Kronike e zeze

[sgmb id=”1″]

Lidhur me incidentin në qendrën e votimit në Vorë, policia ka dhënë versionin e saj për ngjarjen.

Ngjarja ka ndodhur në fshatin Ahmetaq, Vorë rreth orës 13:20, ku ka patur një konflikt midis dy shtetasve, tha policia. Mësohet se një eksponent i LSI ka tentuar të vrasë duke e përplasur me makinë një eksponent të PS-së. 

Policia njofton: “Nga verifikimet e kryera ka rezultuar që shtetasi B. F., ka përplasur me automjet shtetasin Sh. K., i cili ndodhet në S.Q.U. jashtë rrezikut për jetën. Dyshohet që konflikti ka ardhur për motive politike. Po punohet për sqarimin e plotë të rrethanave të ngjarjes si dhe për kapjen e shtetasit B. F.”

[sgmb id=”1″]

Pas ngjarjes se ndodhur ne Korçe, kur polici Ameli Vila, vrau veten me armen e sherbimit jashte qendres se votimit, deputeteja e PD-se, Arbjola Halimi ngre dyshime rreth vetevrasjes.

[sgmb id=”1″]

Roland Xhepexhiu, eksponent i bandës së Cërrikut dhe i dënuar me burgim të përjetshëm për një ngjarje të rëndë kriminale në vitin ‘97 është një nga të burgosurit që nuk ka mundur të votojë në burgun e Peqinit.“
“Nuk do të votoj. Më thanë se për shkak të veprës penale për të cilën jam dënuar nuk do të votoj. Në burg kam votuar vetëm një herë, në vitin 2009. Pastaj u zhduk karta e identitetit. Këtu pastaj nuk ka asnjë lloj informimi”, ka thënë Xhepexhiu për gazetaren e Top Channel Anila Hoxha, që po ndjek votimin në burgun e Peqinit.

I pyetur se çfarë e motivon për të votuar, Xhepexhiu, i përfshirë në masakrën e Cërrikut ku humbën jetën 6 gardistë, është përgjigjur:

“Unë do të votoja për reformën në drejtësi”.

[sgmb id=”1″]

Bulqizë- Një vajzë 13-vjeçare ka mbetur e plagosur rëndë, ndërsa luante me makina në një kënd lojërash në Bulqizë.

Zyrtarisht mësohet se policia është njoftuar rreth orës 11:30 të ditës së sotme se në qytetin e Bulqizës, tek këndi i lojërave është dëmtuar aksidentalisht duke luajtur një vajzë.

Menjëherë kanë shkuar shërbimet e Policisë në vendin e ngjarjes ku kanë konstatuar se shtetasja M.B., 13 vjeçe, banuese në Bulqizë, duke luajtur në këndin e lojërave, konkretisht në pistën e makinave (me korrent), në lëvizje e sipër, aksidentalisht është aksidentuar nga makina që e drejtonte vetë ajo.

Shtetasja e dëmtuar pas ndihmës së parë të marrë në spitalin e Bulqizës, është transportuar me helikopter për ndihmë më të specializuar në Tiranë, ndodhet nën kujdesin e mjekëve. Grupi hetimor ndodhet në vendngjarje po heton për zbardhjen e shkaqeve të ngjarjes.

[sgmb id=”1″]

Hetimet për vrasjen e ish-­drejtuesit të Policisë, Artan Cuku, duket se kanë përcaktuar “rolet” e dy personave që janë shpallur në kërkim prej dy javësh.

Njëri prej tyre është një i afërm i Mikel Shallarit, nga Skrapari, i cili dyshohet se ka bashkëpunuar në krim me autorin e ngjarjes.

Ndërsa personi tjetër, nga Fieri, dyshohet se është porositësi i vrasjes së Cukut, që sipas Policisë njëkohësisht mund të ketë paguar Shallarin e kushëririn e tij. Dyshimet janë për një pagesë 20 apo 25 mijë euro, por kjo nuk është konfirmuar me prova apo dëshmi nga hetimi i deritanishëm. Të dy këta persona ende nuk janë gjetur, të paktën gjatë operacioneve të zhvilluara nga Policia brenda territorit të Shqipërisë.

Në fakt, që në momentin e identifikimit të tyre, Policia tha se ata e kishin kaluar kufirin e Shqipërisë. Megjithatë, kontrollet në Jug të vendit, por edhe më gjerë, vijuan për të përjashtuar çdo mundësi apo dyshim që ata mund të ndodheshin sërish këtu.

Në këto rrethana, edhe pse zyrtarisht nuk është bërë ende shpallja e tyre në kërkim ndërkombëtar, Policia e Shtetit u ka nisur një shkresë zyrave qendrore të Interpol, për ndalimin e tyre për llogari të hetimit që po kryhet në Shqipëri në lidhje me vrasjen. Nuk dihet saktësisht vendi se ku strehohen këta persona, për këtë arsye ata do të kërkohen në vendet e BE­së, por edhe në disa vende të rajonit.

HETIMI
Rreth dy javë më parë, menjëherë pas arrestimit të personit që ekzekutoi Artan Cukun, Policia shpalli në kërkim edhe dy persona të tjerë. Burime nga grupi hetimor thanë dje se është saktë­ suar se 24­ vjeçari Mikel Shallari është porositur nga persona të tjerë për kryerjen e krimit, edhe pse vetë i dyshuari vijon të refuzojë bashkëpunimin me drejtësinë. Me përdorimin e metodave speciale të hetimit dhe informacioneve të siguruara në rrugë operative, janë identifikuar paraprakisht dy persona, njëri si porositës e tjetri si bashkëpunëtor. Emrat e tyre nuk bëhen të ditur për shkak të sekretit hetimor, por mësohet se ata ndodhen jashtë Shqipërisë.

Burime të rezervuara për “panorama” thanë dje se ka dyshime të forta se njëri prej të kërkuarve është një person nga Fieri, i konsideruar me rrezikshmëri të lartë kriminale, të cilin vetë Artan Cuku e pati arrestuar në Vlorë në vitin 2012, kur drejtonte Policinë atje.

Por ky person, në rrethana ende të pasqaruara mirë, e ka rifituar lirinë, ndonëse akuzat e ngritura ndaj tij, nga rihapja e një dosjeje të vjetër ishin të rënda. Personi tjetër, që dyshohet të ketë ndihmuar Mikel Shallarin për kryerjen e vrasjes, është një i afërm i tij.

Megjithatë burimet thanë se, pavarësisht se hetimet janë përqendruar kryesisht në këtë drejtim, me emra konkretë personash të shpallur në kërkim, nuk përjashtohen as pistat e tjera të ngritura menjëherë pas vrasjes së Cukut.