Kronike e zeze

[sgmb id=”1″]

Sulmohet me lëndë plasëse biznesi i ish drejtorit të ALUIZNIt në Krujë (aktualisht me detyrë specialist), Mondi Voga.

Sipas Policisë, persona ende të paidentifikuar kanë shpërthyer lëndën plasëse në bar-restorantin në pronësi të 41-vjeçarit.

Ngjarja ka ndodhur mesnatën e së premtes në fshatin Krastë të rrethit Krujë, por fatmirësisht, si pasojë e shpërthimit, nuk raportohen të lënduar, përveçse dëme materiale në objektin ku ishte hedhur lënda plasëse e llojit tritol. “Mesnatën e së premtes, rreth orës 00:23,

Policia ka marrë njoftim se në Krastë, në pjesën hyrëse të lokalit barrestorant në pronësi të shtetasit M.V., 41 vjeç, banues në Fushë-Krujë, kanë vendosur dhe ka shpërthyer një sasi lënde plasëse. Nga shpërthimi janë shkaktuar vetëm dëme materiale. Menjëherë në vendngjarje janë nisur shërbimet policore”, thuhej në njoftimin e dhënë nga Policia.

Mësohet se në momentin e shpërthimit nuk ka pasur persona pranë objektit, ndërsa autorët kanë përfituar nga errësira për të kryer shpërthimin dhe më pas janë larguar në drejtim të paditur. Ekspertët antieksplozivë dolën në konkluzionin se lënda plasëse e përdorur për shpërthimin është e llojit tritol.

Sipas tyre, është përdorur një sasi e vogël tritoli, rreth 100 gramë, i cili ishte vendosur në pjesën hyrëse të lokalit barrestorant në pronësi të ishdrejtorit të ALUIZNI-t në Krujë.

Për pasojë janë shkaktuar dëme të konsiderueshme materiale, si vetrata e xhamit dhe një pjesë e ambientit në brendësi.

Për të zbardhur ngjarjen dhe identifikuar autorët, është ngritur një grup i posaçëm hetimor, i cili po heton në drejtime të ndryshme.

Burime të Policisë bënë të ditur se 41-vjeçari ka deklaruar përpara hetuesve se nuk ka dijeni se kush mund të jenë autorët dhe se nuk ka konflikte të hapura me persona të tjerë.

“Nuk mund t’ia vë gishtin asnjë personi për shpërthimin në pronën time. Nuk kam pasur probleme dhe konflikte me persona të tjera, as sot dhe as më herët.

Kërkoj nga policia të zbardhet ngjarja, të identifikohen dhe arrestohen autorët”, është shprehur Voga.

Edhe pse biznesmeni (punonjës në drejtorinë e ALUIZNI-t Krujë) shprehet se nuk ka konflikte, ekspertët mendojnë se shpërthimi ka të bëjë me detyrën e tij kur ishte drejtor i ALUIZNI-t apo edhe tani që mban pozicionin e specialistit pranë këtij institucioni.

Policia ka shoqëruar mbi 10 persona në ambientet e Komisariatit Krujë dhe në postën e Policisë në Fushë Krujë, si të dyshuar apo që mund të kenë dijeni mbi ngjarjen apo konfliktet e mundshme me pronarin e barrestorantit që iu vendos lëndë plasese.

[sgmb id=”1″]

Një aksident rrugor ka ndodhur rreth orës 11.10 në rrugën Shkodër-Velipojë, në vendin e quajtur Urae Gjolulit, ku janë plagosur tre persona.

[sgmb id=”1″]

Kryeprokurori Adriatik Llalla nga Shkodra ka folur edhe per plagosjen e nje aktivisti ne Shengjin.

“Kemi grumbulluar prova te mjaftueshme per ngjarjen e Lezhes. Sa i perket situates se pergjithshme pavaresisht ngjarjeve te fundit eshte e qete. E rendesishme eshte qe qytetaret te votojne te lire dhe te ushtrojne te drejten e tyre ashtu sic edhe organet ligjzbatuese te jene ne gatishmeri dhe te kene nje sjellje korrekte”, tha Llalla.

[sgmb id=”1″]

Një incident ka ndodhur në një qendër votimi në fshatin Ahmetaq në Vorë. Rrethanat e ngjarjes kanë mbetur ende të paqarta edhe pse në zonë kanë mbërritur forca të shumta policore.

Burimet në vendin e ngjarjes bëjnë me dije se dy nga vëzhguesit janë përplasur me thika midis tyre.  Një grup i posaçëm ka nisur hetimet për të zbardhur dinamikën e ngjarjes, si dhe janë shoqëruar dy persona.

Mësohet gjithashtu se sherri ka ndodhur jashtë ambienteve të qendrës së votimit, një shkollë 9-vjeçare.