Kronike e zeze

[sgmb id=”1″]

Një aksident i rëndë ka ndodhur në orët e para të mëngjesit të sotëm në Fier, ku dyshgohet se kanë humbur jetën dy persona.  Aksidenti i rëndë ka ndodhur në autostradën Fier-Lushnje.

Sipas Policisë së Fierit rreth orës 05:40, në autostradën Fier-Lushnje, ka dalë nga rruga duke goditur trafikndarësen dhe ka rënë në kanal mjeti tip “Renault”, me targë AA 468 PY.

Me gjithë vështirësitë e vendit dhe dëmtimit të rëndë të mjetit, shërbimet e policisë, ato të zjarrfikëses dhe urgjenca e spitalit kanë bërë të mundur nxjerrjen nga makina të të dy shtetasve të aksidentuar.

Paraprakisht dyshohet se  shofer ishte shtetasi F. N., 61 vjeç, banues në Tiranë, i cili u dërgua në Spitalin Rajonal Fier në gjendje të rëndë dhe në orën 07:25 ndërroi jetë.

Ndërsa pasagjer ishte 54-vjeçari me inicialet P. Z., 54 vjeç, banues në lagjen “Myslym Shyri”, Tiranë, i cili ka ndërruar jetë në vendngjarje.

Grupi hetimor po punon për zbardhjen e shkaqeve të kësaj ngjarje.

[sgmb id=”1″]

Pak ditë pasi i hodhën në erë lokalin, një biznesmeni në Vlorë i kanë vënë lëndë plasëse në derën e shtëpisë.

Ngjarja ka ndodhur mesnatën e së dielës, bën të ditur policia, dhe ka pasur vetëm dëme materiale nga shpërthimi. Shënjestër e sulmit me lëndë plasëse ishte Robert Mehmeti, 57 vjeç, shkruan “Panorama”.

Një prej kamerave të sigurisë që biznesmeni ka vendosur pranë banesës dhe lokalit ka kapur një person me kapele që vendos lëndën plasëse. Pavarësisht se janë sekuestruar pamjet e filmuara nga kamerat e sigurisë, deri tani policia nuk ka arritur ende të bëjë identifikimin e autorit të dyshuar.

Pak ditë më parë, në lokalin e Mehmetit u vendos tritol që shkaktoi gjithashtu vetëm dëme materiale. Lokali ndodhet në katin e parë të ndërtesës në pronësi të biznesmenit 57-vjeçar. Ndërsa këtë herë lënda plasëse u vendos në derën e banesës në katin e dytë.

Sipas Policisë, biznesmenit në fjalë rreth një vit më parë i është zhdukur pa lënë gjurmë i vëllai. Deri tani ende nuk dihet fati i tij. Kjo ngjarje është një nga pistat kryesore ku policia e Vlorës ka përqendruar hetimet, edhe pse zyrtarisht nuk ka ende një pistë për këtë ngjarje.

Sipas Policisë, në momentin e shpërthimit në banesë nuk ka pasur asnjë person. Madje, saktësohet se që pas shpërthimit në lokal biznesmeni bashkë me familjarët janë larguar.

“Më datë 02.07.2017, rreth orës 03:25, në banesën e shtetasit R.M., 57 vjeç, banues në Vlorë, persona të paidentifikuar ende i kanë vendosur lëndë eksplozive (plasëse) kësaj banese. Ngjarja ka ndodhur në lagjen ‘Lirimi’ pranë rrugës ‘Demokracia’, ku dyshohet se pranë derës së kësaj banese (kati II) është vendosur një sasi e vogël lëndë shpërthyese. Si pasojë e shpërthimit kemi vetëm dëmtime të pjesshme të derës së banesës”, bën të ditur zyrtarisht policia.

Nuk dihen ende shkaqet e këtyre sulmeve ndaj biznesmenit nga Vlora, Robert Mehmeti, por hetuesit po gërmojnë në të kaluarën e kësaj familjeje, për të zbuluar ndonjë konflikt të mundshëm që ata mund të kenë me persona të tjerë.

[sgmb id=”1″]

Një ngjarje e rëndë ka ndodhur pasditen  e sotme në lagjen “Partizani” të qytetit bregdetar të Vlorës, ku një grua i ka dhënë fund jetës së saj duke pirë lëndë helmuese.

Mësohet se 37-vjeçarja e ka konsumuar lëndën helmuese në banesë, ndërkohë që kanë qenë familjarët e saj që e kanë gjetur të pajetë.

Aktualisht po punohet për të zbardhur rrethanat e ngjarjes, ndërkohë që materialet për këtë rast i janë referuar Prokurorisë së Vlorës për vlerësim të mëtejshëm.

[sgmb id=”1″]

[sgmb id=”1″]

Kallëzimi i bashkëshortes dhe vajzës së mitur për “dhunë në familje” dhe “vepra të turpshme” mund të lërë 7 vjet pas hekurave një kryefamiljar në Tiranë.

I pandehuri Stefan P. ka marrë këtë dënim nga Gjykata e Tiranës, pasi është shpallur fajtor për të dy veprat penale në fjalë. Ai përfitoi uljen e një të tretës së dënimit për shkak të shqyrtimit të dosjes me procedurën e gjykimit të shkurtuar.  Sipas gjykatës, procedimi penal ndaj të pandehurit ka nisur në dhjetor të vitit 2016, pas një kallëzimi të bërë nga bashkëshortja. Ajo ka pohuar se nga martesa me të pandehurin ka një vajzë, në moshë të mitur.

Po ashtu ajo ka rrëfyer edhe episode ku ai i kë vënë duart në fyt, apo kryer veprime të tjera të dhunshme. Vetëm një javë përpara kallëzimit, e dëmtuara i ka treguar të ëmës në lidhje me abuzimin e të atit, por duke i kërkuar të mos e merrte vesh i ati pasi do ta vriste.

Vetë i pandehuri ka mbajtur qëndrim mohues në lidhje me akuzat. Gjatë gjykimit ai ka mohuar faktin dhe rrethanat e kallëzuara kundër tij, duke deklaruar se episodet e kallëzuara nuk i kujtohen.

Sipas tij, thëniet e së bijës dhe bashkëshortes nuk janë të vërteta, por të sajuara nga kjo e fundit, e nxitur nga të afërmit e saj, me qëllim për t’i marrë të pandehurit banesën.

[sgmb id=”1″]

Zbardhet deshmia e nuses që donte të vriste vjehrrën e saj, pasi i hodhi helm në një gotë me kos. Nusja 19-vjeçare e martuar prej pak kohësh, ka treguar se kishin konflikte se se pas atyre ajo nuk po duronte dot më.

Gazetari i “Panorama”, Leonidha Musaj, raporton se Elda Tanushi kishte vetëm 4 muaj që ishte martuar dhe kishte hyrë nuse në banesën ku ndodhi ngjarja.

Ajo jetonte vetëm me prindërit e burrit, pasi i shoqi i saj ishte emigrant në Greqi. Pasi kishin zyrtarizuar martesën dhe e kishte marrë në shtëpi, ai ishte sërish në emigrim duke ia besuar nusen prindërve të tij.

Por duket se marrëdhënie nuse-vjehrrë nuk ka qenë fare e mirë. Mësohet se ato kishin konflikte nga më të ndryshmet dhe së fundi mosmarrëveshjet kishin arritur kulmin.

Policia ka marrë në pyetje nusen per te zbardhur rrethanat dhe shkakun e veprimit ekstrem. BW raporton se gjate deshmise ne polici, nusja mesohet te kete thene: “Ngrinte dorë mbi mua e më rrihte, prandaj nuk durova dot”.

“Elda Tanushi 19 vjeçe, banuese në Likesh, Shijak. Më datë 01.07.2017, ka bërë kallzim shtetësia A. S. 42 vjeçe, banuese në Likesh, Shijak, pasi më datë 30.06.2017, në banesën e saj, në Likesh, Shijak, nusja e djalit ka tentuar ta vrasë (helmojë) duke i hedhur në një gotë me kos një sasi helmi që përdoret për insektet (Akravil)”- njoftoi me heret policia e Durresit.