Kronike e zeze

[sgmb id=”1″]

Një aksident me tre të plagosur rëndë ka ndodhur mbrëmjen e sotme në aksin Librazhd­ – Përrenjas, në vendin e quajtur Hotolisht.

Një mjet kamioçinë me targa “TR 380 8P” drejtuar nga A.D., 30 vjeç  banues në Tiranë, është përplasur me mjetin veturë me targa “AA 358 CK” drejtuar nga E.Zh., 30 vjeç banues në Prrenjas, njofton policia.

Si pasojë janë dëmtuar personat që ishin në makinë: E.ZH, K.P., 29 vjeç dhe R.A., 27 vjeç, të tre banues në Përrenjas. Të plagosurit janë dërguar për ndihmë mjekësore në spitalin e Librazhdit dhe ndodhen nën kujdesin e mjekëve.

Raportohet se ishin kalimtarët ata të cilët i kanë nxjerrë nga makina të rinjtë dhe u përpoqën t’i jepnin ndihmën e parë.

[sgmb id=”1″]

Një plagosje me armë zjarri ka ndodhur ditën e sotme në Vaun e Dejës në Shkodër. Burimet e “Panorama” thonë se i plagosur ka mbetur 23-vjeçari Fran Ndrecaj, nga fshati Manele.

Ai ka marrë një plumb në këmbë dhe është dërguar në Spital. Mësohet se është jashtë rrezikut për jetën.

Ende nuk dihen motivet dhe rrethanat e ngjarjes, por Policia ka nisur hetimet.

[sgmb id=”1″]

Në vijim të operacionit antidrogë “Weekends”, Policia e Vlorës ka arrestuar një nga bashkëpunëtorët  e Selman Hamitajt, të arrestuarit në fazën e parë të aksionit.

Ai quhet Dashamir Tola dhe ka rezultuar si pronari i vërtetë i furgonit, pasi nuk ia shitur blerësit me dokumentacion.

Po ashtu, policia ka shpallur në kërkim të ashtuquajturin blerës të mjetit.

Më datë 16 qershor 2017, – njoftoi Policia e Vlorës, – mbi bazën e operacionit antidrogë, ku u sekuestrua një furgon “Benz Mercedes” me 710 kilogramë lëndë narkotike në banesën e shtetasit Selman Hamitaj në fshatin Dukat të Vlorës –  policia ka arrestuar shtetasin Dashamir Tola (vëllain e Bardhyl Toles), si një nga bashkëpunëtorët në lidhje me këtë veprimtari kriminale.

Nga veprimet e kryera hetimore, ka rezultuar se Dashamir Tola ia ka kaluar furgonin në fjalë një personi tjetër,  A.T, pa përpiluar aktet e nevojshme konform ligjit, në lidhje me shitjen e automjetit. Kësisoj, Policia e ka shpallur në kërkim edhe A.T, 34 vjeç, banues në Tiranë, si një nga autorët e implikuar në këtë ngjarje.

[sgmb id=”1″]

[sgmb id=”1″]

Qyteti studenti ka parë tmerrin me sy mbrëmjen e sotme, ku një studente ka tentuar të vrasë veten.

Sipas raportuesve për JOQ.al, ngjarja ka ndodhur në Godinën 9-10 në “Qytetin Studenti” dhe arsyeja ende nuk dihet.

Një denoncuese shkruan në redaksinë tonë, se sa më shumë shtohen këto raste, aq më indiferentë tregohen punonjëset sociale dhe kujdestareve në konvikte.

Jam nje studente e cila jetoj ne konviktin 9-10 ,qyteti i studentit. Tani sapo pame tmerr me sy. Nje studente tentoi te vrase veten dhe kjo nuk eshte hera e pare qe ndodh ne kete godine. Cdo vit eshte e njejta situate dhe puna e pononjeses sociale dhe e kujdestareve te konviktit nuk shikohet fare. Tere kohen u pelqejne te pine kafe edhe te meren me fjale. Nuk ngjiten nje here ne katet e konviktit per tu perballur me problemet e vajzave. Edhe psikologia kur vjen rrin ulur ne zyren e kujdestares se perton te meret me punet qe u takon. Ju lutemi beni dicka. Shpresojme te na ndihmoni se jemi edhe sezon provimesh e nuk duam te na shtohen keto raste”, shkruan denoncuesja në redaksinë e JOQ.

[sgmb id=”1″]

Dy persona që prezantoheshin si miq të Emiljano Shullazit, në mënyrë që tu bënin presion një biznesmeni për ti marrë 10 mijë euro, janë dërguar në gjykatë si të pandehur.

Prokuroria e Krimeve të Rënda thotë se i pandehuri Altin Vasili në kërcënimet dhe shantazhet që i bënte me sms biznesmenit të xhamave Piro.B., prezantohej me mbiemrin e rremë Altin Shullazi.

Këtë skenar ai e kryente me qëllim për ti dhënë një sinjal biznesmenit të xhamave se ishte kushëri i Emiljano Shullazit dhe për pasojë Piro.B., duket të paguante shumën prej 10 mijë euro. Në rast të kundërt, biznesmeni dhe familja e tij do kishte probleme në vazhdim, probleme këto që do shkonin deri në ekzekutimin e anëtarëve të familjes.

Mirëpo të gjitha veprimet kriminale të pandehurit Altin Vasili dhe bashkëpunëtorit të tij Durim Dervishi, të dy nga fshati Bërxullë, janë përgjuar dhe survejuar nga policia dhe prokuroria, e cila në datën 17 mars 2017 urdhëroi arrestimin e dy personave të mësipërm.

Tashmë prej një jave dosja me nr 111 në ngarkim të tyre i ka kaluar për gjykim Gjykatës së Krimeve të Rënda. Akuza ndaj të pandehurve është ajo e “Shtrëngim me anë të kanosjes për dhënie pasurie”, në bashkëpunim, “Prodhim dhe mbajtje pa lejë të armëve luftarake dhe municionit”.