një shpërthim me pasoja të lehta.

Ngjarja ka ndodhur në katin e parë të një pallati (lokal) në pronësi të shtetasit R.M., 56 vjeç, ku për pasojë është dëmtuar vetëm xhami i dritares së këtij lokali.

Nga hetimet paraprake, dyshohet se shpërthimi mund të jetë kryer me lëndë shpërthyese “Dinamit”, pasi në vendngjarje është gjetur mbetje fitili.

Grupi hetimor po punon për sqarimin e rrethanave të ngjarjes dhe për zbulimin e autorëve.